Devid im buwat eo an

Devid im Golaiat, jān Steve Nethercott

Juun 13–19

1 Samuel 8–10; 13; 15–18

“Tariņae eo an Irooj”

Men̄e m̧akūtkūt kein ilaļ kar kōm̧marn n̄an jim̧or ajri ro reddik im rūttoļo̧k, kwomaron̄ kobaiktok jabdewōt iaer n̄an tōpar aikuj ko an ro kwoj katakin.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pija eo an David im Golaiat ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko. Kajjitōk ippān ajri ro n̄an kwaļo̧k ta eo rejeļā kōn bwebwenato in, im kajjitōk ippāer n̄an jipan̄ er keememej m̧ōttan ko ilo bwebwenato in me raar bōjrak ie.

pija ej bōk jikin katakin

Katakin Katak eo: Ajri ro Reddikļo̧k

1 Samuel 16:1–13

Irooj ejeļā ļōmņak ko an būruō.

Kwaļo̧k bwebwenato eo elmen an Irooj kar jiron̄ Samuel n̄an kālet Devid bween kiin̄ emaron̄ jipan̄ ajri ro jeļā bwe Irooj ejeļā kōj kajjojo.

M̧akūtkūt ko Maron̄ Kōm̧m̧ani

• Kwaļo̧k elmen an Irooj kar jiron̄ Samuel bwe David enaaj erom kiin̄ an Israel (lale 1 Samuel 16:1–13). Ilo am̧ kwaļo̧k bwebwenato in, kwomaron̄ kōtļo̧k an juon ajri pinej jenkwan Samuel. E en leļo̧k peba kuraun n̄an bar juon ajri, eo ej pinej jenkwan David. Kwaļo̧k naan in kam̧ool eo am̧ bwee Irooj ejeļā būruwōn David im E ejeļā kajjied kajjojo.

• Kwaļo̧k juon en̄jake me kwaar en̄jake ke Irooj ekar ļōmņak kōn eok. Al juon al me ej kwaļo̧k bwe Rilo̧mo̧o̧r ejeļā im iakwee kōj, āinwōt“Jesus Is Our Loving FriendChildren’s Songbook,58).

1 Samuel 17:10–54

Tōmak ilo Jisōs Kraist emaron̄ jipan̄ eō bōk peran.

Epidodo an ajri ro keidi er n̄an David kōnke men̄e Devid ekar dik, eaar anjo̧ ioon juon idajon̄jon̄ eļap. Jipan̄ er lo bwe unin an peran im kajoor ekar tōmak ilo Jisōs Kraist.

M̧akūtkūt ko Maron̄ Kōm̧m̧ani

• Etale bwebwenato in an David im Golaiat ippān ajri ro (lale “David and Goliath” ilo Old Testament Stories), im kōtļo̧k aer bōk kūņaer kōm̧m̧an kōn bwebwenato eo. Kōm̧m̧an bwe ajri ro ren katen wōt n̄e er Golaiat im ba, “kom̧win letok juon em̧m̧aan bwe kōmin ire ippān doon” (1 Samuel 17:10). Kōm̧m̧an bwe ajri ro ren kate wōt n̄e er David im ba, “a n̄a ij iwōj ilo etan Irooj” (1 Samuel 17:45). Kam̧ool bwe n̄e ewōr ad tōmak ilo Irooj, E enaaj jipan̄ kōj bōk peran āinwōt kar David.

• Kōjerbal peij in m̧akūtkūt eo an wiik in n̄an kwaļo̧k ewi aetokan Golaiat keidi n̄an ļaddik eo edik āinwōt Devid. Kōmeļeļeiki bwe jarin tariņae eo Israel raar mijak Golaiat. Kajjitōk ippān ajri ro n̄an katen wōt n̄e remijak. Innām kwaļo̧k juon pija in Jisōs Kraist, im jiron̄ļo̧k ajri ro bwe kōn an David kar tōmak ilo Irooj, ekar peran. Kajjitōk ippāer n̄an jutak kankan, āinwōt peran.

• Kajjitōk ippāer ajri ro n̄an m̧aaj āinwōt an Devid ilo̧k im ir ippān Golaiat ilo aer al juon al kōn peran, āinwōt “I Will Be Valiant” (Children’s Songbook,162).

1 Samuel 18:1–4

Ro m̧ōttad rem̧m̧an remaron̄ juon kōjeraam̧m̧an n̄an eō.

Jemjerā eo an Jonathan im Devid ej juon waanjon̄ak em̧m̧an kōn kōjeraam̧m̧an ko me remaron̄ itok jān ro m̧ōttad rem̧m̧an.

M̧akūtkūt ko Maron̄ Kōm̧m̧ani

• Jin̄aik ruo pija ioon boot eo, juon en pinej jenkwan Devid im eo juon en pinej jenkwan Jonathan. Riit n̄an ajri ro jidik naan jān 1 Samuel 18:1–4 me ej kwaļo̧k en̄jake in iakwe eo an jemjerā kein ruo n̄an doon. Leļo̧k n̄an kajjojo ajri jidik peba in bōro, im kajjitōk ippāer elmen aer maron̄ kwaļo̧k iakwe n̄an eo m̧ōttaer. Ālkin an kajjojo ajri kwaļo̧k juon ļōmņak, kajjitōk ippān ajri ro n̄an kaddepe peba in bōro eo ilo boot eo.

• Jiron̄ļo̧k ajri kōn juon m̧ōttā eo em̧m̧an eo ejipan̄ eok mour kake gospel in ak kalōk tōmak eo am̧ ilo Jisōs Kraist, im kajjitōk ippān ajri ro n̄an kwaļo̧k wōn eo ekar jipan̄. Kajjitōk ippān ajri ro n̄an jerbale jet men rem̧m̧an n̄an eo m̧ōttaer.

pija ej bōk jikin katakin

Katakin Katak eo: Ajri ro Rerūttoļo̧k

1 Samuel 8:6; 9:15–17; 10:1–24; 16:1–13

Ro rej jerbal ilo Kabun̄ in kar kūr jen Anij.

Bwebwenato eo kōn an Anij kālet Saul im Devid bwe ren kiin̄ emaron̄ jipan̄ kūlaaj eo am̧ meļeļe elmen an armej ro kar kūr n̄an jerbal ilo Kabun̄ in raninin. Bwebwenato kein remaron̄ kalōk tōmak bwe kūr ko rej itok jān Anij jen ro karejeraņ em̧ōj An kōmālim.

Samuel kapit Saul

Pijain an Samul kapit Saul, © Lifeway Collection/licensed from goodsalt.com

M̧akūtkūt ko Maron̄ Kōm̧m̧ani

• Ilo peba ko jet, je ennaan in ilaļ im eoon ko: armej ro raar kōņaan juon kiin̄ (1 Samuel 8:6); Irooj eaar jiron̄ Samuel bwe Saul enaaj kiin̄ (1 Samuel 9:15–17); Samuel kapit Saul (1 Samuel 10:1); Samuel eaar kwaļo̧k Saul n̄an armej ro(1 Samuel 10:24). Kajjitōk ippān ajri ro n̄an riiti eoon ko im likūti ilo karōk eo ejjejjet.

• Katak ippān doon laajrak in tōmak ko laļem. Ilo tukaduin jiron̄ļo̧k ajri ro elmen am̧ bōk kūr eo am̧ n̄an katakin ilo Būraimere. Elmen an jeļā bwe kwaar kūr jān Anij? Kam̧ool bwe Anij ij im̧we ritōl n̄an kūr armej ro n̄an jerbal.

1 Samuel 16:1–13

“Irooj ej Kalimjōk Bōro ko.”

Ekkā n̄an ekajet ro jet pedped ioon ta eo jemaron̄ loe, ak m̧ōttan eo n̄an erom̧ eļapļo̧k āinwōt Jisōs ej ekkatak kile loe āinwōt An kar kōm̧m̧ane—kalimjōk “bōro” (1 Samuel 16:7).

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an katen wōt n̄e rekar ba ren kālet juon bwe en juon kiin̄. Ta kakōļļe ko rej kappukōti? Riit ippān doon 1 Samuel 16:6–7 n̄an kappukot ta eo Irooj ekar ba n̄an Samuel ke eaar kappukot juon kiin̄ kāāl n̄an Israel. Ta eo jaar ekkatak jān kōmeļeļe ko an Irooj?

• Kwaļo̧k juon kein katakin n̄an kōmeļeļeik n̄an ajri ro bwe ekajet ko jej kōm̧m̧ani pedped ioon “turin mejān ak aetokōn” (eoon 7). N̄an waanjon̄ak, kwomaron̄ kwaļo̧k n̄an er jet m̧ōn̄ā ak juon bok me em̧ōj kabare me eban jejjet kobban. Ta eo 1 Samuel 16:7 im kein katakin ej kwaļo̧k kōn wāween ad maron̄ lo kōjmake im ro jet?

• Kwaļo̧k juon en̄jake me kwaar jeļā etkee kwoj aikuj “kalimjōk bōro,” ejjab “turin mejān ak aetokōn” (eoon 7). Kōtļo̧k an ajri ro kwaļo̧k jabdewōt ejja en̄jake ko aer. Al juon al me ej kwaļo̧k pedped in, āinwōt “I’ll Walk with You” ak “We Are DifferentChildren’s Songbook, 140–41, 263).

1 Samuel 17:20–54

Jisōs Kraist emaron̄ jipan̄ n̄a anjo̧ jen jabdewōt apan̄.

Ajri ro remaron̄ ioon apan̄ ko me āinwōt reppen āinwōt jum̧ae rinea eo āinwōt Golaiat. Waanjon̄ak eo an Devid emaron̄ leļo̧k n̄an er kōjatdikdik me Irooj enaaj jipan̄ ire ilo tariņae ko aer.

M̧akūtkūt ko Maron̄ Kōm̧m̧ani

• Jitōn̄ ajri ro bwe ren jin̄a pija ko reoktak m̧ōttaer ilo bwebwenato eo ilo 1 Samuel 17:20–54. Kwaļo̧k pija ko ilo karōkkier ioon boot eo, im kajjitōk ippān ajri ro n̄an kwaļo̧k bwebwenato in kajjojo pija ko rekar jin̄aiki. Ta eo Irooj ekōņaan bwe in katak jān bwebwenato in?

• Jipan̄ ajri ro kōm̧m̧ane juon elaajrak ioon boot eo kōn jet apan̄ ko reppen juon armej ej iooni. Kajjitōk ippān ajri ro n̄an pukot men ko Devid ekar ba me emaron̄ rōjan̄ juon eo ej ioon apan̄ ko āinwōt kein (lale 1 Samuel 17:26, 32, 34–37, 45–47). Jiron̄ļo̧k ajri ro elmen an Jisōs Kraist kar jipan̄ eok ilo iien ko reppen.

pija ej bōk jikin ekkatak

Kōketak Ekkatak ilo M̧weo

Kajjjitōk ippān ajri ro juon kajjitōk kōn juon men eo rekar ekkatak rainin. Je kajjitōk eo, im leļo̧k juon kape n̄an kajjojo ajri n̄an bōke n̄an m̧weeo im kōnono kake ippān baam̧le eo an.

Kōkōm̧anm̧anļo̧k Ad Katakin

Jipan̄ ajri ro lo ilo pijaiki jeje ko rekwojarjar. Ajri ro ekkā letok aer n̄an katak eo n̄e rej lale pija eo me eiokļo̧k bwebwenato ko ilo jeje ko rekwojarjar ak kata ko. Ļōmņak in kōjerbal pijak kein ilo Gospel Art Book ak ilo ChurchofJesusChrist.org.

peij in m̧akūtkūt: Tōmak ilo Jisōs Kraist emaron̄ jipan̄ eō bōk peran