Bread of Life[Bred in Mour], jān Chris Young

Nobōm̧ba 14–20

Amos; Obedaia

“Pukot Irooj, im Kom̧naaj Mour”

Jetōb Kwojarjar emaron̄ kōpeļļo̧k am̧ ļōmņak im buruōm̧ n̄an ennaan ko ilo naan an Anij me rej n̄an kwe. Ta en̄jake eo am̧ kōn ta eo Irooj ej kōņaan bwe kwon ekkatak ilo wiik in?

Je En̄jake ko Rej Im̧we Eok

Anij ekar kālet ineen Ebream n̄an erom̧ armej in bujen bwe ren maron̄ naaj erom̧ “menin kōjeraam̧m̧an” n̄an aolep armej (lale Jenesis 12:2–3). Ak jjeļo̧kin, ilo tōre in kwaļo̧k naan eo an Amos, elōn̄ armej in bujen ko rekar kakkure rijeram̧ōļ ro im kōjekdo̧o̧n rikanaan ro, kōm̧m̧an bwe aer kabun̄ jar en jejtokjen im jab aorōk (lale Amos 2:6–16). Em̧ool, laļ ko rej jepooļi rekar liajļōļ kōn eļap jerawiwi (lale Amos1; 2:1–5), ak menin ekar jan̄in kar juon jekpen ņae n̄an armej ro an Anij (lale Amos 3:2). Kōn Menin Anij ekar jilkinļo̧k juon rilale menin mour jān Juda etan Amos n̄an kūr n̄an ukweļo̧k n̄an aelōn̄ in kiin̄ eo an Israel. Tokālik, Anij ekar ba jān lon̄iin rikanaan Obedaia bwe men̄e aelōn̄ in kiin̄ eo an Juda em̧ōj kakkure, Irooj enaaj bar aiintok im kōjeram̧m̧an armej ro an bar juon alen. Armej in bujen ro rekar jebwābwe jān Irooj, jim̧or rikanaan ro rekar kanaan kake, ak reban joļo̧k er n̄an indeeo. N̄e Anij ej kwaļo̧k Menin Ittiņo ko An n̄an ro Rikarejeran rikanaan ro (lale Amos 3:7), jemaron̄ likūti āinwōt juon kōkaļļe ke E ej kōņaan wōt jipan̄ kōj n̄an mour wōt kōn bujen ko jekar kōm̧m̧ani Ippān.

N̄an eļapļo̧k kōn bok ko an Amos im Obedaia, lale “Amos” im “Obadiah” ilo Bible Dictionary.

Ļōmņak ko n̄an Ekkatak Jeje Ko Rekwojarjar Ippam̧ Make

Amos 3:1–8; 7:10–15

Irooj ej kwaļo̧k m̧ool ko n̄an rikanaan ro An.

Ilo Amos 3:3–6, rikanaan Amos ekar kwaļo̧k jejjo waanjon̄ak kōn ta ko rej waļo̧k im ta eo ej waļo̧k jāne: kōnke juon ļaion ej kakijen, ļaion ej rōr; kōn juon kein aujiid em̧ōj kōpooje n̄an juon bao in mejatoto, bao eo ebo. (Keememej bwe ilo Ukook eo an Josep Smith ilo eoon6, naan eo “done” ekar oktak n̄an “known” [ilo Amos 3:6, footnoteb].) Ilo eoon ko 7–8, Amos ekar mour kōn jeļā in n̄an rikanaan ro. Ta eo ej kōm̧m̧an an juon rikanaan kanaan? Ta ko jet kwoj ekkatak kōn rikanaan ro ilo am̧ riiti Amos 7:10–15? Kejokļo̧kjeņ etkae kwoj m̧ōņōņō bwe Irooj ej wōnm̧aanļo̧k wōt im “kwaļo̧k pepe eo An n̄an ro ri karijeran, rikanaan ro” (Amos 3:7). Ta eo m̧ool in ej kwaļo̧k n̄an eok kōn Anij?

Bar lale Katak im Bujen Ko 1:38; 21:4–8; 35:13–14.

Amos 4–5

“Pukot Irooj, im kom̧naaj mour.”

Ilo am̧ riiti Amos 4:6–13, keememej ekajet ko Irooj ekar kōm̧m̧ane n̄an armej in Israel ro. Ta eo eoon kein rej kwaļo̧k kōn ta eo Irooj ekar kōjatdikdik ake enaaj waļo̧k ālkin kajjojo en̄jake kein? (bar lale Hilamōn 12:3). Ļōmņak kōn juon melijjon̄ kiiō me kwar jelm̧aeiki. Ilo an mellijon̄ ko am̧ maron̄ jab itok jān Anij, kejokļo̧jeņ kōn wāween an lewaj n̄an eok iien ko rem̧m̧an n̄an kappukot Anij.

Riiti Amos 5:4, 14–15, im kejokļo̧jeņ kōn wāween an Irooj “jouj” (eoon15) n̄an eok ilo am̧ kar kappukot E, barāinwōt ilo iien mellijon̄ ko am̧.

Bar lale DonaldL. Hallstrom, “Turn to the Lord,” Ensign or Liahona, May 2010, 78–80.

Amos 8:11–12

Naan eo an Irooj emaron̄ kajako kwole im maro ilo jetōb.

Jej aolep jelm̧ae iien ko jej kwole im maro ilo jetōb, ak jejjab aikuj “jebwāālel jān lo̧jet n̄an lo̧jet” (Amos 8:12) kappukot juon men n̄an kōjakoik ad kwole im maro. Jejeļā bwe ta eo enej kajakoik kwole ilo jetōb, im jelukkuun jejeram̧m̧an kōn naan ko an Irooj. Ilo am̧ riiti Amos 8:11–12, ļōmņak kōn etake juon n̄ūta ej juon men em̧m̧an kōjerbale n̄an keidi kōn mour ilo an ejjeļo̧k naan an Anij. Ta en̄jake ak ļōmņak ko jet kwoj loi ilo Matu 5:6; Jon 6:26–35; 2Nipai 9:50–51; 32:3; Enos 1:4–8?

Bar lale JeffreyR. Holland, “He Hath Filled the Hungry with Good Things,” Ensign, Nov. 1997, 64–66; Gospel Topics, “Apostasy,” topics.ChurchofJesusChrist.org.

Jemaron̄ erom̧ rilo̧mo̧o̧r ro ilo Tōl Zaion ilo ad kōm̧m̧an jerbal in tampeļ im menmenbwij ko.

Obedaia 1:21

Wōn ro rej rilo̧mo̧o̧r ro “rilo̧mo̧o̧r ro … ioon toļ Zaion”?

Būreejtōn GordonB. Hinckley ekar letok juon ukook epidodo kōn naan in “rilo̧mo̧o̧r ioon tōl Zaion,” koneeke naan in n̄an jerbal in tampeļ im menmenbwij: “[Ilo tampeļ] jej lukkuun erom̧ rilo̧mo̧o̧r ro ilon Tōl Zaion. Ta meļeļein menin? Āinwōt ad Ripinmuur kar leļo̧k mour eo An āinwōt juon katok n̄an aolep armej, im ilo kōm̧m̧ane menin ekar erom̧ juon ad Rilo̧mo̧o̧r, aeet bwe jen, ilo jon̄an eo edik, n̄e jej bōk koņaad ilo jerbal n̄an ro remej ilo tampeļ, erom̧ āinwōt rilo̧mo̧o̧r ro n̄an ro rej pād ilo turājet ro rejjab maron̄ bōk lo̧mo̧o̧r m̧ae juon men ej kōm̧m̧an ilo etaer jān ro ilo laļ in” (“Closing Remarks,” Ensign ak Liahona, Nov. 2004,105).

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Amos 3:7Kwomaron̄ etale jejjo ennaan kāāl jān Būreejtōn eo an Kabun̄ in im kōmeļeļeik ta eo Irooj ej kwaļo̧k n̄an baam̧le eo am̧ jān E. Etke eaorōk bwe en wōr juon rikanaan ej tōl Kabun̄ in? Ewi wāween ad kar jeļā bwe e ej juon rikanaan em̧ool? Ta eo jej kōm̧m̧an n̄an ļoor kapilōk ko an?

Amos 5:4.Baam̧le eo am̧ kōm̧m̧an juon poster n̄an katotoiki ilo m̧weo m̧ōm̧ kōn eoon in ej jeje ioon. Ta meļeļein n̄an pukot Irooj? Ewi wāween ad pukot E? Ta kōjeraam̧m̧an ko jej bōki n̄e jej kōm̧m̧ane? Kwoj maron̄ karuwaineneik ro uwaan baam̧le eo n̄an kwaļo̧k im kōnono kōn eoon ko jet me rej katakin kōn pukot Irooj, āinwōt Matu 7:7–8; Ether 12:41; im Katak im Bujen Ko 88:63.

Amos 8:11–12.Ajri ro remaron̄ m̧ōņōņō n̄an kōm̧m̧an arin naan ko ilo eoon kein. N̄e ānbwin ko ad rej kwole im maro, ta eo jej kōm̧m̧ane? N̄e jetōb ko ad rej kwole im maro, ta eo jej kōm̧m̧ane? Kwomaron̄ alooje pija in alooj eo “The Great Apostasy” (ChurchofJesusChrist.org) im kōnono kōn wāween an Jepļaaktok eo an gospel joļo̧k ad kwole ilo jetōb.

Obedaia 1:21.Ta meļeļein n̄an erom̧ “rilo̧mo̧o̧r ro … ioon toļ Zaion”? (N̄an juon kōmeļeļe epidodo, lale ennaan eo jān Būreejtōn GordonB. Hinckley ilo “Ideas for Personal Scripture Study.”) Ewi wōt iaan ro jibud im jim̧aad rej aikuj kain̄i in lo̧mo̧o̧r ko? Ta eo jenaaj kōm̧m̧ane n̄an jipan̄ er?

N̄an ļōmņak reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Kimji Kamolol Yuk, O Anij, Kin Juōn Dri Kanan,” Al ko Al in Ajri, peij 26.

Kōkm̧anm̧anļo̧k Am̧ Make Ekkatak

Kōjerbal al ko n̄an karuwaineneik Jetōb im ekkatak katak ko. Ron̄jake ak riiti juon al in jar emaron̄ jipan̄ eok ekkatak pedpedi in katak ko an gospel. N̄an waanjon̄ak, kwomaron̄ ron̄jake ak riit “Kimij Kamolol Yuk, O Anij, Kin Juōn Dri Kanan” (Al Ko Al in Ajri, peij 26) n̄an im̧we tōmak eļap kōn rikanaan ro remour. (Lale Teaching in the Savior’s Way, 22.)

Santo Domingo Dominican Republic Tampeļ