An Moses kapit Joshua

Pijain an Moses kapit Joshua, jān Darrell Thomsa

Māe 23–29

Joshua 1–8; 23–24

“Kwōn Kajoor im Kanooj Peran”

Ilo am̧ riiti Joshua 1–8 im 23–24, je jetōbin im̧we ko kwoj būki. Ta eo kwonaaj kōm̧m̧an n̄an lo ta eo ajri ro kwoj katakin raikuji in ekkatak jān jebta kein?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Jin̄aik juon pija ioon boot eo kōn jet men jān juon iaan bwebwenat ko ilo Joshua 1–8; 23–24, im lale n̄e ajri remaron̄ kajjirereiki bwebwenato eo ej tok jān ia. N̄an waanjon̄ak, kwomaron̄ jin̄aiki juon reba ak juon jikin.

pija ej bōk jikin katakin

Katakin Katak eo: Ajri ro Reddikļo̧k

Joshua 1:8

Ij ļōmņak kōn jeje ko rekwojarjar raan im bon̄.

Irooj eaar jiron̄ Joshua bwe n̄e enij ļōmņaki wōt jeje ko rekwojarjar im ļoori kapilōk ko jeni, enaaj tōprak an tōl RiIsrael ro n̄an āneen kallim̧ur. Ta eo kwomaron̄ kōm̧m̧ane n̄an katakin ajri ro kōn kōjeraam̧m̧an ko reļļap me rej itok jān jeje ko rekwojarjar?

M̧akūtkūt ko Maron̄ Kōm̧m̧ani

• Leļo̧k n̄an kajjojo ajri juon pija ak jin̄ain aļ ak allōn̄. Riit n̄an er jān Joshua 1:8: “Ļōmņak [ļōmņaki jeje ko rekwojarjar] raan im bon̄.” Kōmeļeļeiki bwe ļōmņaki meļeļein lukkuun m̧wilaļ in ļōmņak kōn men ko. Ālijji naan kein elōn̄ alen, im kajjitōk ippān ajri ro n̄an kotak aļ n̄e kwoj ba “raan” im allōn̄ n̄e kwoj ba “bon̄.” Kōtļo̧k bwe ajiro ro ren ālijji naan ko ippām.

• Kajjitōk ippān ajri ro n̄an kwaļo̧k etan men ko rekar kōm̧m̧ani ilo raan eo im men ko raar kōm̧m̧an bon̄on eo. Jiron̄ er bwe Joshua ear jiron̄ n̄an ļōmņak kōn jeje ko rekwojarjar raan im bon̄. Jipan̄ er ļōmņaki bwebwenato ko ak katak ko jān jeje ko rekwojarjar me remaron̄ ļōmņaki kōn raan im bon̄. Kajjitōk ippāer n̄an jin̄aik juon pijaier make ak an baam̧le eo aer ekkatak jeje ko rekwojarjar. Etke em̧m̧an ippāer ekkatak jeje ko rekwojarjar? Elmen aer jeraam̧m̧an n̄e rej kōm̧m̧ane?

Joshua 3

Ij aikuj peptaij n̄an deļo̧n̄e aelōn̄ in lan̄.

Bwebwenato eo an Joshua n̄an tōl RiIsrael ro ilo Reba Jordan ļo̧k n̄an aneen kallim̧ur kar leļo̧k iien em̧m̧an n̄an katakin ajri ro bwe jej aikuj peptaij n̄an deļo̧n̄e aelōn̄ in lan̄.

M̧akūtkūt ko Maron̄ Kōm̧m̧ani

• Etale jet iaan laajrak in bwebwenato eo an ro nejin Israel kijone Reba Jordan n̄an deļo̧n̄e āneen kallim̧ur ( “Joshua the Prophet” in Old Testament Stories). Innām kwaļo̧k juon pijain an kar Jisōs peptaij, in jiron̄ ajri ro ke Jisōs ekar peptaij ilo ejja reba eo. Kajjitōk ippān ajri ro n̄an kwaļo̧k men ko rejeļā kōn peptaij eo an Jisōs.

• Al juon al kōn peptaij ippān ajri ro, āinwōt “Baptism” (Children’s Songbook, 100–101). Jipan̄ er kile ta eo al in ej katakin kōj ta unin an kar Jisōs peptaij im etke jej aikuj ļoor waanjon̄ak eo An. Kajjitōk ippān ajri ro n̄an kwaļo̧k en̄jake ko aer kōn aer kar peptaij. Kōnono kōn ta eo ajri ro remaron̄ kōm̧m̧ane kiiō n̄an pojak in peptaij n̄e ealitōk aer iiō.

  leddik eo ej jutak ilo jikin peptaij eo

  Jej aikuj in peptaij n̄an deļo̧n̄e aelōn̄ in lan̄.

Joshua 24:15.

Imaron̄ kālet n̄an jerbal n̄an Jisōs Kraist.

Naan eo āliktata an Joshua n̄an armej ro an ekar bwe ren kālet n̄an jerbal wōt n̄an Irooj ak kowaan E. Kōn ejja iakwe in wōt an Joshua n̄an armej ro an, kwomaron̄ rōjan̄ ajri ro kwoj katakin n̄an kālet n̄an jerbal n̄an Irooj “rainin.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōnono kōn jet iaan kālet ko raar kōm̧m̧ani rainin. Riit n̄an ajri ro jān Joshua 24:15: Eaar kwaļo̧k kūr in n̄an ro nejin Israel, ro eaar tōl er: “Kom̧win kāālōt rainin wōn eo kom̧ naaj jerbal n̄an e; … A kōn n̄a im ro nuku, kōm naaj jerbal n̄an Irooj.” Elmen an kar ajri ro kālet n̄an jerbal n̄an Irooj rainin? Ta jet iaan wāween ko jemaron̄ kālet n̄an jerbal n̄an E kajjojo raan?

• Al ippān doon juon al kōn kōm̧m̧ani jokāālet ko rejim̧we, āinwōt “Choose the Right WayChildren’s Songbook, 160–61). Ekōjkan ad en̄jake n̄e jej kāālet n̄an jerbal n̄an Jisōs Kraist? Kajjitōk ippān ajri ro n̄an jin̄aik ermake kōm̧m̧ani men ko n̄an jerbal n̄an Irooj. Kwaļo̧k juon bwebwenato jān mour eo am̧ ak jān juon māākjin an Kabun̄ in kōn kālet n̄an jerbal n̄an Irooj.

pija ej bōk jikin katakin

Katakin Katak eo: Ajri ro Rerūttoļo̧k

Joshua 1–4; 6

“Kwōn kajoor im kanoor peran.”

Ālkin an Joshua erom̧ juon ritōl an RiIsrael ro, Irooj ekar rōjan̄ e im ba “Kwōn kwōn kajoor im kanoor peran.” (Joshua 1:6). Ta eo ajri ro remaron̄ ekkatak jān Joshua kōn wāween kajoor im peran kōn Kraist?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an pukot naan ko me ej ālijj ilo Joshua 1:6, 9, im 18, im je ioon boot eo (bar lale eoon 7). Jipan̄ ajri ro ļōmņaki un ko jemaron̄ aikuji ennaan in, āinwōt kar Joshua. Etale āinwōt juon kūlaaj jet iaan bwebwenato ko ilo Joshua 1–4; 6 (bar lale “Joshua the Prophet” im “Rahab and the Spies” in Old Testament Stories), im kajjitōk ippān ajri ro n̄an kile elemn an armej ro ilo bwebwenato kein kar kwaļo̧k peran im kajoor.

• Kajjitōk ippān ajri ro n̄an kōnono kōn juon eo rejeļā kajjien eo ekajoor im eperan. Rōjan̄ er n̄an je jet me rekōņaan kōm̧m̧ane n̄an erom̧ kajoor im ļapļo̧k peran kōn Kraist.

Joshua 1:8

Imaron̄ ļōmņak kōn jeje ko rekwojarjar raan im bon̄.

Juon wāween Irooj ekar jipan̄ Joshua pojak n̄an idajon̄jon̄ ko ekar iooni ekar jen rōjan̄ e n̄an “ļōmņaki” jeje ko rekwojarjar “raan im bon̄.” Ekōjkan an naan in kapilōk in maron̄ kōjeraam̧m̧an ajri ro kwoj katakin er?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ewi jon̄an aer joļo̧k iien ilo juon raan ilo m̧akūtkūt ko. Innām kajjitōk ippāer n̄an riiti Joshua 1:8, pukot men ko me jemaron̄ aolep aikuji n̄an kōm̧m̧ani aolep raan im bon̄. Kajjitōk ippāer n̄an pukot naan ko im naan ko ilo eoon in me ej katakin kōj kōn kōjeraam̧m̧an ko an ekkatak jeje ko rekwojarjar. Elmen ļōmņaki jeje ko rekwojarjar jipan̄ kōj bōk tōprak ilo men ko jet jej kōm̧m̧ani kajjojo raan?

• Kajjitōk ippān ajri ro n̄an riit ippān doon eoon kein ilaļ: Joshua 1:8; 1 Nipai 15:23–24; 2 Nipai 31:20; 32:3; Jekab 4:6; Hilamōn 3:29–30. Kajjitōk ippān ajri ro n̄an pukot juon naan ak naan ilo eoon in me ej katakin kōj kōn kōjeraam̧m̧an ko an ekkatak jeje ko rekwojarjar. Ta kōttōbar ko remaron̄ karōki n̄an ekkatak jān jeje ko rekwojarjar aer make?

Joshua 24:15.

Imaron̄ kālet n̄an jerbal n̄an Jisōs Kraist.

Ilubwiljin naan ko āliktata an Joshua n̄an RiIsrael ro ekar akweļap n̄an “kālet … rainin wōn eo kwoj jerbal n̄an e.” Ļōmņak kōn ekōjkan an kapilōk in maron̄ kōjeraam̧m̧an ajri ro kwoj katakin er.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ane juon peba kileplep kōjerbal jet iaan naan ko raorōk im naan ko ilo Joshua 24:15. Kōtļo̧k aer kwaļo̧k peba kileplep eo aer im kōmeļeļe etke rekar kālet naan ko. Elmen ad maron̄ kwaļo̧k n̄an Anij ke jej kālet n̄an jerbal n̄an E?

• Kajjitōk ippān ajri ro n̄an kwaļo̧k jet jekjek ko me remaron̄ būki n̄an kālet n̄an kālet Anij ijelo̧k men ko jet. Kajjitōk ippāer n̄an ļōmņake ta eo ren kōm̧m̧ane. Etke eaorōk n̄an “kālet … rainin” ijelo̧kin kōttar an jekjek ko waļo̧ktok? Elmen ad naaj kar jeraam̧m̧an n̄e jej kōm̧m̧ani kālet ko rejim̧we?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kālet men ko kwomaron̄ kōnono kaki me rekōņaan kwaļo̧ki n̄an baam̧le ko aer. Rōjan̄ er n̄an ļōmņake juon wāween remaron̄ kwaļo̧ke wiik in ej itok.

Kōkōm̧anm̧anļo̧k Ad Katakin

Jipan̄ ajri ro n̄an katak em̧m̧anļo̧k. Jibadbad eo am̧ n̄an katakin ajri ro ejjab baj leļo̧k wōt m̧ool eo n̄an er. Kwoj aikuj jipan̄ er kōļapļo̧k un̄are peid make ro rem̧ool rej pukot m̧ool eo.

m̧akūtkūt in peij: Ij aikuj peptaij n̄an deļo̧n̄e aelōn̄ in lan̄