Atatusi o le tuugamau avanoa na saunia e Maryna Kriucenko

11–17 Aperila

Eseta

“E Faaumatia e Ia le Oti i le Manumalo”

A o e faitau ma mafaufau loloto e uiga i le Togiola a le Faaola i lenei vaiaso, mafaufau e tusifaamaumau ou manatu ma lagona e uiga i Lana taulaga i lau api talaaga, po o le avanoa o loo i ai i totonu o lenei otootoga.

Tusifaamaumau Ou Lagona Uunai

O le soifua o Iesu Keriso “e totonugalemu i le talafaasolopito o tagata uma” (“O Le Keriso Soifua: O Le Molimau a le Au Aposetolo,” ChurchofJesusChrist.org). O le a le uiga o lena mea? O se vaega, e mautinoa lava o lona uiga, o le soifua o le Faaola e faatosinaina ai le taunuuga e faavavau o tagata uma o e na ola po o le a ola. E mafai foi ona e faapea, o le soifua ma le misiona a Iesu Keriso, o le faatumutumuga o Lona Toetu mai i le Aso Sa muamua o le Eseta, ua fesootai uma ai le nuu o le Atua i le talafaasolopito atoa: O i latou o e na fananau muamua ia Keriso sa tulimatai atu ia te la ma le faatuatua (tagai i le Iakopo 4:4), ma o i latou na fananau mulimuli ane e toe vaavaai atu i tua ia te Ia ma le faatuatua. A o tatou faitau i tala ma valoaga o le Feagaiga Tuai, tatou te le vaaia lava le suafa o Iesu Keriso, ae tatou te vaaia ai faamaoniga o le faatuatua o tagata talitonu anamua i le ma le faananau mo lo latou Mesia ma le Faaola. O i tatou la o e ua valaaulia e manatua o Ia e mafai ona lagonaina se sootaga ia i latou o e tulimatai atu ia te Ia. E moni lava, ua tauaveina e Iesu Keriso “le amioleaga o i tatou uma” (Isaia 53:6; ua faaopoopo le faatusilima), ma “e faaolaina uma ia Keriso” (1 Korinito 15:22; ua faaopoopo le faatusilima).

Manatu mo Suesuega Faaletagata Lava Ia o Tusitusiga Paia

O loo molimau le Feagaiga Tuai i le taulaga togiola a le Faaola.

E tele fuaitau i le Feagaiga Tuai o loo faasino atu i le galuega ma le taulaga togiola a le Faaola. O le siata o loo i lalo ua lisi atu ai nisi o nei fuaitau. A o e faitauina nei fuaiupu, o a ni lagona uunai e oo atu ia te oe e uiga i le Faaola?

Feagaiga Tuai	Feagaiga Fou
Feagaiga Tuai Sakaria 9:9	Feagaiga Fou Mataio 21:1–11
Feagaiga Tuai Sakaria 11:12–13	Feagaiga Fou Mataio 26:14–16
Feagaiga Tuai Isaia 53:4	Feagaiga Fou Mataio 8:16–17; 26:36–39
Feagaiga Tuai Isaia 53:7	Feagaiga Fou Mareko 14:60-61
Feagaiga Tuai Salamo 22:16	Feagaiga Fou Ioane19:17–18; 20:25–27
Feagaiga Tuai Salamo 22:18	Feagaiga Fou Mataio 27:35
Feagaiga Tuai Salamo 69:21	Feagaiga Fou Mataio 27:34,-48
Feagaiga Tuai Salamo 118:22	Feagaiga Fou Mataio 21:42
Feagaiga Tuai Isaia 53:9, 12	Feagaiga Fou Mataio 27:57–60; Mareko 15:27–28
Feagaiga Tuai Isaia 25:8	Feagaiga Fou Mareko 6:1–3; Luka 24:6
Feagaiga Tuai Tanielu 12:2	Feagaiga Fou Mataio 27:52–53

O valoaga ma aoaoga e uiga i le Faaola ua sili atu ona tele ma manino lelei i le Tusi a Mamona. Mafaufau pe ua faapefea ona faamalosia lou faatuatua e ala i fuaitau e pei o nei: 1 Nifae 11:31–33; 2 Nifae 25:13; Mosaea 3:2–11.

E mafai ona ou maua le filemu ma le olioli e ala i le Togiola a le Faaola.

I le aluga o taimi, na ofo mai ai e Iesu Keriso e ala i Lana taulaga togiola, le filemu ma le olioli ia i latou uma o e o mai ia te Ia (tagai i le Mose 5:9–12). Mafaufau e suesue i mau nei o loo molimau mai e uiga i le filemu ma le olioli o loo Ia ofoina mai, ma ao e faia, mafaufau pe mafai faapefea ona e maua le fiafia ma le olioli o loo Ia aumaia: Salamo 16:8–11; 30:2–5; Isaia 12; 25:8–9; 40:28–31; Ioane 14:27; 16:33; Alema 26:11–22.

Tagai foi i le Dallin H. Oaks, “Faamalosia e ala i le Togiola a Iesu Keriso,” Liahona, Nov. 2015, 61–64; Sharon Eubank, “Keriso: O Le Malamalama e Susulu i le Pogisa,” Liahona, Me 2019, 73–76; “Ou te Tu ma Ofo,” Viiga, nu. 107.

Aso Faanoanoa i Kolokota, saunia e J. Kirk Richards

E ala i Lana Togiola, ua i ai ia Iesu Keriso le mana e fesoasoani ai ia te au e faatoilalo le agasala, oti, tofotofoga, ma vaivaiga.

I tusitusiga paia uma, ua molimau ai perofeta i le mana o Iesu Keriso e laveai ai i tatou mai le agasala ma le oti ma fesoasoani ia tatou faatoilaloina o tatou tofotofoga ma vaivaiga. Na faapefea ona faia e Keriso se eseesega i lou olaga? Aisea ua taua ai o Ia ia te oe? Mafaufau i fesili nei ao e faitauina mau nei, ma tusifaamaumau ou manatu ma lagona e uiga i le Faaola:

• Isaia 61:1-3.

• Esekielu 36:26–28

• Mataio 11:28-30

• Luka 1:46–55

• Roma 8:35–39

• Alema 7:10–13

• Alema 11:42–45

• Alema 58:11

• Moronae 10:32–33

• Mataupu Faavae ma Feagaiga 19:15–19

• Mose 5:9-12

Tagai foi i le Walter F. González, “O Le Pa’i a le Faaola,” Liahona, Nov. 2019, 90–92

Manatu mo Suesuega Faaleaiga o Tusitusiga Paia ma Afiafi Faaleaiga

Esoto 12:1–28.A o outou faamanatuina le Eseta, e mafai ona iloiloina e lou aiga mea sa outou aoaoina e uiga i le Paseka i le amataga o le masina lenei. Aisea e taua ai le tupu o le taulaga a le Faaola i le taimi lava e tasi na tupu ai le Paseka?

Mo se aotelega o mea na tutupu i le vaiaso mulimuli o le soifua o le Faaola, tagai i le “Holy Week” i le Comeuntochrist.org/2016/easter/easter-week. Mo mau e uiga i mea na tutupu i le vaiaso mulimuli o le Faaola, tagai i le “The Last Week: Atonement and Resurrection” i le Harmony of the Gospels (i le Bible appendix).

Isaia 53.O le faitauina o valoaga e uiga ia Iesu Keriso i le Isaia 53 e mafai ona fesoasoani i tagata o le aiga e malamalama ai i le taulaga togiola a le Faaola. O le fea fuaiupu po o fuaitau e manatu lou aiga ua faapitoa le mamana? Mafaufau e fai se lotu molimau faaleaiga lea e mafai ona faasoa atu ai a outou molimau patino i le Togiola a le Faaola.

“O Molimau Faapitoa a Keriso“O le polokalama o le Gospel Library ma le ChurchofJesusChrist.org o loo i ai ni faaputuga vitio ua ta’ua “O Molimau Faapitoa o Keriso,” o loo faapea ona faasoa taitoatasi mai ai sui o le Au Peresitene Sili ma le Korama a le Toasefululua e uiga ia Iesu Keriso. E manaia foi pe a mafai ona matamata lou aiga i nisi o nei vitio ma talanoa e uiga i ni mea tou te aoaoina e uiga ia Iesu Keriso mai i Ana auauna filifilia. Ia talanoa o se aiga i ni auala e mafai ona faasoa atu ai a outou molimau e uiga ia Keriso. Mo se faataitaiga, atonu tou te valaaulia se isi tou te tapuai faatasi i le lotu i lenei Aso Sa o le Eseta.

Viiga ma peseO musika o se auala mamana lea e manatua ai le Faaola ma valaaulia ai le Agaga i totonu o o tatou aiga. E mafai ona faasoa ma pepese faatasi le aiga i viiga po o pese e uiga i le Eseta po o Iesu Keriso, e pei o le “Ua Toetu Mai le Alii” (Viiga, nu. 112) po o le “Pe Na Toe Soifua Moni Mai ea Iesu?” (Tusipese a Tamaiti,45). Ina ia su’e nisi viiga po o pese a tamaiti, tagai i le faasino autu o Viiga ma le Tusipese a Tamaiti.

Mo nisi manatu mo le aoaoina o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.

Pese fautuaina: “Pe Na Toe Soifua Moni Mai ea Iesu?” Tusipese a Tamaiti,45.

Faaleleia o Lo Tatou Aoao Atu

Ola i le talalelei a Iesu Keriso. “O le avea ma faiaoga e pei o Keriso [i lou aiga], masalo o le mea sili ona taua e tatau ona e fai o le … ola ai i le talalelei ma lou loto atoa. … O le ala autu lea e agavaa ai mo le mafutaga a le Agaga Paia. E te le tau atoatoa, na o le taumafai ma le filiga—ma saili le faamagaloga e ala i le Togiola a le Faaola i soo se taimi e te tautevateva ai” (Aoao Atu i le Ala a le Faaola,13).

O Le Faamoemoega Lenei Ua Ou Sau Ai, saunia e Yongsung Kim