Ni Sa Sucu Mai e Dua na Gone Me Noda, mai vei Simon Dewey

19–25 ni Tiseba

Siganisucu

“Eda a Waraki Koya, Ena Vakabulai Keda ko Koya”

Ena gauna ni Siganisucu oqo, vakasamataka na kena sa vaqaqacotaka na nomu ivakadinadina kei Jisu Karisito ena loma ni yabaki na Veiyalayalati Makawa.

Vola na Veika o Vakauqeti kina

Na Veiyalayalati Makawa e tu kina na Yalo ni nanamaki. Ena sala oqori, sa vaka na gauna ni Siganisucu. Tekivu mai vei rau o Atama kei Ivi, na peteriaki ni Veiyalayalati Makawa, parofita, daunivucu, kei ira na tamata era sa nanamaki tiko ki na veisiga vinaka, ka vakasinaiti tu ena inuinui me baleta na veivakavoui kei na veisereki mai vua na Mesaia. Ia ko ira na Isireli era gadreva vakavuqa na inuinui o ya—se ra tiko vakavesu mai Ijipita se Papiloni se vesuki tu ena nodra ivalavala ca se veisaqasaqa. Ena veigauna kece, era sa vakananuma vei ira na parofita ni dua na Mesaia, e dua na Dauveisereki, ena lako mai me “vunautaka na veisereki vei ira na bobula” (Aisea 61:1).

A tekivu na inuinui o ya ena gauna a sucu kina o Jisu Karisito e Peceliema. A sucu na Dauveivueti qaqa kei Isireli ena dua na teveli ni manumanu ka vakotori ena dua na vale ni manumanu (raica na Luke 2:7). Ia o koya e sega walega ni nodra Dauveisereki na Isireli makawa. Sa lako mai ko koya me sereki kemuni—me colata na nomuni rarawa, me colata na nomuni rarawa ni lomada, ka sa qaqi ena nomuni caka cala, mo rawa ni vakabulai ena we ni Nona kuita. (raica na Aisea 53:4–5). Oqo na vuna sa sinai tu kina ena yalo marau na Siganisucu ena gauna mada ga oqo. A lako mai na Mesaia ena 2,000 na yabaki sa oti, ka se yaco tikoga mai ki na noda bula ena gauna eda vakasaqarai Koya kina.

Vakasama ni Vuli iVolanikalou ni Tamata Yadua

Au rekitaka na noqu iVakabula

E kilai na Siganisucu me dua na draki marautaki ena vuku ni reki e kauta mai ki vuravura o Jisu Karisito. O ira sara mada ga na tamata era sega ni qaravi Jisu me vaka na luve ni Kalou e rawa ni vakila na marau ni Siganisucu. Vakasamataka vakatitobu na reki o vakila baleta ni sa tala mai na Luvena na Tamada Vakalomalagi.

Ena vica na senitiuri ni bera na sucu ni iVakabula, era a vakila talega na parofita ni Veiyalayalati Makawa na reki ni ra tukuna tiko na lako mai ni Mesaia. Wilika eso na malanivosa oqo, ka vakasamataka na vuna era a vakamareqeti kina vei ira era nanamaki tiko ki na nona ilesilesi na iVakabula: Same 35:9; Aisea 25:8–9; 44:21–24; 51:11; Sefanaia 3:14–20; Mosese 5:5–11. Na cava era ka talei kina vei iko na veitikina oqo?

Raica talega RussellM. Nelson, “Reki kei na Bula Vakayalo,” Ensign se Liaona, Nov. 2016, 81–84.

Sa vukei au na ivakatakilakila meu nanumi Jisu Karisito.

E vuqa na itovo ni bula e semati vata kei na Siganisucu e rawa ni tiko kina na ivakatakilakila e dusimaki keda ki na Karisito. Na iukuuku va kalokalo ka matataka na kalokalo ramase ka cila mai na bogi ni sucu i Jisu (raica na Maciu 2:2). O ira na dau lagasere ni Siganisucu e rawa ni vakananumi keda ena agilosi ka a rairai vei ira na ivakatawa ni sipi (raica na Luke 2:13–14). Ni o vulica na veiyalayalati makawa ena yabaki oqo, o na raica beka e vuqa na ivakatakilakila ni iVakabula. E vica era sa volai toka e ra. Vakasamataka mo vulica na ka oqo ka vola na veika era vakavulica vei iko me baleti Koya.

• Lami (Nai Vakatekivu 22:8; Lako yani 12:5; 1Pita 1:18–20).

• Mana (Lako Yani 16:4, 12–21,31; iVakarua 8:3; Joni 6:30–40).

• Wai (Lako Yani 17:1–6; Jeremaia 2:13; Isikeli 47:1–12; Joni 4:7–14).

• Gata parasa (Tiko Mai na Lekutu 21:4–9; Joni 3:14–15).

• Uluvatu (1Samuela 2:2; 2Samuela 22:2–3; Same 118:22–23; Aisea 28:16; Efeso 2:20).

• Tabana (Aisea 11:1–2; Jeremaia 23:5; 33:15).

• Rarama (Same 27:1; Aisea 9:2; 60:19; Maika 7:8; Joni 8:12).

Na ivakatakarakara cava tale, na malanivosa, kei na itukutuku cava o sa kunea ena ivolanikalou ka vakadinadinataki Jisu Karisito?

Raica talega na 2Nifai 11:4; Mosaia 3:14–15; Mosese 6:63; “Mataqali se iVakatakarakara i Karisito,” ena iDusidusi ki na ivolanikalou, “Jisu Karisito,” scriptures.ChurchofJesusChrist.org.

“Ena vakatokai na yacana ko Veivakurabuitaki.”

E kilai o Jisu Karisito ki na vuqa na yaca duidui kei na itutu. Na itutu cava o raica ena veitikina oqo? Same 23:1; 83:18; Aisea 7:14; 9:6; 12:2; 63:16; Emosi 4:13; Sakaraia 14:16; Mosese 7:53. Na cava eso tale na itutu o rawa ni vakasamataka? O na rairai taleitaka sara ga na tuvai ni itutu i Jisu Karisito o raica ena sere ni Siganisucu. Ena veivakauqeti vakacava na ulutaga yadua ki na ivakarau ni nomu vakasama baleti Koya?

Vakasama baleta na Vuli iVolanikalou Vakamatavuvale kei na Lotu Vakamatavuvale

Na ivakarau ni Siganisucu e rawa ni dusi kivei Jisu Karisito.Na matavuvale Isireli e tu na kena ivakarau, me vaka na Kana ni Lakosivia kei na kana magiti tale eso, e kena inaki me ra vagolea na yalodra kei na nodra vakasama vua na Turaga (raica na Exodus12). Na ivakarau ni bula cava e tiko ena nomuni matavuvale ena gauna ni Siganisucu ka na vukei kemuni mo ni vakanamata vei Jisu Karisito? Na itovo cava soti o kila me baleta na tuva kawa? E rawa ni o vakasamataka mo veivosakitaka vakamatavuvale eso na itovo tudei o via tekivutaka. Eso na vakasama e rawa ni oka kina na qaravi ni dua e vakaleqai tu (me baleta na vakasama eso, raica na ComeuntoChrist.org/light-the-world), ka sureta e dua na itokani me sarava vata kei iko na Lotu ni Siganisucu ni Mataveiliutaki Taumada (broadcasts.ChurchofJesusChrist.org), vola na nomu sere ni Siganisucu, se vakasaqara e dua na sala vou mo wasea kina na itukutuku ni sucu i Karisito.

“Na Gone o Karisito: E dua na italanoa.”E rawa vakacava mo vukei ira na lewe ni matavuvale me ra vakila, vakarokorokotaka kei na reki ni sucu i Karisito? O na sarava beka na vidio “The Karisito: e dua na italanoa” (ChurchofJesusChrist.org) se wilika vata na Maciu 1:18–25; 2:1–12; Luke 1:26–38; 2:1–20. Sa rawa ki na lewe ni matavuvale yadua me digitaka e dua na tamata mai na vidio se ivolanikalou ka wasea na nona nanuma na tamata oqo me baleta na iVakabula. Sa rawa talega vei ira na lewe ni matavuvale mera wasea na nodra nanuma baleti Koya.

Kunea na iVakabula ena Veiyalayalati Makawa.Ni o vakavakarau mo vulica na bula nei Jisu Karisito ena veiyalayalati vou ena yabaki mai oqo vatakei nomu vuvale, vakasamataka mo railesuva vata na veika era sa vulica me baleti koya ena yabaki oqo ena Veiyalayalati Makawa. Sa rawa mo raicalesu na ituvatuva ena ivurevure oqo kei na ivola ni vuli yadua me vukei iko mo nanuma tiko na veika o sa vulica. E rawa ni yaga vei ira na gone sobu me ra raica na iTalanoa ni Veiyalayalati Makawa se na iyaloyalo ena ivurevure oqo. Na parofisai se italanoa cava soti e vakaibalebale vei keda? Na cava eda sa vulica me baleta na iVakabula?

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Baleta na Lalai.

Sere vakaturi: “Koro ko Peceliema,” Sere ni Lotu, naba 123.

Vakatorocaketaki ni Noda Veivakavulici

Vakarorogo vei ira na lewe ni nomu matavuvale. “Na vakarorogo sa ivakaraitaki ni loloma. Ena vinakati ga meda kauwaitaka na veika ena tiko e yalodra na tamata mai na veika e tarava mai se na noda inaki se ituvatuva. … Ni ko sa wanonova matua na veika era [lewe ni vuvale] kaya tiko kei na veika era na sega beka ni tukuna ko na qai kila vinaka cake na ka era vinakata, na nodra vakatataro kei na nodra gagadre. Ena vukei iko na Yalotabu mo kila na sala mo vakavulici ira kina” (Veivakavulici ena iVakarau ni iVakabula, 34).

The Nativity, mai vei N.C. Wyeth