em̧m̧aan in ej tabōlbōl ioon perijet ippān juon raj ilojet ej pād ilikin

Jonah on the Beach at Nineveh[Jona ej Pād ioon Pārijet in Nineveh], jān DanielA. Lewis

Nobōm̧ba 21–27

Jona; Micah

“Ej M̧ōņōņō in Tūriam̧okake”

Ilo am̧ rekoote en̄jake ko am̧, ļōmņak kōn wāween an pedped in katak ko an Jona im Maika iookļo̧k ta eo rekar ekkatak kaki ilo eoon kein.

Je En̄jake ko Rej Im̧we Eok

Jona ekar pād ioon wa eo ke ej jerak ļo̧k n̄an Tarshish. Ejjeļo̧k bōd ilo ejerakrōk n̄an Tarshish, ijjeļo̧kin ke ettoļo̧k jān Nineva, ijo Jona ekar aikuj etal n̄an e im kwaļo̧k naan an Anij. Kōn menin ke wa eo ej jelm̧ae juon ļan̄ kileplep, Jona ekar jeļā bwe kōn an jab pokake. Ke Jona ekar kwaļo̧k waļo̧k, jeļa ro rekar joļo̧k lojet ilo lom̧alo em̧wūlaļ n̄an kabōjrak lan̄ eo. Āinwōt ke ejem̧ļo̧k mour eo an Jona im an jerbal in kwaļo̧k naan. Ak Irooj ekar jab bōjrak jān Jona—āinwōt An kar jab bōjrak jān armej in Nineva im āinwōt An kar jab bōjrak jān kōj aolep. Āinwōt an Maika kar katakin, Irooj ejjab lan̄lōn̄ ilo kajeik kōj, ak “ej m̧ōņōņō in tūriam̧okake.” N̄e jej oktak n̄an E, “enaaj bar tūriam̧okake kōj; Enaaj jujuri nana ko ad; im [Enaaj] joļo̧k aolepl jerawiwi ko [ad] ilo jikin ko re m̧wilaļ an lo̧meto” (Maika 7:18–19).

Kōn juon tukaduin meļeļe kōn bok ko an Jona im Maika, lale “Jona” im “Maika” ilo Bible Dictionary.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Jona1–4; Maika 7:18–19

Irooj ej tūriam̧o n̄an kake aolep ro rej oktakļo̧k n̄an E.

Bok in Jona ej kwaļo̧k, ilubwilijin men ko jet, eļap an tūriam̧o Irooj n̄e jej ukweļo̧k. Ilo am̧ riiti Jona, kappukot waanjon̄ak ko kōn tūriam̧o eo An. Kejokļo̧jeņ kōn wāween am̧ kar en̄jake tūriam̧o̧ ilo mour eo am̧. Ta eo kwoj ekkatak me emaron̄ jipan̄ eok tūriam̧o̧ eļapļo̧k kōn ro jet.

Kam̧ool kōn tūriam̧o an Irooj ekkā an im̧we en̄jake ko kōn iakwe im kam̧m̧oolol. Ijoke,Jona ekar kanooj “[būrom̧ōj]” im “illu” (Jona 4:1) ke Irooj ekar tūriam̧o kōn armej in Nineva, ro rekar rikōjdat an Israel. Etke Jona ekar en̄jake wāween in? Enan̄in ke wōr am̧ en̄jake rōt in? Ta eo kwoj en̄jake Irooj ekar kajjieon̄ jipan̄ Jona meļeļe ilo jebta4?

Kejōļo̧kjeņ kōn katak ko ilo Micah 7:18–19. Ewi wāween an m̧ool kein kar jipan̄ Jona ukot m̧wilin kōn Irooj im armej in Nineva?

Bar lale Luk 15:11–32; JeffreyR. Holland, “The Justice and Mercy of God,” Ensign, Sept. 2013, 16–21.

ruo armej rej bwebwenato turin reba eo

Jemaron̄ kwaļo̧k gospel eo ippān ajri ro nejin Anij.

Jona1; 3–4

Aolep ajri ro nejin Anij rej aikuj ron̄ kōn gospel in.

Nineva ekar m̧ōttan ļo̧k kien eo an Riassyria, juon rikōjdat an Israel me ebun̄bun̄ kōn nana im aer m̧ōrō. N̄an Jona, ekar bolen jab tōmak ke armej in Nineva rekar pojak n̄an eo̧ron̄ naan an Anij im ukweļo̧k. Em̧ool, āinwōt Būreejtōn DallinH. Oaks ekar katakin: “Jej aikuj jab watōk kōj āinwōt riekajet kōn wōn epojak im wōn ejjab. Irooj ejeļā būruwōn ro Nejin, im eļan̄n̄e jej jar kōn im̧we, Enaaj jipan̄ kōj pukōt armej ro Ejeļā bwe “kar kōpooj er n̄an ron̄ naan eo’ (Alma 32:6)” (“Kwaļo̧k Gospel eo kar Kōjepļaktok,” Ensign ak Liaona, Nob. 2016, 58–59). Ta eo kwoj ekkatak jān Jona3 me ej im̧we eok n̄an kwaļo̧k gospel eo ippān ro me remaron̄ jab pojak ilo kalimjōk er?

Emaron̄ lukkuun jipan̄ n̄an keidi m̧wil eo an Jona (lale Jonah1; 3–4) n̄an en̄jake ko an Alma im ļōmaro nejin Mosaia (lale Mosaia 28:1–5; Alma 17:23–25).

Bar lale 3Nipai 18:32.

Maika 4:11–13; 5:8–15; 7:5–7

Jisōs Kraist ekar kouti i tok jeje ko an Maika.

Ekar bun̄bun̄ bwe Rilo̧mo̧o̧r ekar ļap an kouti Aiseia im Sam Ko. Kwar ke jeļā ke Ekar bar kouti Maika jejjo alen? Ļōmņak kōn waanjon̄ak kein, im kejōkļo̧kjeņ etke enaan kein remaron̄ lukkuun aorōk n̄an Rilo̧mo̧o̧r. Etke rej aorōk n̄an kwe?

Maika 4:11–13 (lale 3Nipai 20:18–20). Irooj ekar keidi aiintok doon eo an raan ko āliktata n̄an juon m̧adm̧ōd wit (bar lale Alma 26:5–7; Katak im Bujen Ko 11:3–4). Ta eo men kein kar keidi ej kwaļo̧k n̄an eok kōn aiintok doon eo an Israel?

Maika 5:8–15 (lale 3Nipai 21:12–21). Ta eo eoon kein rej kwaļo̧k n̄an eok kōn armej ro an Anij (“m̧ōttan Jekab”) ilo raan ko āliktata?

Maika 7:5–7 (lale Matu 10:35–36). Ekkar n̄an eoon kein, etke eaorōk bwe jen “reiļo̧k n̄an Irooj” m̧okta? Etke kapilōk in eaorōk rainin?

Maika 6:1–8

“Ta eo Irooj ej pukot jān eok?”

Maika ej kūr kōj n̄an pijaikļo̧k ta eo emaron̄ āinwōt n̄an “etal n̄an Irooj [im bukwelōlō … im̧aan Anij Eo E utiej” (Maika 6:6). Ta eo eoon ko 6–8 rej kwaļo̧k n̄an eok kōn ta eo eaorōk n̄an Irooj ilo An etale mour eo am̧?

Bar lale Matu 7:21–23; 25:31–40; DaleG. Renlund, “Jerbal Jim̧we, Iakwe Tūriam̧o, im Etetal Ettā ippān Anij,” Ensign ak Liaona, Nob. 2020, 109–12.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Jona 1–4.Ajri ro nejin remaron̄ lan̄lōn̄ ilo kōm̧m̧an arin bwebwento eo an Jona, im kōtōnn̄e juon ej ko, kōm̧m̧an ainikien kōto im ņo, ak kōtōnn̄e juon ek kileplep ej wōran̄ļo̧ke (lale “Jonah the Prophet” ilo Old Testament Stories). Kajjitōk ippān ro uwaan baam̧le eo ta eo rej ekkatak jān en̄jake eo an Jona. Kōn juon waanjon̄ak jān juon katak jān Jona, lale eoon7 jān “Follow the Prophet” (Children’s Songbook, 110–11).

Jona3.Ta eo Jona ekar ekkatak jān an kwaļo̧k gospel eo? Wōn eo jejeļā kake me ekar jeram̧m̧an ilo an kar ron̄jake ennaan eo kōn gospel eo an Jisōs Kraist me em̧ōj an jepļaaktok?

Maika 4:1–5.Ekkar n̄an eoon kein, ta eo enaaj bōktok aeņōm̧m̧an im jeraam̧m̧an n̄an armej ro an Irooj? Ta eo jemaron̄ kōm̧m̧ane n̄an jipan̄ kakūrm̧ool kanaan in ilo m̧weo mōd?

Maika 5:2.Kwomaron̄ likūt juon pijaan Jisōs āinwōt juon ajri ippān Jinen (lale Gospel Art Book, no.33) ilo juon jait in ruum eo im juon pijaan Rimāletlet ro ilo jait eo juon. Riit Ippān Doon Maika 5:2 im Matu 2:1–6. Ewi wāween an kanaan eo an Maika jipan̄ Rimāletlet ro pukot Jisōs? Ro uwaan baam̧le eo remaron̄ kam̧akūtļo̧k pija in Rimālōtlōt ro turinļo̧k pijaan Jisōs. Baam̧le eo am̧ remaron̄ lan̄lōn̄ ilo aer alooje pija in alooj eo “The Christ Child: A Nativity Story” (ChurchofJesusChrist.org).

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “I’ll Go Where You Want Me to Go,” Hymns, no.270.

Kōkm̧anm̧anļo̧k Am̧ Ekkatak Ippam̧ Make

Pukot iakwe eo an Anij. Ilo am̧ riiti jeje ko rekwojarjar, ļōmņak in je kam̧ool ko kōn iakwe eo an Anij me eim̧we eok. N̄an waanjon̄ak, kappukot wāween an Anij kar kwaļo̧k iakwe eo An n̄an ajri ro Nejin ilo bwebwenatoon Jona.

em̧m̧aan eo ej keļo̧k jān wa eo n̄an lojet

Kōmeļeļe jān Kevin Carden