Masu o Esiteri

Esiteri, mai vei James Johnson

25–31 ni Jiulai

Esiteri

Esiteri: “Mo Lako Mai oqo na kena Gauna”

Ni o wilika na Esiteri, vakasaqara na veivakauqeti niYalo ka veirauti kei iko, ka vola na veivakauqeti o ciqoma.

Vola na Veika o Vakauqeti Kina

E vuqa na ka e yaco ena iVola i Esiteri ena vaka me ka ni kalougata se vakacalaka. Na sala cava tale o na vakamacalataka kina na nona yaco me ranadi ni Perisia e dua na goneyalewa ni Jiu luveniyali ena gauna donu me vakabulai ira kina na nona tamata mai na veivakamatei? E rawa vakacava me rogoca tu ga vakasakasaka na tavalei Esiteri o Moritekei na inaki vuni me labati na tui? Era ka vakacalaka beka na veika oqo, se ra tiki ni dua na ituvatuva vakalou E tukuna o Elder Ronald A. Rasband: “Na ka e kena irairai ni yaco vakacalaka, na kena dina, ni raica raraba tu mai na Tamada Vakalomalagi dauloloma. Sa tiko na Turaga ena veika matailalai ni noda bula” (”Mai na iTuvatuva Vakalou, “ Liaona, Nove. 2017, 56). Eda na sega beka ni dau vakila na veivakayarayarataki ni Turaga ena “veika lalai” oqo. Ia eda vulica mai na veika a sotava o Esiteri ni rawa Vua me dusimaka na noda sala ka vakarautaki keda ki na “veigauna vakaoqo” (Esiteri 4:14) ni sa rawa kina me da iyaya ni cakacaka e ligana me vakayacori kina na Nona inaki.

Me laurai raraba na ivola i Esiteri, raica “Esther, book of” ena Bible Dictionary.

ivakatakilakila ni vuli ni tamata yadua

Vakasama ni Vuli iVolanikalou ni Tamata Yadua

Esiteri

E rawa ni cakava na Turaga meu iyaya ni cakacaka me ra vakalougatataki kina na tani.

E vakavulica o Sisita Anne C. Pingree: “Mo yaco mo dua na iyaya ni cakacaka ena liga ni Kalou sa dua na madigi cecere ka ilesilesi tabu. Se vanua cava ga eda tiko kina, se cava ga na keda ituvaki, veitalia na itvaki ni noda bula vakawati, se noda yabaki ni bula, na Turaga e gadrevi keda yadua meda vakayacora na noda itavi cecere ena kena tarai cake na Nona matanitu ena iotioti ni itabagauna oqo “(”Kila na Lewa ni Turaga me Baleti Kemudou, “ Liaona, Nove. 2005, 112).

Ni o wilika na italanoa kei Esiteri, vakasamataka na kena yaga vua na itukutuku oqo. Vakasaqara na sala eso a cakava na Turaga me rawa kina vua me vakabulai ira na Jiu (raica, me kena ivakaraitaki, Esiteri 2:21–23; 3:10–14; 4:14–16). Qai vakasamataka vakatitobu na sala sa dusimaka kina o Koya na nomu bula ena sala ka na rawa kina vei iko mo vakalougatataki ira na tani. Na cava eso na ituvaki se veimaliwai o nanuma e sa dusimaki iko kina o Koya ki na “dua na gauna vakaoqo”Esiteri 4:14). Kevaka e tiko e dua na nomu veivakalougatataki vakapeteriaki, vakasamataka mo wilika mo vulica e levu na ka me baleta na cakacaka sa solia vei iko na Turaga mo cakava.

Esiteri 3; 5:9–14; 7

Na dokadoka kei na cudru e rawa ni vakavuna na bale sobu.

Ena iVola i Esiteri, eda vuli mai na nodrau yalodina o Esiteri kei na Moatekai vakakina mai na dokadoka kei na cudrucudru nei Emani. Ni o wilika na Esiteri 3; 5:9–14, navuca mo vola na lomana, vosa, kei na ivalavala nei Emani. Na cava era sa vakatakila me baleti koya kei na nona inaki? Na kena revurevu cava a sotava o koya? (raica na Esiteri 7). Na wiliki ni veika e baleti Emani ena rawa ni vakauqeti iko mo dikeva na veika e vakauqeta na lomamu kei na nomu ivalavala. O sa vakauqeti beka mo cakava e dua na veisau? Mo na gole vakacava vua na Tamada Vakalomalagi mo vukei?

Raica talega na Vosa Vakaibalebale 16:32; Alama 5:28.

Esiteri 3–4; 5:2–3; 8:11–12

Na lolo e vakaraitaka na noqu vakararavi vua na Turaga.

Raica na ituvaki a vakavuna na nodra lolo o Esiteri kei ira na vo ni Jiu (raica na Esiteri 3:13; 4:1–3, 10–17). Era sa vakalougatataki vakacava mai na lolo? (raica na Esiteri 5:2–3; 8:11–12). Na cava e kerei keda kina na Turaga me da lolo? (raica na Ulutaga Vakosipeli, “Lolo kei na iSolisoli ni Lolo,” topics. ChurchofJesusChrist.org). Vakasamataka na cava o rawa ni cakava me veivakalougatataki vakalevu cake kina ena nomu bula na lolo.

Raica talega na Aisea 58:6–12; Maciu 4:1–4; 17:14–21; “Fasting: Young Single Adult Ward, Amanda” (vidio), ChurchofJesusChrist.org.

Esiteri 3:1–11; 4:10–17; 5:1–4

Na kena caka na ka dodonu ena gadrevi kina na yaloqaqa cecere.

Ni rau sa tutaka o Moatekai kei Esiteri na nodrau vakabauta, erau sa guilecava kina na nodrau bula. Na noda digidigi e tiko na kena revurevu ka sega soti ni dredre, ia na kena caka na ka dodonu ena gadrevi ga kina na yaloqaqa. Na cava o vulica mai na Esiteri 3:1–4; 4:10–17 me baleta na noda taukena na yaloqaqa me caka kina na ka dodonu? Raica na duidui ni veika erau sotava o Moatekai kei Esiteri ni oti na nodrau vakaraitaka na yaloqaqa (raica na Esiteri 3:5–11; 5:1–4). Na cava ena gadreva e dua me kila baleta na Kalou me rawa kina ni digitaka na veika erau a digitaka o Moatekai kei Esiteri—me caka na ka dodonu se cava ga ena yaco mai?

Na gauna e tarava ni o vakasamataka na isau ni nomu cakava na ka dodonu, sa rawa mo vakayagataka na vosa yaloqaqa nei Esiteri ena Esiteri 4:16 me veisotari kei na kemu ituvaki. Me ivakaraitaki, o na rairai kaya beka vakataki iko, “Niu digitaka na dodonu, kevaka au vakayalia kina na noqu itokani], au [sa vakayalia na noqu itokani].”

Thomas S. Monson, “Mo Yaloqaqa Tikoga,” Liaona, Me 2009, 123–27.

Esiteri kei na tui

Esther before the King, mai vei Minerva Teichert.

ivakatakilakila ni vuli vakamatavuvale

Vakasama baleta na Vuli iVolanikalou Vakamatavuvale kei na Lotu Vakamatavuvale

Esiteri 1–10.Ni o sa raicalesu oti na italanoa kei Esiteri (raica na “ranadi o Esiteri” ena italanoa ni Veiyalayalati Makawa se na vidio “For Such a Time as This,” ChurchofJesusChrist.org), e rawa ni marautaka na nomu matavuvale na matakau rawarawa ni so na matanivola (raica na tabana ni itaviqaravi ni macawa oqo ena Lako Mai, Mo Muri Au—Baleta na Lalai). E rawa ni ra qai vakayagataka me ra talanoataka tale na italanoa. E rawa talega ni o lagata e dua na sere me baleta na yaloqaqa kei na dina, me vaka “na bolea me caka dodonu” (Nodra iVolanisere na Lalai,158) se “Dina tu Ga” (Serenilotu, naba. 143). Na vosa cava ena sere e vakananuma vei keda baleti Esiteri?

Esiteri 2:5–7.Na cava eda rawa ni vulica mai na ivakaraitaki nei Moatekai me baleta na nodra vukei na lewe ni matavuvale ena gauna ni veivakatovolei? O cei beka ena noda matavuvale e gadreva na noda veitokoni? Cakava e dua na ituvatuva mo vukei ira kina.

Esiteri 4:15–17.Na yaloqaqa nei Esiteri e rawa ni vakauqeta na nomu matavuvale me veivosakitaka na sala me vakatorocaketaki kina na yaloqaqa ni tutaka na dina ena veigauna era sotava tiko. Na cava na ibalebale ni nona kaya o Esiteri “kevaka au sa mate, au sa mate ga”? E yaga vakacava vei keda na nona vosa ena gauna eda gadreva kina me da yaloqaqa? Na vidio “Courage” (ChurchofJesusChrist.org) e solia eso na ivakaraitaki.

Esiteri 9:26–32.A tauyavutaki na nodra kanamagiti na Jiu ni Purimi me ra nanuma na italanoa kei Esiteri. Ena gauna ni kana ena macawa oqo, vakasamataka mo wasea na italanoa ni gauna era a vakalougatataki ira kina eso tani tale na lewe ni nomu matavuvale ena nodra tutaka na dodonu me vakataki Esiteri.

Me ikuri ni itukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Sere vakaturi: “Mo Bolea Mo Dina Tu,” iVolanisere ni Gonelalai, 80.

Vakatorocaketaki ni Noda Veivakavulici

Vakatotomuria na bula ni iVakabula. “Ia na kaukauwa ni iVakabula me veivakavulici ka laveti ira cake na tamata e tadu mai na ivakarau ni Nona bula kei na mataqali tamata vakacava o Koya. Na levu ni nomu gugumatua mo sasaga mo bula me vakataki Jisu Karisito, na levu ni nomu rawa ni veivakavulici me vakataki Koya” (Veivakavulici ena iVakarau ni Vakabula, 13).

Esiteri

Ranadi o Esiteri, mai vei Minerva K. Teichert. © William kei Betty Stokes.