bukwōn ānejam̧dān

Māe 9–15

Bōnbōn 11–14; 20–24

“Kom̧win Jab Jum̧ae Irooj, Barāinwōt Jab Mijak”

Laajrak in ejjab meļeļein bwe ej juon peba in riit. Ijoke, kōjerbal ļōmņak ko im im̧we n̄an m̧akūtkūt in ekkatak ko me renaaj kōjeram̧m̧an ajri ro ilo kūlaaj eo am̧.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k n̄an ajri ro peij in m̧akūtkūt eo an wiik in ak māb eo ilo unin tōl eo an wiik ilo Itok, Ļoor Eō—N̄an Kajjojo im Baam̧le ko. Kōtļo̧k bwe ren kwalo̧k n̄an eok jabdewōt men rejeļā kōn ta eo ej waļo̧k ilo pija in.

pija ej bōk jikin katakin

Katakin Katak eo: Ajri ro Reddikļo̧k

Bōnbōn 11:4–10

Imaron̄ kam̧m̧oolol kōn ta eo Anij ekar letok.

Men̄e Irooj ekar kōm̧m̧ani men ko rekabwilōn̄lōn̄ n̄an ro nejin Israel, ijoke ekkā aer pedped ioon ta eo ejjeļo̧k ippāer. Jipan̄ ajri ro ekkatak n̄an kam̧m̧oolol kōn ta eo Anij eaar leļo̧k n̄an er.

M̧akūtkūt ko Maron̄ Kōm̧m̧ani

• Kajjitōk ippān ajri n̄e rekeememej jet iaan kabwilōn̄lōn̄ ko me Irooj ekar kōjeraam̧m̧an RiIsrael ro ilo āne Jem̧aden. (N̄e ajri ro reaikuj jipan̄, kwaļo̧k n̄an er pija ko jān April 4–10 laajrak eo ilo Itok, Ļoor Eō—N̄an Kajjojo Armej im Baam̧le ko; bar lale Exodus 14:21–22; 15:23–25; 16:4.) Innām kōmeļeļeiki n̄an er Bōnbōn 11:4–10, kwaļo̧k bwe Irooj ekar jab m̧ōņōņō kōnke RiIsrael ro raar elotaan. Jipan̄ ajri ro ļōmņake wāween ko remaron̄ kwaļo̧k kam̧m̧oolol n̄an Irooj.

• Al juon al ippān doon, āinwōt “N̄e Kwoj Ion Buktak Ko An Mour In” (Al, no. 6). Kajjitōk ippān kajjojo ajri ro n̄an jin̄aik pijain kōjeraam̧m̧an ko Irooj eaar leļo̧k n̄an er ak baam̧le ko aer. Rōjan̄ er n̄an ļōmņak kake ak lale pija eo aer n̄e rej ioon kapo n̄an elotaan kōn men ko ejjeļo̧k ippāer.

Bōnbōn 13:17–33; 14:6–9

Tōmak emaron̄ jipan̄ eō jab mijak.

N̄e Moses ekar jilkinļo̧k 12 em̧m̧aan n̄an lale ānen kallim̧ur, 10 iaer rekar ro̧o̧ltok kōn mijak kōn kajoor in armej ro raar jokwe ijo. Ruo iaer, Caleb im Joshua, raar jab mijak, kōnke raar tōmak ilo Irooj.

M̧akūtkūt ko Maron̄ Kōm̧m̧ani

• Kōjerbal pija ko ak jin̄a in grape ko, honey ko, giant ko, im grasshopper ko n̄an jiron̄ ajri ro jidik kōn em̧m̧aan ro 12 Moses ekar jilkinļo̧k er n̄an wate ānen kallim̧ur (lale Bōnbōn 13:17–33; bar lale “Forty Years in the Wilderness” ilo Old Testament Stories). Kōmeļeļeik bwe raar lo elōn̄ leen wōjke ko im m̧ōn̄ā ko jet (kajjitōk ippān ajri ro n̄an katen wōt n̄e rej m̧ōn̄ā), ak ren barāinwōt mijak bwe armej ro ijo raar kilep im kajoor (kajjitōk ippān ajri n̄an katen wōt n̄e remijak). Kwaļo̧k juon pijain Jisōs, im kwaļo̧k bwee ruo RiIsrael, Caleb im Joshua, raar jab mijak kōnke raar tōmak ilo Jisōs Kraist.

• Riiti Bōnbōn 14:9 n̄an ajri ro, im kōnono kōn juon tōre ke kwaar mijak ak am̧ tōmak ilo Jisōs Kraist ekar jipan̄ eo bōk peran. Jipan̄ ajri ro n̄an kwaļo̧k ejja en̄jake ko aer.

  em̧m̧aan ro rej ļam̧ōjļo̧k n̄an Moses kōn leen wōjke ko

  Jon̄oul riwate ro an RiIsrael raar mijak; Joshua im Caleb rekar tōmak. © Lifeway Collection/licensed jān goodsalt.com

Bōnbōn 21:6–9

Imaron̄ reilo̧k n̄an Jisōs Kraist.

Baj āinwōt ro nejin Israel kar mour jen reilo̧k n̄an jedpānit bronze eo, ajri ro ilo kūlaaj eo am̧ rej bōk lo̧mo̧o̧r jen reilo̧k n̄an Rilo̧mo̧o̧r.

M̧akūtkūt ko Maron̄ Kōm̧m̧ani

• Kōjerbal peij in m̧akūtkūt eo an wiik in ak pija eo ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko, jiron̄ ajri ro ta eo ekar waļo̧k ke “jedpānit baijin” eo ekar itok n̄an im̧ōn kapped eo an RiIsrael ro (lale Bōnbōn 21:6–9). Jipan̄ er lo elmen an jedpānit bronze eo āinwōt Jisōs Kraist (lale Jon 3:14–15). Kōtļo̧k bwe ajri ro ren bōk kuņaer kōjerbal pija ko n̄an kwaļo̧k bwebwenato eo n̄an doon.

• Kajjitōk ippāer n̄an kilōke mejāer ilo am̧ likūt juon pija in Jisōs jabdewōt jikin ilo ruum̧ eo. Innām kajjitōk ippān ajri ro n̄an kōpeļļo̧k mejāer, pukot pija eo, im reilo̧k n̄an e. Kōtļo̧k bwe ren bōk kuņaer en eo m̧oktata ej likūt pija eo. Kajjojo iien n̄e ajri eo ej lo pija eo, jipan̄ er ļōmņake men ko remaron̄ kōm̧m̧ani n̄an reilo̧k n̄an Rilo̧mo̧o̧r.

pija ej bōk jikin katakin

Katakin Katak eo: Ajri ro Rerūttoļo̧k

Bōnbōn 12

Irooj ekōņaan bwe in ļoor rikanaan eo An.

Bōnbōn 12 epād ie jet katak ko ewōr tokjeer me remaron̄ jipan̄ ajri ro n̄e rej ron̄ an armej ro ba men ko rejjab em̧m̧an kōn rikanaan eo an Irooj ak ritōl ro jet an Kabun̄ in.

M̧akūtkūt ko Maron̄ Kōm̧m̧ani

• Jiron̄ļo̧k ajri ro bwe ilo juon tōre, Irooj eaar jab m̧ōņōņō ippān Aron im Miriam, brother im sister eo an Moses. Kajjitōk ippāer n̄an riiti Bōnbōn 12:1–2 n̄an lale ta unin. Ekkar n̄an eoon 5–8, elmen an kar Irooj en̄jake kōn Aron im Miriam kōnono ņae rikanaan eo An?

• Jipan̄ ajri ro ļōmņak kōn waanjon̄ak eo an armej ro ilo jeje ko rekwojarjar ro rekar ļoor rikanaan eo im kar jeraam̧m̧an (n̄an waanjon̄ak, lale Jenesis 7:7; 1 Nipai 3:7). Ta jet iaan men ko rikanaan eo ad emour ekar katakin kōj? Elmen ad jeraam̧m̧an n̄e jej pokake katak ko an?

Bōnbōn 21:4–9

Jisōs Kraist ewōr an kajoor n̄an kempur eō ilo jetōb.

Elōn̄ RiIsrael ro raar mej kōnke ekar jab wōr aer tōmak bwe Irooj enaaj kar kōmour er n̄e ren kar reilo̧k n̄an jedpānit bronze eo (lale Alma 33:18–20). Elmen am̧ maron̄ jipan̄ ajri ro kwoj katakin n̄an bōk tōmak ilo kajoor in lo̧mo̧o̧r eo an Jisōs Kraist?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an jin̄aik pija ko kōn ta ko rej riiti ilo Bōnbōn 21:4–9. Kōtļo̧k bwe ren kōjerbal pija ko aer n̄an kwaļo̧k bwebwenato eo. Kajjitōk ippān kajjojo ajri n̄an kālet jon iaan eoon kin ilaļ im kwaļo̧k ta kobaiktok n̄an ad meļeļe bwebwenato in: Jon 3:14–15; 1 Nipai 17:41; Alma 33:18–20; Hilamōn 8:13–15; Katak im Bujen ko 6:36.

• Je ioon boot eo juon kajjitōk āinwōt Ta eo jemaron̄ kōm̧m̧ane n̄an “reilo̧k n̄an Nejin Anij kōn Tōmak”? (Hilamōn 5:12). Leļo̧k n̄an kajjojo ajri jidik peba, im kajjitōk ippāer n̄an je aolep uwaak ko n̄an kajjitōk in ilo aer ļōmņake. Aiini peba ko, riiti eļaaj jejjo̧ uwaak, im kajjitōk ippān ajri ro n̄an kōnono elmen kōm̧m̧ani men kein maron̄ jipan̄ kōj n̄e jej aikuji kajoor in kōmour eo an Rilo̧mo̧o̧r.

Bōnbōn 22–24

Imaron̄ ļoor ankilaan Anij, men̄e ro jet rej kajjieon̄ kareel eō bwe in jab.

Balak eaar kejjieon̄ kareel Balaam n̄an kaliaik RiIsrael ro, ak Balaam eaar jeļā bwe menin ekar jum̧ae ankilaan Anij. Waanjon̄ak eo an Balaam emaron̄ jipan̄ ajri ro n̄e rej ioon inepata n̄an jab pokake Anij.

M̧akūtkūt ko Maron̄ Kōm̧m̧ani

• Kōmeļeļeiki Bōnbōn 22:1–18 n̄an ajri ro, kwaļo̧k elmen an Balaam kar m̧akoko in kaliaik armej ro an Anij, men̄e Balak, kiin̄ eo an Moab, ekar leļo̧k utiej im m̧weeie. Kajjitōk ippān ajri ro n̄an lale eoon kein ilaļ kōn naan ko me rej en̄jake kōn ļōmņak eo an Balaam n̄an ļoor Anij: Bōnbōn 22:18; 23;26; 24:13. Kajjitōk ippān ajri ro n̄an bōk juon naan em̧m̧an ippāer im je ioon juon kaat n̄an jipan̄ er keememej n̄an pokake Irooj.

• Kōnono ippān ajri ro kōn jekjek ko n̄e ro m̧ōttaer ak ro jet remaron̄ in kareel er n̄an kōm̧m̧ani men ko rebōd, āinwōt an Balak kar kōm̧m̧an n̄an Balaam. Elmen an kar Balaam wūjlepļo̧k n̄an Irooj bwe en jipan̄ e anjo̧ jen inepata eo an Balak? Kajjitōk ippān ajri ro n̄an ekkatak uwaak n̄an jekjek kein kōjerbal naan ko āinwōt Balaam.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k men ko ippān baam̧le ko aer, āinwōt pija, juon eoon, ak juon al, me ej kwalo̧k ta eo raar ekkatak ilo Būraimere.

Kōkōm̧anm̧anļo̧k Ad Katakin

Kwōn pojak n̄an im̧we ko jān Jetōb. “Bwe iien katakin eo em̧m̧antata emakijkij an jab waļo̧k—n̄an waanjon̄ak, n̄e juon ej kwaļo̧k juon en̄jake ak kajjitōk juon kajjitōk me ej tōlļo̧k n̄an juon unin kōnono eo ewōr tokjen. … Kwon ukōt karōk ko am̧ n̄e ekkar n̄an ļoor im̧we ko kwoj būki” (Teaching in the Savior’s Way, 10).

peij in m̧akūtkūt eo: Imaron̄ reilo̧k n̄an Jisōs Kraist