Māe 2–8

Exodus 35–40; Livitikōs 1; 16; 19

“Ekwōjarjar n̄an Irooj”

Ilo am̧ ekkatak jeje ko rekwojarjar, lukkuun lale im̧we ko an jetōb kwoj bōki kōn wāween am̧ maron̄ erom̧ āinwōt Jemedwōj Ilan̄ im Jisōs Kraist.

Je En̄jake ko Rej Im̧we Eok

Em̧m̧akūt jān Ijipt—āinwōt an aorōk in im kabwūlōn̄lōn̄ in āinwōt an kar—jab lukkuun dedeļo̧k kōttōbrak jibadbad eo an Anij n̄an ajri ro nejin Israel. Jekdo̧o̧n ineen ilju im jekļaj ilo āneen kallim̧ur ekar jab kōttōbar eo eļaptata an Anij n̄an er. Men kein rekar bun̄tōn ko wōt n̄a ta eo Irooj ekar kōņaan n̄an armej ro An: “Kom̧in kwōjarjar: bwe N̄a Irooj ami Anij, I kwōjarjar” (Livitikōs 19:2). Ewi wāween an kar Anij kappukot n̄an kōm̧m̧an bwe armej ro An ren ekwojarjar ke rekar jaje aolep men ak kar pād ilo kōm̧akoko ium̧win epepen ko? E ekar kakien er n̄an ejaake juon jikin ekwojarjar n̄an Irooj—juon m̧ōn kōppād ilo āne jem̧aden. Ekar leļo̧k n̄an er bujen ko im kakien ko n̄an tōl kōm̧m̧an ko aer im, eļaptata, n̄an ukōt buruōer. Im ke rekar en̄jake aer likjab ilo kijejeto ko aer n̄an kōjparok kien ko, E ekar kakien er n̄an kōm̧m̧ani katok kōn menin mour ko n̄an kakōļļeik pinmuur eo kōn jerawiwi ko aer. Aolepān menin kar n̄an kajit aer kōļmenļo̧kjeņ, buruōer, im mour ko aer n̄an Rilo̧mo̧o̧r im pinmuur eo ne Ekar kōm̧m̧ane. E ej iaļ eo em̧ool n̄an ekwojarjar eo, n̄an Riisrael ro im n̄an kōj. Jekar aolep joļo̧k iien ko ad ilo kamakoko in jerawiwi, im em̧ōj karuwaineneik kōj n̄an ukweļo̧k—n̄an likūt jerawiwi im ļoor Jisōs Kraist, eo ekar kallim̧ur, “N̄a imaron̄ kōm̧m̧an bwe kom̧in ekwōjarjar” (Katak im Bujen Ko 60:7).

Kōn juon etale ekadu kōn bok in Livitikōs, lale “Livitikōs” ilo Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

Exodus 35–40; Livitikōs 19

Irooj ekōņaan bwe in ekwōjarjar āinwōt E.

Exodus 25–31 ej rekoot naan in katak an Irooj n̄an Riisrael ro kōn wāween aer kalōk juon m̧ōn kōppād, ijo kain̄i ko rekwojarjar renaaj jipan̄ er erom̧ juon jarlepju in armej ekwojarjar. Exodus 35–40 ej kōmeļeļe kijejeto n̄an pokake katak ko. Ilo am̧ riiti jebta ko 35–40, reilo̧k n̄an men ko Irooj ekar kajjitōk bwe armej ro An ilo mōn kōppād eo, im kejo̧kļo̧kjeņ kōn aitōm̧ kein remaron̄ jutak kaki im ta eo rej elmakoti n̄an eok kōn ļapļo̧kin an kwojarjar. Eļaptata ļōmņak kōn wāween an aitōm̧ kein ukōt ļōmņak ko am̧ n̄an Rilo̧mo̧o̧r. Juon tebōļ āinwōt in emaron̄ jipan̄ eok:

Ta eo kwaar loe?	Ta eo menin emaron̄ jutak kake?
Ta eo kwaar loe? Tōptōp in bujen eo (Exodus 37:1–9; 40:20–21)	Ta eo menin emaron̄ jutak kake? Ijo ippān Anij; Bujen ko im kien ko An
Ta eo kwaar loe? Lokatok in spais ko ren̄aj (Exodus 40:26–27; bar lale Exodus 30:1, 6–8)	Ta eo menin emaron̄ jutak kake? Jar ko rej ļapļo̧k n̄an Irooj
Ta eo kwaar loe? Candle ak jikin lamp eo (Exodus 37:17–24)
Ta eo kwaar loe? Lokatok in katok (Exodus 38:1–7; bar lale Exodus 27:1; 29:10–14)
Ta eo kwaar loe? Booļ laver (pājin) in dān (Exodus 30:17–21)

Eļan̄n̄e kar bōk koņaam̧ ilo kain̄i ko an tampeļ, ta eo kwoj ekkatak kōn mōn kōppād eo jān Exodus 35–40 me ej kakeememej eok kōn en̄jake eo am̧ ijeņ? (bar lale “Thoughts to Keep in Mind: The Tabernacle and Sacrifice”). Kejo̧kļo̧kjeņ kōn wāween an bujen ko an tampeļ jipan̄ eok ekwojarjar ļo̧k āinwōt Jemedwōj Ilan̄ im Jisōs Kraist.

Aaet em̧m̧ol, pād ilo jikin ko rekwojarjar ejjab kōm̧m̧an bwe kwon ekwojarjar. Livitikōs 19 ej kōmeļeļeik kakien im kien ko me Irooj ekar leļo̧k n̄an jipan̄ Riisrael ro kōļapļo̧k aer kwojarjar ļo̧k. Ta eo kwoj lo ilo kien kein me emaron̄ jipan̄ eok bwe en ļapļo̧k am̧ kwojarjar? Ta eo kwoj en̄jake ej im̧we eok n̄an kōm̧m̧an bwe en ļapļo̧k am̧ mour kōn katak kein?

Bar lale Carol F. McConkie, “Kwojarjar Eo Eaiboojoj,” Liaona, Māe 2017, 9–12; “The Tabernacle” (video), ChurchofJesusChrist.org; Bible Dictionary, “Holiness”; temples.ChurchofJesusChrist.org.

Exodus 35:4–36:7

Irooj ej kajjitōkin eō n̄an kōm̧m̧ani katok ko aō kōn aolepān buruō.

Ilo iiō eo ālkin kar em̧m̧akūt eo jān Ijipt, jem̧jerā eo an ajri ro nejin Israel ippān Irooj maron̄ kar kōmeļeļeiki āinwōt ejjab jejjet. Jekdo̧o̧n ak, ilo am̧ riiti Exodus 35:4–36:7, kile wāween an Riisrael ro kar uwaak n̄an kien eo n̄an kalōk mōn kōppād eo. Ta eo kwoj ekkatak jān Riisrael ro me remaron̄ jipan̄ eok bwe en em̧m̧anļo̧k am̧ jerbal n̄an Irooj?

Būreejtōn Bonnie L. Oscarson ekar katakin: “Kajjojo membōr e aikuj jeļā jon̄an aer aikuji e. Kajjojo armej ewōr ijoko koņaer raorōk n̄an jipan̄ im wōr aer tōļan ko rejenoļo̧k im kapeel ko me remaron̄ jipan̄ er kōwōnm̧aanļo̧k wōt jerbal in aorōk” (“Jiron̄ ro ilo Jerbal in,” Liaona, Māe 2018, 37). Ilo am̧ riiti Exodus 36:1–4, kejo̧kļo̧kjeņ kōn ta eo Irooj ekar “likūt” ilo kwe. Ļōmņak in kajjitōk ippān Jemedwōj Ilan̄ ta eo E ekar lewaj n̄an eok bwe kwon maron̄ bōk koņaam̧ ilo jerbal eo An.

Ajri ro nejin Israel rekar leļo̧k menin joortak ko n̄an mōn kōppād kōn juon “em̧ōņōņō buruōn” (Exodus 35:5). Kōmeļeļe eo jān Corbert Gauthier, © Lifeway Collection/licensed from goodsalt.com

Livitikōs 11:1–9; 16

Kōn Pinmuur eo an Jisōs Kraist, jemaron̄ bōk jeorļo̧k bōd n̄e jej ukweļo̧k.

Elōn̄ iaan bok ko an Livitikōs emaron̄ ilo kalimjōke jeruwamājet kaki—katok kōn menin mour ko, jar ko rekwojarjar an kajjojo Kabun̄ ekoba bōtōktōk im dān, im kaien ko me rej tōl meļeļe in mour in. Ak jar kein rekwojarjar im kakien ko rekar n̄an katakin pedped in katak ko me rej āinwōt—ukweļo̧k, ekwojarjar, im Pinmuur eo an Rilo̧mo̧o̧r. N̄an kappukot pedped kein ilo am̧ riiti Livitikōs 1:1–9; 16, ļōmņak kajjitōk ko āinwōt kein: Ta eo imaron̄ ekkatak jān katok kein kōn Jisōs Kraist im pinmuur eo an? Ejet am̧ āinwōt ro rej kōm̧m̧an katok kein? Komaron̄ ļōmņak in etale “Thoughts to Keep in Mind: The Tabernacle and Sacrifice” ilo kein jipan̄ in im “Sacrifice” ilo Unin Tōl eo n̄an Jeje ko Rekwojarjar (scriptures.ChurchofJesusChrist.org).

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Exodus 36:1–7.Ilo Exodus 36:1–7, ta eo jej ekkatak jān wāween an ri Israel ro uwaak n̄an kien eo n̄an kalōk mōn kōppād eo? Āinwōt juon baam̧le, kwomaron̄ ļōmņak kōn wāween ko Irooj ekar kūr kōj n̄an bōk koņaad ilo jerbal in. Ewi wāween ad ļoor waanjon̄ak eo an Riisrael ro?

Exodus 40.Ilo am̧ riiti Exodus 40 ippān doon, komaron̄ kūr ro uwaan baam̧le eo n̄an kotak peier kajjojo iien rej ron̄ naan in āinwōt “āinwōt Irooj ekar jiron̄.” Ta eo jemaron̄ ekkatak jān jebta in kōn pokake Irooj?

Exodus 40:1–34.Ilo am̧ riit kōn ejaake mōn kōppād eo ilo Exodus 40, kwomaron̄ jerbal ippān doon n̄an kakilen m̧ōttan ko an mōn kōppād eo, ilo am̧ kōjerbal pija eo me ej iookļo̧k unin tōl in. N̄an koneeke ekkōnono in kōn kabun̄jar ilo tampeļ ilo raan ko ad, komaron̄ etale ippān doon “Why Latter-day Saints Build Temples” (temples.ChurchofJesusChrist.org) ak alooje bitio eo etan “Temples” (ChurchofJesusChrist.org).

Livitikōs 19.Ro uwaan baam̧le eo remaron̄ kajjojo kappukot juon eoon ilo jepta in me rej en̄jake bwe enaaj jipan̄ er “ekwojarjar” (Livitikōs 19:2) im kwaļo̧ke ippān baam̧le eo.

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “More Holiness Give Me,” Hymns, no. 131.

Kōkm̧anm̧anļo̧k Am̧ Ekkatak Ippam̧ Make

Kappukōt Jisōs Kraist. Aolep jeje ko rekwojarjar, bar Kallim̧ur M̧okta, rej kam̧ool kōn Jisōs Kraist. Ilo am̧ riiti Kallim̧ur M̧okta, ļōmņak kōn kōkaļļe ko, armej, im iien ko raorōk me emaron̄ katakin eok kōn Rilo̧mo̧o̧r.

Mōn Kōppād Ko Etto, jān Bradley Clark