“EyeThupha 29–EyoMsintsi 4 IMizekeliso 1–4; 15–16; 22; 31; INtshumayeli 1–3; 11–12: ‘Ukoyika uYehova kukuqala kokwazi,’” Uze, Undilandele—Yabantu Ngabanye kunye Neentsapho: iTestamente eNdala 2022 (2021)
“EyeThupha 29–EyoMsintsi 4. IMizekeliso 1–4; 15–16; 22; 31; INtshumayeli 1–3; 11–12,” Uze, Undilandele—Yabantu Ngabanye kunye Neentsapho: 2022
EyeThupha 29–EyoMsints 4
IMizekeliso 1–4; 15–16; 22; 31; INtshumayeli 1–3; 11–12
“Ukoyika UYehova Kukuqala Kokwazi”
Cinga ngendlela ukufunda iMizekeliso neNtshumayeli kunokunceda ngayo “uyibazele ubulumko indlebe yakho, uyithobele ukuqonda intliziyo yakho” (IMizekeliso 2:2).
Bhala Iimvakalelo Zakho
Kwisahluko sokuqala sencwadi yeMizekeliso sifumana la mazwi: “Nyana wam, yiva uqeqesho lukayihlo, ungawulahli umyalo kanyoko” (iMizekeliso 1:8) Imizekeliso ingabonwa njengengqokelela yamazwi obulumko avela kumzali onothando, umyalezo wakhe ophambili kukuba iintsikelelo zoxolo nempumelelo ziza kwabo bafuna ubulumko—ngakumbi uhlobo lobulumko obunikwa nguThixo. Kodwa iMizekeliso ilandelwa yincwadi yeNtshumayeli, ekubonakala ngathi ithi, “Ayikho lula lonto.” UMshumayeli ocatshulwe kwiNtshumayeli waphawula ukuba “wanika intliziyo [yakhe] ukwazi ubulumko” kodwa wafumana “ukukhathazeka emoyeni” kunye “nosizi olukhulu” (INtshumayeli 1: 17–18) Ngeendlela ezahlukeneyo, le ncwadi iyabuza, “Ngaba kungakho intsingiselo yokwenyani kwihlabathi apho yonke into ibonakala ililize, yeyokwexeshana, kwaye ingaqinisekanga?”
Kwaye okwangoku, ngelixa ezi ncwadi zimbini zijonga ubomi ngeendlela ezahlukeneyo, zifundisa iinyaniso ezifanayo. INtshumayeli ithi: “Ukuhlanganiswa kwentetho, yakuba ivakele into yonke, nanku: Yoyika uThixo, ugcine imithetho yakhe; ngokuba indawo leyo yimfanelo yoluntu lonke” (INtshumayeli 12:13). Lo ngumgaqo ofanayo ofumaneka kwiMizekeliso: “Kholosa ngoYehova ngentliziyo yakho yonke. … Musa ukuba sisilumko kwawakho amehlo; yoyika uYehova ” (iMizekeliso 3:5,7) Nokuba ubomi buphethe ntoni, nokuba bubonakala bunokudideka kwaye bungenanjongo, kuhlala kungcono xa sithembela kwiNkosi uYesu Krestu.
Ngesishwankathelo sezi ncwadi, bona “Imizekeliso, incwadi ye ” kunye “INtshumayeli” kwiSichazi–magama seBhayibhile.
Iingcebiso Zokuzifundela Izibhalo Wedwa
“Sondeza indlebe yakho kubuchule”
Incwadi yeMizekeliso izaliswe kukuqonda malunga nobulumko. Cinga ukumakisha igama elithi “ubulumko” kunye namagama ahambelanayo, anje ngo “lwazi” kunye “nokuqonda,” njengoko uwafumana izahluko 1– 4 kunye 15–16 Ingaba ezi zahluko ziyichaphazela njani indlela ocinga ngayo ngobulumko? Ngokusekwe koku ukufumanayo, ungabuchaza njani ubulumko “obuphiwe yiNkosi”? (IMizekeliso 2:6). Cinga ngendlela ofuna ngayo uncedo lweNkosi ukuze ube “nentliziyo ilumkileyo” (IMizekeliso 16:21). Ziziphi iintsikelelo ezivela kubulumko bukaThixo?
Bona kwakhona iMizekeliso 8–9; Mateyu 7:24–27; 24:1–13.
IMizekeliso 1:7; 2:5; 16:6; 31:30; INtshumayeli 12:13
Kukuthini “ukoyika uThixo”?
Umdala uDavid A. Bednar ucacisile: “Ngokungafaniyo noloyiko lwehlabathi olwenza ixhala kunye nexhala, ukoyika uThixo kungumthombo woxolo, isiqinisekiso nokuzithemba. … [Kona] kubandakanya imvakalelo enzulu yentlonipho, imbeko noloyiko ngeNkosi uYesu Krestu; ukuthobela imiyalelo yakhe; kunye nokulindelwa koMgwebo Wokuqgibela kunye nobulungisa esandleni Sakhe. … Ukoyika uThixo kukumthanda nokumthemba ” (“Ngenxa yoko bakhawuleza ukungcangcazela Therefore They Hushed Their Fears{,” Liyahona, uCanzibe 2015, 48–49).
Bona kwakhona IMizekeliso 8:13.
“Lungelelanisa umkhondo wonyawo lwakho”
IMizekeliso 4 ichaza ubulumko nobulungisa njengo “mkhondo” okanye “indlela (bona kwakhona IMizekeliso 3:5–6). Njengokuba ufunda esi sahluko, ungafumana izicatshulwa ezikunceda ukuba ulungelelanise “umkhondo wonyawo lakho” (umqolo 26) kunye nendlela zigqibo zakho ezikusondeza ngayo eNkosini. Umzekelo, zifundisa ntoni imiqolo11–12 kwaye 18–19 malunga neentsikelelo zokulandela umkhondo olungileyo? Zithetha ntoni imiqolo 26 kunye ne27 kuwe?
Bona kwakhona 2 Nifayi 31:18–21.
IMizekeliso15:1–2, 4, 18,28; 16:24–32
“Impendulo ethambileyo ibuyisa ubushushu:”
Eminye yemizekeliso kwizahluko15 kunye no16 inokukukhuthaza ukuba uphucule indlela onxibelelana ngayo nabanye, ingakumbi abo ubathandayo. Umzekelo, cinga ngamaxesha athile apho wawunokuthi usebenzise “impendulo ethambileyo” kunokuthi “amagama abuhlungu” (IMizekeliso 15:1). Ingcebiso kwiMizekeliso 16:24–32 sikunceda njani ucinge ngamagama owasebenzisayo?
Cingisisa ngolu lwazi luvela kuMdala W. Craig Zwick: “‘Impendulo ethambileyo’ iquka impendulo eqiqisisiweyo–amazwi alungisiweyo asuka kwintliziyo ethobekileyo. Oko akuthethi ukuba asisoze sithethe ngokuthe ngqo okanye ukuba siyalalanisa kwimfundiso eyinyani. Amagama anokuqina elwazini anokuba nomoya othambileyo” (“Ingaba Ucinga Ntoni?” Liyahona, uCanzibe 2014,42).
Umfazi Onesidima Ngubani na Ongamfumanayo?II ngu Louise Parker
“Ngumfazi owoyika uYehova yedwa oya kudunyiswa.”
IMizekeliso 31:10–31 ichaza “umfazi onesidima,” okanye umfazi onamandla amakhulu okomoya, amandla, kunye nefuthe. Ungazama ukushwankathela ngawakho amazwi ukuba ithini le miqolo ngaye. Zeziphi ezinye zeempawu zakhe onokuzixelisa?
Ubomi bokufa bubomi bethutyana.
Kutheni le nto kubalulekile ukuba ukhumbule ukuba okuninzi kweli hlabathi, njengoko INtshumayeli 1–2 ikungqina, “ngamampunge” (okanye okwexeshana kwaye kuhlala kuvame ukungabaluleki)? Ufumana ntoni kwisahluko 12 oko kunika ubomi ixabiso elingunaphakade?
Iingcebiso Zofundo Lwezibhalo Zosapho kunye Nomhlangano Wangorhatya Wosapho
-
IMizekeliso.Usapho lwakho lungakonwabela ukuzenzela eyalo “incwadi yeMizekeliso” —ingqokelela yeengcebiso zobulumko ezivela kwizibhalo ezingcwele kunye nabaprofeti bemihla yokugqibela.
-
IMizekeliso 1: 7; 2:5; 16:6; INtshumayeli 12: 13–14.Ukunceda amalungu osapho luqonde aqonde IMizekeliso 1:7; 2: ; 16:6; INtshumayeli 12:13, inokunceda ukufaka endaweni yegamauloyiko ngamazwi anje ukuhlonipha, uthando, okanye ukuthobela (bona kwakhona KumaHebhere 12:28. Oku kuyichaphazela njani indlela esicinga ngayo ngale miqolo? Sikubonisa njani ukuba siyayoyika iNkosi?
-
IMizekeliso IMizekeliso 3:5–7Ukunceda amalungu osapho abe nomfanekiso–ngqondweni wezinto ezifundiswa yile miqolo, unokumema ukuba bayame ngento eqinileyo nezinzileyo, njengodonga. Ngoko bangazama ukoyama kwinto engomelelanga, njengontshayelo. Kutheni le nto kufuneka “singayami ngokwethu ukuqonda”? Singabonisa njani ukuba siyamthemba uYesu Krestu ngeentliziyo zethu zonke?
-
IMizekeliso 15: 1–22, 18; 16:24,32Ingaba amazwi wethu awuchaphazela njani umoya ekhaya? Mhlawumbi amalungu osapho anokuziqhelisa ukunika “impendulo ethambileyo” “kumazwi abuhlungu” kwaye azame ukusebenzisa oko bakufundayo kunxibelelwano lwabo. Ingoma efana no “Kindness Begins with Me [Ububele Buqala Ngam]” (Children’s Songbook,145) inganceda ukubethelela lomgaqo.
Ngeengcebiso ezithe vetshe malunga nokufundisa abantwana, bona isishwankathelo sale veki kwi–Come, Follow Me—For Primary.
Iculo elicetyiswayo: “Where Love Is [Apho Uthando Lukho],” Children’s Songbook, 138–39.
Ukuphucula Ukuzifundela Izibhalo Wedwa
Amagama ezibhalo asebenza kumntu wonke. Ezinye izicatshulwa ezibhaliweyo zibhekisa kuphela emadodeni okanye kumabhinqa kuphela (njengeIMizekeliso 3:13; 31:10). Kwiimeko ezininzi, nangona kunjalo, imigaqo kwezi zicatshulwa isebenza kuwo wonke umntu.
Uze umazi yena endleleni zakho zonke, wowulungelelanisa umendo wakho. ”(IMizekeliso 3:6). He Leadeth Me [Uyandikhokela],ngu Yongsung Kim,havenlight.com