an Jisōs kalimjek iju ko ilan̄

“Iaļ ko An Rejjab Jemļo̧k” (Habakkuk 3:6). In the Beginning Was the Word [Ilo Jinoin Kar Naan eo], jān Eva Timothy

Nobōm̧ba 28–Tijem̧ba4

Nahum; Habakkuk; Zepanaia

“Iaļ ko An Rejjab Jem̧ļo̧k”

Am̧ iakwe n̄an jeje ko rekwojarjar emaron̄ bōk juon im̧we eo ekajoor ippān ajri ro kwoj katakin. Kōtļo̧k bwe ren lo ewi jon̄an am̧ iakwe naan ko an Anij.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an bōk koņaer jutak im kōtan n̄e er rikanaan eo ilo Kallim̧ur M̧okta ej jutak “ilo jikin waj” āinwōt Habakkuk (Habakkuk 2:1). Kajjitōk ippāer n̄an ba n̄an ajri ro jet men ko jet rej ekkatak kōn Jisōs Kraist im gospel eo An.

pija ej bōk jikin katakin

Katakin Katak eo: Ajri ro Reddikļo̧k

Habakkuk 2:3

Irooj enaaj iien otemjej kakūrm̧ool kallim̧ur ko An.

Rikanaan Habakkuk ekar būrom̧ōj kōn nana eo ekar loe ilubwiljin armej ro an Juda (lale Habakkuk 1:2–4). Irooj eaar kwaļo̧k n̄an e bwe kallim̧ur ko An renaaj kūrm̧ool ilo tōre eo An (lale Habakkuk 2:3).

M̧akūtkūt ko Maron̄ Kōm̧m̧ani

• Kwaļo̧k jet waanjon̄ak in men ko me rem̧m̧an ak ālkin wōt n̄e jej kōttar jidik—āinwōt leen wōjke n̄e eaikuj in emmād ak m̧ōn̄ā eo eaikuj in iōōk. Ta eo enaaj waļo̧k n̄e jej kajjieon̄ in m̧ōn̄ā leen wōjke eo ak m̧ōn̄ā eo m̧okta jān an pojak? Kōnono kōn rikanaan Habakkuk, eo ekar kōņaan jeļā n̄e Irooj ekar kabōjrak nana ko ekar loe ipeļaakin. Riit n̄an ajri ro uwaak eo an Irooj, loe ilo Habakkuk 2:3. Kwaļo̧k bwe Habakkuk ekar aikuj in kōttar kallim̧ur eo an Irooj bwe en kūrm̧ool, ejjeļo̧k oktak jān ad aikuj kōm̧m̧āne jet iien. Kwaļo̧k juon tōre ke kwaar aikuj n̄an kōttar kōjeraam̧m̧an eo.

• Jipan̄ ajri ro ļōmņake men ko me Anij ekar kallim̧ur—n̄an waanjon̄ak, Jisōs Kraist enaaj bar ro̧o̧ltok n̄an laļ in ak bwe jemaron̄ bar mour ippān Anij. Ippān kajjojo waanjon̄ak, kajjitōk ippān ajri ro n̄an āliji naan kein “kattar e; bwe ilo ṃool enaaj itok.”

Habakkuk 2:14

Imaron̄ jipan̄ kobrak laļ in kōn jeļā eo kōn Jisōs Kraist.

Kanaan eo an Habakkuk ilo raan eo ej bwe aolepān laļ in enaaj jeļā kōn Jisōs Kraist. Kanaan in ej jinoe kūrm̧ool ilo tōre in ad. Ļōmņak elmen am̧ maron̄ jipan̄ ajri ro n̄an erom̧ m̧ōttan jerbal in.

M̧akūtkūt ko Maron̄ Kōm̧m̧ani

• Kwaļo̧k juon bato ejjeļo̧k kobban, im leļo̧k n̄an kajjojo ajri juon kein ekkatak jidikdik. Kajjitōk ippān kajjojo ajri n̄an kwaļo̧k jet men Jisōs ekar kōm̧m̧ane ak katakin innām likūt kein ekkatak eo aer ilowaan bato eo. Riit eļļaaj Habakkuk 2:14, im kōmeļeļeik bwe ilo an ajri ro kanne bato eo kōn jeļā eo aer kōn Irooj, jemaron̄ bar kobrak laļ in kōn jeļā eo kōn E.

• Kwaļo̧k n̄an ajri ro juon mab in laļ in (lale māb Bwebwenatoon Kabun̄ in, no.7, “Map of the World”). Jipan̄ er pukot jikin eo ijo rej jokwe ie im jikin ko ijoko mijenede ro rejeļā kake er rekar jerbal ie. Kwaļo̧k am̧ naan in kam̧ool bwe Jemedwōj Ilan̄ bwe ekōņaan aolep armej peļaakin laļ in ren jeļā kōn Jisōs Kraist. Elmen ad maron̄ jipan̄ katakin armej ro jet kōn Jisōs? Kwaļo̧k n̄an ajri ro kōn men ko kwaar loe aer kōm̧m̧ani me kwoj katakin kōn Jisōs Kraist. Jipan̄ er ļōmņake men ko jet remaron̄ kōm̧m̧ani.

• Al ippān doon juon al kōn kwaļo̧k gospel, āinwōt “I Want to Be a Missionary Now” (Children’s Songbook,168). Ta eo jemaron̄ ba n̄an armej ro kōn Jisōs Kraist? N̄an ļōmņak ko jet, lale Laajrak in Tōmak Ko

Zepanaia 2:3

“Pukot Irooj.”

Zepanaia ekar kwaļo̧k bwe jej aikuj pukot Irooj ilo iien ko eļap nana, āinwōt ilo raan kein āliktata. Kōļmenļo̧kjeņ elmen am naaj rōjan̄ ajri ro pukot E.

M̧akūtkūt ko Maron̄ Kōm̧m̧ani

• Kwaļo̧k juon pija in Jisōs, im riit n̄an ajri ro Zepanaia 2:3. Kajjitōk ippāer n̄an kadoulul peier ilo mejāer āinwōt mej im kalimjōk pija eo elōn̄ alen ilo am riiti naan eo “pukote.” Kōmeļeļeik bwe rikanaan Zepanaia ej kōņaan bwe armej ro ren pukot Irooj. Elmen ad pukot Irooj? Ia eo jemaron̄ lo E?

• Kōjerbal peij in m̧akūtkūt eo an wiik in, ak ļōmņake bar jet ikkure me ekōketak ajri ro n̄an pukot Irooj. Kōjan̄jan̄ ak al ippān doon juon al kōn unin kōnono in, āinwōt “Seek the Lord Early” (Children’s Songbook,108). Kōnono ta eo al eo ej katakin kōn elmen ad maron̄ lo Jisōs Kraist ilo mour ko ad.

pija ej bōk jikin katakin

Katakin Katak eo: Ajri ro Rerūttoļo̧k

Nahum 1:7

“Irooj em̧m̧an, e kajoor ilo raan in jorrāān.”

Kajjojo iaad jej ioon “raan in jorrāān” ko ad make. Elmen am̧ naaj jipan̄ ajri ro oktakļo̧k n̄an Irooj, “lōke E,” im pukot jokne eo an mour in jetōb ilo raan in jorrāān ko aer?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro pija in juon eo ekajoor ak juon rimālijjon̄. Ta jet iaan un ko armej ro remaron̄ aikuji juon rimālijjon̄? Kajjitōk ippān ajri ro n̄an riiti Nahum 1:7 n̄an lale ta eo rikanaan Nahum ekar ba āinwōt juon eo m̧weeo ekajoor ak jorrāān n̄an kōj. Ta eo Rilo̧mo̧o̧r emaron̄ lo̧mo̧o̧ren kōj jene?

• Kajjitōk ippān ajri ro n̄an jin̄aik juon pija in er make im baam̧le ko aer ilowaan m̧weeo ekajoor ak jorrāān. Rōjan̄ er n̄an je naan ko ipeļaakin m̧weeo ekajoor me ej kōmeļeļeik jet nana ko ilo laļ in. Kajjitōk ippān n̄an je naan ko ilowaan m̧weeo ekajoor me ej kōmeļeļeik Jisōs Kraist. Ta eo Ej kajjitōk bwe jen kōm̧m̧ane n̄an bōk An kajoor im kōjparok? (lale Katak im Bujen Ko 35:24).

  dekā jorrāān

  “Irooj em̧m̧an, juon m̧weo e kajoor lo an raan in jorrāān” (Nahum 1:7).

Habakkuk 3:17–19

Imaron̄ lan̄lōn̄ ilo Jisōs Kraist, men̄e men ko rejjab em̧m̧an.

Habakkuk ekar kōmeļeļeiki jet iaan apan̄ ko me remaron̄ waļo̧k n̄an armej ro an, ekoba wōjke im ra ko me rejjab kalle leen. Innām E ekar ba bwe men̄e men kein rej waļo̧k “aaet inaaj lan̄lōn̄ ilo Irooj.”

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Habakkuk 3:17 im kwaļo̧k apan̄ ko kar kōmeļeļeiki ilo eoon in. Elmen an juon armej en̄jake n̄e men kein rej waļo̧k? Jipan̄ ajri ro ļōmņaki apan̄ ko me remaron̄ waļo̧k n̄an er. Riit ippān doon eoon 18–19 n̄an jeļā elmen an kar Habakkuk ba ekar en̄jake men̄e men ko raar pen n̄an e.

• Jipan̄ ajri ro lo waanjon̄ak ko jet an armej ro ilo jeje ko rekwojarjar ro rekar lan̄lōn̄ ilo Irooj men̄e ilo iien ko reppen. Remaron̄ lo waanjon̄ak ilo Jerbal 16:19–25; Mosaia 24:10–15; im ennaan eo an Būreejtōn DieterF. Uchtdorf “Grateful in Any Circumstances” (Ensign ak Liahona, May 2014, 70–77), eļaptata jekjen “Being Grateful in Our Circumstances.” Etke armej ro rekar m̧ōņōņō ilo iien ko reppen? Ewi wāween ad maron̄ in ļoor waanjon̄ak ko aer?

Zepanaia 3:14–20

Ro rej ļoor Jisōs Kraist renaaj lo aenōm̧m̧an im lan̄lōn̄.

Zepanaia 3:14–20 ej kōmeļeļeik raan in lan̄lōn̄ eo n̄e Jisōs Kraist, “enaaj kiin̄ an Israel,” naaj tōl armej ro An im “lan̄lōn̄ [ippād] kōn al” (eoon 15,17).

M̧akūtkūt ko Maron̄ Kōm̧m̧ani

• Riit ippān doon Zepanaia 3:14. Innām kajjitōk ippān kajjojo ajri n̄an kālet juon iaan eoon ko ilo Zepanaia 3:5–20 im ekkatak kake, pukot men ko remaron̄ jipan̄ kōj “m̧ōņōņō im lan̄lōn̄.” Kajjitōk ippāer n̄an kwaļo̧k ta eo rej loe.

• Jipan̄ ajri ro pukot al in jar ko ak al ko an ajri me ejipan̄ er “lan̄lōn̄ im m̧ōņōņō kōn aolepen būruom̧.” (Zepanaia 3:14). Al jejjo al ippān doon, im rōjan̄ ajri ro n̄an kōnono kake lan̄lōn̄ eo rej loe ilo gospel eo an Jisōs Kraist.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an je eoon in jipan̄ ko me rekōņaan kwaļo̧ke n̄an baam̧le ko aer (ak jeki n̄an er).

Kōkm̧anm̧anļo̧k Ad Katakin

Jipan̄ ajri ro kile Jetōb eo. Kajjieon̄ in kileļo̧k iien ko me ajri ro remaron̄ en̄jake im̧we eo an Jetōb. N̄e menin ej waļo̧k, jipan̄ er meļeļe bwe en̄jake kein rej itok jen Jetōb Kwojarjar.

peij in m̧akūtkūt eo: Pukot Irooj