Kiin̄ Devid ioon tūroon eo

King Devid Enthroned, jān Jerry Miles Harston

Juun 20–26

2 Samuel 5–7; 11–12; 1 Kings 3; 8; 11

“Tūroon eo Am̧ Enaaj Pen n̄an Indeeo”

Ilo am̧ riit jeje ko rekwojarjar, Jetōb Kwojarjar emaron̄ lewaj n̄an eok im̧we ko im im̧we eok n̄an jeļā ta eo enaaj ļap meļeļein n̄an ajri ro kwoj katakin.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān jet ajri n̄an kōnono kōn en̄jake ko aer ilo riiti jej ko rekwojarjar (armej kajjojo, ippān baam̧le eo aer, ak ilo m̧ōnjar). N̄āāt im ia rej riiti jeje ko rekwojarjar? Ewi wāween aer en̄jake n̄e riit jeje ko rekwojarjar? Ta kōjeraam̧m̧an ko rej būki jen pokake kien in?

pija ej bōk jikin katakin

Katakin Katak eo: Ajri ro Reddikļo̧k

2 Samuel 5:19, 23

N̄e ij aikuj jipan̄, Imaron̄ kajjitōk ippān Jemedwōj Ilan̄.

Eoon kein kōmeļeļeiki wāween an kar Devid jar n̄an im̧we im tōl āinwōt kiin̄ an Israel. Ekōjkan am̧ maron̄ im̧we ajri ro n̄an oktakļo̧k n̄an Irooj ilo jar n̄e rej aikuj jipan̄?

M̧akūtkūt ko Maron̄ Kōm̧m̧ani

• Kōmeļeļeiki ajri ro bwe ke Davdi eaar aikuj jipan̄, eaar “kajjitōk,” ak jar, n̄an bōk uwaak. Ilo am̧ riiti 2 Samuel 5:19, 23, kajjitōk ippān ajri ro n̄an kōlaajraki naan ko kar “kajjitōk” im nukwij peier n̄e rej ron̄. Kam̧ool bwe jemaron̄ iien otemjej jar n̄an Jemedwōj Ilan̄ n̄e jej aikuj jipan̄.

• N̄an jipan̄ ajri ro ļōmņak kōn ta eo remaron̄ ba n̄e rej jar, kwomaron̄ kajjitōk n̄āāt rej jar, kwomaron̄ kajjitōk ippāer elmen aer kam̧ōj jentōj ko āinwōt kein: “Kōmij kam̧m̧ool Eok kōn …” im “Kōmij kajjitōk Ippam̧ kōn …” Kōtļo̧k an ajri ro jin̄aik pijain men ko remaron̄ leļo̧k kam̧m̧oolol kake ak kajjitōk kake ilo jar.

  leddik eo ej jar

  Jemaron̄ jar im kajjitōk ippān Jemedwōj Ilan̄ bwe en jipan̄ im tōl.

• Jiron̄ļo̧k ajri ro kōn juon iien ke kwaar jar kōn jipan̄ eo an Jemedwōj Ilan̄. Ekōjkan An kar uwaake jar ko am̧? Ta oktak eo ekar kōm̧m̧an bwe En jipan̄ eok? Kajjitōk ajri ro n̄an kwaļo̧k en̄jake ko aer.

2 Samuel 7:16

Jisōs ej ad Kiin̄.

Ke Devid ekar kiin̄ an Israel, Irooj ekar jiron̄ e bwe an “tūroon eo enaaj pen n̄an indeeo” (1 Samuel 7:16). Kallim̧ur in eaar iokļo̧k Jisōs Kraist, ad Kiin̄ Indeeo, eo ekar lo̧tak jen bwijin Devid.

M̧akūtkūt ko Maron̄ Kōm̧m̧ani

• Kajjitōk ippān juon ajri n̄an katen wōt n̄e e juon kiin̄ ak leroij. N̄e ekkar, leļo̧k n̄an ajri eo juon baj joor n̄an kotake. Ta in kiin̄ ak leroij? Ta eo rej kōm̧m̧ane? Jiron̄ļo̧k ajri ro ke Devid ekar juon kiin̄, ekar jim̧m̧an Jisōs Kraist, eo jej ņaetan “Kiin̄ in kiin̄ raņ” (Revelesōn 19:16). Jipan̄ ajri ro ļōmņak wāween ko jemaron̄ kwaļo̧ke me jej tōmak Jisōs Kraist ej ad Kiin̄ Indeeo.

• Ilo an ajri ro kadedeļo̧k paij in m̧akūtkūt eo an wiik in, al ak kōjan̄ eo al em̧ōj kar kanne me ej iokļo̧k Jisōs āinwōt ad Kiin̄, āinwōt “He Died That We Might Live Again,” “Called to Serve,” “Rejoice, the Lord Is King!” ak “I Believe in Christ” (Children’s Songbook, 65, 174–75; Hymns, nos. 66, 134). Kajjitōk ippān ajri ro n̄an ron̄jake naan in “Kiin̄” im kotak pijain Jisōs n̄e rej ron̄. Ekōjkan ad en̄jake n̄e jej al kōn Jisōs?

1 Kiin̄ Ro 8:57–58

Imaron̄ etetal ilo iaļ ko an Anij.

N̄an RiIsrael ro, ekkal im aje tampeļ ekar juon iien em̧m̧an n̄an ukōtļo̧k būruweer n̄an Irooj im bar wūjlepļo̧k n̄an “etal ilo aolepen iaḷ ko An” (1 Kiin̄ Ro 8:58). Elmen am̧ maron̄ jipan̄ ajri ro kwoj katakin er “etetal ilo aolep iaļ ko An”?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon pija in juon tampeļ raan kein im tampeļ eo Solomon ekar kalōke (lale this week’s outline ilo Itok, Ļoor—N̄an Kajjojo Armej im Baam̧le ko). Kōmeļeļeik bwe ke Solomon ekar kalōk juon tampeļ n̄an RiIsrael ro, ekar rōjan̄ er n̄an “etetal ilo aolep iaļ ko an [Irooj]” (1 Kiin̄ Ro 8:58). Jiron̄ļo̧k ajri ro elmen an tampeļ jipan̄ eok etetal ilo iaļ ko an Irooj. Kajjitōk ippān ajri ro n̄an kwaļo̧k ta en̄jake eo aaer kōn tampeļ. Al ippān ajri ro juon al kōn tampeļ āinwōt “I Love to See the Temple”Children’s Songbook,95).

• Leļo̧k n̄an jet iaan ajri ro peba in bōro ko im ajri ro jet peba in annan̄ in ne. Riiti 1 Kiin̄ Ro 8:58, im kajjitōk ippān ajri ro n̄an kotak bōro ko n̄e rej ron̄ naan eo “bōro” im annan̄ in ne n̄e rej am̧ ba naan eo “etetal ilo aolep iaļ ko An.” Jipan̄ ajri ro meļeļe bwe jej etetal ilo iaļ ko an Irooj n̄e jej ļoor Jisōs im kajjieon̄ in erom̧ āinwōt E. Kajjitōk ippān ajri ro ta eo rej kōm̧m̧ane n̄an etetal ilo iaļ eo an Rilo̧mo̧o̧r. Al ippān doon juon al kōn ļoor Jisōs, āinwōt “I’m Trying to Be like Jesus” (Children’s Songbook, 78–79).

pija ej bōk jikin katakin

Katakin Katak eo: Ajri ro Rerūttoļo̧k

2 Samuel 7:16–17

Jisōs ej ad Kiin̄.

Kiin̄ jej riit kake ilo Kallim̧ur Mokta aolep raar kōm̧m̧an bōd im jerawiwi—men̄e ro rem̧m̧an. Ak Kiin̄ eo kar kanaan bwe enaaj itok jen bwijjin Devid, Jisōs Kraist, eo ewānōk im naaj tōl indeeo.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti ta eo rikanaan Nathan ekar jiron̄ļo̧k Kiin̄ Devid ilo 2 Samuel 7:16–17, im kajjitōk ippāer ta meļeļein kanaan eo ilo aer ļōmņake. Elmen an aelōn̄ in kiin̄ eo an Devid ban jem̧ļo̧k? Jipan̄ ajri ro kappukote im riiti eoon ko me rej kwaļo̧k bwe Jisōs Kraist, ej jen bwijjin Devid, ej juon Kiin̄, āinwōt Luk 1:32–33; Jon 18:33–37; im Revelesōn 19:16. Elmen an Jisōs Kraist āinwōt juon kiin̄? Ta jet iaan wāween ko me jemaron̄ kwaļo̧k bwe Jisōs Kraist ej ad Kiin̄ Indeeo?

• Al juon al ippān ajri ro jet al in jar me ej iokļo̧k Jisōs āinwōt ad Kiin̄, āinwōt “Come, O Thou King of Kings,” “Rejoice, the Lord Is King!” ak “Jesus, Once of Humble Birth” (Hymns, nos. 59, 66, 196). Ta eo al in jar in ej katakin kōj kake ta meļeļein n̄an bōk Jisōs Kraist bwe en ad Kiin̄?

2 Samuel 11

Imaron̄ anjo̧ ioon kapo.

Ajri ro kwoj katakin er rej kōm̧m̧ani kālet ko reddik raorōk kajjojo raan. Elmen am̧ maron̄ jipan̄ er meļeļe aorōk eo n̄an kālet ta eo ejim̧we men̄e epen?

M̧akūtkūt ko Maron̄ Kōm̧m̧ani

• Etale 2 Samuel 11 ippān ajri ro, kalikkar kōn kālet ko Devid ekar kōm̧m̧ani. Kajjitōk ippān ajri ro ta kālet ko rem̧m̧an Devid eaikuj kar kōm̧m̧ani. Ta jet iaan men ko jemaron̄ kōm̧m̧ani n̄e jej ioon kapo me remaron̄ jipan̄ kōj kālet jim̧we eo?

• N̄an kwaļo̧k jon waanjon̄ak in ro rekar, ejjab āinwōt Devid, kar jum̧ae kapo, kajjitōk ippān ajri ro n̄e rej keememej bwebwenatoin Josep im kōrā eo ippān Potiphar (lale Jenesis 39:7–12). Kwomaron̄ etale bwebwenato in ippān ajri ro im jipan̄ er keidi ippān bwebwenato eo an Devid. Ta eo jemaron̄ ekkatak jen bwebwenato ko an Devid im Jospep kōn elmen ad jum̧ae kapo?

pija ej bōk jikin ekkatak

Kōketak Ekkatak ilo M̧weo

Jipan̄ ajri ro ļōmņak jet men ko remaron̄ mour kake ta eo raar ekkatakin rainin. Innām rōjan̄ er n̄an kōm̧m̧ani karōk ko aer.

Kōkm̧anm̧anļo̧k Ad Katakin

Lale kūr ko eļan̄n̄e kar ļoori. N̄e kwoj kajjitōk ippān juon ajri n̄an kōm̧m̧ane ta eo raar ekkatak, bar ro̧o̧lļo̧k im lale kajjitōk eo ilo kūlaaj eo tok juon. Menin ej kwaļo̧k n̄an ajri ro bwe kwoj kea elmen an gospel in kōjeraam̧m̧an mour ko aer. Ilo aer kwaļo̧k en̄jake ko aer, renaaj kajoor im naaj jipan̄ doon mour kōn gospel.

peij in m̧akūtkūt: Imaron̄ etetal ilo iaļ ko an Anij