Annan̄ Dōkā in Kraist

Tijem̧ba 12–18

Malakai

“Iar Yokwe Kom̧, Irooj ej ba”

Meļeļein etan Malakai ej “aō ribōkto bōktak ennaan” (Bible Dictionary, “Malachi”). Ilo am̧ ekkatak ennaan eo an Malakai n̄an RiIsrael, ta ennaan ko kwoj loe ekkar n̄an mour eo am̧? Ewi wāween an naan ko an Malakai iookļo̧k raan kein?

Je En̄jake ko Rej Im̧we Eok

Je Im̧we Ko Kwoj En̄jaki Ak Riisrael ro, ro rekar en̄taan ilo epepen ko reken̄tanaan im kam̧akoko, Irooj ekar kajjitōk, “Ekōjkan Am̧ yokwe kōm?” (Malakai 1:2). Ālkin an aolep RiIsrael ro kar jelm̧ae, remaron̄ kar bwilōn̄ n̄e bwebwenato in RiIsrael ro etto ej lukkuun juon bwebwenato kōn iakwe eo an Anij n̄an armej in bujen ro An.

Ilo am̧ kejo̧kļo̧kjeņ kōn ta eo kwar riiti ilo Kallim̧ur M̧okta ilo iiō in, ta kam̧ool eo kwoj loe kōn iakwe eo an Anij? Epidodo loe elōn̄ waanjon̄ak ko kōn m̧ōjņo im ineļap an armej. Jekdo̧o̧n ak ilubwiljin aolep men kein, Anij ejamin bōjrak an jipan̄ kōj ilo iakwe. Ke ļōmaro nejin Jekab rekar nana aer kōm̧m̧an n̄an ļaddik eo jatier Josep, Irooj ekar kōpooj wōt juon iaļ n̄an lo̧mo̧o̧ren e jān n̄ūta (lale Jenesis 45:4–8). Ke Israel ekar ellotaan ilo āne jam̧den, Anij ekar najidik er kōn pilawā manna (lale Exodus 16:1–4). Jekdo̧o̧n n̄e Israel ekar kōjo̧o̧le E, rekar oktakļo̧k n̄an anij ro jet, im rekar ejepelōklōk, Anij ekar jab lukkuun katajinemjeik er ak ekar kallim̧ur er eļan̄n̄e renaaj ukweļo̧k, Enaaj aiintok im lo̧mo̧o̧ren er “kōn tūriam̧o ko re ļap ” (lale Aiseia 54:7)

Kar lale wāween in, Kallim̧ur M̧okta ej juon bwebwenato in iakwe kijenmej an Anij. Im bwebwenato in ej wōnm̧aanļo̧k wōt rainin. “Aļ in Wānōk [enaaj] tak, im enaaj wor kemour ilo pein,” Malakai ekar kanaan (Malakai 4:2). Jisōs Kraist ekar itok, ekar bōktok kōmour an ānbwin im jetōb n̄an aolep ro rej itok n̄an E. E ej kam̧ool eo em̧m̧an tata kōn iakwe eo an Anij n̄an riIsrael ro etto im n̄an kōj aolep.

N̄an meļeļe ko reļļapļo̧k kōn bok in Malakai, lale “Malakai” ilo Bible Dictionary.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Malakai 1–4

“Kom̧win Ro̧o̧l n̄an Ippa, im Inaaj ro̧o̧l n̄an kom̧.”

Ilo raan ko an Malakai, RiIsrael ro rekar kalōk tampeļ eo kadede ilo Jerusalem, ak āinwōt juon armej rekar aikuj n̄an bar kalōk jem̧jerā eo aer ippān Irooj. Ilo am̧ ekkatak jān bok in Malakai, kappukot kajjitōk ko me Irook ekar kajjitōkin RiIsrael ro ak rekar kajjitōk Ippān. Ļōmņak in kajjitōkin eok make kōn kajjitōk kein rej āinļo̧k wōt (jet waanjon̄ak ko ijin ilaļ me kar ļōmņak kaki) n̄an jipan̄ eok etale jem̧jerā eo am̧ ippān Irooj im n̄an epaakeļo̧k E.

• Ewi wāween aō kar en̄jake iakwe eo an Irooj n̄an eō? (lale Malakai 1:2).

• Menin joortak ko aō n̄an Irooj rej ke lukkuun kautiej E? (lale Malakai 1:6–11).

• Ilo wāween ta ko me ij aikuj n̄an “ro̧o̧l” n̄an Irooj? (lale Malakai 3:7).

• Ij ke kwo̧o̧te Anij ilo jabdewōt wāween? (lale Malakai 3:8–11).

• Ewi wāween an m̧wūlū ilo iien ko reppen kwaļo̧k en̄jake ko aō n̄an Irooj? (lale Malakai 3:13–15; bar lale 2:17).

Bar lale D.Todd Christofferson, “As Many as I Love, I Rebuke and Chasten,” Liaona, Māe 2011, 97–100.

Malakai 1:6–14

Irooj ej kajjitōk kōn “joortak erreo.”

Naan ko an Irooj ilo Malakai ej kwaļo̧k bwe riIsrael pris ro rekar joortak kōn menin mour ko me rekinejnej im renan̄inmej āinwōt juon kein katok ilo tampeļ eo, eo me Irooj ekar kam̧o̧iki (lale Livitikōs 22:17–25). Ta ko kein katok kein rekar elmakot kōn en̄jake ko an pris ro kōn Irooj? (lale Malakai 1:13). Etke Irooj ej kajjitōk ippād n̄an leļo̧k n̄an E joortak ko rem̧m̧an tata? Ļōmņak kōn kein katok kein Irooj ekar kajjitōk bwe kwon kōm̧m̧ani. Ta eo kwomaron̄ kōm̧m̧ane n̄an leļo̧k E “joortak erreo”? (Malakai 1:11; bar lale 3:3).

Bar lale Moronai 7:5–14.

Malakai 3–4

Kanaan ko an Malakai rej kūrm̧ool ilo raan ko āliktata.

Ke Rilo̧mo̧o̧r ekar loļo̧k Amedka, ekar kouti Malakai 3–4 n̄an Rinipai ro (lale 3Nipai 24–25). Ilo 1823, enjeļ Moronai ekar kwaļo̧k m̧ōttan ejja jebta kein wōt ippān Josep Smith (lale JosepSmith—Bwebwenato 1:36–39; bar lale Katak im Bujen Ko2). Etke kwoj ļōmņak naan ko an Malakai elōn̄ kōttan bar āliji ilo jeje ko rekwojarjar? (bar lale Katak im Bujen Ko 27:9; 110:13–16; 128:17–18). Ilo ļōmņak eo am̧, ta ennaan ko jān Malakai 3–4 ilo kalimjōke elukkun aorōk n̄an kwe?

Ke Moronai ekar kouti Malakai 4:5–6 n̄an Josep Smith, ekar kōm̧m̧ane “kōn jidik oktak jān wāween eo kōnono jān e” ilo Baibōļ (Josep Smith—Bwebwenato 1:36). Ta oktak eo Moronai ekar kobaikļo̧k n̄an meļeļe eo ad kōn kanaan in? N̄an ekkatak eļapļo̧k kōn itok eo an Ilaijah im wāween an kanaan in kūrm̧ool rainin, lale Katak im Bujen Ko 110:13–16 im Elder DavidA. Ennaan eo an Bednar “Buruōn Ajri ro Naaj Oktak” (Liaona, Nob. 2011, 24–27). Etke kwoj kam̧m̧olool bwe Ilaijah ekar jepļaaktok?

Ilaijah ekar waļo̧k n̄an Josep Smith im Oliver Cowdery ilo Kirtland Tampeļ

Kōmeļeļe eo kōn an Ilaijah kar waļo̧k n̄an Josep Smith im Oliver Cowdery ilo Kirtland Tampeļ, jān RobertT. Barrett

Malakai 3:8–12

Kōļļā juon m̧ōttan jon̄oul ej kōppeļļo̧k wintō ko Ilan̄.

Ilo am̧ riiti Malakai 3:8–12, ļōmņak kōn en̄jake ko am̧ make ilo am̧ kōļļā juon m̧ōttan jon̄oul. Ta meļeļein naan in “kōpeļļo̧k wūntō ko an lan̄” (eoon 10) n̄an kwe?

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Malakai 1:2.Ewi wāween an baam̧le eo am̧ uwaake kajjitōk in epād ilo Malakai 1:2—“Ekōjkan An [Irooj] yokwe kōm?” Ta eo jet iaan kam̧ool ko kōn iakwe eo an Irooj n̄an kōj?

Malakai 3:8–12.Ilo am̧ riiti Malakai 3:8–12, karuwaineneik ro uwaan baam̧le eo n̄an kwaļo̧k ļōmņak im en̄jake ko aer kōn juon m̧ōttan jon̄oul. Ta kōjeraam̧m̧an ko an mour in im jetōb me em̧ōj ad loe itok jān ad kōļļā juon m̧ōttan jon̄oul? (lale DavidA. Bednar, “Wintō ko an Lan̄,” Liaona, Nob. 2013, 17–20). Ro uwaan baam̧le eo remaron̄ lan̄lōn̄ ilo aer jin̄n̄aik pija ko me rej jutak kōn kōjeraam̧m̧an ko im kattototiki pija ko ilo wintō eo.

Malakai 3:13–18.Ta meļeļein n̄an kōj n̄an m̧ōttan ļo̧k Irooj im n̄an erom̧ juon iaan “m̧weien e aorōk”?

Malakai 4:5–6.Ālkin riiti eoon kein, baam̧le eo remaron̄ kakilen uwaak ko n̄an kajjitōk kein rej elaajrak kōn kanaan eo an Malakai: Wōn? Ta? N̄āāt? Ia? Etke? (bar lale Katak im Bujen Ko2).

Ewi wāween ad ukot buruōd n̄an jemād? Ewi wāween ad bōk kōjeraam̧m̧an n̄e jej kōm̧mane? Kwomaron̄ kejo̧kļo̧kjeņ kōn kajjitōk kein ilo am̧ alooje pija eo “The Promised Blessings of Family History” (ChurchofJesusChrist.org). Ta eo jenaaj kōm̧m̧ane āinwōt juon baam̧le n̄an bōk kōjeraam̧m̧an kein?

N̄an ļōmņak ko reļļapļo̧k n̄an katakin ajri ro. lale this week’s outline ilo Itok, Ļoor Eō—N̄an Būraimere.

Al eo kar elmakote: “Family History—I Am Doing It,” Children’s Songbook,94.

Kōkm̧anm̧anļo̧k Am̧ Ekkatak Ippam̧ Make

Kajjitōk kajjitōk ko ilo am̧ ekkatak. Ilo am̧ ekkatak jeje ko rekwojarjar, kajjitōk ko remaron̄ itok n̄an ļōmņak eo am̧. Kejōkļo̧kjeņ kōn kajjitōk kein, im pukot uwaak ko.

kōrā eo ej āj e an̄kijeeb mouj eo ippān tok elōn̄ pijaan jibūn im jim̧aan ro etto ilikin

Mourning’s Hosanna[Būrom̧ōj Hosana, jān Rose Datoc Dall. Juon kōrā etan Mourning (Būrom̧ōj) ej jutak ilo laļ eo an jetōb, jepooļ kōn ro jibūn im jim̧aan etto. Ej m̧ōņōņō kōn aer bōk lo̧mo̧o̧r jān aer kōm̧akoko ilo jetōb.