“5–11 ni Tiseba. Akeai; Sakaraia 1–3; 7–14: ‘Sa Tabu Me Nei Jiova,’” Lako Mai, Mo Muri Au—Me Baleti Ira na Tamata Yadua kei na Matavuvale: Veiyalayalati Makawa 2022 (2021)
“5–11 ni Tiseba. Akeai; Sakaraia 1–3; 7–14,” Lako Mai, Mo Muri Au—Me Baleti Ira na Tamata Yadua kei na Matavuvale: 2022
Valetabu e Laie Hawaii
5–11 ni Tiseba
Akeai; Sakaraia 1–3; 7–14
“Sa Tabu Me Nei Jiova”
Na wiliki ni ivolanikalou e sureta na ivakatakila. Tu vakarau ena itukutuku e dau vakatakila vei iko na Yalo Tabu ni o wilika na Akeai kei Sakaraia.
Vola na Veika o Vakauqeti kina
Ni oti e tini vakacaca na yabaki ni tiko vakavesu, e dua na ilawalawa Isireli, e rairai oka kina na parofita Akeai kei Sakaraia, a vakatarai me ra lesu ki Jerusalemi. E so ena ilawalawa oqo era nanuma tiko na irairai kei Jerusalemi ni bera ni vakarusai. Raitayaloyalotaka na veika era vakila ni ra raica na vakacaca ka a dau nodra vale, nodra vanua ni sokalou, kei na nodra valetabu. Kivei ira era vakataroga se na tiko tale beka na valetabu me tautauvata kei na “vale oqo e na kena lagilagi eliu” (Akeai 2:3), cavuta o Akeai na parofita na vosa ni veivakayaloqaqataki ni Turaga: “Dou gumatua kece talega, na lewe ni vanua, sa kaya ko Jiova, ia dou ia na cakacaka ni’u sa tiko vata kei kemudou, … dou kakua ni rere.” “Ka‘u na vakasinaita na vale oqo e nai ukuuku, … ia e na yasana oqo ka‘u na ia kina na veivinakati.” (Akeai 2:4–5, 7,9.)
Ia e sega walega ni valetabu savasava e gadrevi me qai tara tale. Ena vuqa na sala, era sa rusa vakayalo na tamata ni Kalou. Na kena taracake tale e dua na vanua tabu ena taura vakalevu cake mai na kena ta na vatu kei na kena vakataudonutaki me ra tara e dua na bai ni valetabu. Nikua, sa taura tu na valetabu na vosaceuti “Sa Tabu Me Nei Jiova,” kei na vosa oqori e sega walega ni baleta e dua na vale ia ki na dua na ivakarau ni bula. Na ceuti ni veivosa oqo ena “na lali ni ose” kei na “veikuro e Jerusalemi” (Sakaraia 14:20–21) ena veivuke walega kevaka era sa ceuti tu ena yalodra taucoko. Na vakatabui dina e gadreva na vosa kei na lawa ni Turaga me “vauci” (Sakaraia 1:6) vei keda, ka vakatara na Nona kaukauwa me veisautaka na keda ituvaki me rawa kina ni da savasava me vakataki Koya (raica na Vunau ni Soro 19:2).
Me baleta na kena raici vakararaba na ivola nei Akeai kei Sakaraia, raica na “Akeai” kei “Sakaraia” ena Bible Dictionary.
Vakasama ni Vuli iVolanikalou ni Tamata Yadua
“Dou vakananuma mada ki na nomudoui valavala.”
E vuqa sara na ka bibi me caka me tarai tale o Jerusalemi. Ia ni sa oti e voleka na 15 na yabaki na gauna era lesu mai kina na Isireli, sa cudru sara kina na Turaga ni sa sega ni ka bibi na kena tarai cake na valetabu (raica na Akeai 1:2–5; raica talega na Esira 4:24). Ni o wilika na Akeai1; 2:1–9, vakasamataka na taro vakaoqo: Na cava era a sotava na Isireli baleta ni ra a sega ni vakacavara na valetabu? Na veivakalougatataki cava a yalataka na Turaga vei ira kevaka era sa vakacavara na tara ni Nona vale? Sa rawa mo taura na madigi oqo mo “vakananuma mada ki na nomudoui valavala”—mo vakasamataka na veika o vakaliuca kei na sala mo semata vata kei na Nona na Turaga.
Raica talega na Vunau kei na Veiyalayalati95; TerenceM. Vinson, “Tisaipeli Dina ni iVakabula,” Ensign se Liaona, Nove. 2019, 9 – 11.
E rawa ni vakatabui au na Turaga.
Sister CarolF. McConkie e vakatavulica: “Na yalo savasava sai koya na digidigi ena maroroya tiko na Yalo Tabu me noda dauveidusimaki. Na yalo savasava sai koya na noda vakatikitikitaka na noda ivakarau vakayago ka yaco ‘meda tamata yalododonu ena veisorovaki i Karisito na Turaga’ [Mosaia 3:19]. … Na noda inuinui ni yalosavasava e vakataudonutaki tu vua na Karisito, ena Nona loloma veivueti kei na Nona loloma soliwale” (“Na Totoka ni Yalosavasava,” Ensign se Liaona, Me 2017, 9–10). Maroroya na ivakavuvuli oqo ni ko wilika na vosa ni Turaga, ka soli mai vei Sakaraia na parofita, ka vakauqeti ira tiko na Isireli me ra yalosavasava cake: Sakaraia 1:1–6; 3:1–7; 7:8–10; 8:16–17. Raica na veika a kerea na Turaga vei ira na Isireli me ra cakava me rawa ni ra yalosavasava kina. E vukei iko vakacava o koya mo savasava cake sara?
Sakaraia 2:10–11; 8:1–8; 14:9–11, 20–21 e vakamacalataka na bula cava ena yaco ena dua na siga mai muri ni da tiko vata kece kei na Turaga ena dua na ituvaki vakalou. Na cava e rawa ni balebale ni ivakamacala oqo ki na gauna ni bula nei Sakaraia ni ra tarai Jerusalemi tale tiko? Na cava na ibalebale ni yalayala oqo vei iko?
“Raica, ena lako mai vei iko na nomu Tui, sa yalododonu, a sa ia na veivakabulai ko koya, sa yalomalua, ka vodo lako e na asa”(Sakaraia 9:9). Curu Vakatui, mai vei Harry Anderson
Sakaraia 9:9–11; 11:12–13; 12:10; 13:6–7; 14:1–9
O Jisu Karisito na Mesaia sa yalataki.
E vica na ivola nei Sakaraia e dusia na cakacaka vakalotu vakavuravura i Jisu Karisito ka vakakina na ikarua ni Nona Lako Mai. Veidutaitaka vata na parofisai oqo mai vei Sakaraia kei na veitikina veisemati mai na ivola eso ni ivolanikalou:
-
Sakaraia 9:9–11 (raica na Maciu 21:1–11; 1Pita 3:18–19)
-
Sakaraia 11:12–13 (raica na Maciu 26:14–16; 27:1–7)
-
Sakaraia 12:10 (raica na Joni 19:37; Ai Vakatakila 1:7)
-
Sakaraia 13:6–7; 14:1–9 (raica na Maciu 26:31; Vunau kei na Veiyalayalati 45:47–53)
Na cava o vulica me baleta na iVakabula ena nomu wilika na veitikina oqo? Na cava e bibi kina vei iko mo kila vakavinaka na veitikina oqo?
Raica na Guide to the Scriptures, “Messiah” (scriptures.ChurchofJesusChrist.org).
Vakasama baleta na Vuli iVolanikalou Vakamatavuvale kei na Lotu Vakamatavuvale
-
Akeai 1:2–7Na veitikina oqo ena rawa me vakauqeta na nomu matavuvale mo “vakasamataka na nomu ivalavala.” E na rawa beka ni matanataka na lewe ni matavuvale na malanivosa ena tikina6. Na cava e vakavulica na tikina oqo me baleta na karoni na veika ni vuravura mai na veika va Kalou? Sa rawa mo veivosakitaka vata na veika me baleta na vakaliuci ni nomu matavuvale. Na lagati ni dua na sere me vaka na “Meu Na Muri Jisu Tu” (iVolanisere ni Gonelalai, 40–41) e rawa ni vukea nomu matavuvale me dikeva na veika o sa cakava tiko vakavinaka kei na vanua mo na vakavinakataka cake.
-
Akeai 2:1–9.Me vakamacalataki na veitikina oqo, e rawa ni o wasea na italanoa ni valetabu e Provo City Center, ka a vakavoutaki mai na dua na valecavu ka a kama (raica na vidio “Provo City Center Temple Completed,” ChurchofJesusChrist.org). Ni wilika na nomu matavuvale na Akeai 2:1–9, sa rawa mo kerei ira na lewe ni matavuvale me ra vakasamataka e dua na ka ena nodra bula e rawa me vaka na cakacaka ni kena taracake tale na valetabu sa vakarusai. E tarai keda vakacava na Turaga ni oti na leqa se dredre?
-
Sakaraia 3:1–7.Ni o wilika na veitikina oqo, sa rawa mo vakaraitaka vei nomu matavuvale eso na isulu duka. Ena rawa vakacava ni vakila o Josua ni tu e matana na agilosi ena isulu duka? E tautauvata vakacava na ivalavala ca kei na isulu duka? Na cava e vakavulica vei keda na Sakaraia 3:1–7 me baleta na veivosoti? Sa rawa mo ni samaka vata na isulu ka veivosakitaka na kaukauwa veivakasavasavataki ni Veisorovaki ni iVakabula.
-
Sakaraia 8:1–8.Na cava e vakauqeti keda me baleta na raivotu nei Sakaraia me baleta na veisiga ni mataka kei Jerusalemi? Na cava eda raica kina ni da vinakata me da raica ena noda itikotiko raraba? E rawa vakacava ni da sureta na iVakabula me “tiko ena [keda] maliwa”? (raica na Gary E. Stevenson, “Vuvale Vakalou, Valetabu Vakalou,” Ensign se Liaona, Me 2009, 101–3).
Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Baleta na Lalai.
Sere vakaturi: “Meu Na Muri Jisu Tu,” iVolanisere ni Gonelalai, 40–41.
Vakavinakataki ni Vuli Yadudua
Taura na madigi ni dikevi iko vakataki iko. Ni o vulica na ivolanikalou, o na vakauqeti vakawasoma mo vakasamataka vakatitobu na nomu yalayala kivua na Tamada Vakalomalagi kei Jisu Karisito. Cakacakataka na veivakauqeti o ciqoma.