“Disiembre 12–18. Malakias: ‘Siak Inayatkayo, Kuna ni Jehova,’” Umaykayo, Sumurot Kaniak—Para kadagiti Indibidual ken Pamilia: Daan a Tulag 2022 (2021)
“Disiembre 12–18. Malakias,” Umaykayo, Sumurot Kaniak—Para kadagiti Indibidual ken Pamilia: 2022
Disiembre 12–18
Malakias
“Siak Inayatkayo, Kuna ni Jehova”
Ti nagan a Malakias kaipapananna ti “mensaherok” (Bible Dictionary, “Malachi”). Bayat ti panangadalmo iti mensahe ni Malakias ti Israel, ania dagiti mensahe a masarakam para iti biagmo? Kasano a mainaig dagiti balikas ni Malakias iti aldawtayo?
Isuratmo dagiti Impresionmo
“Siak inayatkayo,” imbaga ti Apo kadagiti taona babaen ken ni propeta Malakias. Ngem dagiti Israelita, a nagsagaba iti rigat ken pannakabalud dagiti kaputotan, dinamagda iti Apo, “Iti ania ti nangayatam kadakami?” (Malakias 1:2). Kalpasan ti parikut ti Israel, mabalin a nasdaawda no ti pakasaritaan dagiti nagkauna nga Israel ket talaga nga estoria ti ayat ti Dios kadagiti natulagan a taona.
Bayat ti panangutobmo iti no ania ti nabasam iti Daan a Tulag itoy a tawen, ania ti pakakitaan a masarakam ti ayat ti Dios? Nalaka a makita iti adu a pagarigan ti pagkapsutan ken panagalsa ti tao. Ngem iti unos ti amin dayta, saan a pulos nagsardeng ti Dios iti panangtulong nga addaan ayat. Idi minaltrato dagiti lallaki nga annak ni Jacob ti kabsatda a ni Jose, insagana latta ti Apo iti wagas a mangisalakan kadakuada iti bisin (kitaen iti Genesis 45: 4–8). Idi nagdayamudom ti Israel iti let-ang, pinakan ida ti Dios iti mana (kitaen iti Exodo 16:1–4). Uray pay idi nangbaybay-an ti Israel Kenkuana, simmurotda iti dadduma pay a dios, ket naiwaraswarasda, saan a naan-anay a nangbaybay-an ti Dios kadakuada ngem inkarina a no agbabawida, ummongen ken subbotennanto ida “iti dakkel a kaasi” (kitaen iti Isaias 54:7).
Makita iti kastoy a wagas, a ti Daan a Tulag ket maysa nga estoria ti naanus, managibtur nga ayat ti Dios. Ket agtultuloy daytoy nga estoria iti agdama. “Lumgakto ti init ti kinalinteg agraman mangpasalun-at a payakna,” impadto ni Malakias (Malakias 4:2). Immay ni Jesucristo, a mangmangyeg iti pisikal ken naespirituan a pannakapaimbag iti amin nga umasideg Kenkuana. Isu ti kaindaklanan a pakakitaan ti ayat ti Dios para iti nagkauna nga Israel ken para kadatayo amin.
Para iti ad-adu pay nga impormasion maipapan iti libro ti Malakias, kitaen iti “Malakias” iti Pangiwanwan iti Nasantuan a Kasuratan.
Dagiti Kapanunotan para iti Bukod a Panagadal iti Nasantuan a Kasuratan
“Sumublikayo kaniak, ket siak sumubliakto kadakayo.”
Iti aldaw ni Malakias, nalpasen a binangon manen dagiti Israelita ti templo iti Jerusalem, ngem kas maysa a tao kasapulanda pay laeng a buklen manen ti relasionda iti Apo. Bayat ti panangadalmo iti Malakias, sapulem dagiti saludsod a dinamag ti Apo kadagiti Israelita wenno dinamagda Kenkuana. Ibilangmo ti panagsaludsodmo iti bagim iti isu met la a saludsod (naisingasing iti baba ti sumagmamano a pagarigan) a makatulong kenka a mangamiris iti relasionmo iti Apo ken umas-asideg Kenkuana.
-
Kasano a nariknak ti ayat ti Apo para kaniak? (kitaen iti Malakias 1:2).
-
Aramidek ti datonko iti Apo a sipupudno a mangdayaw Kenkuana? (kitaen iti Malakias 1:6–11).
-
Iti ania a wagas a kasapulak nga “agsubli” ti Apo? (kitaen iti Malakias 3:7).
-
Taktakawak kadi ti Dios iti ania man a wagas? (kitaen iti Malakias 3:8–11).
-
Kasano a ti galadko kabayatan dagiti narigat a panawen mangyanninaw iti riknak ti Apo? (kitaen iti Malakias 3:13–15; kitaen met iti 2:17).
Kitaen met iti D.Todd Christofferson, “As Many as I Love, I Rebuke and Chasten,” Liahona, Mayo 2011, 97–100.
Idawat ti Apo ti “nadalus a daton.”
Ipakita dagiti balikas ti Apo iti Malakias 1 a mangidiaydiaya dagiti saserdote nga Israelita kadagiti adda mulitna ken saan a nasalun-at nga ayup kas sakripisio iti templo, nga imparit ti Apo (kitaen iti Levitico 22:17–25). Ania ti isingasing dagitoy a sakripisio maipapan kadagiti rikna dagiti saserdote ti Apo? (kitaen iti Malakias 1:13). Apay nga idawat ti Apo a mangtedtayo Kenkuana iti kasayaatan a daton? Panunotem maipapan kadagiti sakripisio nga indawat kenka ti Apo nga aramidem. Ania ti maaramidmo tapno mangted Kenkuana iti “nadalus a daton”? (Malakias 1:11; kitaen met iti 3:3).
Kitaen met iti Moroni 7:5–14.
Maipatpatungpalen dagiti padto ni Malakias iti ud-udina nga aldaw.
Idi sarungkaran ti Mangisalakan ti America, inadawna ti Malakias 3–4 kadagiti Nephite (kitaen iti 3 Nephi 24–25). Idi 1823, imbinglay ni anghel Moroni dagiti paset dagitoy isu met la a kapitulo ken ni Joseph Smith (kitaen iti Joseph Smith—Pakasaritaan 1:36–39; kitaen met iti Doktrina ken Katulagan 2). Apay iti panagkunam a maulit dagiti balikas ni Malakias a masansan unay kadagiti nasantuan a kasuratan? (kitaen met iti Doktrina ken Katulagan 27: 9; 110:13–16; 128:17–18). Iti kapanunotam, ania dagiti mensahe manipud iti Malakias 3–4 ti kasla naipangpangruna a napateg para iti aldawtayo?
Idi inadaw ni Moroni ti Malakias 4:5–6 ken ni Joseph Smith, inaramidna tapno “adda bassit pakaigidiatanna iti mabasa” iti Biblia (Joseph Smith—Pakasaritaan 1:36). Ania ti pinagduduma ni Moroni a nayon iti pannakaawattayo iti daytoy a padto? Tapno masursuro ti ad-adu pay maipapan iti yaay ni Elias ken no kasano a maipatpatungpal daytoy a padto iti agdama, kitaen iti Doktrina ken Katulagan 110:13–16 ken ti mensahe ni Elder David A. Bednar “The Hearts of the Children Shall Turn” (Liahona, Nob. 2011, 24–27). Apay nga agyamanka nga immay ni Elias?
Panangiladawan ken ni Elias iti panagparangna kada Joseph Smith ken Oliver Cowdery iti Templo iti Kirtland, ni Robert T. Barrett
Ti panagbayad iti apagkapullo ket manglukat kadagiti tawa ti langit.
Bayat ti panangbasam iti Malakias 3:8–12, panunotem maipapan kadagiti bukodmo a padas iti panagbayad iti apagkapullo. Ania ti kaipapanan kenka ti ragup ti balikas a “luktan kadakayo dagiti tawtawa ti langit” (bersikulo10)?
Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening
-
Malakias 1:2.Kasano a sungbatan ti pamiliam ti saludsod a masarakan iti Malakias 1:2—”Iti ania ti nangayatan [ti Apo] kadatayo?” Ania dagiti sumagmamano a pakakitaan ti ayat ti Apo para kadatayo?
-
Malakias 3:8–12Bayat ti panangbasam iti Malakias 3:8–12, awisem dagiti miembro ti pamilia a mangibinglay kadagiti kapanunotan wenno riknada maipapan iti apagkapullo. Ania a naindagaan ken naespirituan a bendision a naimatangantayon manipud iti panagbayad iti apagkapullo? (kitaen iti David A. Bednar, “The Windows of Heaven,” Liahona, Nob. 2013, 17–20). Mabalin a magustuan dagiti miembro ti pamilia nga agdrowing kadagiti ladawan a mangibagi kadagitoy a bendision ken panangibitin kadagiti ladawan iti maysa a tawa.
-
Malakias 3:13–18.Ania ti kayat a sawen kadatayo ti matagikua ti Apo ken agbalin a maysa kadagiti “kukuana”?
-
Malakias 4:5–6.Kalpasan ti panangbasam kadagitoy a bersikulo, mabalin a mammuan ti pamiliam dagiti sungbat kadagiti sumaganad a saludsod maipapan kadagiti padto iti Malakias: Asino? Ania? Kaano? Sadino? Apay? (kitaen met iti Doktrina ken Katulagan 2).
Kasano nga isublitayo ti puspusotayo kadagiti ammatayo? Kasano a mabendisionantayo no aramidentayo? Mabalin nga utobem dagitoy a saludsod bayat ti panagbuya iti video “The Promised Blessings of Family History” (ChurchofJesusChrist.org). Ania ti mabalintayto nga aramiden kas maysa a pamilia nga umawat kadagitoy a bendision?
Para iti ad-adu pay a kapanunotan iti panangisuro kadagiti ubbing, kitaen iti balabala itoy a lawas iti Umaykayo, Sumurot Kaniak—Para iti Primary.
Naisingasing a kanta: “Family History—I Am Doing It,” Children’s Songbook,94.
Panangpadur-as iti Bukod a Panagadal
Agdamag kadagiti saludsod bayat ti panagadalmo. Bayat ti panangadalmo kadagiti nasantuan a kasuratan, mabalin a sumangbay dagiti saludsod iti panunotmo. Utobem dagitoy a saludsod ket sapulem dagiti sungbat.
Mourning’s Hosanna, ni Rose Datoc Dall. Nagtakder ti babai nga agnagan iti Mourning iti lubong dagiti espiritu, a linawlaw dagiti kapuonanna. Rambakanna ti pannakawayawayada manipud iti naespirituan a pannakabalud.