Yesu Klisto kopesaka bato mbote na Boyei na Ye ya Mibale

Mboka ya Seko, na Keith Larson

Sanza ya Zomi na Mibale 25–31

Emoniseli 15–22

“Ye Oyo Akolonga Akosangola Biloko Nyonso”

Ntango mosusu mokakatano monene ya boyekoli ezali makanisi na biso ete tozali na bosenga ya koyekola te—ete tosili koyeba. Ntango ozali kotanga makomi, zala ya kofungwama na makanisi ya sika Nkolo alingi kopesa yo.

Koma Makanisi na Yo

Lokola okoki kokundola, buku ya Emoniseli ebandi na Mobikisi kolobaka Ye moko kozalaka “ebandeli mpe nsuka” (Emoniseli 1:8). Lolenge moko, esuki na maloba kaka moko: “Nazali … ebandeli mpe nsuka” (Emoniseli 22:13). Kasi wana elakisi nini? Ebandeli mpe nsuka ya nini? Buku ya Emoniseli etatoli na nguya nyonso ete Yesu Klisto azali ebandeli mpe nsuka ya makambo nyonso—ya monene, likama to kobebisama monene ya ya bozali ya mpe ya libiki ya moto. Ye azali “Mwana na Mpate oyo babomaki uta bokeli ya mokili” (Emoniseli 13:8). Mpe Ye azali Mokonzi ya bakonzi oyo amemi nsuka na nkuna, mawa, mpe kutu na liwa yango moko mpe afungoli “lola moko ya sika mpe mabele moko ya sika” (Emoniseli 21:1).

Kasi yambo lola ya sika mpe mabele ya sika oyo ekoma, ezalli na ebele mpo ete biso tolonga: bamaladi, bitumba, nkuna ya makasi—nyonso oyo Emoniseli elobeli yango na makasi. Kasi Yesu Klisto azali elongo na na biso na kati ya eteni oyo mpe. Ye azali “monzoto ya kongala ya ntongo” oyo epeli na lipata ya molili lokola elaka ete ntongo ezali koya kala te (Emoniseli 22:16). Mpe yango ezali koya kala mingi te. Ye azali koya. Kutu lolenge Ye abiangi biso, “Boya epai na ngai” (Matai 11:28), Ye mpe ayei epai na biso. “Nakoya bango mbango,” Ye alobi. Mpe na elikya mpe bondimi ya baye bapetolamaki na bamoto ya bongunya ya mokolo ya nsuka, toyanoli, “Kutu boye, yaka, Nkolo Yesu” (Emoniseli 22:20).

elembo ya boyekoli ya moto ye moko

Makanisi mpo na Koyekola Makomi Yo Moko

Emoniseli 16–18; 21–22

Nkolo abengi ngai nakima Babiloni mpe nasangola “mboka esantu.”

Nsima ya komona bobebi mpe bokufi ya mikolo ya nsuka, Yoane amonaki lobi ekoya oyo ekoki kotiama na mokuse na liloba ya Nkolo “Boye, nakokomisa makambo nyonso sika” (Emoniseli 21:5). Lolenge moko mpo na kososola nini yango elakisi ezali kokutanisa ndimbola ya Yoane ya Babiloni, elembo ya oyo ya mokili mpe ya nkuna (tala Emoniseli 16–18), elongo na ndimbola na ye ya Yelusaleme ya sika, elembo ya nkembo ya selesitiale na liboso ya Nzambe (tala Emoniseli 21–22). Etando oyo na nse ekoki kosalisa yo:

Babiloni	Yelusaleme ya sika
Babiloni Emoniseli 16:3–6	Yelusaleme ya sika Emoniseli 21:6; 11: 22– 1, 17
Babiloni Emoniseli 6:10; 18:23	Yelusaleme ya sika Emoniseli 21:23–24; 22:5
Babiloni Emoniseli 17:1–5	Yelusaleme ya sika Emoniseli 21:2
Babiloni Emoniseli 18:11, 15	Yelusaleme ya sika Emoniseli 21:4
Babiloni Emoniseli 18:12–14	Yelusaleme ya sika Emoniseli 21:18–21; 22:1–2

Bokeseni mosusu nini omoni?

Okoki lisusu kokanisa nini yango elakisi mpo na yo “kobima libanda ya” Babiloni (Emoniseli 18:4). Omoni nini na Emoniseli 21–22 oyo efuli yo kosala bongo?

Yesu elongo na bato kati na pole na loboko na Ye ya mobali mpe bato kati na molili na lloboko na ye ya mwasi

Bosambisi ya Nsuka, na John Scott

Emoniseli 20:12–15; 21:1–4

Bana na Nzambe nyonso bakosambisama engebene na buku ya bomoi.

Mona lokola mokomi moko asengi yo okoma buku etali bomoi na yo. Likambo moko moko to mayele nini okolinga kokotisa na kati? Soki oyebaki ete misala na yo ya lobi ekokomama mpe, lolenge nini olingaki kokoba na bomoi na yo lolenge mosusu? Kanisa mpo na oyo ntango ozali kotanga Emoniseli 20:12–15. Nini olikyi ekoki kokomama na yo na kati ya buku ya bomoi? Lolenge nini okolimbola ntina ya Mobikisi kati ya bomoi na yo? Na bomoni na yo, mpo na nini ezali motuya ete yango ebiangema “buku ya bomoi ya Mwana na Mpate”? Emoniseli 21:27

Soki likanisi ya kotelema liboso ya Nzambe mpo na kosambisama ezali malamu te mpo na yo, kanisa kotanga Emoniseli 21:1–4. Kolobelaka milongo oyo, Mpaka Dieter F. Uchtdorf alobaki:

“Mokolo wana ya bosambisi ekozala mokolo moko ya ngolu mpe bolingo—mokolo moko ntango mitema ebukana ekobika, ntango mayi ya miso ya mawa ekobongolama na mayi ya miso ya botondi, ntango nyonso ekokoma semba. Iyo, kuna ekozala mpasi ya bozindo mpo na lisumu. Iyo, kuna ekozala na mawa mpe kutu mitungisi mpo na mabunga na biso, kimobulu na biso, mpe moto makasi na biso oyo esali biso tozanga mabaku mpo na lobi ya monene makasi koleka.

“Kasi nazali na elikya ete tokosepela kaka te na bosambisi ya Nzambe; tokokamwisama mpe tokozipama lisusu na ngolu na Ye, mawa, boboto, mpe bolingo ezanga nsuka mpo na biso, bana na Ye” (“O How Great the Plan of Our God!,” Liahona, Sanza ya zomi na moko. 2016, 21).

Lolenge nini bosolo oyo esimbi lolenge na otalaka Bosambisi ya Nsuka? Nini bosolo oyo efuli yo mpo ete obongola na bomoi na yo?

Tala lisusu Dikisionele ya Biblia “Buku ya bomoi.”

Emoniseli 22:18–19

Milongo oyo elingi koloba ete ekoki kozala na makomi mosusu ya kobakisa te likolo ya Biblia?

Bato mosusu batangaki Emoniseli 22:18–19 lokola ntina moko ya kobwaka Buku ya Mormon mpe makomi ya mikolo ya nsuka. Okoki kozwa eyano na likambo oyo kati na nsango ya Mpaka Jeffrey R. Holland “My Words … Never Cease” (Liahona, Sanza ya mitano 2008, 91–94).

elembo ya boyekoli na libota

Makanisi mpo na Koyekola Makomi na Libota mpe na Likita ya Libota na Mpokwa

Emoniseli 15:2–4.Ntango libota na yo ezali kosolola na ntina ya milongo oyo, oyo ezali kolobela “loyembo ya Mose” mpe “loyembo ya Mwana na Mpate,” okoki kotanga loyembo ya Mose na Esode 15:1–19, elongo na nzembo mosusu etangamaki na makomi, lokola Doctrine et Alliances 84:98–102. Mpo na nini baoyo bazwi “elonga likolo ya nyama” (Emoniseli 15:2) bayokaka mposa ya koyemba banzembo lokola oyo? Ntango mosusu libota na yo ekoki koyemba kantiki to loyembo ya bana mpo ya kosanjola.

Emoniseli 19:7–9.Ntango mosusu okoki kotala bafoto ya libala uta na mambi ya kala ya libota na yo to kosolola na mpo na oyo etali ngonga libota na yo esanganaki na molulu ya libala. Mpo na nini libala ezali kokokanisa moko ya malamu mpo na liyokani ya Nkolo na Eklezia na Ye? (Tala lisusu Matai 22:1–14.)

Emoniseli 20:2–3.Lolenge nini 1 Nefi 22:26 ezali kosalisa biso kososola nini yango ekoki kolakisa mpo na Satana azala ya “kokangisama”?

Emoniseli 22:1–4.Nini yango elingi koloba kozala na nkombo ya Mobikisi “ na [ya biso] bilongi”? (Emoniseli 22:4; tala lisusu Esode 28:36–38; Mosiah 5:7–9; Alma 5:14; Moroni 4:3; Doctrine et Alliances 109:22; David A. Bednar, “Honorably Hold a Name and a Standing,” Liahona, Sanza ya mitano 2009, 97–100).

Mpo na kozwa makanisi mingi koleka na ntina ya koteya bana, tala mwango ya poso oyo na Yaka, Landa Ngai—Mpo na Eteyelo ya Bana.

Loyembo ekoki koyembama: “When He Comes Again,” Children’s Songbook,, 82–82.

Kobongisa Mateya na Biso

Landela nkasa ya libengisi mpo na kosala. “Ntango olandeli lokasa ya libengisi moko mpo na kosala, lakisa [bato ya libota na yo] ete ozali kobatela bango mpe lolenge nini nsango malamu ezali kopambola bomoi na bango. Bozali lisusu kopesa bango mabaku ya kokabola boyebi na bango” (Koteya na Lolenge ya Mobikisi,, 35).

Yesu Klisto likolo ya mpunda kokita na nse uta na lola na Boyei na Ye ya Mibale

Yesu na elamba ya motane afandi likolo ya mpunda ya mpembe.