Whither Thou Goest, jān Sandy Freckleton Gagon

Juun 6–12

Ruth; 1 Samuel 1–3

“Būruō ej Lan̄lōn̄ ilo Irooj”

Ilo am̧ ekkatak mour ko an Ruth, Naomi, Hannah, im ro jet ilo wiik in, lukkuun ron̄jake Jetōb im je jabdewōt im̧we ko kwoj en̄jaki. Ta men ko rem̧m̧an kwoj im̧we n̄an kōm̧m̧ani?

Je En̄jake ko Rej Im̧we Eok

Jet iien jej pijaikļo̧k ke mour ko ad rej aikuj ļoor juon iaļ ealikkar jān jinoin n̄an jem̧ļo̧kin. Kōtaan eo ekadutata ikōtaan ruo jem̧ļo̧k ko ej juon ļain kajjim̧we, ālkin aolep men. Im aeet mour ekkā an obrak kōn aipadpad im iaļ ko raitok me rej bōk kōj n̄an jikin ko jejjab kōtmeni. Jemaron̄ lo bwe mour ko ad roktak jidik jān ta eo jej ļōmņake rej aikuj kar.

Ruth im Hannah relukkuun kar meļeļe kōn menin. Ruth ekar jab juon Riisrael, ak ekar m̧areiki juon Riisrael, im ke ļeo pāleen ekar mej, ekar wōr juon an jokālet n̄an kōm̧m̧ane. Enaaj ke roolļo̧k n̄an baam̧le eo an im mour eo an m̧okta, ak enaaj ke dāpij tōmak eo an Riisrael im juon em̧ eo ekāāl ippān jinen ļeo kar pāleen? (lale Ruth 1:4–18). Karōk eo an Hannah kōn mour eo an kar n̄an keotak ajri ro, im an jab maron̄ kōm̧m̧ane ekar kōm̧m̧an bwe en “būrom̧ōj ilo [būruōn]” (lale 1 Samuel 1:1–10). Ilo am̧ riit kōn Ruth im Hannah, ļōmņak kōn tōmak eo rej aikuj likūt ilo mour ko aer ilo pein Irooj im etetal ilo iaļ ko aer me rejjab kōtmeni. Innem kwomaron̄ ļōmņak kōn iaļ eo am̧ make. Enaaj oktak jān iaļ ko an Ruth im Hannah—im ro jet. Ak ilo aolep mellijon̄ ko im men ko kwoj bwilōn̄ kaki ikōtaan ijin im mejān kajjik eo am̧ indeeo, komaron̄ ekkatak n̄an ba n̄an Hannah, “Būruō ej Lan̄lōn̄ ilo Irooj” (1 Samuel 2:1).

N̄an juon etale ekadu kōn bok ko an Ruth im 1 Samuel, lale “Ruth” im “Samuel, books of” ilo the Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

Ruth

Kraist emaron̄ ukōt iien ko renana n̄an juon anjo̧ eļap.

Ke ļeo ippān Ruth ekar mej, iien eo enana ekar jelet e jon̄an eļapļo̧k jān m̧okta jān an juon eo ejjeļo̧k pāleen rainin maron̄ jelm̧aeiki. Ilo manit eo an Israel ilo iien eo, juon kōrā eo ejjeļo̧k pāleen ak nejin m̧aan ejjeļo̧k aer maron̄ n̄an lōn̄ jikin im ejjeļo̧k kein mour. Ilo am̧ riiti bwebwenato eo an Ruth, kile wāween an Irooj ukōt men ko renana n̄an kōjeraam̧m̧an ko reļļap Ta eo kwoj lo kōn Ruth me emaron̄ kar m̧ōj an kar jipan̄ e? Ta jerbal eo an Boaz ilo lo̧mo̧o̧ren Ruth jān jekjek eo an ejjeļo̧k kōjatdikdik ie? (lale Ruth 4:4–7). Ta kadkad ko āinwōt Kraist kwoj lo ilo jim̧or bok in Ruth im Boaz?

Ruth; 1 Samuel 1

Imaron̄ lōke bwe Anij enaaj tōl im jipan̄ eō jekdo̧o̧n jekjek ko aō.

Komaron̄ ke lo eok make ilo bwebwento ko an Ruth, Naomi, im Hannah? Bolen kwar en̄jake kōn juon jerata eļap, āinwōt kar Ruth im Naomi (lale Ruth 1:1–5). Ak bolen, āinwōt Hannah, eto am̧ kōttar kōjeraam̧m̧an ko me kwojjan̄in kar bōki (lale 1 Samuel 1:1–10). Kejōkļo̧kjeņ kōn ta enaan ko komaron̄ ekkatak jān waanjon̄ak ko an kōrā ro retiljek. Ta eo Ruth im Hannah rekar kōm̧m̧ane n̄an kwaļo̧k tōmak eo aer ilo Anij? Ta kōjeraam̧m̧an ko me rej bōki? Ewi wāween ad maron̄ in ļoor waanjon̄ak ko aer? Ļōmņak kōn wāween am̧ kar “lōke” Irooj (Ruth 2:12) men̄e mour epen.

Bar lale Reyna I. Aburto, “Buļōn Kōdo̧ im Det, Irooj, Pād wōt Ippa!” Liaona, Nob. 2019, 57–60.

For This Child I Prayed, jān Elspeth Young

1 Samuel 2:1–10

Buruō emaron̄ lan̄lōn̄ ilo Irooj.

Ālkin an Hannah bōk Samuel eo edik n̄an tampeļ, ekar ekōnono naan in nōbar ko raibojooj n̄an Irooj, em̧ōj kar je ilo 1 Samuel 2:1–10. Naan kein eļapļo̧k aer kōbakakkak n̄e kwoj ļōmņak bwe juon iien ekadu m̧oktaļo̧k, “lio ekar kanooj būrom̧ōj ilo an, … im ear jan̄” (1 Samuel 1:10). Ilo am̧ ekkatak eoon kein, ta ennaan eo kwoj lo bwe ej kōļapļo̧k en̄jake ko am̧ kōn nōbar im kam̧m̧olool n̄an Irooj? Bolen al eo an Hannah enaaj im̧we eok n̄an lo juon wāween ePerhaps Hannah’s song will inspire you to find a creative way to express your gratitude to the Lord—a song, a painting, an act of service, or anything that communicates your feelings toward Him.

Em̧ool, ejjab aolep jar ko rej uwaak āinwōt kar Hannah. Ta eo kwoj lo ilo ennaan eo an Būreejtōn Dieter F. Uchtdorf’s message “Kam̧m̧oolol ilo Jabdewōt Jekjek ko” me emaron̄ jipan̄ eok n̄e jar ko am rejjab uwaak ilo wāween eo kwoj kōjatdikdik kake? (Liaona, Māe 2014, 70–77).

1 Samuel 3

Imaron̄ ron̄jake im pokake ainikien Irooj.

Āinwōt kōj aolep, Samuel ekar ekkatak n̄an kile ainikein Irooj. Ilo am̧ ekkatak 1 Samuel 3, ta eo kwoj ekkatak jān ļaddik jidikdik in kōn ron̄jake im pokake ainikien Irooj? Ta en̄jake ko kwaar en̄jaki ilo am̧ ron̄jake Ainikien? Ta iien ko rem̧m̧an ewōr ippam̧, āinwōt Eli, n̄an jipan̄ ro jet kile n̄e Irooj ej kōnono n̄an er? (llale 1 Samuel 3:7).

Bar Lale Jon 14:14–21; David P. Homer, “Ron̄jake Ainikien,” Liaona, Māe 2019, 41–43.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Ruth 1:16–18; 2:5–8, 11–12.Baam̧le eo am̧ emaron̄ kappukot waanjon̄ak ko kōn jouj im ettā ilo eoon kein. Ewi wāween ad kwaļo̧k jouj n̄an baam̧le eo ad im ro jet im ettā n̄an Jisōs Kraist? Jebta eo kōn “Ruth im Naomi” (ilo Bwebwenato ko ilo Kallim̧ur M̧okta) emaron̄ jipan̄ baam̧le eo am̧ ekkatak jān waanjon̄ak eo an Ruth.

1 Samuel 1:15.Bōlen komaron̄ lutōk juon men jān juon kantāinōr n̄an jipan̄ ro uwaan baam̧le eo lo ta meļeļein naan eo an Hannah ke ekar ba, “A … iar kwaļo̧k būruō im̧aan Irooj.” Etke menin ej juon wāween em̧m̧an n̄an kōmeļeļeiki ta eo jar ko ad rej aikuj āinwōt? Ewi wāween ad kōkm̧anm̧anļo̧k jar ko ad make im an baam̧le ko ad?

1 Samuel 2:1–10.Poem eo an Hannah n̄an nōbar Irooj emaron̄ tōl eok n̄an ļōmņak kōn al ko me rej kōjerbal eok n̄an nōbar Irooj. Komaron̄ ke al jet iaer ippān doon. Ro uwaan baam̧le eo am̧ remaron̄ bar ļōmņak kōn wāween ko jet n̄an kwaļo̧k en̄jake ko kōn Jisōs Kraist. N̄an waajon̄ak, remaron̄ jin̄aik pija ko me rej kwaļo̧k etke rej iakwe Rilo̧mo̧o̧r.

1 Samuel 3:1–11.Emaron̄ itok limoū in tieta kōn bwebwenato eo kōn an Irooj kūr Samuel, ak baam̧le eo am̧ remaron̄ alooje bitio eo “Samuel im Eli” (ChurchofJesusChrist.org). Ro uwaan baam̧le eo remaron̄ kōnono kōn iien ko ke rekar en̄jake an Irooj kōnono n̄an er im wāween aer kar kōm̧m̧an ekkar n̄an naan ko An.

Kōn ļōmņak ko reļļapļok n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “There Is Sunshine in My Soul Today,” Hymns, no. 227.

Kōkm̧anm̧anļo̧k Am̧ Ekkatak Ippam̧ Make

Kōm̧m̧an bwe Jetōb eo en tōl ekkatak eo am̧. Jetōb Kwojarjar enaaj tōl eok n̄an m̧ool ko kwoj aikuj in ekkatak. Kwon keron̄jake unoojdikdik ko An, jekdo̧o̧n n̄e menin ej tōl eok n̄an riit kōn juon unin kōnono eo kwojjjab kōtmene ak n̄an ekkatak ilo juon wāween eoktak.

Kōmeļeļe eo an Samuel ron̄jake Irooj, jān Sam Lawlor