Kiin̄ Devid kar Kajijete Ioon Tūroon in Kiin̄, jān Jerry Miles Harston

Juun 20–26

2 Samuel 5–7; 11–12; 1 Kiin̄ Ro 3; 8; 11

“Am̧ Aelōn̄ Naaj Kapene N̄an Indeeo Im̧aō”

“Jeje ko otemjej em̧ōj letok kōn kakōrm̧ool an Anij, ej barāinwōt wor tokjāer kōn katakin, n̄an kauwe, im kajim̧we, im katakin ilo kwōjarjar” (2 Timote 3:16).

Je En̄jake ko Rej Im̧we Eok

Iien tōl eo an Kiin̄ Devid ekar jino kōn eļap kallim̧ur. Tōmak eo an eperan n̄an anjo̧ ioon Golaiat ekar juon bwebwenato. Āinwōt juon kiin̄, ekar lkōm̧m̧an bwe Jerusalem en capital eo an im an Israel (lale 2 Samuel 5). Aelōn̄ eo ekar jan̄in kar lukkuun kajoor n̄an jon̄an in. Im jekdo̧o̧n Devid ekar po ilo kapo im luuji kajoor eo an ilo jetōb.

Iien tōl eo an ļeo nejin etan Solomon ekar bar jino kōn eļap kallim̧ur. Kwojarjar eo an ekar bōk māletlet im jeļā kālet rekar erom bwebwenato. Āinwōt juon kiin̄, ekar kōļapļo̧k joko jikin Israel im kalōk juon tampeļ eaibojooj n̄an Irooj. Aelōn̄ eo ekar jan̄in kar lukkuun kajoor n̄an jon̄an in. Im jekdo̧o̧n Solomon ekar bwebwe ke ekar ukōt būruōn n̄an anij ro jet.

Ta eo jemaron̄ ekkatak jān bwebwenato kein rekabūrom̧ōjm̧ōj? Bolen juon katak ej bwe jekdo̧o̧n en̄jake ko ad m̧okta, kajoor eo ad ilo jetōb ej pedped wōt ioon jokālet ko jej kōm̧m̧ani rainin. Jemaron̄ bar lo ilo bwebwenato kein bwe ejjab ad make kajoor ak peran ak māletlet me enaaj lo̧mo̧o̧ren kōj—ej an Irooj. Bwebwenato kein rej kwaļo̧k bwe m̧ool in kōjatdikdik eo an Israel—im ad—ejjab pād ippān Devid, Solomon, ak jabdewōt kiin̄ ro, ak ilo bar juon “nejin Devid”: Jisōs Kraist (Matu 1:1), Kiin̄ eo Indeeo eo enaaj “forgive the sin of [His] people” if we “turn again to [Him]” (1 Kiin̄ Ro 8:33–34).

N̄an juon etale ekadu kōn bok ko ilo 2 Samuel im 1 Kings, lale “Samuel, book ko ilo” im “Kiin ro, bok ko kōn” ilo Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

2 Samuel 5:17–25

Irooj emaron̄ letok n̄an eō tōl.

Ke Devid ekar maron̄ kakobaik Israel (lale 2 Samuel 5:1–5), ekar aikuj bwe en jojomar e armej ro an jān Ripalistia. Ilo am̧ riiti 2 Samuel 5:17–25, ļōmņak kōn wāween an waanjon̄ak eo an Devid maron̄ jipan̄ eok ilo apan̄ ko kwoj jelm̧aeiki (bar lale 1 Samuel 23:2, 10–11; 30:8; 2 Samuel 2:1). Ewi wāween am̧ kappukot tōl eo an Irooj ilo mour eo am̧? Ewi wāween am̧ jeram̧m̧an ilo am̧ mour kōn revelesōn ko kwoj bōki?

Bar lale 1 Kronikel 12; Richard G. Scott, “Ekōjkan Bōk M̧adenļo̧k im Im̧we n̄an Mour eo Am̧ Make,” Liaona, Māe 2012, 45–47.

2 Samuel 7

“Mōn” ta eo Irooj ekar kallim̧ur n̄an Devid kake?

Ke Devid ekar kōņaan kalōk juon em̧, meļeļein juon tampeļ, n̄an Irooj (lale 2 Samuel 7:1–3), Irooj ekar uwaak bwe ilo m̧ool ļaddik eo nejin Devid enaaj kalōke (lale verses 12–15; bar lale 1 Kronikel 17:1–15). Irooj ekar bar ba bwe ijjeļo̧kin enaaj kalōk juon “mōn” Devid, meļeļein juon ineen, im bwe tūroon eo an enaaj n̄an indeeo (lale 2 Samuel 7:11, 16, 25–29; Sam Ko 89:3–4, 35–37). Kallim̧ur in ekar kūrm̧ool ilo Jisōs Kraist, Kiin̄ eo ad Indeeo, eo kar bwijjin Devid (lale Matu 1:1; Luk 1:32–33; Jon 18:33–37).

2 Samuel 11; 12:1–14

Ij aikuj mejmej karuo aolep iien jān jerawiwi.

An Devid tiljek n̄an Irooj ilo m̧okta ekar kōm̧m̧an bwe en pād ilo kōjparok jān kapo ko ke ekar “etetal raan m̧ōn kiin̄ eo” im “ear lo juon kōrā ej tutu” (2 Samuel 11:2). Ļōmņak ta katak ko remaron̄ ekkatak jān en̄jake eo an. Kajjitōk ko āinwōt kein remaron̄ jipan̄ eok ekkatak jān bwebwenato in:

• Ta jokālet ko Devid ekar kōm̧m̧ani me ekar tōl e laļļo̧k n̄an juon iaļ eobrak kōn jerawiwi? Ta jokālet ko rejim̧we komaron̄ kar kōm̧m̧ane ijjeļo̧kin?

• Ewi wāween an eo enana kajjieon̄ tōl eok laļļo̧k n̄an iaļ eo eobark kōn jerawiwi ilo mour eo am̧ make? Ta jokālet eo komaron̄ kar kōm̧m̧ane kiiō n̄an kōjepļaak eok ilo jokņe?

Bar lale 2 Nipai 28:20–24; “To Look Upon” (bitio), ChurchofJesusChrist.org.

1 Kiin̄ Ro 3:1–15

Menin letok n̄an jeļā em̧m̧an im nana ejipan̄ eō jeļā ta eo ejim̧we im ebōd.

Eļan̄n̄e Irooj ekar ba n̄an eok, “Kwōn kajjitōk ta Inaaj lewōj” (1 Kiin̄ Ro 3:5), Ta eo kwon kajjitōk kake? Ta eo ej im̧we eok kōn kajjitōk eo an Solomon? Kejōkļo̧kjeņ etke “bōro e jeļāļo̧kjeņ” n̄an “kile em̧m̧an im nana” (eoon 9) ej juon menin letok eaorōk. Ta eo komaron̄ kōm̧m̧ane n̄an kappukot menin letok in?

Bar lale 2 Kronikel 1; Moronai 7:12–19; David A. Bednar, “Quick to Observe,” Ensign, Dec. 2006, 30–36.

1 Kiin̄ Ro 8:12–61

Tampeļ eo ej m̧weo im̧ōn Irooj.

Ium̧win bukwi iiō ko, tabernacle eo em̧ōkaj kajutaki rekar bōk jikin aelōn̄ eo an Anij me Moses ekar kalōke. Men̄e Devid ekar kōņaan kalōk m̧ōn juon kōppād epen m̧ōn Anij, ijjeļo̧kin Anij ekar kālet ļaddik eo nejin Devid etan Solomon bwe en kalōk tampeļ eo an Irooj. Ilo am̧ riiti jar eo an Solomon im naan ko ekar kōnono kaki n̄an armej ro an ilo an kadedeikļo̧k tampeļ eo, lael wāween an kar en̄jake kōn Irooj im m̧weo Im̧ōn. Komaron̄ barāinwōt kōm̧m̧an juon laajrak in kōjeraam̧m̧an ko me Solomon ekar kajjitōk kaki ilo jar ko an. Ta eo kwoj lo kōn kōjeraam̧m̧an kein? Ewi wāween am̧ jeraam̧m̧an kōn m̧weo im̧ōn Irooj ilo raan kein ad?

Bar lale 2 Kronikel 6.

Barranquilla Colombia Tampeļ

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

2 Samuel 5:19, 23.N̄aat eo jekar “kajjitōk ippān Irooj” kōn tōl? Ewi wāween An kar uwaake kōj?

2 Samuel 7:16.Ke Irooj ekar ba n̄an Devid, “Am̧ aelōn̄ naaj kapene n̄an indeeo,” Ekar kōnono kōn juon kiin̄ ilju im jekļaj ilo baam̧le eo an Devid eo ekar tōl n̄an indeeor: Jisōs Kraist Bolen baam̧le eo am̧ enaaj lan̄lōn̄ ilo an kōm̧m̧an kūraun eo ilo aer kōnono etke kwoj kam̧m̧oolol bwe Jisōs Kraist ej kiin̄ eo am̧ n̄an Indeeo.

2 Samuel 11.Riit kōn jerawiwi eo an Devid ekabūrom̧ōjm̧ōj emaron̄ juon iien em̧m̧an n̄an kōnono kōn kauwōtata in alooje pija ko renana, ļōmņak ko rettoon, im mour ettoon. Kein jipan̄ kein rej ellaajrak remaron̄ lukkuun jipan̄ ilo ekkōnono ko am̧: Oktoba 2019 māākjiin eo an Liahona, the Church’s Addressing Pornography resources (ChurchofJesusChrist.org/addressing-pornography), im bitio ko “What Should I Do When I See Pornography?” im “Watch Your Step” (ChurchofJesusChrist.org). Ro uwaan baam̧le eo remaron̄ kōm̧m̧an juon karōk kōn ta eo renaaj kōm̧m̧ane n̄e rej jelm̧ae pija ko renana.

1 Kiin̄ Ro 11:9–11.Ta “anij ko jet” (eoon 10) me emaron̄ ukōt būruōd bwe jen elļo̧k jān Irooj? Ewi wāween ad dāpij būruōd bwen pedped wōt ioon Jemedwōj Ilan̄ im Jisōs Kraist?

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “More Holiness Give Me,” Hymns, no. 131.

Kōkm̧anm̧anļo̧k Ad Katakin

Pedped wōt ioon katak ko me renaaj kōjeraam̧man baam̧le eo am̧. Ilo am̧ lukkuun jar im ekkatak naan ko an Anij, kajjitōkin eok make, “Ta eo ij lo ijni me enaaj lukkuun ļap meļeļein n̄an baam̧le eo aō?” (lale Teaching in the Savior’s Way, 17).

Kōmeļeļe eo kōn tampeļ eo an Solomon, jān Sam Lawlor