Irooj eaar waļo̧kļo̧k n̄an Moses im elder ro an Israel

Pija an Irooj waļo̧kļo̧k n̄an Moses im 70 elder ro an Israel, jān Jerry Harston

Eprōļ 25–Māe 1

Exodus 24; 31–34

“N̄a Inaaj Ilo̧k Ippam̧ļo̧k”

Ke Moses eaar pojak in tōl ro nejin Israel ļo̧k n̄an ānen kallim̧ur, Irooj eaar ba, “N̄a Inaaj Ilo̧k Ippam̧ļo̧k” (Exodus 33:14). IIlo am̧ keppopo n̄an katakin ajri ro ilo kūlaaj eo am̧, ļōmņake elmen am̧ maron̄ kajjitōk ippān Irooj n̄an “ilo̧k [ippam̧] waj.”

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān kajjojo ajri n̄an kālet jet nōm̧ba in peba. Kōjerbal nōm̧ba eo n̄an ļōmņak in karōki ijo ajri ro remaron̄ kwaļo̧k jet men raar ekkatak jān jeje ko rekwojarjar, emaron̄ ilo m̧weeo ak ilo Būraimere.

pija ej bōk jikin katakin

Katakin Katak eo: Ajri ro Reddikļo̧k

LaleExodus 31:13, 17.

Kōjparok raan in Jabōt ej juon kōkaļļein iakwe eo aō n̄an Irooj.

Irooj eaar jiron̄ Moses bwe n̄e ro nejin Israel naaj kōjparok raan in Jabōt im kōkwojarjare, rekar kwaļo̧k n̄an E bwe rekōņaan bwe ren armej ro An.

M̧akūtkūt ko Maron̄ Kōm̧m̧ani

• Jin̄aik juon bōro ioon boot eo, im kajjitōk ippān ajri ro ta meļeļein kōkaļļe kein. Jipan̄ er ļōmņake men ko jet me remaron̄ in juon kōkaļļein iakwe, āinwōt juon atbokwoj ak juon jerbal in jipan̄. Riiti n̄an er Exodus 31:13. Jipan̄ er meļeļe bwe n̄e jej kōjparok raan in Jabōt im kōkwojajare, ej juon kōkkaļļe n̄an Irooj ke jej iakwe E.

• Jiron̄ļo̧k ajri ro kōn jet wāween ko kwoj kajjieon̄ in kwaļo̧k am̧ iakwe n̄an Irooj ilo Jabōt. Kōtļo̧k aer kwaļo̧k elmen aer im baam̧le ko aer kōm̧m̧ane menin. Kajjitōk ippāer n̄an kōjerbal peij in m̧akūtkūt eo an wiik in n̄an kwaļo̧k eļapļo̧k ļōmņak ko.

  ajri ro ro jineer im jemeer ilo m̧weeo

  N̄an kōjparok raan in Jabōt, jej kwaļo̧k ad iakwe n̄an Irooj.

Exodus 32:1–8, 19–24

Imaron̄ likūt Irooj m̧oktata ilo mour eo aō.

Ke Moses eaar pād ilo To̧l Sinai kōnono ippān Irooj, ro nejin Israel rekar kālet n̄an kabun̄jar n̄an ekjab ijeļo̧kin E. Bwebwenato in emaron̄ kakeememej ajri ro kwoj katakin bwe jejjab aikuj kōtļo̧k men ko jet bwe ren aorōk n̄an kōj ijeļo̧kin Irooj.

M̧akūtkūt ko Maron̄ Kōm̧m̧ani

• Etale jidik Kien ko Jon̄oul ippān ajri ro, kwaļo̧k ruo iaer (lale Exodus 20:3–6). Kōjerbal “The Ten Commandments” (in Old Testament Stories) n̄an kwaļo̧k ippāer bwebwenato eo jān Exodus 32:1–8, 19–24. N̄e ekkar, kōtļo̧k an ajri ro jipan̄ eok kwaļo̧k bwebwenato eo. Jipan̄ ajri ro lo ta eo ebōd ro nejin Israel raar kōm̧m̧ane ilo bwebwenato in (kwomaron̄ kakeememej ajri ro kōn ruo iaan Kien ko Jon̄oul. Ta eo RiIsrael ro ren kar kōm̧m̧an?

• Kwaļo̧k juon pija in Jisōs Kraist., ippān pijain men ko jet me ajri ro remaron̄ joļo̧k iien ie, āinwōt kein ikkure ko, ikkure ko, im ko jet. Kajjitōk ippān ajri ro n̄an pukot pija eo me ej kwaļo̧k ta eo aikuji eļaptata n̄an kōj. Kwaļo̧k n̄an ajri ro elmen am̧ kar jeraam̧m̧an n̄an likūt Irooj m̧oktata ilo mour eo am̧—m̧okta jen men ko jet rem̧m̧an.

Exodus 33:11

Irooj ekar kōnono n̄an Moses jelm̧ae doon.

Ālkin an kar Mosese kakkure ekjab gold eo, “Irooj ear kōnono n̄an Moses jelm̧ae doon, āinwōt armej ej kōnonoippān jeran.” Jeļā menin emaron̄ kalōk tōmak eo an ajri ro bwe Irooj ej juon armej em̧ool eo ej iakwe er.

M̧akūtkūt ko Maron̄ Kōm̧m̧ani

• Jiron̄ļo̧k ajri ro elmen am̧ en̄jake n̄e kwoj kōnono ippān m̧ōttam̧, im kajjitōk ippāer elmen aer en̄jake. Riit n̄an er jentōj eo jinointata Exodus 33:11. Kajjitōk ippān ajri ro elmen aer ļōmņak kōn kar en̄jake eo an rikanaan Moses. Jiron̄ļo̧k ajri ro kōn juon tōre kwaar en̄jake epaakeļo̧k Irooj, men̄e kwaar jab lo E kōn mejam̧.

• Al ippān doon juon al me ej kwaļo̧k elmen an Jemedwōj Ilan̄ im Jisōs en̄jake kōn kōj, āinwōt “Jesus Is Our Loving Friend” (Children’s Songbook, 58). Kwaļo̧k pijain an Rilo̧mo̧o̧r kwaļo̧k iakwe n̄an ro jet Gospel Art Book, nos. 36, 41–43, 46–47). Rōjan̄ ajri ro n̄an kwaļo̧k elmen aer en̄jake kōn Jemedwōj Ilan̄ im Jisōs.

pija ej bōk jikin katakin

Katakin Katak eo: Ajri ro Rerūttoļo̧k

Exodus 31:12–17

Kōjparok raan in Jabōt ej juon kōkaļļein iakwe eo aō n̄an Irooj.

Kōjparok raan in Jabōt im kōkwojarjare emaron̄ pidodo—im kam̧ōņōņō—n̄an ajri ro n̄e rej kile ke ej juon kōkaļļe in aer wūjlepļo̧k n̄an Irooj.

M̧akūtkūt ko Maron̄ Kōm̧m̧ani

• Kajjitōk ippān ajri ro jejjo̧ kajjitōk ko n̄an jipan̄ er meļeļe ta in kōkaļļe—n̄an waanjon̄ak, “Ta kōkkaļļe ko rej kōtļo̧k am̧ jeļā bwe spring ej itok ak kwoj jino piio?” Kajjitōk ippāer n̄an riiti Exodus 31:13, 16–17 im pukot naan eo “kōkkaļļe.” Ta eo Irooj ekar ba ej juon kōkkaļļe ikōtaan kōj im E? Etke kōkkaļļein ekar lukkuun aorōk?

• Kajjitōk ippān ajri ro n̄an bōk kūņaer kōmeļeļeik etke rej kālet n̄an kōjparok raan in Jabōt. Video eo āinwōt “The Sabbath Is for You” ak “My Holy Day—Honoring the Sabbath” (ChurchofJesusChrist.org) emaron̄ jipan̄.

• Kajjitōk ippān ajri ro n̄an je aolep men ko remaron̄ ļōmņaki me er remaron̄ kōm̧m̧ani ilo Jabōt n̄an kwaļo̧k n̄an Irooj ke rej iakwe E. Rōjan̄ er n̄an kwaļo̧k jejjo̧ men ko jān laajrak eo aer. Kajjitōk ippāer n̄an bōk laajrak eo aer n̄an m̧weeo, kwaļo̧k n̄an baam̧le ko aer, im lale jabdewōt iien n̄e aikuji ļōmņak ko kōn ta eo rej kōm̧m̧ane ilo raan in Jabōt.

Exodus 32:1–8, 19–24

Imaron̄ likūt Irooj m̧oktata ilo mour eo aō.

Juon ennaan jān bwebwenato in ilo Exodus 32 eaorōk n̄an kōjparok ruo iaan Kien ko Jon̄oul—jab kabun̄jar n̄an juon ak jabdewōt ijeļo̧kin Irooj.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k jabdewōt men rejeļā kake kōn bwebwenato eo an Aaron kōm̧m̧anm̧an juon ekjab gold n̄an an Israel ro kabun̄jar. N̄e reaikuj jipan̄, leļo̧k er n̄an Exodus 32:1–8, 19–24; ak kwaļo̧k n̄an er “The Ten Commandments” (in Old Testament Stories). Etke ebōd bwe RiIsrael ro ren kabun̄jar n̄an juon ekjab? (Kwomaron̄ leļo̧k bwe ajri ro ren lale ruo iaan Kien ko Jon̄oul ilo Exodus 20:3–6.)

• Jipan̄ ajri ro ļōmņake waanjon̄ak in men ko armej ro remaron̄ po ie n̄an kabun̄jar ijeļo̧k Irooj—.men ko me rej kōm̧ad kōj jen E Innām kajjitōk ippāer n̄an kwaļo̧k waanjon̄ak ko in men ko me ejipan̄ er mije wōt Rilo̧mo̧o̧r im kabun̄jar n̄an E.

Exodus 32:1–5, 21–24

Imaron̄ jutak kōn wānōk.

Ke RiIsrael ro raar ba bwe Aron ej kōm̧anm̧an juon ekjab, eaar errā n̄an kōm̧m̧ane, men̄e ekar bōd (lale Duteronomi 9:20). Ļōm̧anke elmen am̧ maron̄ rōjan̄ ajri ro n̄an jutak kōn wānōk, men̄e ro jet rej ba n̄an er jaab.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Exodus 32:1–5, 21–24, kajjojo ak ilo m̧ōttan, im kwaļo̧k ta aer ļōmņak Aron eaikuj kar kōm̧m̧ane ke RiIsrael ro raar kajjitōk ippān n̄an kōm̧m̧ane juon ekjab. Elmen an Aron kar jipan̄ armej ro?

• Jipan̄ ajri ro ļōmņake jekjek ko remaron̄ iooni n̄e armej ro jet rej kajjitōk ippāer n̄an kōm̧m̧ane men ko rejeļā ke ebōd. Kajjitōk ippān ajri ro n̄an kwaļo̧k ļōmņak ko n̄an doon kōn ta eo n̄an kōm̧m̧ane ilo jekjek ko.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k ippān baam̧le eo aer juon men remaron̄ kōm̧m̧ane n̄an kōjparok im kōkwojarjar raan in Jabōt.

Kōkōm̧anm̧anļo̧k Ad Katakin

Kajjitōk ippān ajri ro n̄an kwaļo̧k naan in kam̧ool. Kajjitōk ko kwomaron̄ kajjitōk remaron̄ rōjan̄ ajri ro n̄an kwaļo̧k elmen aer en̄jake kōn Rilo̧mo̧o̧r im elmen an gospel in in kar kōjeraam̧m̧an er. N̄e kōm̧m̧ane menin, rej kwaļo̧k aer naan in kam̧ool. (Lale Teaching in the Savior’s Way, 1132.)

peij in m̧akūtkūt: Kōjparok raan in Jabōt ej juon kōkaļļein iakwe eo aō n̄an Irooj