Debora ippān ritariņae ro

Pijain Debora an tōl jarin tariņae ko an Israel, © Lifeway Collection/licensed from goodsalt.com

Māe 30–Juun 5

Ri Ekajet Ro 2–4; 6–8; 13–16

“Irooj ear Kajerkak juon Ri lo̧mo̧o̧r”

Ekanooj lōn̄ bwebwenato ko reim̧we loi ilo Ri Ekajet Ro 2–4; 6–8; 13–16. Ļōmņak elmen am̧ maron̄ kōjerbal

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān kajjojo ajri n̄an kwaļo̧k juon bwebwenato jān jeje ko rekwojar me rej kab ekkatak. Kajjitōk ippāer n̄an kwaļo̧k ta eo rej ekkatak jān eoon kein.

pija ej bōk jikin katakin

Katakin Katak eo: Ajri ro Reddikļo̧k

Ri Ekajet Ro 3:9

Jisōs Kraist ej aō Rilo̧mo̧o̧r.

Ke RiIsrael ro rekar jar n̄an Irooj, Eaar juon Rilo̧mo̧o̧r. Jipan̄ ajri ro lo bwe Jisōs Kraist ej Rilo̧mo̧o̧r eo Anij ekar kajerkake n̄an kōj.

M̧akūtkūt ko Maron̄ Kōm̧m̧ani

• Kōmeļeļeik n̄an ajri ro bwe ke RiIsrael ro rekar bōjrak aer kōjparok kien ko an Anij, raar luji kōjparok eo An im kar luuj jān rikōjdāt ro aer. Riit jān Ri Ekajet Ro 3:9 naan eo “ro nejin Israel raar kūr n̄an Irooj.” Ta eo RiIsrael ro rekar kōm̧m̧ane ke raar aikuj jipan̄? Kwaļo̧k juon en̄jake n̄e kwoj jar kōn jipan̄ im Anij ekar uwaaki jar eo am̧.

• Riit jān Ri Ekajet Ro 3:9 naan eo “Irooj ear kajerkak juon Ri lo̧mo̧o̧r,”.im kajjitōk ippān ajri ro n̄an ālijji ippam̧ jet alen. Kōmeļeļeik bwe juon rilo̧mo̧o̧r ej juon eo ej lo̧mo̧o̧ren kōj. Kwaļo̧k n̄an ajri ro jet pijain armej, ekoba juon pijain Jisōs Kraist, im likūti kapedoik pija ko ioon laļ. Kōtļo̧k an an ajri ro bōk kuņaer kōn pija ko, pukot pijain Jisōs, im kotake. Kam̧ool bwe Jisōs Kraist ej Kajerkak eo Anij ej kajerkake n̄an lo̧mo̧o̧ren kōj jān jerawiwi im mej.

Gideon im ritariņae ro

Gideon eaar leke Irooj. © Lifeway Collection/licensed from goodsalt.com

Ri Ekajet Ro 6:11–16; 7:1–8

Irooj emaron̄ kōjerbal men ko reddik n̄an kōm̧m̧ani men ko reļļap.

Gideon eaar ļōmņak ejeram̧ōļ ippān make im jejtokjen, ak Anij eaar lo e āinwōt juon “juon kwe armej e kajoor im peran” (Ri Ekajet Ro 6:12). Jipan̄ ajri ro lale bwe men̄e rej en̄jake reddik, Anij emaron̄ jerbal ilo er n̄an kōm̧m̧ane men ko raorōk (lale Alma 37:6–7).

M̧akūtkūt ko Maron̄ Kōm̧m̧ani

• Jiron̄ļo̧k ajri ro bwe Irooj ej aikuji aolep n̄an jipan̄ E lo̧mo̧o̧ren Israel jān rikōjdāt ro aer, RiMidian ro, im Eaar kālet Gideon. Riiti Ri Ekajet Ro 6:15 n̄an ajri ro, im kajjitōk ippāer etke Gideon ekar jab en̄jake emaron̄ kar kōm̧m̧ane ta eo Irooj ekōņaan. Riit eoon 16, im kajjitōk ippāer wōn eo Irooj ekar ba enkar jipan̄ Gideon. Jiron̄ļo̧k ajri ro kōn juon tōre Irooj ekar kajjitōk ippam̧ n̄an kōm̧m̧ane jet men reppen n̄an jerbal n̄an E im kwaar en̄jake ke E ekar pād ippam̧.

• Kwaļo̧k pijain ajri ro ak jodikdik ro rej kōm̧m̧ani men ko reļļap ilo jerbal in an Anij(lale Gospel Art Book, nos. 19, 23, 90, 102), ak jiron̄ kōn waanjon̄ak ko kwaar loi. Jipan̄ ajri ro ļōmņaki wāween ko remaron̄ bōk kūņaer ilo jerbal in an Anij, im kajjitōk ippāer n̄an jin̄aiki pijain aer make kōm̧m̧ane men kein.

• Kōjerbal peij in m̧akūtkūt eo an wiik in n̄an katakin ajri ro kōn wāween an Irooj kar kōm̧m̧an bwe jarin tariņae eo edik an Israel bwe RiIsrael ro ren jeļā bwe An kajoor ekar lo̧mo̧o̧ren er jān rikōjdāt ro aer. Kwaļo̧k waanjon̄ak ko kōn men ko reddik n̄an kōm̧m̧ane jerbal eo eļap, āinwōt an bii ko aiini necter ko n̄an kōm̧m̧an honi. Kwaļo̧k am̧ naan in kam̧ool bwe Anij emaron̄ jipan̄ kōj n̄an kōm̧m̧ane juon jerbal eļap, men̄e jej en̄jake edik.

pija ej bōk jikin katakin

Katakin Katak eo: Ajri ro Rerūttoļo̧k

Ri Ekajet Ro 3:7–9, 12–15

Jisōs Kraist ej aō Rikadiwōjļo̧k.

Ri Ekajet Ro 3 kōmeļeļeik juon doulul me kwomaron̄ kōjerbale n̄an katakin ajri ro bwe Anij eaar kajerkak kōj jān jerawiwi kōn Rilo̧mo̧o̧r Jisōs Kraist.

M̧akūtkūt ko Maron̄ Kōm̧m̧ani

• Je naan kein ioon boot eo: “devil ekar,” “kūr n̄an Irooj,” im “kar kajerkak juon ri lo̧mo̧o̧r.” Kajjitōk ippān ajri ro n̄an pukot naan kein ilo Ri Ekajet Ro 3:7–9, im kajjitōk ippān ro jet n̄an lale Ri Ekajet Ro 3:12–15. Kōmeļeļeiki n̄an ajri ro bwe jen iien n̄an iien ilo Bok in Ri Ekajet, RiIsrael ro rekar “kōm̧m̧ani men ko re nana.” Innām, ke rikōjdāt ro aer raar itok ioer“raar kūr n̄an Irooj,”im bwe Irooj “ ekar kajerkak juon ri lo̧mo̧o̧r” n̄an jipan̄ er. Ta eo jej ekkatak kōn Irooj jān doulul in?

• Al juon al ippān doon me ejipan̄ ajri ro meļeļe bwe Jisōs Kraist ej Ripinmuur im Kajerkak eo aer, āinwōt “He Sent His Son” (Children’s Songbook, 34–35). Kajjitōk ippān ajri ro n̄an kwaļo̧k en̄jake ko aer kōn ta eo Rilo̧mo̧o̧r ekar kōm̧m̧an n̄an kajerkak kōj jān jerawiwi, apan̄ ko, im mej.

Ri Ekajet Ro 4:1–15

Imaron̄ tiljek n̄an Irooj men̄e ro jet rejjab.

Men̄e elōn̄ iaan RiIsrael ro raar ilo̧k jān Irooj, jet raar pād wōt im m̧ool n̄an E im kar maron̄ jipan̄ elōn̄ n̄an ro̧o̧ltok n̄an wānōk. Elmen am̧ maron̄ rōjan̄ ajri ro n̄an dim wōt ilo Irooj jekdo̧o̧n ta ko ro jet rej kōm̧m̧ane?

M̧akūtkūt ko Maron̄ Kōm̧m̧ani

• Jiron̄ļo̧k ajri ro bwe ilo juon iien ke RiIsrael ro raar nana, juon kōrā riekajet etan Debora im juon komja an’jarin tariņae an RiIsrael, Barak, Israel kar anjo̧ jen rikōjdāt ro aer (lale Ri Ekajet Ro 4:1–15). Riit ippān doon Ri Ekajet Ro 4:14, im kajjitōk ippān ajri ro n̄an pukot men ko Debora ekar kwaļo̧k an tōmak ekajoor ilo Irooj. Innām kajjitōk ippāer n̄an riiti Katak im Bujen ko 84:88 n̄an lale juon pedped me ebarāinwōt pād ilo Ri Ekajet Ro 4:14. Rōjan̄ er n̄an kwaļo̧k ta meļeļein kallim̧ur eo an Irooj “Inaaj ilo̧k im̧aami” n̄an er.

• Al juon al kōn pokake kien ko, āinwōt “Choose the Right” (Hymns, no. 239) or “Choose the Right Way” (Children’s Songbook, 160–61). Elmen ad maron̄ jutak wānōk im pokake kien ko men̄e ro jet ipeļaakid rejjab?

Ri Ekajet Ro 7

Iaļ ko an Anij eoktak jen iaļ ko an laļin.

Irooj eaar kajjitōk ippān Gideon n̄an kōm̧m̧ani men ko me emaron̄ kar jab meļeļe ilo tōre eo. Ta eaar im̧we eok kōn bwebwenato in? Elmen am̧ en̄jake emaron̄ kōjeraam̧m̧an ajri ro kwoj katakin?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an katen wōt n̄e raar aikuj in aiin juon jarin tariņae ippān doon im ilo̧k im tariņae. Ewōr jete armej rekōņaan ilo jarin tariņae eo aer? Kōjerbal Ri EkajetRo 7:4–7, kajjitōk ippān ajri ro n̄an kōm̧m̧ane elmen an Irooj kar jipan̄ Gideon kālet jarin tariņae eo me eaar anjo̧ jān RiMidianro. Etke Irooj ekōņaan bwe jarin tariņae eo an Gideon ren iddik uwaaer( lale Ri Ekajet Ro 7:2). Etke ļoor naan in jiron̄ Irooj kar pen n̄an Gideon im jarin tariņae eo an? Kajjitōk ippān ajri ro n̄an kwaļo̧k waanjon̄ak ko ke raar ekkatak n̄an leke Irooj men̄e epen kōm̧m̧ane men eo.

• Kajjitōk ippān ajri ro n̄an jin̄aik juon jāje, kein kōttōrak, trumpt, laam̧, im pijja. Kajjitōk ippān ajri ro ewi wōt men eo remaron̄ bōke ippāer n̄an jikin tariņae. Kajjitōk ippāer n̄an riiti Ri Ekajet Ro 7:16 n̄an jeļā ta eo ritariņae ro an Gideon rekar bōk ippāer. Etke ekar aikuj n̄an bōk peran n̄an kōm̧m̧ane menin? Riit ippān doon Ri Ekajet Ro 7:19–21 n̄an jeļā elmean an ritariņae ro kar kōjerbal trumpet ko im pijja ko n̄an anjo̧ ioon RiMaidian ro. Ta eo jej ekkatak kōn Rilo̧mo̧o̧r jān eoon kein?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an ro uwaan baam̧le eo jet men raar ekkatak rainin me ekōm̧m̧an bwe ren kōņaan kōjparok kien ko.

Kōkōm̧anm̧anļo̧k Ad Katakin

Kōm̧m̧ane m̧akūtkūt ko n̄an jipan̄ aikuj ko. Jab lale laajrak in kein āinwōt kōmeļeļe bwe kwon ļoore. Ijoke, kōjerbali āinwōt juon kein jipan̄ n̄an ļōmņak ko n̄an im̧we eok make ilo am̧ kōļmenļo̧kjeņ kōn aikuj ko an ajri ro kwoj katakin. N̄an waanjojn̄ak, ilo jekjek ko jet, kwomaron̄ en̄jake n̄an kōm̧m̧ane juon m̧akūtkūt n̄an ajri ro reddikļo̧k n̄an katakin ajri ro rōrūttoļo̧k ak aolepāer.

peij in m̧akūtkūt: Irooj emaron̄ kōjerbal men ko reddik n̄an kōm̧m̧ane jerbal eo eļap