“ວັນທີ 25–31 ເດືອນທັນວາ. ພຣະນິມິດ 15–22: ‘ຜູ້ທີ່ໄດ້ໄຊຊະນະ ຜູ້ນັ້ນຈະໄດ້ຮັບຂອງເຫລົ່ານີ້ ເປັນມໍລະດົກ,’” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: ພຣະຄຳພີໃໝ່ 2023 (2022)
“ວັນທີ 25–31 ເດືອນທັນວາ. ພຣະນິມິດ 15–22,” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: 2023
The City Eternal [ເມືອງນິລັນດອນ], ໂດຍ ຄີທ໌ ລາສັນ
ວັນທີ 25–31 ເດືອນທັນວາ
ພຣະນິມິດ 15–22
“ຜູ້ທີ່ໄດ້ໄຊຊະນະ ຜູ້ນັ້ນຈະໄດ້ຮັບຂອງເຫລົ່ານີ້ ເປັນມໍລະດົກ”
ບາງເທື່ອສິ່ງກີດກັນທີ່ໃຫຍ່ທີ່ສຸດຕໍ່ການຮຽນຮູ້ ແມ່ນການສັນນິຖານວ່າ ເຮົາບໍ່ຕ້ອງການຮຽນຮູ້—ວ່າເຮົາຮູ້ແລ້ວ. ຂະນະທີ່ທ່ານອ່ານພຣະຄຳພີ, ໃຫ້ເປີດໃຈຕໍ່ຄວາມຮູ້ໃໝ່ທີ່ພຣະຜູ້ເປັນເຈົ້າປະສົງທີ່ຈະມອບໃຫ້ທ່ານ.
ບັນທຶກຄວາມປະທັບໃຈຂອງທ່ານ
ດັ່ງທີ່ທ່ານອາດຈື່ໄດ້, ພຣະທຳ ພຣະນິມິດ ເລີ່ມຕົ້ນດ້ວຍພຣະຜູ້ຊ່ວຍໃຫ້ລອດປະກາດພຣະອົງເອງວ່າ “ເປັນເບື້ອງຕົ້ນ ແລະ ເປັນເບື້ອງປາຍ]” (ພຣະນິມິດ 1:8). ຢ່າງເໝາະສົມ, ມັນໄດ້ຈົບດ້ວຍຄຳທີ່ຄືກັນວ່າ: “ເຮົາເປັນ … ເບື້ອງຕົ້ນ ແລະ ເປັນເບື້ອງປາຍ]” (ພຣະນິມິດ 22:13). ແຕ່ນັ້ນໝາຍຄວາມວ່າແນວໃດ? ເປັນເບື້ອງຕົ້ນ ແລະ ເປັນເບື້ອງປາຍຂອງສິ່ງໃດ? ພຣະທຳ ພຣະນິມິດ ໄດ້ເປັນພະຍານຢ່າງມີພະລັງວ່າ ພຣະເຢຊູຄຣິດເປັນເບື້ອງຕົ້ນ ແລະ ເປັນເບື້ອງປາຍຂອງ ທຸກສິ່ງ—ຂອງລະຄອນຊີວິດທີ່ຍິ່ງໃຫຍ່ ແລະ ກວ້າງໄກຂອງຄວາມເປັນຢູ່ ແລະ ຄວາມລອດຂອງມວນມະນຸດ. ພຣະອົງຄື “ພຣະເມສານ້ອຍທີ່ຊົງຖືກຂ້າ [ນັບຕັ້ງແຕ່ການວາງຮາກຖານຂອງໂລກ]” (ພຣະນິມິດ 13:8). ແລະ ພຣະອົງເປັນມະຫາກະສັດເໜືອກະສັດທັງຫລາຍ ຜູ້ຢຸດຄວາມຊົ່ວຮ້າຍ, ຄວາມໂສກເສົ້າ, ແລະ ແມ່ນແຕ່ຄວາມຕາຍເອງ ແລະ ນຳ “ຟ້າສະຫວັນໃໝ່ ແລະ ແຜ່ນດິນໂລກໃໝ່” ມາ (ພຣະນິມິດ 21:1).
ແຕ່ກ່ອນຈະມີຟ້າສະຫວັນ ແລະ ແຜ່ນດິນໂລກໃໝ່, ມີຫລາຍສິ່ງທີ່ເຮົາຕ້ອງເອົາຊະນະ: ໄພພິບັດ, ສົງຄາມ, ຄວາມຊົ່ວຮ້າຍທີ່ແຜ່ລາມ—ຊຶ່ງທັງໝົດ ພຣະນິມິດ ໄດ້ບັນຍາຍໄວ້ຢ່າງແຈ້ງຊັດ. ແຕ່ພຣະເຢຊູຄຣິດຈະສະຖິດຢູ່ກັບເຮົາ ລະຫວ່າງພາກສ່ວນນີ້ຄືກັນ. ພຣະອົງເປັນ “ດາວເພັກດວງໃສຮຸ່ງເຮືອງ” ທີ່ສ່ອງແສງໃນຄວາມມືດ ດັ່ງສັນຍາໄວ້ວ່າຄວາມມືດໃກ້ເຂົ້າມາແລ້ວ (ພຣະນິມິດ 22:16). ແລະ ມັນ ກໍ ຈະມາເຖິງໃນໄວໆນີ້. ພຣະອົງ ກຳລັງສະເດັດມາ. ແມ່ນແຕ່ຂະນະທີ່ພຣະອົງເຊື້ອເຊີນເຮົາວ່າ, “ຈົ່ງມາຫາເຮົາ” (ມັດທາຍ 11:28), ພຣະອົງກໍຈະສະເດັດມາຫາເຮົາເຊັ່ນກັນ. “ເຮົາຈະມາໃນໄວໆນີ້,” ພຣະອົງປະກາດ. ແລະ ດ້ວຍຄວາມຫວັງ ແລະ ສັດທາ ທີ່ໄດ້ຖືກຫລໍ່ຫລອມໃນເຕົາໄຟຂອງຍຸກສຸດທ້າຍທີ່ຍາກລຳບາກ, ເຮົາຕອບວ່າ, “ອົງພຣະເຢຊູຄຣິດເຈົ້າ ຊົງສະເດັດມາເທີ້ນ” (ພຣະນິມິດ 22:20).
ແນວຄິດສຳລັບການສຶກສາພຣະຄຳພີເປັນສ່ວນຕົວ
ພຣະຜູ້ເປັນເຈົ້າເຊື້ອເຊີນເຮົາໃຫ້ໜີຈາກບາບີໂລນ ແລະ ຮັບເອົາ “ນະຄອນສັກສິດ” ເປັນມໍລະດົກ.
ຫລັງຈາກໄດ້ເປັນພະຍານເຖິງຄວາມພິນາດ ແລະ ອັນຕະລາຍຂອງຍຸກສຸດທ້າຍ, ໂຢຮັນໄດ້ເຫັນວັນເວລາໃນອະນາຄົດ ທີ່ສາມາດສະຫລຸບໄດ້ໃນການປະກາດຂອງພຣະຜູ້ເປັນເຈົ້າວ່າ “ເບິ່ງແມ, ເຮົາໄດ້ສ້າງທຸກສິ່ງທັງປວງຂຶ້ນໃໝ່” (ພຣະນິມິດ 21:5). ວິທີໜຶ່ງທີ່ຈະເຂົ້າໃຈຄວາມໝາຍ ຄືການປຽບທຽບຄຳອະທິບາຍກ່ຽວກັບບາບີໂລນຂອງໂຢຮັນ, ສັນຍາລັກຂອງໂລກ ແລະ ຄວາມຊົ່ວຮ້າຍ (ເບິ່ງ ພຣະນິມິດ 16–18), ໃສ່ກັບຄຳອະທິບາຍກ່ຽວກັບເຢຣູຊາເລັມໃໝ່, ສັນຍາລັກຂອງລັດສະໝີພາບຊັ້ນສູງໃນທີ່ປະທັບຂອງພຣະເຈົ້າ (ເບິ່ງ ພຣະນິມິດ 21–22). ຕາຕະລາງຢູ່ຂ້າງລຸ່ມອາດຊ່ວຍທ່ານໄດ້:
|
ບາບີໂລນ |
ເຢຣູຊາເລັມໃໝ່ |
|---|---|
ບາບີໂລນ | ເຢຣູຊາເລັມໃໝ່ |
ບາບີໂລນ | ເຢຣູຊາເລັມໃໝ່ |
ບາບີໂລນ | ເຢຣູຊາເລັມໃໝ່ |
ບາບີໂລນ | ເຢຣູຊາເລັມໃໝ່ |
ບາບີໂລນ | ເຢຣູຊາເລັມໃໝ່ |
ທ່ານເຫັນສິ່ງອື່ນໃດແດ່ທີ່ແຕກຕ່າງ?
ທ່ານອາດໄຕ່ຕອງອີກວ່າ ການອອກມາ “ຈາກ” ບາບີໂລນ ມີຄວາມໝາຍແນວໃດສຳລັບທ່ານ (ພຣະນິມິດ 18:4). ທ່ານພົບເຫັນຫຍັງແດ່ໃນ ພຣະນິມິດ 21–22 ທີ່ດົນໃຈທ່ານໃຫ້ເຮັດເຊັ່ນນັ້ນ?
The Last Judgement [ການພິພາກສາຄັ້ງສຸດທ້າຍ], ໂດຍ ຈອນ ສະກາດ
ລູກໆທຸກຄົນຂອງພຣະເຈົ້າຈະຖືກພິພາກສາຈາກໜັງສືທະບຽນແຫ່ງຊີວິດ.
ສົມມຸດວ່າມີນັກຂຽນສະເໜີຂຽນປຶ້ມກ່ຽວກັບຊີວິດຂອງທ່ານ. ລາຍລະອຽດ ຫລື ປະສົບການຢ່າງໃດແດ່ທີ່ທ່ານຢາກລວມໄວ້ໃນນັ້ນ? ຖ້າຫາກທ່ານຮູ້ວ່າ ການກະທຳຂອງທ່ານໃນອະນາຄົດຈະຖືກບັນທຶກໄວ້ຄືກັນ, ທ່ານຈະໃຊ້ຊີວິດທີ່ແຕກຕ່າງແນວໃດ? ໃຫ້ຄິດກ່ຽວກັບສິ່ງນີ້ ຂະນະທີ່ທ່ານອ່ານ ພຣະນິມິດ 20:12–15. ທ່ານຫວັງວ່າສິ່ງໃດຈະຖືກຂຽນກ່ຽວກັບທ່ານ ຢູ່ໃນໜັງສືທະບຽນແຫ່ງຊີວິດ? ທ່ານຈະອະທິບາຍບົດບາດຂອງພຣະຜູ້ຊ່ວຍໃຫ້ລອດຢູ່ໃນໜັງສືທະບຽນແຫ່ງຊີວິດຂອງທ່ານແນວໃດ? ໃນຄວາມຄິດເຫັນຂອງທ່ານ, ເປັນຫຍັງຈຶ່ງສຳຄັນທີ່ມັນຖືກເອີ້ນວ່າ “ໜັງສືທະບຽນແຫ່ງຊີວິດຂອງພຣະເມສານ້ອຍ”? (ພຣະນິມິດ 21:27).
ຖ້າຫາກການຄິດທີ່ຈະໄດ້ຢືນຢູ່ຕໍ່ພຣະພັກຂອງພຣະເຈົ້າເຮັດໃຫ້ທ່ານຮູ້ສຶກບໍ່ສະບາຍໃຈ, ໃຫ້ຄິດທີ່ຈະອ່ານ ພຣະນິມິດ 21:1–4. ເມື່ອກ່າວເຖິງຂໍ້ເຫລົ່ານີ້, ແອວເດີ ດີເດີ ແອັຟ ອຸກດອບ ໄດ້ກ່າວວ່າ:
“ມື້ນັ້ນ ມື້ແຫ່ງການພິພາກສາ ຈະເປັນມື້ແຫ່ງຄວາມເມດຕາ ແລະ ຄວາມຮັກ—ເປັນມື້ ເມື່ອຫົວໃຈທີ່ຊອກຊ້ຳໄດ້ຮັບການປິ່ນປົວ, ເມື່ອນ້ຳຕາແຫ່ງຄວາມໂສກເສົ້າ ປ່ຽນເປັນນ້ຳຕາແຫ່ງຄວາມກະຕັນຍູ, ເມື່ອທຸກຄົນໄດ້ຮັບຄວາມຍຸດຕິທຳ. ແມ່ນແລ້ວ, ຈະຮູ້ສຶກເສຍໃຈຫລາຍ ເພາະບາບ. ແມ່ນແລ້ວ, ຈະມີຄວາມກິນແໜງ ແລະ ແມ່ນແຕ່ເຈັບປວດ ເພາະຄວາມຜິດຂອງເຮົາ, ຄວາມໂງ່ຈ້າຂອງເຮົາ, ແລະ ຄວາມແຂງກະດ້າງຂອງໃຈເຮົາ ທີ່ເຮັດໃຫ້ເຮົາພາດໂອກາດສຳລັບອະນາຄົດທີ່ຍິ່ງໃຫຍ່ກວ່າ.
“ແຕ່ຂ້າພະເຈົ້າມີຄວາມເຊື່ອໝັ້ນວ່າ ບໍ່ພຽງແຕ່ເຮົາຈະພໍໃຈກັບການພິພາກສາຂອງພຣະເຈົ້າເທົ່ານັ້ນ; ແຕ່ເຮົາຈະປະຫລາດໃຈ ແລະ ປາບປື້ມໃຈຫລາຍນຳອີກ ໂດຍພຣະຄຸນ, ຄວາມເມດຕາ, ຄວາມເພື່ອແຜ່, ແລະ ຄວາມຮັກອັນເປັນນິດຂອງພຣະອົງ ສຳລັບເຮົາຜູ້ເປັນລູກໆຂອງພຣະອົງ” (“O How Great the Plan of Our God!,” Liahona, Nov. 2016, 21).
ຄວາມຈິງເຫລົ່ານີ້ມີຜົນກະທົບຕໍ່ວິທີທີ່ທ່ານຄິດກ່ຽວກັບການພິພາກສາຄັ້ງສຸດທ້າຍແນວໃດ? ຄວາມຈິງເຫລົ່ານີ້ດົນໃຈທ່ານໃຫ້ປ່ຽນແປງສິ່ງໃດໃນຊີວິດຂອງທ່ານ?
ເບິ່ງ Bible Dictionary, “Book of life” ນຳອີກ.
ຂໍ້ເຫລົ່ານີ້ໝາຍຄວາມວ່າ ບໍ່ສາມາດມີພຣະຄຳພີເຫລັ້ມອື່ນໆນອກຈາກພຣະຄຣິສຕະທຳຄຳພີບໍ?
ບາງຄົນໄດ້ອ້າງເຖິງ ພຣະນິມິດ 22:18–19 ເພື່ອເປັນເຫດຜົນໃນການປະຕິເສດພຣະຄຳພີມໍມອນ ແລະ ພຣະຄຳພີຍຸກສຸດທ້າຍເຫລັ້ມອື່ນໆ. ທ່ານສາມາດພົບຄຳຕອບໃຫ້ກັບການຄັດຄ້ານນີ້ ໃນຂ່າວສານຂອງແອວເດີ ແຈັບຟະຣີ ອາ ຮໍແລນ “My Words … Never Cease” (Liahona, May 2008, 91–94).
ແນວຄິດສຳລັບການສຶກສາພຣະຄຳພີເປັນຄອບຄົວ ແລະ ການສັງສັນໃນຕອນແລງ
-
ພຣະນິມິດ 15:2–4.ຂະນະທີ່ຄອບຄົວຂອງທ່ານສົນທະນາຂໍ້ເຫລົ່ານີ້, ຊຶ່ງອ້າງເຖິງ “ເພງຂອງໂມເຊ” ແລະ “ເພງຂອງພຣະເມສານ້ອຍ,” ທ່ານສາມາດອ່ານເພງຂອງໂມເຊໃນ ອົບພະຍົບ 15:1–19, ພ້ອມທັງເພງອື່ນໆທີ່ກ່າວເຖິງຢູ່ໃນພຣະຄຳພີ, ເຊັ່ນ ຄຳສອນ ແລະ ພັນທະສັນຍາ 84:98–102. ເປັນຫຍັງຜູ້ທີ່ໄດ້ “ໄຊຊະນະເໜືອສັດຮ້າຍ” (ພຣະນິມິດ 15:2) ຮູ້ສຶກຢາກຮ້ອງເພງຄືກັນກັບເພງເຫລົ່ານີ້? ບາງທີຄອບຄົວຂອງທ່ານສາມາດຮ້ອງເພງສວດ ຫລື ເພງຂອງເດັກນ້ອຍທີ່ສັນລະເສີນ.
-
ພຣະນິມິດ 19:7–9.ບາງທີພວກທ່ານສາມາດເບິ່ງຮູບພາບແຕ່ງງານຈາກປະຫວັດຄອບຄົວຂອງພວກທ່ານ ຫລື ເວົ້າລົມກັນກ່ຽວກັບເວລາທີ່ຄອບຄົວຂອງທ່ານໄປຮ່ວມງານແຕ່ງດອງ. ເປັນຫຍັງການແຕ່ງງານຈຶ່ງເປັນເລື່ອງປຽບທຽບທີ່ດີສຳລັບພັນທະສັນຍາຂອງພຣະອົງ ກັບສາດສະໜາຈັກຂອງພຣະອົງ? (ເບິ່ງ ມັດທາຍ 22:1–14 ນຳອີກ.)
-
ພຣະນິມິດ 20:2–3. 1 ນີໄຟ 22:26 ຊ່ວຍທ່ານໃຫ້ເຂົ້າໃຈຄວາມໝາຍທີ່ວ່າ ຊາຕານຈະ “ຖືກມັດໄວ້” ແນວໃດ?
-
ພຣະນິມິດ 22:1–4.ການຕິດພຣະນາມຂອງພຣະຜູ້ຊ່ວຍໃຫ້ລອດ “ໃສ່ໜ້າຜາກ [ຂອງເຮົາ]” ໝາຍຄວາມວ່າແນວໃດ? (ພຣະນິມິດ 22:4; ເບິ່ງ ອົບພະຍົບ 28:36–38; ໂມໄຊຢາ 5:7–9; ແອວມາ 5:14; ໂມໂຣໄນ 4:3; ຄຳສອນ ແລະ ພັນທະສັນຍາ 109:22; David A. Bednar, “Honorably Hold a Name and a Standing,” Liahona, May 2009, 97–100 ນຳອີກ).
ສຳລັບແນວຄິດເພີ່ມເຕີມກ່ຽວກັບການສິດສອນເດັກນ້ອຍ, ໃຫ້ເບິ່ງ this week’s outline ໃນ Come, Follow Me—For Primary.
ເພງແນະນຳ: “ເຮົາຮ້ອງສັນເສີນນາມເຢຊູເຈົ້າ,” ເພງສວດ ແລະ ເພງຂອງເດັກນ້ອຍ, 27.
ການປັບປຸງການສິດສອນຂອງເຮົາ
ຕິດຕາມເບິ່ງການເຊື້ອເຊີນໃຫ້ກະທຳ. “ເມື່ອທ່ານຕິດຕາມເບິ່ງການເຊື້ອເຊີນໃຫ້ກະທຳ, ທ່ານໄດ້ສະແດງໃຫ້ [ສະມາຊິກໃນຄອບຄົວຂອງທ່ານ] ເຫັນວ່າ ທ່ານເອົາໃຈໃສ່ຕໍ່ເຂົາເຈົ້າ ແລະ ວິທີທີ່ພຣະກິດຕິຄຸນໄດ້ເປັນພອນໃຫ້ແກ່ເຂົາເຈົ້າແນວໃດ. ທ່ານກໍຍັງໃຫ້ໂອກາດເຂົາເຈົ້າແບ່ງປັນປະສົບການຂອງເຂົາເຈົ້ານຳອີກ”(Teaching in the Savior’s Way, 35).
ພຣະຄຣິດໃສ່ເສື້ອຄຸມສີແດງນັ່ງຢູ່ເທິງມ້າຂາວ.