“EyoMnga 11–17. IsiTyhilelo 6–14: ‘Boyisile … ngenxa yeGazi leMvana,’” Uze, Undilandele—Eyabantu Ngabanye kunye Neentsapho: ITestamente eNtsha 2023 (2022)

“EyoMnga 11–17. IsiTyhilelo 6–14,” Uze, Undilandele—Eyabantu Ngabanye kunye Neentsapho: 2023

Umfanekiso

UYesu eme phakathi kweenkwenkwezi

Ubugcisa budityaniswe nguEric Johnson: The Grand Council [IBhunga eliKhulu], nguRobert T. Barrett; ingqumba yeenkwenkwezi siyiziselwa ngabakwa-European Space Agency

EyoMnga 11–17

IsiTyhilelo 6–14

“Boyisile … ngenxa yeGazi leMvana”

UMongameli uBoyd K. Packer wacebisa: “Ukuba ulwimi lwezibhalo ekuqaleni lubonakala lungaqhelekanga, qhubeka ufunde. Kungekudala uya kufikela ekuqondeni ubuhle namandla awafumaneka kuloo maphepha” (“The Key to Spiritual Protection,” Liyahona, Nkanga 2013, 27).

Bhala Iimvakalelo Zakho

Yiba nomfanekiso-ngqondweni “womfazi enenimba, ethuthunjelwa ekuzaleni.” Ngoku yiba nomfanekiso-ngqondweni “wenamba enkulu ebomvu, ineentloko ezisixhenxe neempondo ezilishumi” etshitshiliza phezu komfazi, ilungele “ukudla imgqibe umntwana wakhe, xa athe wazalwa” (IsiTyhilelo 12:2–4). Ukuqonda le miqolo yesityhilelo sikaYohane, khumbula ukuba le mifanekiso imele iBandla nobukumkani bukaThixo nengozi obabuya kuqubisana nayo. KubaNgcwele ababeve intshutshiso engqongqo ngeentsuku zikaYohane, uloyiso phezu kokungcola kwakusenokubonakala ngathi kwakungena kukwenzeka. Olu loyiso lungaba nzima ukuba lubonakale ngaphambili kusuku olufana nolu lwethu, xa utshaba “lusilwa nabangcwele” kwaye “lunegunya … kuzo zonke izizwe, neelwimi, neentlanga” (IsiTyhilelo 13:7). Kodwa isiphelo sesityhilelo sikaYohane ngobuqaqawuli sibonisa ukuba ukulunga kuya koyisa okubi. IBhabheli iya kuwa. Kwaye abaNgcwele baya “kuphuma embandezelweni enkulu” ngeengubo ezinde ezihlophe—hayi ngenxa yokuba iingubo zabo ezinde zazingazange zingcole kodwa abaNgcwele baya “kuzihlamba iingubo ezinde, bazenza mhlophe egazini leMvana” (IsiTyhilelo 7:14).

Umfanekiso

umfanekiso wokuzifundela wedwa

Iingcebiso Zokuzifundela Izibhalo Wedwa

IsiTyhilelo 6–11

UYohane wabona iziganeko ezininzi zembali yomhlaba, ingakumbi ezo zemihla yokugqibela.

Kwezi zahluko uya kufunda ngencwadi enamatywina asixhenxe. Ukuba uyazibuza oko kuthetha ukuthini, awuwedwanga. UMprofeti uJoseph Smith naye wenza njalo. INkosi yatyhilela uJoseph ukuba le cwadi namatywina ayo zazimele ibali “lobukho bethutyana” bomhlaba, netywina ngalinye limele iminyaka eliwaka (bona IMfundiso neMinqophiso 77:6–7). Usenokuba nomdla wokwazi ukuba iziganeko zamatywina amane wokuqala zishwankathelwe kumbono kaYohane kwimiqolo esibhozo kuphela (IsiTyhilelo 6:1–8). Imiqolo emithathu elandelayo ichaza itywina leshlanu (imiqolo 9–11). Iziganeko zamatywina amabini wokugqibela ngawo awagubungela incwadi yonke ye-IsiTyhilelo. Ngamanye amazwi—ingqwalasela engundoqo wombono kaYohane yimihla yokugqibela—imihla yethu. Njengoko ufunda, cinga nzulu ngokuba kutheni kuxabisekile ukwazi ukuba uYohane wayebhala ngemihla yokugqibela.

Njengoko ufunda ngezi ziganeko uYohane awaprofeta ngazo, cinga ngeezi ngcebiso nangale mibuzo ilandelayo:

Funda IsiTyhilelo 7 kunye nomsebenzi wokuhlanganisela uSirayeli engqondweni yakho. Ziingcinga zini onazo malunga nalo msebenzi? (bona kananjalo IMfundiso neMinqophiso 77:8–11). Yintoni oyifunda kwimiqolo 13–17 malunga noYesu Krestu kunye nabo beza kuYe?
Yintoni izahluko 8; 9; no-11 ezikufundisa yona malunga neziganeko zemihla yokugqibela? (bona kananjalo IMfundiso neMinqophiso 77:12–13, 15). Singazilungiselela njani ngokwasemoyeni ezi ziganeko?
IsiTyhilelo 10 sibalisa ngencwadi ingelosi eyinika uYohane kwaye imyalele ukuba ayitye. Ingaba usenokuba yintoni umqondiso woku? (bona IMfundiso neMinqophiso 77:14).

IsiTyhilelo 12–13

IMfazwe emaZulwini iyaqhubekeka emhlabeni.

Asazi lukhulu ngeMfazwe emaZulwini, kodwa kukhona inkcazelo emfutshane ecacileyo yayo ku-IsiTyhilelo 12:7–11. Njengoko ufunda le miqolo, yiba nomfanekiso-ngqondweni uyinxalenye yaloo mbambano yakubomi bangaphambili. Yintoni oyifunda malunga nokuba uSathana woyiswa kanjani? (bona umqolo 11).

Imfazwe eyaqala ezulwini iyaqhubekeka emhlabeni, njengoko uSathana ezingisa “ukulwa [nabo] abanobungqina bukaYesu Krestu” (IsiTyhilelo 12:17). Yintoni oyifunda ku-IsiTyhilelo 13 malunga nokuba uyiqhuba kanjani loo mfazwe namhlanje? Ingaba “igazi leMvana” “nelizwi lobungqina [benu]” (IsiTyhilelo 12:11) ziqhubeka zikunceda kanjani kule mfazwe?

Bona kananjalo 1 Nifayi 14:12–14; Moronayi 7:12–13; Moses 4:1–4; IMfundiso neMinqophiso 29:36–37.

IsiTyhilelo 14:6–7

“Ndabona esinye isithunywa sezulu … sineendaba ezilungileyo ezingunaphakade.”

Enye inzaliseko yesiprofeto esikule miqolo yenzeka xa uMoronayi wayevela kuJoseph Smith waze wamkhokelela kumaxwebhu awaye wawaguqulela waze wawapapasha njengeNcwadi kaMormoni. Le ncwadi iqulethe “iindaba ezilungileyo ezingunaphakade” esiyalelwe ukuba sizishumayele “kwiintlanga zonke, nezizwe, neelwimi, nabantu” (IsiTyhilelo 14:6).

Ukufunda ngezinye iingelosi ezathi zathatha inxaxheba ekubuyisweni kwevangeli yanaphakade, bona IMfundiso neMinqophiso 13; 27:5–13; 110:11–16; 128:20–21.

Bona kananjalo “UkuBuyiselwa kokuZaliseka kweVangeli kaYesu Krestu: ISibhengezo seMinyaka engaMakhulu Amabini kwiHlabathi,” ChurchofJesusChrist.org

Umfanekiso

umfanekiso wofundo losapho

Iingcebiso Zofundo Lwezibhalo Ezingcwele Zosapho noMhlangano Wangorhatya Wosapho

IsiTyhilelo 7:9, 13–15.Yintoni le miqolo enokusifundisa yona malunga nokuba kutheni sinxiba ezimhlophe kwimimiselo yobhaptizo neyasetempileni?

IsiTyhilelo 7:14–17.Cinga ngokumema amalungu osapho ukuba abelane ngeemvakalelo zawo ngezithembiso zeNkosi ezikule miqolo. Ingaba izithembiso zaYo zingasinceda kanjani xa “sisembandezelweni enkulu”? (umqolo 14).

IsiTyhilelo 12:7–11; 14:6.Amanye amalungu osapho angakonwabela ukuzoba imifanekiso yemibono echazwa ku-IsiTyhilelo. Umzekelo, ukuzoba imifanekiso ngokubhekisele ku-IsiTyhilelo 12 kungakhokelela kwiingxoxo ezimalunga neMfazwe emaZulwini (bona imiqolo 7–11). Imifanekiso esekelwe kwi-IsiTyhilelo 14:6 ingakhokelela kwiingxoxo ezimalunga noKubuyiswa kwevangeli.

Emva kokufunda IsiTyhilelo 14:6 kunye, cinga ngokubonisa ngemifanekiso yengelosi uMoronayi neyezinye iingelosi ezanceda ekubuyiseni ivangeli kumhla wethu (bona imifanekiso esekupheleni kwesi sishwankathelo). Mhlawumbi amalungu osapho angatshintshisana abambe imifanekiso kwaye abelane ngezizathu zokokuba enombulelo wokuba iingelosi zeza “zineendaba ezilungileyo ezingunaphakade, ukuba zizishumayele [kuthi].”

IsiTyhilelo 12:11.Ingaba ibinzana “ilizwi lobungqina babo” lisenokuthetha ukuthini? Ubungqina bethu bukaYesu Krestu businceda kanjani nabanye ukuba soyise uSathana?

IsiTyhilelo 13:11–14.Zeziphi iingcinga amalungu osapho lwakho awanayo malunga nerhamncwa elilahlekisayo? Sizibona kwaye siziphephe kanjani iinkohliso esizibona ehlabathini namhlanje?

Ngeengcebiso ezithe vetshe malunga nokufundisa abantwana, bona isishwankathelo sale veki kwi-Come, Follow Me—For Primary.

Ukuphucula Ukuzifundela Izibhalo Wedwa

Zintywilisele kwizibhalo ezingcwele. UMongameli Russell M. Nelson ufundise, “Ukuntywila imihla ngemihla elizwini likaThixo kubalulekile ekuphileni ngokwasemoyeni, ngakumbi kwezii ntsuku zokudodobala okwandayo” (“Mveni Yena,” Liyahona, Canzibe 2020, 89). Ingaba lithetha ukuthini ibinzana “ukuntywila elizwini likaThixo” kuwe?