“EyoMnga 5–11. Hagayi; Zekariya 1–3; 7–14: ‘Bubungcwele kuYehova,’” Uze, Undilandele—Yabantu Ngabanye kunye Neentsapho: ITestamente eNdala 2022 (2021)
“EyoMnga 5–11. Hagayi, Zekariya1–3; 7–14,” Uze, Undilandele—Yabantu Ngabanye kunye Neentsapho: 2022
ELaie Hawaii Temple
EyoMnga 5–11
Hagayi; Zekariya 1–3; 7–14
“Bubungcwele kuYehova”
Ukufunda izibhalo kumema isityhilelo. Yivulele imiyalezo oyityhilelwa nguMoya oyiNgcwele xa ufunda uHagayi noZekariya.
Bhala Iimvakalelo Zakho
Emva kwamashumi eminyaka yokuthinjwa, iqela lama Sirayeli, lalise nokubandakanya abaprofeti uHagayi noZekariya, bavunyelwa ukuba babuyele eYerusalem. Abanye kweli qela bakhumbula ukuba iYerusalem yayijongeka kanjani phambi kokuba itshatyalaliswe. Khawufane ucinge indlela abavakalelwa ngayo xa bebona amabhodlo eyayikade ingamakhaya abo, iindawo zabo zonqulo, kunye netempile yabo. Kwabo babezibuza ukuba ingaba itempile iyakuze iphinde ifane neNkosi na “le ndlu isesebuqaqawulini bayo bokuqala”(Hagayi 2: 3), umprofeti uHagayi wathetha amazwi eNkosi okukhuthaza: “Nomelele, nonke bantu belizwe, utsho uYehova ngokuba ndinani, …musani ukoyika.” “Ndiyizalise le ndlu ngobuqaqawuli, … kuyo ke le ndawo ndiyakunika uxolo.” (Hagayi 2: 4-5, 7, 9.)
Kodwa yayingeyiyo itempile engcwele kuphela eyayifuna ukwakhiwa kwakhona. Ngeendlela ezininzi, abantu bakaThixo babengamabhodlo ngokomoya. Ukwakha kwakhona abantu abangcwele kuthatha ngaphezulu kokugoba amatye kunye nokulungelelanisa ukwakha udonga lwetempile. Namhlanje, iitempile zinombhalo othi “Ubungcwele eNkosini,” kwaye loo magama awasebenzi nje kwisakhiwo kodwa nakwindlela yokuphila. Sikrola la magama “emankentezeni amahashe” kunye “zonke iimbiza eYerusalem” (Zekariya 14: 20-21) iluncedo kuphela ukuba ikrolwe kwintliziyo nganye. Ubungcwele bokwenyani bufuna ukuba amazwi nemithetho yeNkosi “abayifumananga” (“ Zekariya 1:6) kuthi, evumela amandla aKhe ukuba atshintshe indalo yethu, ukuze sibe ngcwele njengaye (bonaLevitikus 19:2).
Ngesishwankathelo seencwadi zikaHagayi noZekariya, bona “UHagayi” kunye no “Zekariya kwiSichazi-magama seBhayibhile.
Iingcebiso Zokuzifundela Izibhalo Wedwa
“Iindlela zenu zigqaleni.”
Kwakukho izinto ezininzi ezibalulekileyo ezenziwayo ukwakha iYerusalem kwakhona. Kodwa emva kweminyaka emalunga ne-15 idlulile ukubuya kwamaSirayeli, uYehova wayengakholiswa kukuba ukwakhiwa kwakhona kwetempile kungazange kubekwe phambili. (bona Hagayi 1:2–5; bona naye Ezra 4:24). Njengoko ufunda UHagayi 1; 2:1–9, Cinga ngemibuzo efana nale: Zeziphi iziphumo awaba nazo amaSirayeli ngenxa yokuba engayigqibanga itempile? Zeziphi iintsikelelo iNkosi eyayibathembise zona xa begqibile ukwakha indlu yaKhe? Ningathatha eli thuba lokuba “Iindlela zenu zigqaleni.”—ukucinga ngezinto eziphambili ngokubaluleka kunye nendlela onokuzilungelelanisa ngayo neNkosi.
Bona nayo IMfundiso neMinqophiso 95; Terence M. Vinson, “True Disciples of the Savior [Abafundi bokwenene boMsindisi],” i-Ensign okanye ILiyahona EyeNkanga 2019, 9-11.
INkosi ingandenza ngcwele.
Udade uCarol F. McConkie ufundisile: “Ubungcwele kukwenza ukhetho oluzakugcina uMoya oyiNgcwele njengesikhokelo sethu. Ubungcwele kukubeka bucala utyekelo lwethu lwendalo kwaye sibe ‘abe ngongcwele ngentlawulelo kaKrestu iNkosi’ [Mozaya 3:19 ]. … Ithemba lethu lobungcwele ligxile kuKrestu, ngenceba yakhe nobabalo lwaKhe ” (“ The Beauty of Holiness [Ubuhle bobungcwele,” Ensign okanye ILiyahona UCanzibe 2017, 9–10). Gcina ezi mfundiso engqondweni njengoko ufunda amazwi eNkosi, anikwe ngomprofeti uZekariya, ebongoza uSirayeli ukuba abengcwele ngakumbi:Zekariya 1:1–6; 3:1–7; 7:8–10; 8:16–17. Qaphela izinto iNkosi eyacela uSirayeli ukuba azenze ukuze imngcwalise. Ukunceda njani ukuba ube ngcwele ngakumbi?
UZekariya 2: 10-11; 8:1–8; 14:9–11, 20–21 uchaza ukuba ubomi buza kuba njani kwilixa elizayo xa sonke sihlala neNkosi kwimeko yobungcwele Ezi nkcazo zinokuba zazithetha ntoni kwabo babesakha iYerusalem ngexesha likaZekariya? Zithetha ntoni kuwe?
“Yabona, uKumkani wakho uza kuwe: elilungisa, enosindiso; enentobeko, ekhwele e-esileni”(Zekariya 9: 9). Triumphal Entry [Ungeno loVuyo, ngu Harry Anderson
Zekariya 9: 9-11; 11:12–13; 12:10; 13:6–7; 14:1–9
UYesu Krestu nguMesiya othenjisiweyo.
Imibhalo emininzi kaZekariya yalatha kubulungiseleli basemhlabeni bukaYesu Krestu kunye nokuBuya kwakhe kwesiBini. Thelekisa ezi ziprofetho zilandelayo ezivela kuZekariya kunye nemiqolo enxulumene noko kuvela kwezinye iincwadi zezibhalo:
-
Zekariya 9: 9–11 (bona Mateyu 21: 1-11; Eyoku-1 kaPetros 3: 18-19)
-
Zekariya 11:12–13 (bona Mateyu 26:14–16; 27:1–7)
-
Zekariya 13:6–7; 14:1–9 {bona Mateyu 26:31; IMfundiso neMinqophiso 45:47–53
Ufunde ntoni ngoMsindisi njengokuba ufunda ezi ndinyana? Kutheni le nto kubalulekile kuwe ukuba uziqonde ezi ndiyana?
Jonga kwakhona isiKhokelo kwiZibhalo, “UMesiya” (scriptures.ChurchofJesusChrist.org).
Iingcebiso Zofundo Lwezibhalo Zosapho kunye Nomhlangano Wangorhatya Wosapho
-
Hagayi 1: 2–7.Le miqolo ingabangela ukuba usapho lwakho “Iindlela zenu zigqaleni.” Mhlawumbi amalungu osapho anokulinganisa amabinzana aku mqolo 6. Le miqolo isifundisa ntoni ngokuxabisa izinto zehlabathi ngaphezu kwezinto zikaThixo? Unokucebisana kunye malunga nezinto eziphambili zentsapho yakho. Ukucula ingoma efana “I’m Trying to Be like Jesus [Ndizama ukufana noYesu]” (Incwadi Yeengoma Zabantwana78-79) Nceda usapho lwakho luvavanye oko nikwenza kakuhle kunye neendawo eninokuthi niphucule kuzo.
-
Hagayi 2: 1–9Ukwazisa le miqolo, ungabelana ngebali ngetempile yeProvo City Centre, eyakhiwa ngokutsha ukusuka kwintente ethandekayo eyayitshisiwe (jonga umfanekiso kolu lwandlalo,” ChurchofJesusChrist.org). Njengoko usapho lwakho lufunda Hagayi 2: 1–9, ungacela amalungu osapho ukuba acinge ngento ebomini bethu enokuthi ifane nomsebenzi wokwakha ngokutsha itempile eyayitshatyalalisiwe. INkosi isakha njani kwakhona emva kwentlekele okanye ubunzima?
-
Zekariya 3:1–7.Xa ufunda ezi ndinyana, ungabonisa usapho lwakho iimpahla ezimdaka. Inokuba wayeziva njani uYoshuwa xa wayemi phambi kwengelosi enxibe iimpahla ezimdaka? Isono sifana njani nempahla emdaka? Ingaba UZekariya 3: 1–7 usifundisa ntoni ngokuxolela? Ningacoca iimpahla kunye kwaye nithethe ngamandla okucoca eNtlawulo yoMsindisi.
-
Zekariya 8: 1-8.Yintoni esichukumisayo ngombono kaZekariya ngekamva leYerusalem? Yintoni esiyifumana apho esingathanda ukuyibona kwindawo yethu? Singammema njani uMsindisi ukuba “ahlale phakathi [kwethu]”? (bona uGary E. Stevenson, “Sacred Homes, Sacred Temples ,” Ensign okanye ILiyahona UCanzibe 2009, 101-3).
Ngeengcebiso ezithe vetshe malunga nokufundisa abantwana, isishwankathelo salevekikwi-Come, Follow Me—For Primary.
Ingoma ecetyiswayo: “I’m Trying to Be like Jesus,”Children’s Songbook, 78–79.
Ukuphucula Ukuzifundela Izibhalo Wedwa
Thatha amathuba okuzivavanya. Njengokuba ufunda izibhalo ezingcwele, uyakusoloko uphenjelelwa ukuba ucingisise ngokuzibophelela kwakho kuBawo waseZulwini kunye noYesu Krestu. Thatha amanyathelo ngeempembelelo ozifumanayo.