“Māe 16–22. Exodus 6–8; 15; 29; 34: ‘Kwōn Lale N̄e kwō Ab Meļo̧kļo̧k Irooj,’” Itok, Ļoor Eō—N̄an Būraimere: Kallim̧ur M̧okta 2022 (2021)
“Māe 16–22. Duteronomi 6–8; 15; 18; 29–30; 34,” Itok, Ļoor Eō—N̄an Būraimere: 2022
Kōmeļeļe in Moses an Jutak ioon To̧ļ Nebo, © Providence Collection/licensed jān goodsalt.com
Māe 16–22
Deuteronomi 6–8; 15; 18; 29–30; 34
“Kwōn Lale N̄e Kwō Ab Meļo̧kļo̧k Irooj”
Ļōmņake elmen am̧ maron̄ kobaik m̧akūtkūt ko ilo laajrak in n̄an aikuj ko an ajri ro kwoj katakin. N̄an waanjon̄ak, n̄e kwoj katakin ajri ro reddik, kwomaron̄ jipan̄ er kōppopo n̄an peptaij n̄an kobaiki ium̧win m̧akūtkūt ilo “Kōjparok bujen ko aō ej bōktok elap kōjeram̧m̧an ko” ilo jākjen eo n̄an ajri ro rerūttoļo̧k.
Je En̄jake ko Rej Im̧we Eok
Kajjitōk bwe ren Kwaļo̧k
Kajjitōk ippān ajri ro n̄an kwaļo̧k men ko raar jeļā kōn Moses ilo Būraimere ak ilo m̧weeo ilo wiik ko ļo̧k. N̄e kar aikuji, kwaļo̧k pija ko in men ko jān mour eo an Moses n̄an jipan̄ er keememeje. Jiron̄ er bwe kwonaaj kōnono kōn men ko Moses ekar kwaļo̧k ilo jemļo̧kin mour eo an ioon laļ in.
Katakin Katak eo: Ajri ro Reddikļo̧k
Imaron̄ iakwe Irooj kōn aolepen būruwō.
Moses ekar kwaļo̧k bwe ro nejin Israel ren aikuj iakwe Irooj kōn aolepen būruweer, aer, im ļōmņak. Ļōmņake wāween ko kwomaron̄ jipan̄ ajri ro kwoj katakin n̄an kōļapļo̧k aer iakwe n̄an Jemedwōj Ilan̄ im Rilo̧mo̧o̧r.
M̧akūtkūt ko Maron̄ Kōm̧m̧ani
-
Jin̄aik juon bōro ioon boot eo, juon laajrakin āinbwinid, im juon pe. Read Deuteronomi 6:5, im kwaļo̧k pija ko ilo am̧ riiti naan ko “bōro,” “aō,” im “kajoor.” Kajjitōk ippān ajri ro n̄an bōk kūņaer jitōn̄ļo̧k pija ko ilo an kūlaaj eo āliji eoon ko ippam̧.
-
Al juon al me ej kwaļo̧k kōn iakwe eo an Anij, āiwōt “My Heavenly Father Loves Me” (Children’s Songbook, 228–29). Jipan̄ ajri ro pukot naan ko ilo al eo me ej kwaļo̧k bwe Jemedwōj Ilan̄ ej iakwe kō. Jipan̄ er ļōmņaki wāween ko jemaron̄ kwaļo̧k ad iakwe E.
Jeje ko rekwojarjar rej naan an Anij.
Kapilōk eo ilo Deuteronomi 6:6–9 ekar meļeļein n̄an jipan̄ RiIsrael ro “kwōn lale n̄e kwō ab meļo̧kļo̧k Irooj” im naan ko An (eoon 12). Ekōjkan am̧ maron̄ jipan̄ ajri ro kōm̧m̧an bwe ekkatak jeje ko rekwojarjar aolep raan en m̧ōttan mour ko aer?
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄an ņooj juon kape in jeje ko rekwojarjar ilo ruum̧ eo ilo an ajri ro jet kiil mejāer. Innām kajjitōk ippān ajri ro n̄an kōpeļļo̧k mejāer im kajjieon̄ pukote jeje ko rekwojarjar. Kōjerbal naan kein raorōk jān Deuteronomi 6:6–9, kwaļo̧k n̄an ajri ro bwe Moses ekar jiron̄ RiIsrael ro n̄an likūt jeje ko rekwojarjar ilo jikin ko ijo remaron̄ loi im ekkatak jeni aolep raan. Jipan̄ ajri ro ļōmņake jikin ko ilo m̧oko im̧weer ijo remaron̄ likūti jeje ko rekwojarjar ilo koņ n̄an loi kajjojo raan.
-
Al juon al kōn jeje ko rekwojarjar, eo āinwōt “Search, Ponder, and PrayChildren’s Songbook, 109). Kwaļo̧k naan in kam̧ool eo am̧ bwe jeje ko rekwojarjar rej naan in Anij, im jiron̄ ajri ro elmen aer kōjeraam̧m̧an mour eo am̧.
Jisōs ej juon rikanaan āinwōt Moses.
Rikanaan ro rej kwaļo̧k kōn Jisōs Kraist.
Moses eaar kanaan bwe Jisōs Kraist enaaj itok im bwe jej aikuj ron̄jake naan ko Jisōs enaaj kwaļo̧ki.
M̧akūtkūt ko Maron̄ Kōm̧m̧ani
-
Jipan̄ juon iaan ajri ro riiti Duteronomi 18:18, im jiron̄ ajri ro bwe Rikanaan āinwōt Moses me Anij enaaj kwaļo̧ke ej Jisōs Kraist. N̄an jipan̄ lo wāween ko me Moses im Jisōs rej juon wōt kake, bōktok pijain men ko Moses ekar kōm̧m̧an im men ko Jisōs Kraist ekar kōm̧m̧ane, im kōtļo̧k an ajri ro keidi. N̄an waanjon̄ak, kwomaron̄ bōktok pijain Moses im Jisōs kapit ro jet im katakin (lale Gospel Art Book, nos. 15, 16, 38, 39).
-
Kwaļo̧k juon pijain rikanaan eo rainin n̄an ajri ro, im kwaļo̧k jet men ko ekar katakin kōn Rilo̧mo̧o̧r. Kajjitōk ippān ajri ro n̄an jin̄akik juon pijain rikanaan eo im kwaļo̧k n̄an baam̧le ko aer.
Katakin Katak eo: Ajri ro Rerūttoļo̧k
Imaron̄ kōjparok naan in Anij ilo būruwō.
Moses ekar kwaļo̧k bwe jej aikuj kōjparok naan in Anij ilo būruwōd, im eaar leļo̧k kapilōk n̄an RiIsrael kōn wāween kōjparok naan in Anij im̧aer. Elmen am̧ naaj im̧we ajri ro n̄an ekkatak jen naan in Anij kajjojo raan?
M̧akūtkūt ko Maron̄ Kōm̧m̧ani
-
Ioon boot eo, je naan im naan ko jān Duteronomi 6:6–9 me ej kwaļo̧k n̄āāt im elmen an RiIsrael ro kar keememej naan ko an Anij (eo āinwōt Jijet, etetal, babu, pe, im m̧weeo). Kajjitōk ippān ajri ro n̄an kappukōt naan ko ilo eoon ko. Ta eo naan kein rej katakin elmen kōm̧m̧an bwe jeje ko rekwojarjar ren m̧ōttan mour ko ad kajjojo raan? Kajjitōk ippān ajri ro ta eo remaron̄ keememeje kōn naan in Anij ilo mour eo aer aolep raan.
-
Leļo̧k n̄an kajjojo ajri jidik peba, im kajjitōk ippāer n̄an je juon naan jān Duteronomy 6 me ewōr tokjeer n̄an er. Kajjitōk ippāer n̄an kwaļo̧k etke rekar kālet naan eo. Ba bwe ren kaiboojoj peba ko aer im likūti ilo m̧weeo n̄an keememeji. Rōjan̄ ajri ro n̄an je im likūt naan ko jet rej loi ilo jeje ko rekwojarjar.
Imaron̄ m̧ōņōņō in jerbal n̄an ro rej aikuj jipan̄.
Katak ko ilo Duteronomi15:7–11 remaron̄ jipan̄ ajri ro kwoj katakin meļeļe bwe jipan̄ ro jet ekitbuuj eļapļo̧k jen baj kōm̧m̧an. Eaikuj dedeļo̧k kōn juon būruwōn kōņaan.
M̧akūtkūt ko Maron̄ Kōm̧m̧ani
-
Je wōn, etke, im elmen ioon boot eo. Kajjitōk ippān ajri ro n̄an riiti Duteronomi 15:7–11 n̄an pukot wōn eo jej aikuj jipan̄e, etke jej aikuj jipan̄ er, im elmen an būruwōd aikuj en̄jake n̄an jipan̄. Kajjitōk ippāer n̄an je ioon boot eo ta eo rej loe. Al juon al me ekapen ennaan eo ilo eoon kein, āinwōt “Have I Done Any Good?” (Hymns, nō. 223.
-
Kajjitōk ippān ajri ro n̄an ļōmņake juon eo remaron̄ jipan̄e—eļaptata ilo baam̧le eo aer make. Leļo̧k iien n̄an aer je ta eo renaaj kōm̧m̧an wiik in n̄an jipan̄ armej eo. N̄e ekkar, kōm̧m̧ane juon karōk n̄an tōpare āinwōt juon kūlaaj n̄an juon eo eaikuj.
Kōjparok bujen ko aō ebōktok kōjeraam̧m̧an ko reļļap.
Āinwōt ro nejin Israel, jej aikuj emakijkij keememej n̄an mour kake bujen ko. Riiti Duteronomi 30:8–10 emaron̄ jipan̄ ajri ro em̧m̧an aer meļeļe ta in bujen im im̧we er n̄an kōjparok bujen ko aer.
M̧akūtkūt ko Maron̄ Kōm̧m̧ani
-
Kajjitōk ippān ajri ro ta in bujen (n̄e raikuj jipan̄, ba bwe remaron̄ lo juon meļeļe ilo “Bujen” ilo Unin Tōl n̄an Jeje ko Rekwojarjar [scriptures.ChurchofJesusChrist.org]). Je ruo jaat in kaļōm̧ ioon boot eo kōn naan kein ilōn̄: Kallim̧ur ko an RiIsrael ro im kallim̧ur ko an Anij. Kajjitōk ippān ajri ro n̄an lale Duteronomy 30:8–10 im kanne jaat eo. (N̄e ekkar, jipan̄ ajri ro meļeļein naan ko ilo eoon 9.) Kam̧ool kōn kōjeraam̧m̧an me raar waļo̧k n̄an eok jān kōjparok bujen ko am̧.
-
Kajjitōk ippān ajri ro n̄an kōlaajrakin ioon boot eo kōjeraam̧m̧an ko jej kōm̧m̧ani ilo peptaij im kallim̧ur ko Jemedwōj Ilan̄ ej kōm̧m̧ani n̄an kōj (lale Katak im Bujen ko 20:37, 77). Ta jemaron̄ kōm̧m̧nae iien otemjej n̄an keememej Rilo̧mo̧o̧r im kōjparok bujen ko ad?
Kōketak Ekkatak ilo M̧weo
Kajjitōk ippān ajri ro n̄an katen wōt n̄e rej juon membōr in baam̧le eo aer, im kajjitōk ippāer aolep n̄an jiron̄ eok juon men rekar ekkatak ilo kūlaaj rainin. Rōjan̄ er n̄an kwaļo̧k ta eo rekar jiron̄ eok ippān juon iaan baam̧le eo aer n̄e repād ilo m̧weeo.
Kōkōm̧anm̧anļo̧k Ad Katakin
Kajjitōk kajjitōk ko reim̧we. Kajjitōk kajjitōk ko me rej karuwaineneik ajri ro n̄an kwaļo̧k naan in kam̧ool ko aer kōn m̧ool ko an gospel eo. N̄an waanjon̄ak, eļan̄n̄e kwoj ekōnono kōn kien ko, kwomaron̄ kajjitōk ippān ajri ro n̄an kwaļo̧k wāween kōjparok kien ko kar kōjeraam̧m̧an er.