Ilaija ej kwaļo̧k n̄an rikarejaran jariōt kijeek eo

Kōmeļeļe eo kōn an Ilaija kwaļo̧k rikarejeran jariōt kijeek eo, © Review & Herald Publishing/licensed from goodsalt.com

Juļae 4–10

2 Kiin̄ Ro 2–7

“Ewōr Juon Rikanaan ilo Israel”

Ilo am̧ riiti jeje ko rekwojarjar, Jetōb kwojarjar eo emaron̄ bōktok n̄an kōļmānļo̧kjeņ eo am̧ jet ennaan ko ak eoon ko. Ļōmņak in je etke eoon ko eļap meļeļeier n̄an kwe.

Je En̄jake ko Rej Im̧we Eok

Mijen ļapļap eo an juon rikanaan ej n̄an katakin im kam̧ool kōn Rilo̧mo̧o̧r Jisōs Kraist. Rekoot ko ad kōn rikanaan Ilaija, ijoke, ejjab lukkuun koba eļap katakin im kam̧ool ko an. Ta rekoot ko ej kitbuuj ej menin bwilōn̄ ko Ilaija ekar kōm̧m̧ani, ekoba kōjerkak juon ajri jān mej (lale 2 Kiin̄ Ro 4:18–37), naajdik juon jarlepju kōn jon̄an m̧ōn̄ā ko rejabwe (lale 2 Kiin̄ Ro 4:42–44), im kōmour juon rilōba (lale 2 Kiin̄ Ro 5:1–14). Kōn menin ilo an ejjeļo̧k an Ilaija naan ippād ej kwaļo̧k kam̧ool kōn Kraist, ewōr ad kam̧ool, kōn iien kwaļo̧k naan eo an Ilaija, waļo̧ktok eo ekajoor kōn leļo̧k mour an Irooj, naajdik, im kajoor in kōmour. Waļo̧k tok kein rekanooj in lōn̄ ilo mour ko ad jān jet iien jej kile. N̄an loi, jej aikuj kappukot menin bwilōn̄ eo Ilaija ekar kappukote ke ekar jar ilo rikarejaran eo edik im emijakjak, “Irooj, ij akweļap, kwōn kapeļļo̧k mejān lein, bwe en loļo̧kjeņ” (2 Kiin̄ Ro 6:17).

N̄an meļeļe ko reļļapļo̧k kōn 2 Kiin̄ Ro, lale “Kings, books of” ilo Bible Dictionary.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

2 Kiin̄ Ro 2–6

Anij emaron̄ jerbale menin bwilōn̄ ilo mour eo aō.

Menin bwilōn̄ ekkā an jipan̄ kōj anjo̧ jān men ko reppen an mour in—ilo tōre ko an Ilaija, juon āne eo ejjeļo̧k kein eddōk ko ie ej aikuj eļap dān im juon ūlūl eo ejako naaj aikuj pukote (lale 2 Kiin̄ Ro 2:19–22; 6:4–7). Ak menin bwilōn̄ ko rekar bar ukōt buruōd n̄an Irooj im katakin kōj katak ko an jetōb. Ilo am̧ riiti 2 Kiin̄ Ro 2–6, ļōmņak in kōm̧m̧ane juon laajrak in menin bwilōn̄ ko kwoj loi, im kejo̧kļo̧kjeņ kōn katak ko an jetōb me kwoj ekkatak jān kajjojo iaer. Ta eo menin bwilōn̄ kein rej katakin eok kōn Irooj im ta eo E emaron̄ kōm̧m̧ane ilo mour eo am̧?

Bar lale 2 Nipai 26:12–13; 27:23; Mormon 9:7–21; Moronai 7:35–37; Donald L. Hallstrom, “Rainin Menin Bwilōn̄ ko Raar Bōjrak Ke?” Liaona, Nob. 2017, 88–90.

2 Kiin̄ Ro 4:8–17; 7:1–16

Naan ko an Irooj jān Rikanaan ro An renaaj kūrm̧ool.

Ilo am̧ rekoote ilo 2 Kiin̄ Ro 4:8–17; 7:1–16, Irooj ekar im̧we Ilaija n̄an kanaan kōn men ko rej itok—men ko me rej jān jeļā im ļōmņak an ro jet, ejeja aer bōk jikier. Ilo am̧ riit eoon kein, ļōmņak kōn wāween am̧ uwaak n̄an naan ko an Irooj jān rikanaan ro An rainin. Ta katak ko, kanaan ko, ak kallim̧ur ko kwar ron̄ jān rikanaan ro remour? Ta eo kwaar kōm̧m̧an n̄an kōm̧m̧an ilo tōmak kōn kallim̧ur ko?

Bar laleo 3 Nipai 29:6; Katak im Bujen Ko 1:37–38.

2 Kiin̄ Ro 5

Eļan̄n̄e ij ettā im pokake, Jisōs Kraist emaron̄ kōmouri eō.

Jet iien epidodo n̄an kappukot meļeļe ippam̧ make ilo jejej ko rekwojarjar n̄e kwoj keidi men ko an kanniōk ilo juon bwebwenato ippān men ko an jetōb. N̄an waanjon̄ak, ilo am̧ riiti 2 Kiin̄ Ro 5, komaron̄ keidi lepa eo an Neaman n̄an juon apān̄ ilo jetōb me kwoj jelm̧aeiki. Āinwōt Neaman, bōlen kwar kōjatdikdik bwe Irooj enaaj “kōm̧m̧an jabdewōt men eo eļap” (eoon 13) n̄an jipan̄ eok. Ta eo ilo en̄jake eo an Neaman me ej katakin eok? Ilo mour eo am̧, ta eo enaaj jon̄an wōt juon ilo am̧ ļoor kapilōk eo eļam waan n̄an “kwōn tutu, im kwōnaaj erreo”?

Je wāween an en̄jake eo an Neaman jelōt tōmak eo an ilo Anij is Israel (lale eoon 15). En̄jake ta eo rekar kōkajoorļo̧k tōmak eo am̧ ilo Anij?

Bar lale Luk 4:27; 1 Piter 5:5–7; Alma 37:3–7; Ether 12:27; L. Whitney Clayton, “Men eo Jabdewōt Ej ba n̄an Kom̧, Kom̧win Kōm̧m̧ane,” Liaona, Māe 2017, 97–99; “Naaman and Elisha” (video), ChurchofJesusChrist.org.

2 Kiin̄ Ro 6:8–23

“Ro rej pād ippād rellōn̄ļo̧k jān rej pād ippāer,

Em̧ōj ke am̧ kar en̄jake an iiet rej jutak likim im en̄jake eļap mijak, im bwilōn̄, āinwōt kar rikarejeran Ilaija, ve you ever felt outnumbered and fearful, wondering, as Elisha’s young servant did, “Jenaaj et?” (lale 2 Kiin̄ Ro 6:8–23). Ta eo ej im̧we eok kōn uwaak eo an Ilaija? Ewi wāween an bwebwenato in ukōt wāween am̧ ļōmņak im en̄jake kōn mellijon̄ ko am̧, eddo ko am̧, ak kijejeto ko am̧ n̄an mour kōn gospel in?

Ilo am̧ kejo̧kļo̧kjeņ, ļōmņak kōn naan ko an Būreejtōn Henry B. Eyring: “Āinwōt rikarejaran Ilaija, elōn̄ļo̧k ippam̧ jān ro rej jum̧ae eok. Jet ro rej pād ippam̧ koba maron̄ lo er kōn mej ko mejām̧ make. Irooj enaaj kotak lōn̄ļo̧k eok im enaaj ilo jet tōre kōm̧m̧ane menin ilo an kūr ro jet n̄an jutak iturin” (“O Ye That Embark,” Liahona, Nov. 2008, 58).

Bar lale Sam Ko 121; Katak im Bujen Ko 84:88.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

2 Kiin̄ Ro 2:1–14.Ļōmņak kōn armej ro rekar lo an Ilaija kar “bōk” nuknuk an Ilaija (ak kopā—juon kōkaļļe in kūr an rikanaan). Ewi wāween an menin maron̄ jelōt wāween ko me rej iookļo̧k n̄an iien kwaļo̧k naan eo an Ilaija? (Bar lale 1 Kiin̄ Ro 19:19.) Bolen ro uwaan baam̧le remaron̄ kajjojo kanōk juon “kopā” im kam̧ool kōn wāween ko rekar lo an Irooj rie im kōkajoorļo̧k ro kar kūr er n̄an jerbal ilo Kabun̄ eo An.

2 Kiin̄ Ro 4.Kwomaron̄ karuwaineneik ro uwaan baam̧le eo n̄an riiti kōn juon iaan menin bwilōn̄ ko ilo 2 Kiin̄ Ro 4 (lale eoon ko 1–7, 14–17, 32–35, 38–41, 42–44) im je juon jidik meļeļe n̄an jipan̄ ro uwaan baam̧le ko jet kajidede ewi wōt menin bwilōn̄ e ekar kōmeļeļeiki. Ta ko jej ekkatak kake kōn Irooj im menin bwilōn̄ An jān jepta in? Ta menin bwilōn̄ ko—kilep ak dik—jaar ke lo ilo mour ko ad?

2 Kiin̄ Ro 5:1–15.Ilo am̧ riiti eoon kein im kejo̧kļo̧kjeņ kōn men eo eļam waan kar kajjitōk bwe Neaman en kōm̧m̧ane, ļōmņak kōn men ko reļam waan rikanaan ro ad rekar kajjitōkin kōj bwe jen kōm̧m̧ane. Ewi wāween an baam̧le eo ad em̧m̧anļo̧k aer ļoor kapilōk ko an?

Baam̧le eo am̧ emaron̄ bar alooje bitio eo “Naaman and Elisha” (ChurchofJesusChrist.org) ak riiti “Ilaija Ej Kōmour Neaman” (ilo Bwebwenatoon Kallim̧ur).

2 Kiin̄ Ro 5:20–27.Ewi wāween an Gehazi maron̄ kar jeraam̧m̧an jān an riiti “Jim̧we im M̧ool” ilo N̄an Kōkajoorļo̧k Jodikdik Ro? (peij 19). Ewi wāween an riab kōmetak kōj? Ewi wāween ad jeraam̧m̧an ilo ad m̧ool?

2 Kiin̄ Ro 6:13–17.Ro uwaan baam̧le eo emaron̄ lan̄lōn̄ ilo an jin̄n̄aiki juon pija in ta eo Ilaija ekar jelm̧aeiki im rikarejeran eo kar kōmeļeļeiki ilo eoon kein. Ewi wāween an eoon kein jipan̄ kōj n̄e jej en̄jake ajimakeke ak eddodo?

N̄an meļeļe ko reļlapļo̧k n̄an katakin ajri ro, lale laajrak in katak eo an wiik in ilo Itok, Ļoor Eō—N̄an Būraimere.

Ļōmņak ko kar elmakoti: “Dearest Children, God Is Near You,” Hymns, no. 96.

Kōkm̧anm̧anļo̧k Ad Katakin

Kōketak n̄an kajjitōk. Kajjitōk ko jān ajri ro rej juon kōkaļļe ke rej pojak in ekkatak. Eļan̄n̄e kwojjab jeļā uwaak ko n̄an kajjitōk ko aer, kappukot uwaak ko n̄an er. (Lale Teaching in the Savior’s Way, 25–26.)

Neaman ej tutu ilo reba eo

Kōmeļeļe kōn an kar Neaman mour jān lepa, jān Paul Mann