“Tijem̧ba 5–11. Haggeai; Zekaraia 1–3; 7–14: ‘Kwōjarjar n̄an Irooj,’” Itok, Ļoor Eō—N̄an Kajjojo Armej im Baam̧le Ko: Kallim̧ur M̧okta 2022 (2021)
“Tijem̧ba 5–11. Haggeai; Zekaraia 1–3; 7–14,” Itok, Ļoor Eō—N̄an Kajjojo Armej im Baam̧le Ko: 2022
Laie Hawaii Tampeļ
Tijem̧ba 5–11
Haggeai; Zekaraia 1–3; 7–14
“Kwōjarjar n̄an Irooj”
Riit jeje ko rekwojarjar ej bōktok revelesōn. Kōpeļļo̧k buruōm̧ n̄an ennaan ko ie bwe Jetōb Kwojarjar en kwaļo̧k n̄an eok ilo am̧ riiti Haggeai im Zekaraia.
Je En̄jake ko Rej Im̧we Eok
Ālkin bukwi iiō in kōm̧akoko, juon kurup in Riisrael ro, emaron̄ koba rikanaan ro Haggeai im Zekaraia rekar maron̄ jepļaak n̄an Jersualem. Jet ilo kurup in rekar keememej ta eo Jerusalem ekar āinwōt m̧okta jān aer kar kakkure. Pijaļo̧k mok en̄jake ko aer ilo aer kar lo m̧arōmrōm eo me ekar kakkure m̧ōko m̧ōer, jikin kabun̄jar ko aer, im tampeļ ko aer. N̄an ro me rej baj bwilōn̄ eļan̄n̄e tampeļ eo enaaj bar lukkuun āinwōt “m̧wiin ilo an aiboojoj m̧okta” m̧ōn Irooj (Haggeai 2:3), rikanaan Haggeai ekar kōnono naan in kōketak ko an Irooj: “Kom̧win kajoor, aolep armej ilo āneo, Irooj ej ba: Bwe N̄a ij Ippemi, … Kom̧win jab mijak.” “Inaaj kobrak m̧wiin kōn aibojooj, … im ilo jikin in Inaaj leļo̧k aeņōm̧m̧an.” (Haggeai 2:4–5, 7,9.)
Ak ekar jab tampeļ eo wōt ekwojarjar me ekar aikuj bar ekkal. Ilo elōn̄ wāween ko, armej in Anij kar ļap aer jorrāān ilo mour in jetōb. Im bar kalōk juon armej ekwojarjar ebōk eļap ļo̧k jān dōkā ļōmļōm ko im karōki n̄an kalōk juon oror an tampeļ. Rainin, tampeļ ko ewōr ie jeje ko “Kwōjarjar n̄an Irooj,” im naan kein rej n̄an ejjab n̄an wōt m̧weo m̧ōn Irooj ak n̄an juon wāween mour. Je naan kein ioon “bell ko an kidia ko” im “ainbat ko ilo Jerusalem” (Zekaraia 14:20–21) elukkuun ļap an jipan̄ eļan̄n̄e ej bar jeje ilo buruōn aolep armej. M̧oolin kwōjarjar emenin aikuj bwe naan im kien ko an Irooj “pepe in kōm̧m̧an” (Zekaraia 1:6) ilo kōj, kōtļo̧k bwe kajoor eo n̄an ukot piktokid bwe jen erom̧ kwojarjar āinwōt E (lale Livitikōs 19:2).
N̄an tukaduin meļeļein bok ok an Haggeai im Zekaraia, lale “Haggeai” im “Zekaraia” ilo Bible Dictionary.
Ļōmņak ko n̄an Ekkatak Jeje Ko Rekwojarjar Ippam̧ Make
“Ļōmņak kōn wāween ko am̧.”
Ekar lōn̄ men ko raorōk n̄an kōm̧m̧ani n̄an bar kalōk Jerusalem. Ak ālkin 15 jima iiō ko rem̧ootļo̧k jān iien eo RiIsrael ro rekar jepļaak, Irooj ekar jab bun̄ buruōn bwe rekar jab likūt bwe ekkaļ eo an tampeļ eo en men eo jinointata en kōm̧m̧an (lale Haggeai 1:2–5; bar lale Ezra 4:24). Ilo am̧ riiti Haggeai1; 2:1–9, ļōmņak kōn kajjitōk ko āinwōt kein: Ta ajāliklik ko me RiIsrael ro rekar jelm̧ae kōnke rekar jab kōm̧m̧ane jerbal in menmenbwij ko aer? Ta kōjeraam̧m̧an ko Irooj ekar kallim̧ur kaki eļan̄n̄e renej kadedeļo̧k m̧weo Im̧ōn? Kwomaron̄ bōk iien in em̧m̧an n̄an “ļōmņak kōn wāween ko am̧”—n̄an ļōmņak kōn iien ko raorōk tata ippam̧ im maron̄ jeļā karōki ippān iien ko an Irooj.
Bar lale Katak im Bujen Ko95; TerenceM. Vinson, “Rikaļoor ro Rem̧ool an Rilo̧mo̧o̧r,” Ensign ak Liaona, Nob. 2019, 9–11.
Irooj emaron̄ kōm̧m̧an bwe in ekwojarjar.
Sister CarolF. McConkie ekar ba: “Kwojarjar ej kōm̧m̧ani kālet ko me renaaj dāpij Jetōb Kwojarjar eo āinwōt ad tōl. Kwojarjar ej likūt aolep men ko ad im erom̧ ‘juon rikwōjarjar kōn pinmuur eo an Kraist Irooj’ [Mosaia 3:19]. … Ad kōjatdikdik kōn kwojarjar en dāpdāp ilo Kraist, ilo tūriam̧o eo An im An jouj” (“Kwojarjar Eo Aibojooj,” Ensign ak Liaona, Māe 2017, 9–10). Likūt katak kein ilo kōļmenļo̧kjeņ ilo am̧ riiti naan ko an Irooj, kar letok jān rikanaan eo Zekaraia, kakijorjore Riisrael ro bwe ren ekwojarjarļo̧k: Zekaraia 1:1–6; 3:1–7; 7:8–10; 8:16–17. Je ak Keememej men ko Irooj ekar kajjitōk ippān Riisrael n̄an kōm̧m̧ani bwe En maron̄ kokwojarjar er. Ewi wāween An jipan̄ er bwe ren ekwojarjarļo̧k?
Zekaraia 2:10–11; 8:1–8; 14:9–11, 20–21 ej kōmeļeļe elmen nej mour in ilju im jekļaj n̄e kōj aolep jenaaj pād ippān Irooj ilo juon jikin ekwojarjar. Ta eo kōmeļeļe kein rej iookļo̧k bar ekkaļ eo Jerusalem ilo tōre ko an Zekaraia? Ta meļeļeier n̄an eok?
“Lo, Kiin̄ eo am̧ ej iwōj; E wānōk im ewor lo̧mo̧o̧r Ippān; ettā, im Ej uwe ioon juon donkey” (Zekaraia 9:9). Triumphal Entry[Deļo̧n̄ļo̧k Eo], jān Harry Anderson
Zekariah 9:9–11; 11:12–13; 12:10; 13:6–7; 14:1–9
Jisōs Kraist eaar Messaia eo kar kanaan kake.
Jejjo iaan jeje ko an Zekaraia ej kajju kōn iien kwaļo̧k naan eo an Jisōs Kraist im ekar bar Itok eo an Kein Karuo. Keidi kanaan kein rej elaajrak jān Zekaraia ippānļo̧k eoon kein rej iookļo̧k kanaan kein jān jeje ko jet rekwojarjar:
-
Zekaraia 11:12–13 (lale Matu 26:14–16; 27:1–7)
-
Zekaraia 12:10 (lale Jon 19:37; Revelesōn 1:7)
-
Zekaraia 13:6–7; 14:1–9 (lale Matu 26:31; Katak im Bujen Ko 45:47–53)
Ta eo kwōj katak kake kōn Rilo̧mo̧o̧r eo ilo am̧ ekkatak eoon kein? Etke eaorōk bwe kwon meļeļe kōn eoon kein?
Lale Unin Tōl n̄an Jeje Ko Rōkwojarjar, “Messiah” (scriptures.ChurchofJesusChrist.org).
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Haggeai 1:2–7.Eoon kein remaron̄ im̧we baam̧le eo am̧ n̄an “ļōmņak kōn wāween ko am̧.” Bōlen ro uwaan baam̧le eo remaron̄ kōm̧m̧an arin naan ko ilo eoon6. Ta eo eoon in ej katakin kōn kaorōk men ko laļ ilōn̄inļo̧k men ko an Anij? Kwomaron̄ kapilōk doon kōn men ko me baam̧le rej kaorōki m̧oktata? Al juon al āinwōt “I’m Trying to Be like Jesus” (Children’s Songbook, 78–79) emaron̄ jipan̄ baam̧le eo am̧ etale ta eo kwar kōm̧m̧an em̧m̧an im eria ko me kwomaron̄ kōkm̧anm̧aniļo̧k.
-
Haggeai 2:1–9.N̄an kwaļo̧k kadkadin eoon kein, kwomaron̄ kwaļo̧k bwebwenato eo an Provo City Center Tampeļ, eo me ekar bar ekkaļ jān juon m̧ōn kōppād em̧m̧an me ekar bwil im jako (lale bitio in alooj ne “Provo City Center Temple Completed,” ChurchofJesusChrist.org). Ilo an baam̧le eo am̧ riiti Haggeai 2:1–9, kwomaron̄ kajjitōk ippān baam̧le eo n̄an ļōmņak kōn juon men ilo mour eo ad me emaron̄ āinwōt jerbal in bar ekkaļ tampeļ eo me ekar jorrāān ak rube. Ewi wāween an Irooj kar bar kalōk kōj ālkin jorrāān im en̄taan?
-
Zekaraia 3:1–7.Ilo am̧ riiti eoon kein, kwomaron̄ kwaļo̧k n̄an baam̧le eo am̧ jet nuknuk ettoon. Ewi wāween an Joshua kar kajutak juon enjeļ ilo im̧aan nuknuk ko rettoon. Ewi wāween an jerawiwi āinwōt nuknuk ettoon ko? Ta eo Zekaraia 3:1–7 ej katakin kōj kōn jeorļo̧k bōd? Kwomaron̄ karreoik nuknuk ko ippān doon im kōnono kōn kajoor in karreo in Pinmuur eo an Rilo̧mo̧o̧r?
-
Zekaraia 8:1–8.Ta ko rej im̧we kōj kōn visōn eo an Zekaraia kōn ilju im jekļaj eo an Jerusalem? Ta eo jej lo ijeņ me jenaaj kōņaan loe ilo jukjukin pād eo ad? Ewi wāween ad karuwaineneik Rilo̧mo̧o̧r n̄an “pād [ilubwiljid]”? (lale GaryE. Stevenson, “Sacred Homes, Sacred Temples,” Ensign ak Liaona, Māe 2009, 101–3).
N̄an ļōmņan ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar kālet: “I’m Trying to Be like Jesus,” Children’s Songbook, 78–79.
Kōkm̧anm̧anļo̧k Am̧ Make Ekkatak
Bōk iien ko rem̧m̧an n̄an etale eok make. Ilo am̧ ekkatak jeje ko rekwojarjar, enaaj ekkā am̧ bōk im̧we n̄an kejo̧kļo̧kjeņ kōn am̧ wūjlepļo̧k n̄an Jemedwōj Ilan̄ im Jisōs Kraist. Jerbal kōn im̧we ko kwoj bōki.