em̧m̧aan eo ej etabōlbōl ioon pārijet ippān raj eo ilo̧jet itulikin

Jonah on the Beach at Nineveh [Jona ej ioon Pārijet in Nineva], jān DanielA. Lewis.

Nobōm̧ba 21–27

Jona; Maika

“Ej Mōņōņō in Tūriam̧okake”

Pukot pedped ko raorōk ilo Jona im Maika me enaaj kōjeraam̧m̧an ajri ro kwoj katakin. Kōļmenļo̧kjeņ elmen am̧ naaj jipan̄ ajri ro ekkatak pedped kein. Ļōmņak ko ilo laajrak in remaron̄ jipan̄.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

N̄an jipan̄ ajri ro kemememej bwebwenato in Jona ak m̧ool ko jet rekar ekkatak ilo m̧weeo, al juon al ippān doon, āinwōt eoon 7 in “Follow the Prophet” (Children’s Songbook, 110–11).

pija ej bōk jikin katakin

Katakin Katak eo: Ajri ro Reddikļo̧k

Jona 1:4–17; 3:3–5

Irooj ej kōjeraam̧m̧an eō n̄e ij pokake E.

Ke Irooj eaar kajjitōk ippān Jona n̄an kwaļo̧k naan n̄an armej ro ilo Nineva, Jona ekar jab pokake. Jipan̄ ajri ro meļeļe bwe jej jeraam̧m̧an n̄e jej pokake Irooj.

M̧akūtkūt ko Maron̄ Kōm̧m̧ani

• Kwaļo̧k pija in bwebwenato in Jona, im kajjitōk ippān ajri ro n̄an kwaļo̧k ta eo rejeļā kōn bwebwenato in (lale “Jona Rikanaan eo” ilo Bwebwenato ko jān Kallim̧urr eo M̧okta; peij in m̧akūtkūt eo an wiik in; ak laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko). Kajjitōk kajjitōk ko āinwōt kein: Ta eo ekar waļo̧k ke Jona ekar jab pokake Irooj? (lale Jona 1:4–17. Ta eo ekar waļo̧k ke ekar pokake? (lale Jona 3:3–5). Kwaļo̧k am̧ naan in kam̧ool bwe Irooj enaaj kōjeraam̧m̧an kōj n̄e jej pokake E.

• Al ippān doon juon al kōn pokake Irooj, eo āinwōt “Quickly I’ll Obey” (Children’s Songbook,197). Kōnono kake elmen an naaj kar em̧m̧an n̄e Jona en kar pokake jinoin. Jipan̄ ajri ro ļōmņake men ko Anij ej kōņaan bwe ren kōm̧m̧ane innām jerbali elmen aer maron̄ m̧ōkaj im pokake.

mijenede ro rej katakin em̧m̧aan eo

Jemedwōj Ilan̄ ekōņan bwe aolep ren ron̄ kōn gospel in.

Jona3

Gospel in ej n̄an aolep.

Armej ro ilo Nineva raar ukweļo̧k ke Jona ekar kwaļo̧k naan eo an Irooj ippāer. Ta iien ko rem̧m̧an ajri ro remaron̄ kwaļo̧k gospel eo?

M̧akūtkūt ko Maron̄ Kōm̧m̧ani

• Jerbali m̧ōttan ko ilo Jona 3:3–8 ippān ajri ro, āinwōt etal n̄an jikin eo Nineva, kwaļo̧k naan eo an Irooj, im je juon kean̄ jān kiin̄ eo n̄an armej ro an. Kwaļo̧k juon pija in mijenede ro (lale Bok in Gospel Pija, no. 109, 110 Ta eo mijenede ro rej kōm̧m̧ane? Elmen an Jona kar juon mijenede? Jipan̄ ajri ro ļōmņaki wāween ko remaron̄ kwaļo̧k gospel eo n̄an ro jet, āinwōt kwaļo̧k juon laajrak in tōmak ko ak kwaļo̧k naan in kam̧m̧ool eo an kōn Jisōs Kraist.

• Kwaļo̧k juon en̄jake ke kwaar kwaļo̧k gospel eo an Jisōs Kraist. Ak, jejjo raan m̧okta jen kūlaaj, kajjitōk ippān juon bwe en lotok kūlaaj eo am̧ im kwaļo̧k n̄an ajri ro kōn tōre eo ekar kwaļo̧k gospel eo ak tōre eo juon ekar kwaļo̧k gospel eo ippān. Rōjan̄ armej ro n̄an kwaļo̧k pija ko, n̄e ekkar. Jipan̄ ajri ro ļōmņake wāween ko remaron̄ āinwōt mijenede ro.

Maika 5:2

Jisōs Kraist ekar ļotak ilo Betleem.

Maika ekar kanaan bwe ilju im jekļaj enaaj wōr juon “irooj ioon Israel” eo enaaj ļotak ilo Betleem. Kwomaron̄ jipan̄ ajri ro jeļā bwe ļotak eo an Jisōs Kraist ekar kakūrm̧ool kanaan in.

M̧akūtkūt ko Maron̄ Kōm̧m̧ani

• Kwaļo̧k pijain men ko rekar waļo̧k ilo iien ļotak eo an Jisōs Kraist (lale Gospel Art Book, no. 28, 29, 30, 31). Kajjitōk ippān ajri ro n̄an kōnono kake ta eo ej waļo̧k ilo kajjojo pija. Riiti Maika 5:2, im kajjitōk ippān ajri ro n̄an jutak n̄e rej ron̄ naan eo “Betleem.” Kam̧ool bwe ļotak eo an Jisōs ekar lukkuun aorōk bwe rikanaan ro rekar jeļā kake m̧okta jen An ļotak.

• Kajjitōk ippān ajri ro n̄an jin̄aiki juon pija in ļotak eo an Jisōs. Ilo aer kwaļo̧k pija ko aer, kajjitōk ippāer n̄an kwaļo̧k etke rej kam̧m̧oolol kōn Jisōs Kraist.

pija ej bōk jikin katakin

Katakin Katak eo: Ajri ro Rerūttoļo̧k

Jona 1:10–12; 2:1–4,9; 3:1–5

Ukweļo̧k ekoba kile jerawiwi ko ad im kajjitōk jeo̧rļo̧k bōd.

Waanjon̄ak eo an Jona emaron̄ im̧we ajri ro n̄an oktakļo̧k n̄an Irooj n̄e rej jerawiwi.

M̧akūtkūt ko Maron̄ Kōm̧m̧ani

• Jipan̄ ajri ro kōm̧m̧ane juon elaajrak ioon bo̧o̧t eo kōn jet iaan men ko raorōk kōn ukweļo̧k (lale Unit Tōl n̄an Jeje ko Rekwojarjar, “Repent, Repentance,” scriptures.ChurchofJesusChrist.org). Etale ippān doon bwebwenato in Jona, im kajjitōk ippān ajri ro n̄an kalikkar m̧ool eo ke Jona ekar ukweļo̧k (lale, n̄an waanjon̄ak, Jona 1:10–12; 2:1–4,9; 3:1–5). Elmen ad maron̄ kwaļo̧k n̄an Irooj ke jej m̧ool in ukweļo̧k?

• Al ippān doon kōn juon al kōn ukweļo̧k, eo āinwōt “Repentance” (Children’s Songbook,98). Kajjitōk ippān ajri ro ta naan ko jen al eo remaron̄ kwaļo̧k n̄an Jona n̄an jipan̄ e ukweļo̧k.

Jona 2:7–10; 3:10; 4:2; Maika 7:18–19

Irooj ej tūriam̧okake aolep ro rej oktaļo̧k n̄an E.

N̄e ajri ro rej meļeļe bwe Irooj ej tūriam̧okake im jouj, renaaj oktakļo̧k n̄an E n̄e rej aikuj tūriam̧okake.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an lale meļeļein naan eo tūriam̧okake ilo juon tūjinede ak ilo Unit Tōl n̄an Jeje ko Rekwojarjar (scriptures.ChurchofJesusChrist.org). Etke Jona ekar aikuj tūriam̧okake? Etke armej ro ilo Nineva rekar aikuj tūriam̧okake? (lale Jona 1:1–3). Kajjitōk ippān ajri ro n̄an anto̧o̧ne n̄e ren kar bwebwenato ippān Jona. Ta kam̧ool eo Jona emaron̄ kar kwaļo̧k bwe Irooj en tūriam̧okake? (lale, n̄an waanjon̄ak, Jona 2:7–10; 3:10; 4:2). Elmen an Irooj kwaļo̧k n̄an kōj tūriam̧okake?

• Kajjitōk ippān ajri ro n̄an kōm̧m̧ane juon laajrak ioon boot eo kōn men ko me rej “m̧ōņōņō” kake, āinwōt ikkure ko, kōjeraam̧m̧an ko jān Irooj, im ko jet. Kajjitōk ippāer n̄an riiti Maika 7:18–19 n̄an lale juon men me Irooj ej m̧ōņōņō kake. Ta m̧ool ko ilo eoon kein emaron̄ jipan̄ juon armej eo emijak in ukweļo̧k?

• Jipan̄ ajri ro ļōmņake waanjon̄ak ko ke Rilo̧mo̧o̧r ekar kwaļo̧k tūriam̧okake n̄an ro jet Mark 2:3–12; Luk 23:33–34; im Jon 8:1–11. Kwaļo̧k pija ko an iien kein, n̄e ekkar. Jipan̄ ajri ro ļōmņaki iien ko rem̧m̧an rekar tūriam̧okake im jouj n̄an ro jet.

Maika 6:8

Irooj ekōņaan bwe in kōm̧m̧an jim̧we, iakwe jouj, im etetal ilo bōro ettā Ippān.

Maika 6:8 ej letok juon jon̄ak in mour ekwojarjar. Elmen am̧ maron̄ jipan̄ ajri ro loe im mour kake katak ko ilo eoon in?

M̧akūtkūt ko Maron̄ Kōm̧m̧ani

• Riit ippān doon Maika 6:8, im jipan̄ ajri ro meļeļe ta meļeļein naan kein: “kōm̧m̧an jim̧we,” “iakwe jouj,” im “etetal ippān Anij kōn juon bōro ettā.” Kajjitōk ippān ajri ro n̄an jin̄aik er make kōm̧m̧ani men ko reiokļo̧k juon iaan naan ko.

• Je ioon boot eo “Ta eo Irooj ekōņaan jen kwe?” Kajjitōk ippāer n̄an pukot uwaak eo ilo Maika 6:8. Elmen an kien ko an Irooj jipan̄ kōj pokake n̄an kakūrm̧ool ta eo Irooj ekōņaan jān kōj ilo eoon in?

pija ej bōk jikin ekkatak

Kōketak Ekkatak ilo M̧weo

Je ioon jidik peba n̄an kajjojo ajri juon naan eo eaorōk jān juon iaan eoon ko kwaar kōnono kaki āinwōt juon kūlaaj. Kajjitōk ippān ajri ro n̄an kajjieon̄ kakkilōklōke naan eo im kajjitōk ippān uwaan baam̧le eo n̄an kwaļo̧k an ļōmņak kake.

Kōkōm̧anm̧anļok Ad Katakin

Leļo̧k Am̧ n̄an ajri ro. Elmen an ajri ro ilo kūlaaj eo uwaak n̄an ekkatak in m̧akūtkūt ko? N̄e rem̧ōk, emaron̄ bar iien n̄an kajjieon̄e bar jet kain m̧akūtkūt. Ilo turājet eo juon, n̄e kwoj loe bwe ajri ro rej m̧ad ilo m̧akūtkūt eo, jab kijōr in etal wōt kōnke kwojjan̄in kōbare aolepān katak eo.

peij in m̧akūtkūt: Irooj ej kōjeraam̧m̧an eō n̄e ij pokake E.