Devid eo edik kōn buwat eo an

Devid im Golaiat, jān Steve Nethercott

Juun 13–19

1 Samuel 8–10; 13; 15–18

“Tariņae eo an Irooj”

Elmakot ko ilo unin tōl in emaron̄ jipan̄ kile jet iaan pedped in katak ko raorōk ilo jepta kein. Kwomaron̄ lo pedped in katak ko jet ilo am̧ ekkatak.

Je En̄jake ko Rej Im̧we Eok

Jān iien eo bwij ko an Israel rekar amņak ilo āneen kallim̧ur, ri Pilista rellakar kamijak im kakkure jokņe im inem̧m̧an eo aer. Elōn̄ tōre m̧okta, Irooj ekar lo̧mo̧o̧ren ri Israel jān rikōjdat ro aer. Ak iiō elder ro an Israel rekar lukkuun kōņaan, “Kōm kōņaan juon am kiin̄ … [n̄an] diwōjļo̧k im̧aam, im tariņaeik tariņae ko am” (1 Samuel 8:19–20). Irooj ekar kōtļo̧k, im Saul kar kapit bwen juon kiin̄. Im aeet n̄e ineia Golaiat eo ekamijak katelo̧k idajon̄jon̄ eo an n̄an jarin tariņae eo an Israel, Saul—āinwōt aolepān jarin tariņae eo an—ekar “kanooj mijak” (1 Samuel 17:11). Ilo raan eo, ekar jab Kiin̄ Saul eo ekar lo̧mo̧o̧ren Israel ak ekar juon ri lale sip juon ļaddik etan in Devid, eo ekar jab ekkaņōk jabdewōt nuknuk in tariņae ak kar nuknuk kōn tōmak edim ilo Irooj. Tariņae in ekar kam̧ool n̄an Israel, im n̄an jabdewōt ro rej pād ilo tariņae an jetōb n̄an ire, bwe “Irooj e jab lo̧mo̧o̧ren kōn jāje im m̧ade” im bwe “tariņae eo [ej] an Irooj” (1 Samuel 17:47).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

1 Samuel 8

Jisōs Kraist ej aō Kiin̄.

Ilo am̧ riiti 1 Samuel 8, kile wāween an Irooj kar en̄jake kōn ikdeleel eo an ri Israel ro n̄an juon bar juon kiin̄ ijjeļo̧kin E make. Ta meļeļein n̄an kāālet Irooj n̄an “kiin̄ [ioomi]”? (1 Samuel 8:7). Kwomaron̄ bar ļōmņak kōn wāween ko kar kapoik eok kaki n̄an ļoor okoktak ko rejjab jim̧we an laļ in ijjeļo̧kin Irooj. Ewi wāween am̧ kwaļo̧k bwe kwoj kōņaan Jisōs Kraist bwe en am̧ Kiin̄ Indeeo?

Bar lale Ri Ekajet Ro 8:22–23; Mosaia 29:1–36; Neil L. Andersen, “Anjo̧ jān Laļ,” Liaona, Māe 2017, 58–62.

1 Samuel 9:15–17; 10:1–12; 16:1–13

Anij ej kūr armej ro ilo an kanaan n̄an jerbal ilo aelōn̄ in kiin̄ eo An.

Anij ekar kālet Saul im Devid n̄an erom̧ kiin̄ ro kōn kanaan im revelesōn (lale 1 Samuel 9:15–17; 10:1–12; 16:1–13). En̄in ej barāinwōt wāween An kūr m̧aan im kōrā ro n̄an jerbal ilo kabun̄ eo An rainin. Ta eo kwoj ekkatak jān bwebwenato kein kōn ta meļeļein n̄an “kūr in Anij, kōn kanaan”Laajrak in Tōmak 1:5). Ta kōjeram̧m̧an ko rej itok jān kar kūr im ekkapit jān rikarejar Irooj ro em̧ōj kōmālim er?

Samuel ej kapit Saul

Kōmeļeļe eo kōn Samual ej kapit Saul, © Lifeway Collection/licensed jān goodsalt.com

1 Samuel 13:5–14; 15

“Pokake em̧m̧an jān katok.”

Men̄e Saul ekar aitok ilo kāān, ekar en̄jake “dik ilo [mejān]” ke ekar erom̧ kiin̄ (1 Samuel 15:17). Ijoke, ilo an kar jeram̧m̧an kōn elōn̄ tōprak, ekar jino eļapļo̧k kōn e mke im edik ilo Irooj. Ta kam̧ool eo kwoj loe kōn menin ilo eoon in ilo 1 Samuel 13:5–14; 15? Eļan̄n̄e eto am pād ippān Saul innem, ta eo kwonaaj kar ba n̄an e me emaron̄ kar jipan̄ e anjo̧ ioon “kapata” im “bōt”? (1 Samuel 15:23).

Bar lale 2 Nipai 9:28–29; Hilamōn 12:4–5; Katak im Bujen Ko 121:39–40; Thomas S. Monson, “Kwōn Kanooj Lale Iaļ In Neem̧,” Liaona, Nob. 2014, 86–88.

1 Samuel 16:7

“Irooj ej lale būruon.”

Ta wāween ko jet armej rej ekajet ro jet kōn “ālikin armej”? Ta meļeļein n̄an lale “būruon,” āinwōt an Irooj kōm̧m̧ane? (1 Samuel 16:7). Ļōmņak kōn wāween am̧ maron̄ mour kōn pedped in n̄an wāween eo ro rej jet rej lale—im kwe make. Ewi wāween n̄e kōm̧m̧an enej jelōt iiaio im jem̧jerā ko am̧ ippān ro jet?

Lale 1 Samuel 17

Kōn jipan̄ eo an Irooj, imaron̄ anjo̧ jān elōn̄ apan̄ ko.

Ilo am̧ riiti 1 Samuel 17, kejo̧kļo̧kjeņ kōn naan ko an kajjojo armej ilo jepta in (lale laajrak in ijin ilaļ). Ta eo naan ko aer ej kwaļo̧k n̄an er? Ewi wāween an naan ko an Devid kwaļo̧k peran im tōmak ilo Irooj?

• Golaiat: eoon ko 8–10, 43–44

• Ilaiab: eoon 28

• Saul: eoon 33

• Devid: eooon ko 26, 32, 34–37, 39, 45–47

Kejōkļo̧kjeņ kōn pata ko am̧ make me kwoj jelm̧aeiki. Ta eo komaron̄ lo ilo 1 Samuel 17 me enaaj kōkajoorļo̧k tōmak eo am̧ bwe Irooj enaaj jipan̄ eok?

Bar lale Gordon B. Hinckley, “Overpowering the Goliaths in Our Lives,” Ensign, May 1983, 46, 51–52.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

1 Samuel 9:15–21; 16:7.Riiti eoon kein ippān ļo̧k naan ko jān Elder Dieter F. Uchtdorf emaron̄ im̧we juon ekkōnono kōn etke Irooj ekar kālet Saul im Devid: “Eļan̄n̄e jej kalimjōk kōj wōt kōn mejād wabanban, jemaron̄ jab lo kōj āinwōt ebwe. Ak Jemedwōj Ilan̄ ej lo kōj āinwōt wōn lukkuun kōj im wōn kōj jemaron̄ erom” (“Eaiboojoj an Jerbal!” Liaona, Nob. 2015, 23). Bolen ro uwaan baam̧le ko remaron̄ kajjojo bōk koņaer kōnono kōn em̧m̧an ko rej lo ilo buruōer kajjojo (lale 1 Samuel 16:7).

1 Samuel 10:6–12.N̄aat eo em̧ōj ad loe an Anij kōjeraam̧m̧an juon kōn jetōbin kajoor n̄an kakūrm̧ool juon jerbal ak kūr āinwōt An kar kōjeraam̧m̧an Saul? Ta en̄jake ko jemaron̄ kwaļo̧k n̄e “Anij ear [letok] n̄an [kōj] būruon wāween juon” ak “Jetōb in Anij ear itok [iood]” ilo jerbal in An? (eoon ko 9–10).

1 Samuel 17:20–54.Baam̧le eo am̧ emaron̄ lan̄lōn̄ ilo an riit ippān doon bwebwenato in Devid im Golaiat (“Devid im Golaiat” ilo Bwebwenatoon Kalim̧m̧ur M̧okta emaron̄ jipan̄) ak alooje bitio ko “The Lord Will Deliver Me” (ChurchofJesusChrist.org). Menin emaron̄ tōl juon ekkōnono kōn apan̄ ko jej jelm̧aeiki me rej āinwōt “Golaiat” to us. Kwomaron̄ bar je jet iaan apan̄ kein ilo juon target ak juon jin̄n̄ain Golaiat im kajjojo kade ak kaweleele (emaron̄ pepa ball ko) n̄an e.

Emaron̄ bar lukkun kaitoktoklimo n̄an riiti kōn nuknuk in tariņae im kein tariņae me kar an Golaiat (lale eoon ko 4–7). Ta eo ekar wōr ippān Devid? (lale eoon ko 38–40, 45–47). Ta eo Irooj ekar letok n̄an jipan̄ kōj anjo̧ apan̄ ko ad?

1 Samuel 18:1–4.Ewi wāween an kar Devid im Jonathan kar em̧m̧an aerro m̧ōttāik doon? Ewi wāween an m̧ōttāik doon ilo em̧m̧an kōjeraam̧m̧an kōj? Ta eo jemaron̄ kōm̧m̧ane n̄an erom̧ jet m̧ōttā ro rem̧m̧an—ekoba n̄an ro uwaan baam̧le ko ad?

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar Kāālōte: “I Will Be Valiant,” Children’s Songbook, 162.

Kōkm̧anm̧anļo̧k Ad Katakin

Kōmakijkij am̧ kwaļo̧k naan in kam̧ool eo am̧. Kam̧ool eo am̧, eļam waan im em̧ool kōn m̧ool eo an jetōb emaron̄ bōk juon im̧we ekajoor ioon ro kwōj katakin. Juon naan in kam̧ool eļap tata an kajoor n̄e ej kajju im jān bōro. Ejjab aikuj in wājabdik ak aitok” (Teaching in the Savior’s Way,,11

Devid

Kōmeļeļe eo kōn Rebekah, jān Dilleen Marsh