Daniel ej kwaļo̧k meļeļein ettōņak eo an kiin̄ eo

Daniel ej Kwaļo̧k Meļeļein Ettōņak eo an Nebukadnezar, jān Grant Romney Clawson

Oktoba 31–Nobōm̧ba6

Daniel 1–6

“Ejjeļo̧k Bar Anij E Maron̄ Lo̧mo̧o̧r”

Ilo am̧ riiti Daniel 1–6, kōm̧m̧ani kakeememej ko kōn m̧ool ko kwaar en̄jake n̄an jipan̄ ajri ro jeļā.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pijain men ko raar waļo̧k ilo Daniel 1–6 (lale laajrak eo an wiik in ilo Itok, Ļoor Eō—N̄an Kajjojo Armej im Baam̧le ko ak Gospel Art Book, no. 23, 24, 25, 26). Kajjitōk ippān ajri n̄an kwaļo̧k ta eo rejeļā kake kōn iien ko ilo pija eo. Kajjitōk ippāer n̄an kwaļo̧k juon tōre rekar kālet n̄an ļoor Rilo̧mo̧o̧r eo, āinwōt kar Daniel im ro m̧ōttan.

pija ej bōk jikin katakin

Katakin Katak eo: Ajri ro Reddikļo̧k

Daniel 1:1–17

Jemedwōj Ilan̄ ekōņaan bwe in kōjparok ānbwinū.

Daniel im ro m̧ōttan raar m̧akoko in m̧ōn̄ā kanniōk im wain eo kiin̄ eo ekar leļo̧k n̄an er kōnke rekōņaan ļoor kien ko an Anij im jab ko̧kkure ānbwinier. Rainin Naan in Mālōtlōt ejipan̄ kōj jab bōki men ko rekajoor me renaaj ko̧kkure ānbwiniid.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro “Daniel im ro Mōttan” (ilo Bwebwenato ko jen Kallim̧ur eo M̧okta), ak kōmeļeļeiki Daniel 1:1–17. Kajjitōk ippān ajri ro n̄an ikkure kōn bwebwenato eo. Jipan̄ er meļeļe elmen an Irooj kar kōjeraam̧m̧an Daniel im ro m̧ōttan n̄an kālet pokake E (lale eoon17). Ta kōjeraam̧m̧an ko jej būki jān Anij n̄e jej kālet jim̧we eo?

• Kwaļo̧k n̄an ajri ro pijain men ko Naan in Mālōtlōt ej katakin kōj n̄an m̧ōn̄ā ak kōjerbali im men ko ej jiron̄ kōj n̄an jab m̧ōn̄ā ak kōjerbali (lale Katak im Bujen Ko89). Kajjitōk ippān ajri ro n̄an anto̧o̧ne aer m̧ōn̄ā men ko rem̧m̧an im ba jaab n̄an men ko renana. Kam̧ool bwe Irooj ej kōjeraam̧m̧an kōj n̄e jej kea kōn ānbwiniid. Al juon al ippān doon kōn kea kōn āinbwiniid, āinwōt “The Lord Gave Me a Temple” ak “The Word of Wisdom” (Children’s Songbook, 153, 154–55). Ta eo al in ej katakin kōj?

emen ļaddik ilo tabōļ eo rej m̧akoko in m̧ōn̄ā kanniōk liļo̧k jen em̧m̧aan eo

Kōmeļeļe eo an Daniel im ro m̧ōttan m̧akoko in m̧ōn̄ā m̧ōn̄ā ko kijen kiin̄ eo, jān Brian Call

Daniel1; 3; 6

Anij enaaj kōjeraam̧m̧an eō ilo aō kālet n̄an ļoor Jisōs Kraist.

Bok in Daniel epād ie bwebwenato in armej ro raar kālet n̄an ļoor kien ko an Anij men̄e epen kōm̧m̧ani. Elmen am̧ maron̄ jipan̄ ajri ro katak jān waanjon̄ak kein?

M̧akūtkūt ko Maron̄ Kōm̧m̧ani

• Lali pijain bwebwenato ko ilo Daniel1, 3, im6 (lale peij in m̧akūtkūt eo an wiik in, laajrak eo an wiik in ilo Itok, Ļoor Eō—N̄an Kajjojo Armej im Baam̧le ko, ak Gospel Art Book, no. 23, 25, 26). Kapedoik pija ko ioon boot eo ak ioon laļ. Kajjitōk ippān juon ajri n̄an ālōke juon iaan pija ko, im jipan̄ e kwaļo̧k kajjien bwebwenato eo. (N̄an jipan̄, lale “Daniel im Ro Mōttan,” “Shadrak, Meshak, im Abednego,” im “Daniel im Ron̄ in Laion eo” ilo Bwebwenato ko jān Kallim̧ur eo M̧okta.) Ālkin kajjojo bwebwenato, kōnono kōn kajjitōk ko āinwōt kein: Ta eo armej ro rekar kōm̧m̧an n̄an ļoor Irooj? Ekōjkan an Irooj kar kōjeraam̧m̧an er? Kwaļo̧k elmen am̧ kar jeraam̧m̧an n̄an kālet n̄an ļoor Jisōs Kraist. Kajjitōk ippān ajri ro n̄an kwaļo̧k en̄jake ko aer.

• Kajjitōk ippān ajri ro n̄an jerbali jekjek ko ijo remaron̄ kwaļo̧k aer tōmak ilo Anij n̄an kōjparok kien ko An. Men kein ekoba jouj n̄an ro jeid im jatid, kwaļo̧k n̄an eo juon kōn Rilo̧mo̧o̧r, ak jar kajjojo bon̄. Kwaļo̧k juon pijain Shadrak, Meshak, im Abednego ilo kijeek eo ebwil (lale Gospel Art Book, no.25), im kajjitōk ippān ajri ro n̄an bwine jete armej ro ilo kijeek eo. Riiti Daniel 3:24–25 im lale wōn eo juon ekar pād ilo kijeek eo. Kwaļo̧k am̧ naan in kam̧ool bwe Irooj ej pād ippād n̄e jej ļoor E.

Daniel6

Jemedwōj Ilan̄ ekōņaan bwe en emakijkij aō jar.

Daniel ekar kōņaan leļo̧k mour eo an n̄an kauwōtata kōn menin eaar jar n̄an Jemedwōj Ilan̄ kajjojo raan. Elmen am̧ maron̄ jipan̄ ajri ro kōļapļo̧k ikideleel in wōt n̄an jar?

M̧akūtkūt ko Maron̄ Kōm̧m̧ani

• Kwaļo̧k bwebwenato eo ilo Daniel6 (lale “Daniel im Ron̄ in Laion eo” ilo Bwebwenato ko jen Kallim̧ur eo M̧okta), im kajjitōk ippān ajri ro n̄an jin̄aiki juon pija in bwebwenato eo. Kajjitōk ippāer n̄an kōjerbal pija ko aer n̄an kwaļo̧k bwebwenato eo n̄an doon. Etke Jemedwōj Ilan̄ ekōņaan bwe jen jar n̄an E? Kwaļo̧k etke jar eaorōk n̄an kwe.

• Kōnono n̄an ajri ro kōn tōre ko remaron̄ jar, āinwōt n̄e rej mijak, n̄e rej kōm̧m̧an bōd, ak n̄e rej aikuj jipan̄ ilo jikuuļ. Etke em̧m̧an jar ilo jekjek kein? Kwaļo̧k n̄an ajri ro ke jekdo̧o̧n ia eo rej pād ie, remaron̄ aolep iien jar ilo būruweer.

• Al ippān doon juon al kōn jar, eo āinwōt “We Bow Our Heads” (Children’s Songbook,25). Kōnono n̄an ajri ro kōn men ko jemaron̄ jar kaki.

pija ej bōk jikin katakin

Katakin Katak eo: Ajri ro Rerūttoļo̧k

Daniel1; 3; 6

Imaron̄ kōm̧m̧an ta eo ejim̧we men̄e epen.

Bwebwenato eo ilo Daniel1, 3, im6 emaron̄ leļo̧k n̄an ajri ro kwoj katakin peran im tōmak n̄an kōm̧m̧ani kālet ko rejim̧we, men̄e rej en̄jake ajimakeke.

M̧akūtkūt ko Maron̄ Kōm̧m̧ani

• Jin̄n̄a ioon boot eo jet m̧ade ko rej jitōn̄ļo̧k juon wōt jikin innām juon m̧ade ej jitōn̄ļo̧k ijo rājet. Elmen an Daniel im ro m̧ōttan āinwōt m̧ade ko? Kajjitōk ippān ajri ro n̄an kwaļo̧k waanjon̄ak ko jān bwebwenato ko ilo Daniel1, 3, im6 (lale “Daniel im ro Mōttan,” “Shadrak, Meshak, im Abednego,” im “Daniel ilo Ron̄ in Laion eo” ilo Bwebwenato ko jen Kallim̧ur eo M̧okta). Kajjitōk ippān ajri ro etke rej ļōmņak emaron̄ kar pen n̄an Daniel im ro m̧ōttan n̄an kōm̧m̧ani kālet ko rem̧m̧an. Elmen an kar Irooj kōjeraam̧m̧an er kōn aer kar kālet jim̧we eo?

• Jipan̄ ajri ro ļōmņak kōn jekjek ko n̄e naaj un er n̄an kōm̧m̧ane juon kālet ebōd. Kajjitōk ippāer n̄an kwaļo̧k en̄jake ko ke raar jeraam̧m̧an n̄an kālet jim̧we eo men̄e ekar pen. Al juon al ippān doon eiokļo̧k katak eo, āinwōt “Choose the Right” (Hymns, no.239).

Daniel2

Kabun̄ eo an Jisōs Kraist im Armej ro Rekwojarjar ilo Raan Ko Āliktata ej aelōn̄ in kiin̄ eo an Anij ioon laļ in.

Ke Daniel eaar leļo̧k im̧we n̄an kōmeļeļeik ettōņak eo an Nebukadnezar, eaar lo juon dekā “em̧ōj jeke jen juon to̧l” (Daniel 2:45). Dekā in ej pinej jenkwan Kabun̄ eo an Jisōs Kraist im Armej ro Rekwojarjar ilo Raan ko Āliktata, eo kar eje n̄an kobrak laļ.

M̧akūtkūt ko Maron̄ Kōm̧m̧ani

• Riiti Daniel 2:31–35, 44–45 ippān ajri ro, im kajjitōk ippāer n̄an jin̄aiki juon pija in ta eo Nebukadnezar eaar loe ilo ettōņak eo an. Kajjitōk ippān ajri ro ta eo rej ekkatak jen eoon kein kōn dekā eo ilo ettōņak eo. Kōmeļeļeik bwe dekā in ej pinej jenkwan Kabun̄ eo an Jisōs Kraist im Armej ro Rekwojarjar ilo Raan Ko Āliktata. Kajjitōk ippān ajri ro n̄an kwaļo̧k jet men ko Jemedwōj Ilan̄ ekar kōm̧m̧ane n̄an karōk Kabun̄ eo An ilo raan ko āliktata. N̄an leļo̧k n̄an er ļōmņak ko, kwaļo̧k pija in men ko ilo Jepļaaktok in Kabun̄ in (lale Gospel Art Book, no. 90–95).

• Leļo̧k n̄an kajjojo ajri jidik peba n̄an pinej jenkwan dekā eo ilo ettōņak eo an Nebukadnezar. Kajjitōk ippān kajjojo ajri n̄an kwaļo̧k elmen an jeļā ke Kabun̄ in ekar jepļaaktok jen Anij. Ilo an ajri ro kwaļo̧ke, kajjitōk ippāer n̄an lewaj “dekā” ko aer n̄an kwe. Limi dekā ko ippān doon kōjerbal teep ak to n̄an eje juon dekā kileplep. Kam̧ool bwe ilo ad kōkajoorļo̧k naan in kam̧ool ko ad im kwaļo̧k gospel eo n̄an ro jet, jej kobaik tōmak eo ad n̄an jipan̄ aelōn̄ in kiin̄ eo an Anij n̄an “[kobrak] laļ (Daniel 2:35).

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kōm̧m̧ane jet men ilo wiik in me ej kwaļo̧k aer tōmak ilo Jisōs Kraist.

Kōkōm̧anm̧anļo̧k Ad Katakin

Jipan̄ ajri ro kile Jetōb. Ilo ami bōk jetōbin en̄jake ko ippān ajri ro, jipan̄ er kile im̧we eo an Jetōb Kwojarjar.

peij in m̧akūtkūt: Anij enaaj kōjeraam̧m̧an eō ilo aō kālet n̄an ļoor Jisōs Kraist.