Elijah ej Jum̧ae ņae Pris ro an Beaaļ, jān Jerry Harston

Juun 27–Juļae 3

1 Kiin̄ Ro 17–19

“Eļan̄n̄e Irooj ej Anij, Kom̧win Ļoor E”

N̄e kwoj riiti jeje ko rekwojarjar, kwoj kōmourrur i tōmak, eo me ej kōpooj buruōm̧ im am̧ ļōmņak n̄an ron̄ juon “ainikien e dik im e mera” an Jetōb (1 Kiin̄ Ro 19:12).

Je En̄jake ko Rej Im̧we Eok

M̧weo Im̧ōn Israel ekar jab elaajarak im koņ. Ippān doon im jeraam̧m̧an rekar tōprak ium̧win tōl eo an Devid im Solomon etto, im bujen jem̧jerā an laļ eo ippān Anij ekar, n̄an elōn̄ armej ro, juon ememļo̧kjeņ etto. Laļ eo an Israel rekar jepelļo̧k, kōn jon̄an bwij ko rekar ejaake Northern Kingdom an Israel im bwij ko ruo rekar ejaake Southern Kingdom an Judah. Jim̧or laļ ko rekar jab dāpdep wōt ilo mour in jetōb, kar tōl er jān kiin̄ ro me rekar kakkure bujen ko aer ippān Irooj im kareel ro jet n̄an bar kōm̧m̧an āindein (lale 1 Kiin̄ Ro 11–16). Ak bun̄ jān tōmak ekar ļap ilo Northern Kingdom, ijo Kiin̄ Ahab ekar kōketak Israel n̄an kabun̄jar n̄an Baal riab in anij.

Ekar juon jekjek in me rikanaan Ilaija kar kūr e n̄an kwaļo̧k naan n̄an er. Bwebwenato in kwaļo̧k naan eo an ekar kōm̧m̧an bwe en alikkar tōmak eo an juon make ilo Irooj emaron̄ ļap tōparkin ilubwiljin ro retiljek jekdo̧o̧n ilo juon jikin eo eobrak kōn nana. Jet iien Irooj ej uwaak ekkar n̄an tōmak kōn, im̧we, menin bwilōn̄ ko rej waļo̧k ilobōlej, kijeek ko rej wōtļo̧k jān lan̄. Ak E barāinwōt jerbal ilo lur, menin bwilōn̄ ko rettino, āinwōt kakke aikuj ko an rūtto ro ejako pāleer im retiljek im eo nejin. Im eiten menin bwilōn̄ ko An relukkuun n̄an kajjojo wōt jon̄an kwe wōt kwojeļā kaki—n̄an waanjon̄ak, n̄e Irooj ej kwaļo̧k E make im An kilaan kōn “juon ainikien e dik” (1 Kiin̄ Ro 19:12).

N̄an meļeļe ko reļļapļo̧k kōn Ilaija, lale “Elijah” ilo Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

1 Kiin̄ Ro 17:1–16

Juon kūr n̄an katok ej juon iien em̧m̧an n̄an kōmourur tōmak eo aō.

Kar jinoin ekar pen n̄an meļeļe etke rikanaan Ilaija ekar kajjitōk ippān eo ejako pāleen ilo Zarephath n̄an leļo̧k kijen im nimen m̧okta jān naajdik e im ļaddik eo nejin me ekwole. Ak kajjitōk eo an Ilaija kar maron̄ bar watōke āinwōt juon kōjeraam̧m̧an n̄an baam̧le jidikdik in. Rekar aikuji kōjeraam̧m̧an ko an Irooj, im wūjlepļo̧k ekar boktok kōjeraam̧m̧an ko—ekoba kōjeraam̧m̧an ko an tōmak ko rekajoor.

Ilo am̧ riiti bwebwenato in, likūt eok make n̄e enkar kwe eo juon eo ejako pāleen. Ta eo kwoj im̧we kake e? Ļōmņak kōn iien ko rem̧m̧an ilo am̧ kōmourruur tōmak eo am̧—ekoba iien ko rem̧m̧an n̄an wūjlepļo̧k. Ewi wāween am̧ maron̄ erom̧ eļapļo̧k āinwōt in ejako pāleen?

Bar lale Matu 6:25–33; Luk 4:24–26; Lynn G. Robbins, “Tithing—a Commandment Even for the Destitute,” Liahona, Māe 2005, 34–36.

1 Kiin̄ Ro 18

“Eļan̄n̄e Irooj ej Anij, Kom̧win Ļoor E.”

Riisrael ro rekar en̄jake bwe ekar wōr un ko rem̧m̧an n̄an kabun̄jar n̄an Baal kōjekdo̧o̧n kein ko an Irooj, “En ejjeļo̧k bar anij raņ ippam̧ ijjelļo̧kū” (Exodus 20:3). Baal kar jeļā kake āinwōt anij in lan̄ im wōt, im ālkin jilu raan in din̄din̄ in mejlep, rekar lukkuun aikuj juon lan̄. Im kabun̄jar an Baal ekar lukkuun em̧m̧an im mālim jān Irooj im lerooj ro. Ilo am̧ riiti 1 Kiin̄ Ro 18, ļōmņak kōn jabdewōt jekjek ko ilo mour eo am̧ me maron̄ keidi n̄an jekjek ko Riisrael ro rekar iooni. Kwonan̄in ke kar lo an pen am̧ make kōm̧m̧an kālet ko n̄an ļoor Irooj kōnke kālet ko jet elōn̄ unier im rekkar n̄an kwe? (lale 1 Kiin̄ Ro 18:21). Ilo iien ko raorōk loi ilo jebta in, ta eo kwoj ļōmņak Irooj ekar kajjieon̄ katakin armej ro kōn E make im kōn Baal? Ta en̄jake ko kar katakin eok kaki me rej āinwōt m̧ool ko?

Emaron̄ lukkuun kabwilōn̄lōn̄ n̄an je men ko Ilaija ekar ba im ekar kōm̧m̧ane ilo jebta me ej kwaļo̧k tōmak eo ilo Irooj. Ta eo kwoj ekkatak jān Ilaija kōn tōmak?

Bar lale Joshua 24:15; 2 Nipai 2:26–28; D. Todd Christofferson, “Choice and Commitment” (worldwide devotional for young adults, Jan. 12, 2020), ChurchofJesusChrist.org.

Juon kōkaļļe ej kwaļo̧k kōn 1 Kiin̄ Ro 19:11–12. The Prophet, © Robert Booth Charles/Bridgeman Images

1 Kiin̄ Ro 19:1–18

Irooj ekkā an kōnono ilo lur, wāween ko reļam waan.

Ke Lerooj Jezebel kar ron̄ kōn ta eo ekar waļo̧k n̄an pris ro n̄an Toļ Carmel, ekar jab lukkuun m̧ool in oktak—ekar lukkuun illu. Mijak kōn mour eo an, Ilaija ekar ko n̄an āne jamden im kappukot koņe ilo juon ron̄. Ijeņ, ekar apan̄ kōn ajimakeke im ebbweer, ekar wōr juon an en̄jake ippān Irooj me ekar lukkuun oktak jān ta eo ekar waļo̧k ilo Toļ Carmel. Ta en̄jake eo an Ilaija ilo 1 Kiin̄ Ro 19:1–18 rej katakin eok kōn wāween an Irooj leto letak meļeļe n̄an eok ilo iien aikuj ko am̧? Kejōkļo̧kjeņ kōn iien ko ilo mour eo am̧ me em̧ōj kar en̄jake ke kwaar ron̄jake Ainikien. Ta eo kwoj aikuj kōm̧m̧ane n̄an bōk tōl eo An aolep iien?

Kejōkļo̧kjeņ kōn naan ko im jentōj kar jerbal ilo eoon ko rekar laajrak n̄an kōmeļeļeik wāween an Irooj letok meļeļe n̄an kōj: Hilamōn 5:30; 3 Nipai 11:3–7; Katak im Bujen Ko 6:22–23; 8:2–3; 9:8–9; 11:12–14; 36:2.

Bar lale Sam Ko 46:10; 1 Nipai 17:45; Russell M. Nelson, “Ron̄jake E,” Liaona, Māe 2020, 88–92.

1 Kiin̄ Ro 19:19–21

Jerbal n̄an Irooj ej aikuj m̧oktata ilōn̄inļo̧k men ko jej inepata kaki an laļ.

M̧ool eo bwe Illaija ekar wōr nejin 12 pea in oxen ej kwaļo̧k bwe jon̄an ne ekar juon em̧m̧aan em̧weiie. Ta ko rej im̧we eok kōn jerbal ko an me rej rekoot ilo 1 Kiin̄ Ro 19:19–21? Ewi wāween am̧ maron̄ ļoor waanjon̄ak eo an Ilaija?

Bar lale Matu 4:18–22.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

1 Kiin̄ Ro 17:1–16.Bitio in “Elijah and the Widow of Zarephath” (ChurchofJesusChrist.org) im pija eo ilo laajrak in emaron̄ jipan̄ baam̧le eo am̧ lo im pijaikļo̧k bwebwenato in ilo 1 Kiin̄ Ro 17:1–16. Ālkin riiti eoon ko im kappukot kein jipan̄ kein, kajjojo ro uwaan baam̧le eo emaron̄ kōlaajrake tok men ko rem̧m̧an im reim̧we me ewōr ippān kōrā in ejako pāleen. Ta eo Irooj ekar kajjitōkin kōj n̄an kōm̧m̧ane n̄an kwaļo̧k tōmak eo ad?

1 Kiin̄ Ro 18:21“Ilaija im Pris ro an Baal” (ilo Old Testament Stories) emaron̄ jipan̄ baam̧le eo am̧ ekkatak jān bwebwenato eo ilo 1 Kiin̄ Ro 18. Elōn̄ ke men ko rej dāpij kōj jān ad lukkuun wūjlepļo̧k ad n̄an Irooj? Ewi wāween am̧ maron̄ kwaļo̧k ikdeleel eo ad n̄an kālet E?(bar lale eoon 21).

1 Kiin̄ Ro 19:11–12.Ta eo enaaj jipan̄ baam̧le eo am̧ meļeļe kōn aorōkin ron̄jake “ainikein e dik”? Komaron̄ riiti 1 Kiin̄ Ro 19:11–12 ippān doon ilo juon ainikein emera ak al ilo lur juon al kōn Jetōb, āinwōt “The Holy Ghost” (Children’s Songbook, 105). Komaron̄ kobaik jet iaan ainikien kauwaron̄ron̄ ko n̄an kōmeļeļeik wāween an Setan kajjieon̄ dāpij kōj jān ad ron̄ ainikien eo e dik im e mera. Bōlen ro uwaan baam̧le eo remaron̄ kwaļo̧k ta eo rej kōm̧m̧ane n̄an ron̄ ainikien Jetōb eo.

N̄an ļōmņak ko reļļōn̄ļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Jetōb Kwojarjar eo,” Al an Ajiri, 105.

Kōkm̧anm̧anļo̧k Am̧ Ekkatak Ippam̧ Make

Je En̄jake ko Rej Im̧we Eok N̄e kwoj en̄jake Jetōb in ej kōnono n̄an eok, ļōmņak n̄an je ta eo kwoj en̄jake Ej ba n̄an eok. Ļōmņak eo ekar kōm̧m̧an bwe en kobaik im̧we kein n̄an jet naan ko remaron̄ jipan̄ eok kejo̧kļo̧jeņ im kaorōki.

Window of Zarephath, jān Rose Datoc Dall