“Oktoba 31–Nobōm̧ba6. Daniel 1–6: ‘Ejjeļo̧k Bar Anij E Maron̄ Lo̧mo̧o̧r,’” N̄an Kajjojo Armej im Baam̧le Ko: Kallim̧ur M̧okta (2021)

“Oktoba 31–Nobōm̧ba6. Daniel 1–6,” Itok, Ļoor Eō—N̄an Kajjojo Armej im Baam̧le Ko: 2022

Pija

Daniel ej kōmeļeļein ettōņak eo an kiin̄ eo

Daniel Interprets Nebuchadnezzar’s Dream[Daniel ej Ukōte Ettōņak eo Nebuchadnezzar], jān Grant Romney Clawson

Oktoba 31–Nobōm̧ba6

Daniel 1–6

“Ejjeļo̧k Bar Anij E Maron̄ Lo̧mo̧o̧r”

Elder RichardG. Scott ekar kōmeļeļeik bwe rekoot ko reim̧we “ej kwaļo̧k Anij bwe ekōnono ko An rej kwojarjar n̄an kōj. Ļo̧o̧k eo enaaj barāinwōt kōkm̧anm̧ānļo̧k maron̄ eo ad n̄an kememej m̧adeņļo̧k eo.” (“Ekōjkan Bōk M̧adenļo̧k im Im̧we n̄an Mour eo Am̧ Make,” Ensign ak Liaona, Māe 2012,46).

Je En̄jake ko Rej Im̧we Eok

Ilo m̧ool ejjeļo̧k juon enaaj kaamijak eok n̄an joļo̧k eok n̄an upaaj in kijeek ebwil ak ron̄ in ļaiōn kōn tōmak eo am̧ ilo Jisōs Kraist. Ak ejjeļo̧k juon iaad ej wōnm̧aanļo̧k wōt ilo mour in ilo an ejjeļo̧k mellijon̄ n̄an tōmak ko an. Jemaron̄ aolep jeraam̧m̧an jān armej ro āinwōt Daniel, Shadrak, Meshak, im Abednego, ro rekar bōk er n̄an kōm̧akoko ke rekar likao wōt jān kien eo ekajoor an Ribabilon ro (lale 2Kiin̄ 24:10–16). Likao rein kar jepooļ er jān manit eo rejjab iminene kake kōn oktakier roktak, im rej jelm̧ae elōn̄ kapo ko n̄an kajejtokjen tōmak im imminene ko aer rekwojarjar. Jekdo̧o̧n rekar m̧ool wōt n̄an bujen ko aer. Āinwōt Joseph ilo Egypt im Esther in Persia, Daniel im ro m̧ōttan ilo Babylon kar dāpij tōmak eo aer ilo Anij, im Anij ekar kōjerbal menin bwilōn ko me rej im̧we wōt ritōmak ro n̄an raanin.

Ewi wāween aer lo kajoor n̄an dāpdep wōt ilo tōmak? Rekar jab kōm̧m̧ani men ko repidodo im reļam waan me Anij ekar kajjitōk bwe jen aolep kōm̧m̧ane—jar, jitlo̧k, kālet ro m̧ōttam̧ rem̧m̧an, lōke ilo Anij, im erom̧ meram n̄an ro jet. Ilo ad kōkajoorļo̧k doon ilo ad kōm̧m̧ane men kein reddik im reļam waan, jemaron̄ jelm̧ae ron̄ in ļaiōn im upaaj in kijeek ebwil ilo mour ko ad make kōn tōmak.

Kōn juon kōmeļeļe ekadu kōn bok in Daniel, lale “Daniel, bookof” ilo Bible Dictionary.

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Daniel1; 3; 6

Imaron̄ lōke Irooj n̄e tōmak eo aō ej jelm̧ae jekjek ko reppen.

Ilo bar juon wāween ba, kōj aolep jej pād ilo Babilon. Laļ in eobrak kōn elōn̄ kapo ko n̄an kajejtokjen jon̄ak ko ad im ad etale tōmak ko ad ilo Jisōs Kraist. Ilo am̧ riiti Daniel1, 3, im 6, je wāween ko me Daniel, Shadrak, Meshak, im Abednego rekar eddo kaki n̄an kōm̧m̧ani men ko rekar jeļā ke rebōd. Kwonan̄in ke kar en̄jake eddo n̄an kajejjet tokjān tōmak eo am̧? Ta eo kwoj ekkatak jān em̧m̧aan rein me remaron̄ jipan̄ eok lōke Irooj n̄e kwoj ioon menin jum̧ae ko?

Bok in Daniel im bok ko jet rekwojarjar kar lo̧o̧ke en̄jake ko ijo eļap tōmak me ej tōl n̄an kabwilōn̄lōn̄ ko reļļap. Ak eļan̄n̄e tōmak eo ad ejjab tōl n̄an Menin Kabwilōn̄lōn̄ ko jej pukot? (lale, n̄an waanjon̄ak, Alma 14:8–13). Pedped ioon ta eo kwoj riiti ilo bok in Daniel 3:13–18, ewi am̧ ļōmņak ta uwaak eo an Shadrak, Meshak, im Abednego n̄an kajjitōk in? Ewi wāween an waanjon̄ak ko aer jelet wāween am̧ jelm̧ae mellijon̄ ko an tōmak eo am̧? N̄an meļeļe ko reļļapļo̧k kōn eoon kein, lale Elder DennisE. Ennan eo an Simmons “But If Not…” (Ensign ak Liahona, May 2004, 73–75).

Bok in Daniel ej barāinwōt kwaļo̧k wāween an kālet ko rejim̧we an kajjojo armej maron̄ tōl ro jet n̄an tōmak eo eļapļo̧k ilo Irooj. Ta waanjon̄ak ko kōn menin kwoj lo ilo jebta ko 1, 3, im6? Kejōkļo̧kjeņ kōn tokjen jokālet ko am̧ me bōlen ejelet ro jet (lale Matu 5:16).

Bar lale DieterF. Uchtdorf, “Be Not Afraid, Only Believe,” Ensign ak Liahona, Nob. 2015, 76–79; DavidR. Stone, “Zion in the Midst of Babylon,” Ensign or Liahona, May 2006, 90–93.

Pija in Daniel im ro m̧ōttan rejjab kōņaan m̧ōn̄ā ko kijen kiin̄ eo, jān Brian Call

Daniel2

Kabun̄ eo an Jisōs Kraist im Armej ro Rekwojarjar ilo Raan Ko Āliktata ej aelōn̄ in kiin̄ eo an Anij ioon laļ in.

Kōn revelesōn eo, Daniel ekar lo bwe ettōņak eo an Nebukadnezar ekar kanaan kōn laļ ko renaaj obrak kōn nana ilju im jekļaj, barāinwōt aelōn̄ in kiin̄ an Anij, eo me “enaaj jutak n̄an indeeo” (Daniel 2:44). “Kabun̄ in ej aelōn̄ in kiin̄ eo ilo raan ko āliktata me kar kanaan kake,” Elder D.Todd Christofferson ekar katakin, “ejjab ejaak jān armej ak ekar ejaak jān Anij in lan̄ im ej dāpilpil m̧aanļo̧k āinwōt juon dōkā ‘em̧ōj jeke dekā eo jān juon toļ’ n̄an tōpar aolepān laļ in” (“Why the Church,” Ensign or Liahona, Nov. 2015,111). Ļōmņak bwe aelōn̄ in kiin̄ eo an Anij ilo raan ko āliktata ilo am̧ riiti kōmeļeļe ko kōn dekā eo ilo Daniel 2:34–35, 44–45. Ta ko rej āinwōt ļo̧k ta eo kwoj loe ikōtaann dekā eo im aelōn̄ in kiin̄ eo? Ewi wāween am̧ loe aelōn̄ in kiin̄ eo an Anij kobrak laļ in rainin?

Barāinwōt lale GordonB. Hinckley, “The Stone Cut Out of the Mountain,” Ensign ak Liaona, Nov. 2007, 83–86; L.Whitney Clayton, “The Time Shall Come,” Ensign ak Liaona, Nov. 2011, 11–13.

Daniel 3:19–28

Rilo̧mo̧o̧r enaaj rie eō ilo mellijon̄ ko aō.

Ta en̄jake eo ej itok n̄an eok ilo am̧ riit kōn armej ro emān rekar waļo̧k ilo upaaj in kijeek ebwil ippān Shadrak, Meshak, im Abednego? Ewi wāween an bwebwento in maron̄ jipan̄ eok ilo mellijon̄ ko kwoj jelm̧aeiki? Kwomaron̄ pukot en̄jake ko jet ilo Mosaia3:5–7; Alma 7:11–13; Katak im Bujen Ko 61:36–37; 121:5–8.

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Daniel 1–2.Ilo am̧ riiti Daniel1 im2 ippān doon, kwomaron̄ pukot kōjeraam̧m̧an ko me Daniel im ro m̧ōttan rekar bōke ilo iien aer jab m̧ōn̄ā jān m̧ōn̄ā im wain ko ko kijen kiin̄ eo. (Lale pijaan alooje eo “God Gave Them Knowledge,” ChurchofJesusChrist.org.) Kwomaron̄ keidi kōjeraam̧m̧an kein n̄an kallim̧ur ko an Irooj n̄an kōj ilo ad kōjparok kien ko An, āinwōt Naan in Māletlet (lale Katak im Bujen Ko 89:18–21). Ewi wāween an Irooj kar kōjeraam̧m̧ane kōj kōn ad mour kōn Naan in Māletlet?

Daniel3.Ewi wāween am̧ maron̄ jipan̄ baam̧le eo am̧ ekkatak kōn bwebwenato in Daniel3? “Shadrach, Meshach, im Abed-nego” in Old Testament Stories emaron̄ jipan̄. Ta eo ej kabwilōn̄ kōj kōn Shadrak, Meshak im Abed-nego? Ta jekjek ko jej jelm̧aeiki me rej idajon̄jon̄ e tōmak eo ad im ej aikuj bwe jen kwaļo̧k ke jej lōke Anij?

Daniel 6:1–23.Baam̧le eo am̧ emaron̄ lan̄lōn̄ ilo am̧ arrin bwebwenato eo ilo Daniel 6:1–23 (n̄an waanjon̄ak, eoon ko 10–12 ak 16–23). Ta eo jej ekkatak jān waanjon̄ak eo an Daniel? Ta eo jemaron̄ kōm̧m̧an n̄an erom̧ āinwōt e?

Daniel 6:25–27.Ekkar n̄an eoon kein, ewi wāween an kar jelete Kiin̄ Darius ke Irooj ekar lo̧mo̧o̧ren Daniel jān ļaiōn ko? Kwomaron̄ bar riiti ilo Daniel 2:47; 3:28–29 kōn wāween an kar jelet Kiin̄ Nebuknezar ilo wāween eo ej iookļo̧k wōt. Ta iien ko rem̧m̧an jej iooni n̄an im̧we ro jet? Kōmeļeļeik waanjon̄ak ko kwar loi kōn wāween an tōmak an armej ro jet, ekoba ro uwaan baam̧le eo, kar im̧we ro jet kōn em̧m̧an.

N̄an ļōmņak ko reļļapļo̧k kōn katakin ajri ro, lale laajrak eo an wiik in ilo Itok, Ļoor Eō—N̄an Būraimere.

Al eo kar elmakote: “I Want to Live the Gospel,” Children’s Songbook,148.

Kōkm̧anm̧anļo̧k Ad Katakin

Katakin katak eo. Gospel eo an Irooj eaibojooj ilo kōmeļeļe eo an make (lale Katak im Bujen Ko 133:57). M̧akūtkūt ko repidodo im ekkōnono ko rej pedped ioon katak ko remaron̄ karuwaineneik Jetōb Kwojarjar n̄an bōktok ennaan ko an gospel eo n̄an buruōn baam̧le eo am̧.