São Paulo, Brazil

Māe 2–8

Exodus 35–40; Levitikōs 1; 16; 19

“E Kwōjarjar N̄an Irooj”

Ilo am̧ ekkatak jeje ko rekwojarjar, ļo̧m̧ņak kōn ajri ro kwoj katakin er. Jetōb Kwojarjar emaron̄ jipan̄ eok jeļā ta m̧ool ko rej aikuj n̄an jeļā im elmen am̧ maron̄ katak m̧ool ko n̄an er.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Likūt etan kajjojo ajri ilo juon ninne. Kajjitōk ippān juon ajri n̄an bōk juon āt, im kajjitōk ippān ajri eo wōn āt eo kar kālete n̄an kwaļo̧k jet men ekar ekkatak jān Kalim̧m̧ur M̧okta. Kōnono ippān ajri ro elmen an men ko rej ekkatak jipan̄ er epaakeļo̧k Jisōs Kraist. Etal wōt m̧ae iien ewōr an aolep iien n̄an kwaļo̧ke.

pija ej bōk jikin katakin

Katakin Katak eo: Ajri ro Reddikļo̧k

Exodus 36:1

Imaron̄ jipan̄ kōm̧m̧ane jerbal eo an Irooj.

Ajri ro reddikļo̧k ewōr aer menin letok ko me remaron̄ kōjerbali n̄an leļo̧k n̄an jerbal in an Irooj ioon laļ in. Elmen am̧ maron̄ jipan̄ ajri ro en̄jake juon ikdeleel n̄an kwaļo̧k ta eo Irooj ekar leļo̧k n̄an er?

M̧akūtkūt ko Maron̄ Kōm̧m̧ani

• Riiti Exodus 36:1 n̄an ajri ro, im kajjitōk ippāer n̄an ron̄jake ta eo Irooj eaar lelo̧k n̄an Bizalel im Oholiab n̄an jipan̄ er kalōk “m̧ōn kwōjarjar” (tabernacle). Jiron̄ļo̧k kajjojo ajri kōn menin letok eo an (emaron̄ jipan̄ n̄an kajjitōkin jeneer im jemeer). Kam̧ool bwe Anij ekar “likūt” menin letok ko ippān kajjojo ajri ro Nejin.

• Jiron̄ļo̧k ajri ro etke kwoj kōņaan jipan̄ ilo jerbal in an Irooj. Jipan̄ er ļōmņake wāween ko remaron̄ bar bōk kuņaer ie (āinwōt ekkatk kōn ro jibwier im jim̧m̧aer, jiron̄ļo̧k ro jet kōn Jisōs, ak jipan̄ ro uwaan baam̧le). Je ļōmņak ko aer ioon peba jidikdik ko, likūti ilo juon ninne, im kajjitōk ippān kajjojo ajri n̄an kālet juon im kōm̧m̧ane ikkure eo ilo peba jidikdik ko.

Exodus 40:17–134

Imaron̄ en̄jake an Anij pād ilo jikin ko rekwojarjar.

Irooj eaar jiron̄ ro nejin Israel n̄an kalōk im̧ōn kwōjarjar eo bwe E en maron̄ “jokwe ippāer” (Exodus 25:8). Kwomaron̄ jipan̄ ajri ro ekkatak kōn jikin ko rekwojarjar Anij ekar litok n̄an kōj rainin n̄an jipan̄ kōj en̄jake An pād.

M̧akūtkūt ko Maron̄ Kōm̧m̧ani

• Kwaļo̧k juon pija in im̧ōn kwōjarjar etto (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko). Kajjitōk ippān ajri ro n̄an pukot m̧ōttan ko reoktak kōn im̧ōn kwōjarjar ilo pija in, āinwōt jikin lamp eo ak lokatok ko, im kōmeļeļeik bwe men kein raar wōr tokjeer n̄an jipan̄ RiIsrael ro ļōmņak kōn Irooj (n̄an eļapļo̧k meļeļe kōn tabernacle, lale Exodus 40:17–34). Ia jikin ko rekwojarjar ewōr ippāer rainin me ejipan̄ kōj ļōmņak kōn Irooj?

• Kwaļo̧k juon pijain tampeļ, im riiti Exodus 25:8 n̄an ajri ro. Kōmeļeļeiki bwe ilo tōrein ad, Anij eaar letok n̄an kōj jikin ko rekwojarjar ijo jemaron̄ in epaakeļo̧k E. Jipan̄ ajri ro laajraki jet iaan jikin ko rekwojarjar. Kajjitōk ippān ajri elmen aer en̄jake n̄e rej ļōmņak kōn jikin kein rekwojarjar. Kwaļo̧k n̄an er bwe jemaron̄ bar en̄jake epaakļo̧k Anij n̄e jej jar, jekdo̧o̧n ia eo jej pād ie.

• Kadedeikļo̧k peij in makūtkūt ko ippān ajri ro. Ilo am̧ kōm̧m̧an āindein, al juon al ippāer kōn tampeļ, āinwōt “I Love to See the Temple” (Children’s Songbook, 95).

  Rome Italy Temple

  Āinwōt tabernacle eo etto, tampeļ eo ej jitōn̄ļo̧k kōj n̄an Rilo̧mo̧o̧r eo.

pija ej bōk jikin katakin

Katakin Katak eo: Ajri ro Rerūttoļo̧k

Exodus 35:20–29; 36:1

Anij eaar letok menin letok ko n̄an jipan̄ jerbal in An.

Kajjojo ro nejin Jemedwōj Ilan̄ ewōr jet men n̄an leļo̧k n̄an jerbal in an Irooj. Ajri ro kwoj katakin remaron̄ aikuji jipan̄ eo am̧ n̄an kile elmen aer maron̄ kōjerbal menin letok ko aer n̄an jipan̄ ilo jerbal in an Anij.

M̧akūtkūt ko Maron̄ Kōm̧m̧ani

• Kwaļo̧k juon pija in tabernacle eo (lale unin tōl eo an wiik in ilo Ļoor Eō—N̄an Kajjojo Armej im Baam̧le ko). Kajjitōk ippān ajri ro ta kein katak ko remaron̄ aikuji n̄an kalōk tabernacle eo. Riit ippān ajri ro Exodus 35:20–29, im kajjitōk ippāer n̄an lale elmen kar aikuj kein katak ko kar litoki. Kam̧ool bwe kajjojo ajri ewōr jet n̄an leļo̧k n̄an jerbal in an Irooj.

• Kajjitōk ippān ajri ro n̄an riiti Exodus 36:1 n̄an pukot ta eo Irooj ekar leļo̧k n̄an ro ekar kūr n̄an jipan̄ kalōk tabernacle eo. Kajjitōk ippān ajri ro n̄an kwaļo̧k ta aer en̄jake ke Irooj eaar leļo̧k n̄an er n̄an jipan̄ kalōk aelōn̄ in kiin̄ eo An (leļo̧k kakobaba n̄e aikuj). Ewi wāween ad maron̄ kōjerbal men kein n̄an kōjeraam̧m̧an ro jet?

Exodus 40:17–33

Imaron̄ eromļo̧k āinwōt Jisōs Kraist im Jemedwōj Ilan̄.

Tabernacle eo eban wōt kōtļo̧k bwe Anij en pād ippān ro nejin Israel, ak en bar katakin er men ko remaron̄ kōm̧m̧ani n̄an erom̧ļo̧k āinwōt Anij.

M̧akūtkūt ko Maron̄ Kōm̧m̧ani

• Kajjitōk ippān ajri n̄an kōjerbal Exodus 40:17–33 n̄an kalikkar men ko me raar m̧ōttan tabernacle eo n̄an pukot jet iaer ilo pija in tabernacle eo etto (lale ̄unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko). Kajjitōk ippān ajri ro bwe ren jin̄aik juon aer make jin̄a kōn tabernacle eo. Kōnono kake elmen an kajjojo m̧ōttan ilo tabernacle eo maron̄ katakin kōn Rilo̧mo̧o̧r ak Jemedwōj Ilan̄. N̄an waanjon̄ak, tōptōp in kallim̧ur eo emaron̄ kakeememej kōj kōn kien ko an Anij, lokatok eo emaron̄ kakeememej kōj kōn en̄taan eo an Jisōs Kraist, im jikin lamb eo emaron̄ kakeememej kōj bwe Rilo̧mo̧o̧r ej Meram in laļ, im āindein.

• Kajjitōk ippān ajri ro n̄an riiti Exodus 25:8 n̄an lale etke Irooj ekar kōņaan bwe ro nejin Israel ren kalōk “im̧ōn kwōjarjar” (ak tabernacle). Jipan̄ ajri ro laajraki jikin ko im jekjek ko ijo jemaron̄ en̄jake an Irooj pād. Elmen an jikin kein rekwojarjar jipan̄ eok eromļo̧k āinwōt Jemedwōj Ilan̄ im Jisōs Kraist?

Levitikōs 1:1–4

Kōn Pinmuur eo an Jisōs Kraist, jemaron̄ bōk jeorļo̧k bōd.

Katok kōn menin mour ilo Kalim̧m̧ur M̧okta kar wōr tokjen n̄an katakin ajri ro nejin Israel kōn jeo̧rļo̧k in bōd kar kōm̧m̧an kōn Pinmuur eo an Jisōs Kraist.

M̧akūtkūt ko Maron̄ Kōm̧m̧ani

• Kwaļo̧k pijain Jisōs Kraist ilo Gethsemane im ioon dōbwāāl (lale Gospel Art Book, nos. 56, 57). Kōmeļeļeik bwe Irooj eaar jiron̄ ro nejin Israel n̄an kōm̧m̧an katok ko n̄an katakin er bwe ren maron̄ bōk jeo̧rļo̧k in bōd jen jerawiwi ko aer kōn Pinmuur eo an Jisōs Kraist. Riit ippān ajri ro Levitikōs 1:1–4, im kajjitōk ippāer n̄an pukot naan ko ak naan ko me ekakeememej er kōn en̄taan eo an Jisōs Kraist.

• Kwaļo̧k juon pija in Jisōs Kraist an loļo̧k armej ro ilo Amedka Gospel Art Book, no. 82). Kōmeļeļeiki bwe ālkin an Jisōs Kraist kar dōbwāāl im kar jerkakpeje, Eaar katakin armej ro ilo Amedka ta unin aer jab bar katok kōn menin mour ko. Riit ippān doon 3 Nipai 9:19–20, im kajjitōk ippān ajri ro ta eo kar jiron̄ kōj n̄an katok kake. Ta meļeļein n̄an leļo̧k juon katok in juon bōro erub im jetōb ettā? Kwaļo̧k bwe ren pukote “Broken Heart” ilo Unin Tōl n̄an Jeje ko Rekwojarjar (scriptures.ChurchofJesusChrist.org) n̄an jipan̄ uwaake kajjitōk in. Kajjitōk ippāer n̄an kōļmenļo̧kjeņ elmen aer maron̄ leļo̧k juon bōro erub im jetōb ettā n̄an Irooj.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kajjitōk ippān Jemedwōj Ilan̄ wiik in elmen An kōņaan bwe ren leļo̧k n̄an jerbal in An ilo baam̧le eo aer.

Kōkōm̧anm̧anļo̧k Ad Katakin

Jitōn̄ļo̧k n̄an Jemedwōj Ilan̄ im Jisōs Kraist. Jibadbad in kōttōpar eo am̧ eaikuj n̄an jipan̄ ajri ro kwoj katakin kajoorļo̧k ilo tōmak eo are ilo Jemedwōj Ilan̄ im Jisōs Kraist. Ta eo kwomaron̄ kōm̧m̧ane n̄an jipan̄ er meļeļe elmen mour kaki m̧ool ko ilo gospel in naaj jipan̄ er erom̧ļo̧k āinwōt Jemed im Nejin?

m̧akūtkūt in peij: Imaron̄ en̄jake an Anij pād ilo jikin ko rekwojarjar