“Nobembwa 6–12. Ebera 7–13: ‘Mataniwiia Ibonga ae Rietata Ibukini Bwaai Aika Raraoi Aika a Nangi Roko,’” Nakomai, Iriirai—Ibukiia Aomata n Tatabemaniia ao Utu: Nu Tetemanti 2023 (2022)
“Nobembwa 6–12. Ebera 7–13,” Nakomai, Iriirai—Ibukiia Aomata n Tatabemaniia ao Utu: Nu Tetemanti 2023
Merekitereka e Kakabwaia Aberaam, iroun Walter Rane. Ana bwaintangira te tia korobanna
Nobembwa 6–12
Ebera 7–13
“Mataniwiia Ibonga Ibukini Bwaai Aika Raraoi Aika a Nangi Roko”
Ngkana ko wareka Ebera 7–13, ko kona ni karekea te namakin rinanon te Tamnei ae Raoiroi. Iangoi kawai are ko kona ni korei, ibukin te katoto, ko kona ni korei inanon te kamataata aei, inanon rainin am koroboki aika tabu, ke inanon am boki ae uarereke ke tieno.
Korei Am Namakin
Riki aika Itiaki inanon taai ni karawawataaki “taetae buakaaki ma rawawata” are e kona n karekea te nanouoa iroun temanna n te bwai teuana are e kakoaua bwa e bon eti (taraa Ebera 10:32–38). Bauro e ata rairakia Iutaia ni Kiritian a bon rinanon kangaangan te bainikirinaki ibukin aia onimaki ae boou. Ni kaungaiia bwa a na tiku iaon aia koaua, e kauringiia man abwabwakin aia kakaonimaki n onimaki man rongorongoia: Abera, Enoka, Noa, Aberaam, Tara, Iotebwa, Mote—“taan kaotioti aika a uanao aika otabwaniniira n ai aron te nang” bwa ana berita te Atua a bon koaua ao a tau n tataningaaki (taraa Ebera 11; 12:1). Touan mwiin te katei bon am bwai naba. Bon te bwaibwai n te onimaki ae tibwauaaki irouia koraki ni kabane ake a taraa “Iesu [bwa] te tia karika ara onimaki, ao te tia kakoroa” (Ebera 12:2). Ibukin Teuarei, ngkana te buakaka e karaoira bwa ti na tangira te “kerikaaki” ti kona ni “kaaniia te Atua ma nanora ni koaua n ataakinraoi te onimaki” (Ebera 10:22, 38). Ibukira, n ai aroia aika Itiaki ake ngkoa, Iesu Kristo bon ara “mataniwi ni ibonga ibukin bai aika a raraoi aika a nang roko” (Ebera 9:11).
Iango ibukin te Kamatebwai i bon Iroum ni Koroboki aika Tabu
Te Nakoanibonga ae Merekitereka e kairai nakon Iesu Kristo.
Inanon tienture, kaain Iutaia a tia ni kamwakura te Nakoanibonga ae Rewi, ae e ataaki naba bwa te Nakoanibonga ae te Aaron. Ma ni bwaninin ana euangkerio Iesu Kristo e roko kaokakin korakoran te Nakoanibonga ae te Merekitereka, are anga riki korakoran kakabwaia. Tera ae ko reiakinna iaon te Nakoanibonga ae te Merekitereka man Ebera 7? Kawakinna n am iango oin te kantaninga man te reta aei—ti te arona ni kabane koroboki aika tabu—bon katean te onimaki iroun Iesu Kristo, ko riai n taraa rainin taeka are a kakoaua Ibukina.
Aikai tabeua katooto man taian koaua are ko riai ni kunei:
-
Ana Rairairi Iotebwa Timiti , Ebera 7:3, 21: Koraki ake a katabuaki nakon te Nakoanibonga ae te Merekitereka “a karaoaki n ai aroia Natin te Atua” ao bon “[ibonga] n aki toki.”
-
Ebera 7:11: Te Nakoanibonga ae Rewi e aki anga “kororaoina” ao ngaia are oneaki mwina n te Merekitereka (taraa Reirei ao Berita aika Tabu 84:18–22).
-
Ebera 7:20–21: Te Nakoanibonga ae te Merekitereka e karekeaki rinanon “te tuea ao berita aika tabu” (taraa Reirei ao Berita aika Tabu 84:33–44).
Tera taian kakabwaia ae ko a tia ni karekea man te Nakoanibonga ae te Merekitereka ao “taian otenanti ake iai”? (Reirei ao Berita aika Tabu 84:20). E kanga te Nakoanibonga ae te Merekitereka ni buokiko n roko nakon Kristo?
Taraa naba Aramwa 13:1–13; Reirei ao Berita aika Tabu 121:36–46; Atuun Rongorongon te Euangkerio, “Nakoanibonga ae te Merekitereka,” topics.ChurchofJesusChrist.org; Kairi nakon Koroboki aika Tabu, “Merekitereka,” scriptures.ChurchofJesusChrist.org; Russell M. Nelson, “Spiritual Treasures,” Riaona, Nob. 2019, 76–79; Dallin H. Oaks, “The Melchizedek Priesthood and the Keys,” Riaona, Meei 2020, 69–72.
Otenanti ake ngkoa ao aika ngkai a katuruturu nakon Iesu Kristo.
Iutaia taan moan wareware man te reta aei a rang kinaaki ma te tabaenako ngkoa ao taian otenanti are kabwarabwara Bauro. Ma tabeman aki bwanin kinaakina are oin te kantaninga man otenanti aikai bon te katuruturu nakon ana mwakuri ni kamaiu Iesu Kristo.
Inanon taai ni karaon te baibara, te motirawa n te ririki e aranaki bwa Bongin Kabaraan Bure, te ibonga ae rietaata e rin n tabo ae tabu (ke te Tabo ae moan te Tabu) inanon te tembora i Ierutarem ao n angakarea te kooti ke te tiibu te teei ibukin aia bure Iteraera.
Ngkana ko wareka ana kabwarabwara Bauro n otenanti aikai, tarai kanikina ibukin angareirei are e na buokiko ni katamaroa otam n ana mition ni kamaiu te Tia Kamaiu.
Otenanti ake ti karaoi ni boong aikai a kaokoro man ana tai Bauro, ma oin te kantaninga ibukiia bon ti tebo. A kanga otenanati ni boong aika e kakoaua Iesu Kristo?
N reiakina riki taekan bukamaru irouia Iutaia ngkoa ao aia kanikina, taraa te witeo “The Tabernacle” ao “Sacrifice and Sacrament” (ChurchofJesusChrist.org).
Te onimaki e kainnanoa kakoauaan ana berita te Atua.
Ngkana iai ae titirakiniko bwa ko na kamataata te onimaki, tera ae ko na taekinna? Titita Anne C. Pingree e anaaki nanona iaon taetae man Ebera 11 n anga nanon te taeka ae te onimaki: “Te atatai n tamnei e na kairoro nakon te onimaki man te berita are e bon nooraki ‘mai kiraroa’ ma e kona ni kareaki inanon te maiu aei” (“Seeing the Promises Afar Off,” Liahona, Nov. 2003, 14).
Iangoa karikirakean oin am kamataata man te onimaki ngkai ko iangoi iango inanon Ebera 11. Tera aia katooto aomata ake a taekinaki inanon te mwakoro aei n reireiniko taekan te onimaki? (Taraa naba Ita 12:6–22.)
Tera te berita ae ko nooria “mai kiraroa”? Ti na kanga ni kaotia nakon te Uea bwa ko “kairoroiia, ao n[tia] ni mwaneiia”? (Ebera 11:13).
Taraa naba Aramwa 32:21, 26–43; Jeffrey R. Holland, “An High Priest of Good Things to Come,” Ensign, Nov. 1999, 36–38; Atuun Rongorongo n te Euangkerio, “Te Onimaki Iroun Iesu Kristo,” topics.ChurchofJesusChrist.org.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Ebera 10:32–36.Ko na bae ni kaoiia kaain te utu n tibwauai taneiai n tamnei ngkana a namakinna “bwa a rang oota” n te koaua. E na kanga taneiai aikai ni buokiira “n aki kaki [ara] aki maku” inanon taai ni kataaki ke nanououa?
-
Ebera 11.Ko na kanga ni buokiia kaain am utu n reiakiniia man katooto irouia ake a kakaonimaki n taekinaki inanon Ebera 11? E na bon kaunga ni karaoa te kaotioti man taian karaki man tabeua katooto aikai. Ko kona ni manga kaoki karaki tabeua inanon Karaki Man te O Tetemanti. Ke tao am utu a kona ni marooroakin katooto mairouia aomata ake a kakaonimaki ake ko ataia—ikotaki ma bakatibu, taan kairiiri n te Ekaretia, ao kaain am komunite. Ko kona naba n anenea te anene n taekan te onimaki, n aron “Faith” (Aia Boki n Anene Ataei, 96).
-
Ebera 12:2.Ni kaineti ma te kibu aei, bukin tera Iesu e kukurei n teimatoa ni maraki ao n rawawata iaon te kaibangaki? Tera ae e reireiniira n taekana bwa ti na kanga ni kona n teimatoa n ninikoria ni kataakira? Beretitenti Russell M. Nelson e anga tabeua noonori aika ibuobuoki iaon te kibu aei n ana rongorongo “Joy and Spiritual Survival” (Riaona, Nob. 2016, 81–84).
-
Ebera 12:5–11.Bukin tera te Uea e katuaeiira ao kaetiira? Tera ae ti nooria inanon kiibu aikai n taekan te kawai are te Uea e noora katuaeakira? E kanga kiiibu aika n roota te kawai are ti anga ke karekea te katuaeaki?
Ibukin iango aika a mwaiti ibukin te angareirei bukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Anene aika rineaki: “Faith,” Aia Boki n Anene Ataei, 96.
Kanakoraoan Ara Anga reirei
Kabonganai katangitang ni kaoa te Tamnei ao n reiakin reirei iaon te reirei. Te Moan Beretitentii e taku, “Katangitang akea tian mwaakanani kamwainga [kira] nakon maiura n tamnei ae korakora riki” (“First Presidency Preface,” Anene n Taromauri, x). Tao te anene n taekan te onimaki, n aron “True to the Faith” (Anene n Taromauri, no. 254), e na karaka te marooro n te utu man Ebera 11.
Kanikina ao taian otenanti man te tembora ngkoa a reirei taekan taben Iesu Kristo.