Rut im Naomi

Whither Thou Goest, Jān Sandy Freckleton Gagon

Juun 6–12

Rut; 1 Samuel 1–3

“Būruō ej Lan̄lōn̄ ilo Irooj”

Ilo am̧ riiti Rut im 1 Samuel 1–3, kajjjitōk ippān Jemedwōj Ilan̄ elmen am̧ maron̄ jipan̄ ajri ro ekkatak jān m̧ool ko ilo jebta kein. Ļo̧o̧ke imwe ko am̧ kwoj būki.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k ta eo rejeļā kōn Rut, Neomi, Hanna, ak Samuel. Emaron̄ jipan̄ n̄an kwaļo̧k n̄an er pija ko, āinwōt ko ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le.

pija ej bōk jikin katakin

Katakin Katak eo: Ajri ro Reddikļo̧k

Rut

Imaron̄ kwaļo̧k iakwe im jouj n̄an ro ipeļaakū.

Ke Rut ekar mej, ekar pād wōt ilo pukon eo an, ak eaar kālet in etal ippān nej kōrā eo jinen emej pāleen, Neomi Ļōmņake elmen an Rut kwaļo̧k waanjon̄ak an Kraist emaron̄ kar im̧we ajri ro kwoj katakin bwe ren jouj n̄an ro ipeļaakier.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an pinej jenkwan Neomi, Rut, Boaz, ak ro jet ilo am̧ kwaļo̧k bwebwenato eo aer jān bok in Rut (lale bar “Ruth and Naomi” ilo Old Testament Stories). Kajjitōk ippān ajri ro n̄an kajutak peier aolep iien n̄e rej ron̄ naan eo jouj ilo bwebwenato eo. Ekōjkan ad en̄jake n̄e juon armej ej jouj n̄an kōj? Ekōjkan aer en̄jake n̄e rej jouj n̄an ro jet?

• Al ippān doon juon al kōn jouj, eo āinwōt “When We’re HelpingChildren’s Songbook,198). Jipan̄ ajri ro ļōmņak kōn wāween ko remaron̄ jouj n̄an baam̧le im ro m̧ōttāer. N̄e rej aikuj jipan̄, kwaļo̧k n̄an er pija in armej ro raar kwaļo̧k jouj. N̄an aolep ļōmņak kar kwaļo̧ki, kōtļo̧k an ajri ro jin̄aik juon bōro ioon boot eo.

1 Samuel 1:1–18

Jemedwōj Ilan̄ ej ron̄jake im uwaake jar ko ad.

Ke Hanna ekar būrom̧ōj bwe ejjab maron̄ keotak nejin ajri, eaar oktakļo̧k n̄an Irooj ilo tōmak im E eaar uwaake jar eo an. Jipan̄ ajri ro lo bwe remaron̄ jar iien otemjej n̄an Jemedwōj Ilan̄, eļaptata n̄e rej būrom̧ōj.

M̧akūtkūt ko Maron̄ Kōm̧m̧ani

• Ilo naan ko am̧ make, jiron̄ļo̧k ajri ro etke Hanna ekar būrom̧ōj (lale 1 Samuel 1:2–8; bar lale “Hannah” ilo Old Testament Stories). Ta eo jemaron̄ kōm̧m̧ane n̄e jej būrom̧ōj? Riit n̄an ajri ro 1 Samuel 1:10, im kajjitōk ippān ajri ro n̄an ron̄jake ta eo Hanna ekar kōm̧m̧ane. Kajjitōk ippān ajri ro n̄an kwaļo̧k n̄an eok ta eo rej en̄jake n̄e rej jar. Riit jān eoon 18 n̄an kōmeļeļeiki bwe ālkin jar eo an, Hanna “ear jab bar būrom̧ōj.”

  Hanna im Samuel

  For This Child I Prayed, jān Elspeth Young

• Kōjerbal peij in m̧akūtkūt eo an wiik in n̄an katakin ajri ro bwe remaron̄ jar n̄an Jemedwōj Ilan̄ im Enaaj jipan̄ er. Ilo an ajri ro kōļar, al ak kejo̧ juon al kar rekoot me ej kwaļo̧k kōn jar, eo āinwōt “A Child’s Prayer” (Children’s Songbook, 12–13).

1 Samuel 2:1–10

Irooj eaar kōm̧m̧ani elōn̄ men ko rekabwilōn̄lōn̄ n̄an eō.

Hanna eaar kwaļo̧k an kam̧m̧oolol n̄an Irooj kōn juon al in nōbar eo eaiboojoj. Waanjon̄ak eo an emaron̄ jipan̄ ajri ro ļōmņake elōn̄ men ko remaron̄ kam̧m̧oolol Jemedwōj Ilan̄ kake.

M̧akūtkūt ko Maron̄ Kōm̧m̧ani

• Riit n̄an ajri ro ta eo Hanna ekar ba ālkin an kar Irooj kōjeraam̧m̧an e kōn juon ļaddik (lale 1 Samuel 2:1–2). Kwaļo̧k n̄an ajri ro juon kōjeraam̧m̧an kwaar bōki jān Irooj im elmen am̧ kar en̄jake. Innām kajjitōk ippān ajri ro n̄an kōnono kōn kōjeraam̧m̧an ko Irooj ekar liļo̧k n̄an er. Ewi wāween ad kwaļo̧k ad kam̧m̧oolol n̄an E?

• Al juon al ippān doon me kōmeļeļeik jet iaan kōjeraam̧m̧an ko Irooj ej litok n̄an kōj, āinwōt “My Heavenly Father Loves Me” (Children’s Songbook, 228–29). Kajjitōk ippān ajri ro n̄an jin̄aik kōjeraam̧m̧an ko raar būki jān Irooj.

pija ej bōk jikin katakin

Katakin Katak eo: Ajri ro Rerūttoļo̧k

Rut

Imaron̄ bōk tōmak ilo Irooj.

Rut ekar kōm̧m̧an wūjlepļo̧k ilo tiljek n̄an Irooj im ettā wōt n̄an Neomi. Ekōjkan am̧ maron̄ jipan̄ ajri ro katak jān tōmak eo an Rut?

M̧akūtkūt ko Maron̄ Kōm̧m̧ani

• Kwaļo̧k juon pijain Rut im Neomi (lale unin tōl eo an wiik in ilo Ļoor Eō—N̄an Kajjojo Armej im Baam̧le ko). Innām je ioon boot eo: Apan̄ ko , Kōm̧m̧an ko, Kōjeraam̧m̧an ko. Kajjitōk ippān ajri ro n̄an riiti Rut 1:3–5, 8, 16; 2:1–3, 8–12; 4:13–17, im je ioon lōn̄in naan eo ta eo rej lo ilo eoon kein. Elmen an kar Rut kwaļo̧k an tōmak ilo Irooj? Kwaļo̧k juon waanjon̄ak elmen am̧ kar jeraam̧m̧an kōn am̧ tōmak ilo Jisōs Kraist, im kōtļo̧k an ajri ro kwaļo̧k en̄jake ko aer make.

• Al juon al ippān doon kōn tōmak, āinwōt “The Lord Is My Light” (Hymns, no. 89) ak “Faith” (Children’s Songbook, 96–97). Ta eo al eo ej katakin kōj kōn lōke Irooj? Elmen ad bōk tōmak ilo Jisōs Kraist men̄e iien ko reppen?

1 Samuel 1

Jemedwōj Ilan̄ ej ron̄jake im uwaake jar ko ad.

Ke Hanna “ekar kanooj būrom̧ōj ilo an,” eaar oktakļo̧k n̄an Jemedwōj Ilan̄ ilo jar (1 Samuel 1:10). Elmen am̧ maron̄ rōjan̄ ajri ro kwoj katakin n̄an kōm̧m̧an āindein?

M̧akūtkūt ko Maron̄ Kōm̧m̧ani

• N̄an jipan̄ ajri ro jeļā kōn Hanna 1 Samuel 1, leļo̧k n̄an kajjojo ajri jet eoon n̄an riiti jān jebta eo (ak kwaļo̧k pija “Hannah’s Faith,” ChurcofJesusChrist.org). Ālkin, joļo̧k juon ball ak juon men dikdik n̄an juon ajri im kajjitōk ippān bwe en kwalo̧k jidik in bwebwenato eo m̧okta jen an bar leļo̧k n̄an ajri eo juon n̄an bar kwaļo̧k jidikin bwebwenato eo. N̄e ededeļo̧k bwebwenato eo, kajjitōk ippān ajri ro n̄an kwaļo̧k jet men raar ekkatak jān waanjon̄ak eo an Hanna.

• Riit ippān doon 1 Samuel 1:15, im kōnono ta meļeļein n̄an leļo̧k ad im̧aan Irooj. Ippān ajri ro, kōm̧m̧ane juon elaajrak in men ko me jemaron̄ kōnono kake ippān Anij n̄e jej jar. Al juon al ippān doon kōn jar, āinwōt “A Child’s Prayer” (Children’s Songbook, 12–13). Kam̧ool bwe iakwe eo an Anij n̄an ro nejin im An ikideleel n̄an ron̄jake im uwaake jar ko aer.

• Kajjitōk ippān ajri ro n̄an kōlaajraki (kajjojo armej ak ilo kurup) waanjon̄ak ko an armej ro ilo jeje ko rekwojarjar ro raar jar n̄an Jemedwōj Ilan̄. (N̄e rej aikuj jipan̄, kwomaron̄ ba ren lale Luk 22:41–43; Inos 1:2–6; Joseph Smit—Bwebwenato 1:14–17.) Kajjitōk ippāer n̄an kwaļo̧k ta eo rej ekkatak jān bwebwenato kein.

1 Samuel 3:1–10

Imaron̄ ron̄jake im pokake ainikien Irooj.

Ke Samuel ekar juon ļaddik em̧m̧an ded, eaar ron̄ ainikien Irooj ak eaar jab kile jinoin. Elmen am̧ maron̄ jipan̄ ajri ro kwoj katakin ron̄ im jerbali im̧we ko rej būki?

M̧akūtkūt ko Maron̄ Kōm̧m̧ani

• Kajjitōk ippān ajriro n̄an katen wōt n̄e er Samuel im ro jet bar katen wōt n̄e er Eli ilo ami riiti 1 Samuel 3:1–10 (ak show the video “Samuel and Eli,” ChurchofJesusChrist.org). Ta jemaron̄ ekkatak jān Samuel kōn elmen an ron̄ ainikien Irooj? Elmen ad kwaļo̧k bwe jej kōņaan ron̄ n̄e Irooj ej kōnono n̄an kōj?

• Kajjitōk ippān ajri ro n̄an ļōmņake elmen aer kar kōmeļeļeik ro jet elmen an Irooj kōnono n̄an er. Kajjitōk ippāer n̄an pukot uwaak ko ilo juon ak elōn̄ iaan eoon kein ilaļ: Katak im Bujen Ko 6:22–23; 8:2–3; 9:7–9.

pija ej bōk jikin ekkatak

Kōketak Ekkatak ilo M̧weo

Rōjan̄ ajri ro n̄an ļōmņake ro jet ak jet men remaron̄ jar kake ilo wiik in. Leļo̧k n̄an er iien em̧m̧an jeklaj n̄an kwaļo̧k elmen an Jemedwōj Ilan̄ kar uwaaki jar ko aer.

Kōkōm̧anm̧anļo̧k Ad Katakin

Katakin Ajri ro ewōr Nan̄inmej in Ānbwin ko Jouj im etal n̄an disability.ChurchofJesusChrist.org n̄an lale elmen am̧ maron̄ em̧m̧anļo̧k tōpar aikuj ko an ajri ro ewōr nan̄inmej in ānbwin ippāer.

peij in m̧akūtkūt: Jemedwōj Ilan̄ ej ron̄jake im uwaake jar ko ad.