நீர் போகுமிடத்திற்கு–சாண்டி ப்ராக்கிள்டன் காகன்

ஜூன் 6–12

ரூத்; 1 சாமுவேல் 1–3

“என் இருதயம் கர்த்தருக்குள் களிகூர்கிறது”

இந்த வாரம் ரூத், நவோமி, அன்னாள் மற்றும் பிறரின் வாழ்க்கையைப் படிக்கும்போது, ஆவியானவரை உன்னிப்பாகக் கேளுங்கள், நீங்கள் பெறும் எந்தவொரு எண்ணத்தையும் பதிவு செய்யுங்கள். நீங்கள் என்ன செய்ய உணர்த்தப்பட்டிருக்கிறீர்கள்?

உங்கள் எண்ணங்களைப் பதிவுசெய்யவும்

சில நேரங்களில் நம் வாழ்க்கை ஆரம்பத்தில் இருந்து இறுதி வரை ஒரு தெளிவான பாதையைப் பின்பற்ற வேண்டும் என்று நாம் கற்பனை செய்கிறோம். எல்லாவற்றிற்கும் மேலாக, இரண்டு புள்ளிகளுக்கு இடையிலான மிகக் குறுகிய தூரம் ஒரு நேர் கோடு. இருப்பினும் எதிர்பாராத திசைகளில் நம்மை அழைத்துச் செல்லும் தாமதங்கள் மற்றும் மாற்றுப்பாதைகள் ஆகியவற்றால் வாழ்க்கை பெரும்பாலும் நிரம்பியுள்ளது. நம் வாழ்க்கை அவை இருக்க வேண்டும் என்று நாம் நினைத்ததிலிருந்து முற்றிலும் மாறுபட்டது என்பதை நாம் காணலாம்.

ரூத்தும் அன்னாளும் இதை நிச்சயமாகப் புரிந்து கொண்டனர். ரூத் ஒரு இஸ்ரவேலர் அல்ல, ஆனால் அவள் இஸ்ரவேலனை மணந்தாள், அவளுடைய கணவன் இறந்தபோது, அவள் ஒரு தேர்ந்தெடுப்பு செய்ய வேண்டியிருந்தது. அவள் தன் குடும்பத்தினருக்கும் அவளுடைய பழைய, பழக்கமான வாழ்க்கைக்கும் திரும்புவாளா, அல்லது அவள் இஸ்ரவேலின் நம்பிக்கையையும், மாமியாருடன் ஒரு புதிய வீட்டையும் ஏற்றுக்கொள்வாளா? (ரூத் 1:4–18 பார்க்கவும்). அன்னாளின் வாழ்க்கைக்கான திட்டம் குழந்தைகளைப் பெற்றெடுப்பதாக இருந்தது, அவ்வாறு செய்ய இயலாமை அவளை “ஆத்துமாவின் கசப்பில்” விட்டுவிட்டது (1 சாமுவேல் 1:1–10 பார்க்கவும்). ரூத் மற்றும் அன்னாளைப்பற்றி நீங்கள் வாசிக்கும்போது, அவர்கள் தங்கள் வாழ்க்கையை கர்த்தருடைய கைகளில் வைத்து, அவர்களின் எதிர்பாராத பாதைகளில் பயணிக்க வேண்டிய விசுவாசத்தைக் கவனியுங்கள். பின்பு உங்கள் சொந்த பயணத்தைப்பற்றி நீங்கள் சிந்திக்கலாம். இது ரூத் மற்றும் அன்னாளிலிருந்தும், வேறு எவரிடமிருந்தும் வித்தியாசமாக இருக்கும். ஆனால் இங்கேயும் உங்கள் நித்திய இலக்குக்கும் இடையிலான சோதனைகள் மற்றும் ஆச்சரியங்கள் முழுவதும், “என் இருதயம் கர்த்தரிடத்தில் களிகூர்கிறது” என்று அன்னாளுடன் சொல்ல நீங்கள் கற்றுக்கொள்ளலாம்.

இப்புத்தகங்களின் மேம்போக்கான பார்வைக்கு ரூத் மற்றும் 1 சாமுவேல், “ரூத்” மற்றும் “சாமுவேல், books of” in the Bible Dictionary பார்க்கவும்.

தனிப்பட்ட வேதப் படிப்பிற்கான ஆலோசனைகள்

ரூத்

சோகத்தை வெற்றியாக கிறிஸ்துவால் மாற்ற முடியும்.

ரூத்தின் கணவர் இறந்தபோது, அவளுக்கு சோகம் பல விளைவுகளை ஏற்படுத்தியது, அது இன்று ஒரு விதவை எதிர்கொள்ளக் கூடியதைவிட கடுமையானது. அந்த நேரத்தில் இஸ்ரவேலர் கலாச்சாரத்தில், கணவன் அல்லது மகன்கள் இல்லாத ஒரு பெண்ணுக்கு சொத்துரிமை இல்லை, நடைமுறையில் ஒரு வாழ்க்கைக்காக சம்பாதிக்க வழி இல்லை. ரூத்தின் கதையை நீங்கள் வாசிக்கும்போது, கர்த்தர் சோகத்தை எவ்வாறு பெரிய ஆசீர்வாதங்களாக மாற்றினார் என்பதைக் கவனியுங்கள். ரூத்துக்கு உதவியிருக்கக்கூடியவைப்பற்றி நீங்கள் என்ன கவனிக்கிறீர்கள்? ரூத்தை அவளது அவநம்பிக்கையான சூழ்நிலையிலிருந்து மீட்பதில் போவாஸின் பங்கு என்ன? (ரூத் 4:4–7 பார்க்கவும்). ரூத் மற்றும் போவாஸ் இருவரிலும் கிறிஸ்துவைப் போன்ற என்ன பண்புகளை நீங்கள் காண்கிறீர்கள்?

ரூத்; 1 சாமுவேல் 1

எனது சூழ்நிலையைப் பொருட்படுத்தாமல் தேவன் எனக்கு வழிகாட்டுவார் மற்றும் உதவுவார் என்று என்னால் நம்ப முடியும்.

ரூத், நவோமி, அன்னாள் ஆகியோரின் கதைகளில் உங்களையே நீங்கள் பார்க்க முடியுமா? ஒருவேளை ரூத்தும் நவோமியும் போல நீங்கள் ஒரு பெரிய இழப்பைச் சந்தித்திருக்கலாம் (ரூத் 1:1–5 பார்க்கவும்). அல்லது, அன்னாளைப் போலவே, நீங்கள் இதுவரை பெறாத ஆசீர்வாதங்களுக்காக நீங்கள் ஏங்கலாம் (1 சாமுவேல் 1:1–10 பார்க்கவும்). இந்த உண்மையுள்ள பெண்களின் உதாரணங்களிலிருந்து நீங்கள் என்ன செய்திகளைக் கற்றுக்கொள்ளலாம் என்று சிந்தியுங்கள். ரூத்தும் அன்னாளும் தேவன் மீது எப்படி விசுவாசத்தைக் காட்டினர்? அவர்கள் என்ன ஆசீர்வாதங்களைப் பெற்றார்கள்? அவர்களது எடுத்துக்காட்டுக்களை நீங்கள் எப்படி பின்பற்ற முடியும்? வாழ்க்கை கடினமாக இருக்கும்போது கூட நீங்கள் எவ்வாறு கர்த்தரை (ரூத் 2:12) “நம்புகிறீர்கள்” என்பதைக் கவனியுங்கள்.

Reyna I. Aburto, “Thru Cloud and Sunshine, Lord, Abide with Me!” ஐயும் பார்க்கவும். Liahona, Nov. 2019, 57–60.

இந்தப் பிள்ளைக்காக நான் ஜெபித்தேன்–எல்ஸ்பெத் யங்

1 சாமுவேல் 2:1–10

என் இருதயம் கர்த்தரிடத்தில் களிகூர முடியும்.

அன்னாள் இளம் சாமுவேலை ஆலயத்துக்கு அழைத்துச் சென்றபின், அவள் கர்த்தரைப் புகழ்ந்து 1 சாமுவேல் 2:1–10ல் பதிவு செய்யப்பட்டுள்ள அழகான வார்த்தைகளைப் பேசினாள். ஒரு குறுகிய நேரத்திற்கு முன்னர், “அவள் மனங்கசந்து மிகவும் அழுதாள்” என்பதை நீங்கள் கருதும் போது இந்த வார்த்தைகள் இன்னும் நெருடலாக இருக்கின்றன. (1 சாமுவேல் 1:10). இந்த வசனங்களை நீங்கள் படிக்கும்போது, கர்த்தர் மீது உங்கள் புகழ்ச்சியையும் நன்றியையும் அதிகரிக்கும் எந்த செய்திகளைக் காண்கிறீர்கள்? ஒருவேளை கர்த்தரிடம் உங்கள் நன்றியைத் தெரிவிக்க, அன்னாளின் பாடல், ஒரு பாடல், ஒரு ஓவியம், சேவைச் செயல் அல்லது அவரைப்பற்றிய உங்கள் உணர்வுகளைத் தெரிவிக்கும் எதுவும் ஒரு ஆக்கபூர்வமான வழியைக் கண்டுபிடிக்க உங்களைத் தூண்டும்.

நிச்சயமாக, எல்லா உற்சாகமான ஜெபங்களுக்கும் அன்னாளின் வழியில் பதிலளிக்கப்படுவதில்லை. நீங்கள் நம்பும் விதத்தில் உங்கள் ஜெபங்களுக்கு பதிலளிக்கப்படாதபோது அது உங்களுக்கு உதவக்கூடிய “Grateful in Any Circumstances” எனும் தலைவர் டியட்டர் எப். உக்டர்ப் செய்தியில் நீங்கள் என்ன காணலாம்?(Liahona, May 2014, 70–77).

1 சாமுவேல் 3

கர்த்தருடைய குரலை நான் கேட்கவும் கீழ்ப்படியவும் முடியும்.

நம் அனைவரையும் போலவே, சாமுவேல் கர்த்தருடைய குரலை எவ்வாறு அடையாளம் காண்பது என்பதைக் கற்றுக்கொள்ள வேண்டியிருந்தது. நீங்கள் 1 சாமுவேல் 3 ஐப் படிக்கும்போது, கர்த்தரின் குரலைக் கேட்பதும் கீழ்ப்படிவதையும்பற்றி இந்த சிறுவனிடமிருந்து நீங்கள் என்ன கற்றுக்கொள்கிறீர்கள்? அவரது குரலைக் கேட்டு என்ன அனுபவங்களை நீங்கள் பெற்றீர்கள்? கர்த்தர் அவர்களிடம் பேசும்போது மற்றவர்கள் அடையாளம் காண ஏலியைப் போல உங்களுக்கு என்ன வாய்ப்புகள் உள்ளன? (1 சாமுவேல் 3:7 பார்க்கவும்).

யோவான் 14:14–21; David P. Homer, “Hearing His Voice,” Liahona, May 2019, 41–43ஐயும் பார்க்கவும்.

குடும்ப வேதப் படிப்பு மற்றும் இல்ல மாலைக்கான ஆலோசனைகள்

ரூத் 1:16–18; 2:5–8, 11–12.இந்த வசனங்களில் உங்கள் குடும்பத்தினர் தயவு மற்றும் விசுவாசத்தின் உதாரணங்களைத் தேடலாம். நம்முடைய குடும்பத்தினரிடமும் மற்றவர்களிடமும் தயவையும் இயேசு கிறிஸ்துவுக்கு விசுவாசத்தையும் எப்படி நாம் காட்டுகிறோம்? (பழைய ஏற்பாடு கதைகளிலுள்ள) “ரூத் மற்றும் நவோமி” அத்தியாயம் உங்கள் குடும்பத்தினருக்கு ரூத்தின் உதாரணத்திலிருந்து கற்றுக்கொள்ள உதவும்.

1 சாமுவேல் 1:15.“நான் … என் ஆத்துமாவை கர்த்தருக்கு முன்பாக ஊற்றினேன்” என்று அன்னாள் சொன்னபோது குடும்ப அங்கத்தினர்களுக்கு காட்சிப்படுத்த உதவும் வகையில் நீங்கள் ஒரு கொள்கலனிலிருந்து ஏதாவது ஊற்றலாம். நம்முடைய ஜெபங்கள் எப்படி இருக்க வேண்டும் என்பதை விவரிக்க இது ஏன் ஒரு சிறந்த வழி? நமது தனிப்பட்ட மற்றும் குடும்ப ஜெபங்களை எவ்வாறு மேம்படுத்தலாம்?

1 சாமுவேல் 2:1–10.கர்த்தரைப் புகழ்ந்து பேசும் அன்னாளின் கவிதை, கர்த்தரைப் புகழ்வதற்கு நீங்கள் பயன்படுத்தும் பாடல்களைப்பற்றி சிந்திக்க வழிவகுக்கும். நீங்கள் சிலவற்றை ஒன்றாகப் பாடலாம். உங்கள் குடும்ப அங்கத்தினர்கள் இயேசு கிறிஸ்துவுக்காக தங்கள் உணர்வுகளை வெளிப்படுத்த வேறு வழிகளைப்பற்றியும் சிந்திக்கலாம். உதாரணமாக, அவர்கள் ஏன் இரட்சகரை நேசிக்கிறார்கள் என்பதைக் காட்டும் படங்களை வரையலாம்.

1 சாமுவேல் 3:1–11.கர்த்தர் சாமுவேலை அழைத்த கதையை நடிப்பது வேடிக்கையாக இருக்கலாம், அல்லது உங்கள் குடும்பத்தினர் “சாமுவேல் மற்றும் ஏலி” காணொலி பார்க்கலாம் (ChurchofJesusChrist.org). கர்த்தர் அவர்களிடம் பேசுவதை உணர்ந்த நேரங்களையும், அவருடைய வார்த்தைகளின்படி அவர்கள் எவ்வாறு செயல்பட்டார்கள் என்பதையும் குடும்ப அங்கத்தினர்கள் பேசலாம்.

பிள்ளைகளுக்குப் போதிக்க கூடுதல் ஆலோசனைகளுக்கு, இந்த வாரக் குறிப்பில், என்னைப் பின்பற்றி வாருங்கள்—ஆரம்ப வகுப்புக்காக பார்க்கவும்.

ஆலோசனையளிக்கப்பட்ட பாடல்: “There Is Sunshine in My Soul Today,” Hymns, no. 227.

தனிப்பட்ட படிப்பை மேம்படுத்துதல்

உங்கள் படிப்பை பரிசுத்த ஆவியானவர் வழிநடத்துவாராக. நீங்கள் கற்றுக்கொள்ள வேண்டிய காரியங்களுக்கு உங்களை பரிசுத்த ஆவியானவர் வழிநடத்துமாறு ஜெபிக்கவும். நீங்கள் எதிர்பார்க்காத ஒரு தலைப்பைப்பற்றி படிக்கவோ அல்லது வேறு வழியில் படிக்கவோ இது உங்களை வழிநடத்தியிருந்தாலும், அவருடைய கிசுகிசுப்புக்களுக்கு உணர்வோடு இருங்கள்.

கர்த்தர் சொல்வதை சாமுவேல் கேட்டல் பட விளக்கம்–சாம் லோலர்