“Agnanayon dagiti dalanna” (Habacuc 3:6). Idi Punganay Isu ti Balikas, ni Eva Timothy

Nobiembre 28–Disiembre 4

Nahum; Habacuc; Zofonias

“Agnanayon dagiti Dalanna”

Mabalinmo ti agadal kadagiti nasantuan a kasuratan iti panagbiagmo ket makasarakka latta kadagiti baro a nalawag a pannakaammo ken pannakaawat. Dimo riknaen a nasken a maawatan ti amin a banag ita. Agkararagka para iti tulong a mangilasin kadagiti mensahe a kasapulam iti agdama.

Isuratmo dagiti Impresionmo

Masansan a ti panagbasa iti Daan a Tulag kaipapananna ti panagbasa kadagiti padto maipapan iti pannakadadael. Masansan a nangawag ti Apo kadagiti propeta a mangballaag kadagiti nadangkes nga addan kadakuada ti panangukomna. Dagiti panagministro da Nahum, Habacuc, ken Zofonias ket dagiti nasayaat a pagarigan. Iti nakaam-amak a detalye, nasirmata dagitoy a propeta ti pannakatnag dagiti siudad, nga iti dayta a panawen, kasla natibker ken nabileg—ti Nineve, Babilonia, ken uray pay ti Jerusalem. Ngem rinibribun a tawen ti napalabas. Apay a napateg ti mangbasa kadagitoy a padto iti agdama?

Uray no nadadael dagita a napasindayag, ken nadangkes a siudad, nagtalinaed ti kinatangig ken kinadangkesda. Iti agdama a lubong, no dadduma mariknatayo a nalikmutantayo kadagiti dakes a kinondena dagiti nagkauna a propeta. Mabalintayo pay a mailasin dagiti tugotda iti puspusotayo. Ipalgak dagitoy a padto iti Daan a Tulag no kasano ti marikna ti Apo maipapan iti kinapalangguad ken kinadangkes, ken isuroda a mabalintayo nga adaywan dagitoy a dakes. Nalabit a dayta ti maysa a rason a basaentayo latta dagitoy nagkauna a padto iti agdama. Saan laeng a propeta nga agipadto iti didigra da Nahum, Habacuc, Zofonias, ken dadduma pay—isuda ti propeta ti pannakaisalakan. Dagiti pannakailadawan ti pannakadadael ket pinabassit dagiti awis nga umasideg ken ni Cristo ken umawat iti asina: “Birokenyo ni Jehova …; birokenyo ti kinalinteg, birokenyo ti kinaemma” (Zofonias 2:3). Daytoy ti dalan ti Apo idi un-unana, ket daytoy ti dalanna iti agdama. “Agnanayon dagiti dalanna” (Habacuc 3:6).

Para kadagiti pakagupgopan dagitoy a libro, kitaen iti “Nahum,” “Habacuc,” ken “Zofonias” iti Pangiwanwan iti Nasantuan a Kasuratan.

Dagiti Kapanunotan para iti Bukod a Panagadal iti Nasantuan a Kasuratan

Nahum 1

Agpada a nabileg ken manangngaasi ti Apo.

Mision ni Nahum ti mangipadto iti pannakadadael ti Nineve—ti kabisera ti naranggas nga imperio ti Asiria, a nangsayyasayya iti Israel ken nangtrato iti Juda iti nakaro a kinaranggas. Rinugian ni Nahum babaen ti panangiladawanna iti pungtot ken awan kaasping a pannakabalin ti Dios, ngem nagsarita pay maipapan iti asi ken kinaimbag ti Dios. Mabalin nga ibilangmo ti panangilasin kadagiti bersikulo iti kapitulo 1 a makatulong kenka a makaawat iti tunggal maysa kadagitoy a kababalin—ken dadduma pay a kababalin ti Dios a madlawmo. Apay iti panagkunam a nasken a maammuan ti tunggal maysa kadagitoy a banag maipapan iti Apo?

Mabalin nga adda dagiti marigatan a mangitunos iti pannursuro iti nasantuan a kasuratan a “ni Jehova naimbag” (Nahum 1:7) iti pannursuro a “ni Jehova bumales kadagiti kabusorna” (Nahum 1:2). Iti Libro ni Mormon, adda dagiti maipada a saludsod ti anak ni Alma a ni Corianton “maipanggep iti linteg ti Dios iti pannakadusa ti managbasol” (Alma 42:1). Tapno masursuro ti ad-adu pay maipapan iti asi ti Dios ken no kasano a mainaig daytoy iti hustisiana, basaen ti sungbat ni Alma ken ni Corianton iti Alma 42.

“Ni Jehova ket naimbag, maysa a sarikedked iti aldaw ti riribuk” (Nahum 1:7).

Habacuc

Makapagtalekak iti pagayatan ti Apo ken iti panawenna.

No dadduma addaan kadagiti saludsod uray pay dagiti propeta maipapan kadagiti wagas ti Apo. Ni Habacuc, a nagbiag iti panawen ti nasaknap a kinadakes iti Juda, nangrugi iti kasuratanna nga addaan kadagiti saludsod iti Apo (kitaen iti Habacuc 1:1–4). Kasano ti pananggupugopmo kadagiti pakaseknan ni Habacuc? Naaddaanka kadin iti kasta met la a panagrikna?

Sinungbatan ti Apo dagiti saludsod ni Habacuc babaen ti panagkuna nga ibaonnanto dagiti Caldeos (dagiti Babilonian) a mangdusa iti Juda (kitaen iti Habacuc 1:5–11). Ngem nariribukan latta ni Habacuc, ta kasla saan a nainkalintegan para iti Apo nga awan ti aramidenna “ no ti nadangkes [Babilonia] lamlamutenna ti tao a nalinlinteg [Juda] (kitaen iti bersikulo 12–17). Ania ti masarakam iti Habacuc 2:1–4 a mangparegta kenka nga agtalek iti Apo no adda dagiti saan a nasungbatan a saludsodmo?

Tikapitulo 3 ti Habacuc ket maysa a kararag ti panagdaydayaw iti Dios ken maysa a panangipeksa iti pammati Kenkuana. Ania ti nakaawisan ti riknam maipanggep kadagiti balikas ni Habacuc kadagiti bersikulo 17–19? Kasano a maigiddiat ti estilo dagitoy a bersikulo manipud iti Habacuc 1:1–4? Utobem no kasano a mapadur-asmo ti dakdakkel a pammati iti Dios, uray no kasla saan a nainkalintegan ti biag.

Kitaen met iti Hebreo 10:32–39; 11; Doktrina ken Katulagan 121:1–6; Robert D. Hales, “Waiting upon the Lord: Thy Will Be Done,” Liahona, Nob. 2011, 71–74.

Sofonias

“Birokenyo ni Jehova, dakayo amin a naemma iti daga.”

Impadto ni Zofonias a naan-anay a dadaelen dagiti Babilonian dagiti tao ti Juda gapu iti kinadangkesda. “Siak ikisapkonto dagiti isu amin a bambanag iti rabaw ti daga, kuna ni Jehova (Zofonias 1:2). Ken ita pay kinuna pay ni Zofonias a mataginayon ti “matda” (Zofonias 3:13). Bayat ti panangbasam kadagitoy a padto, kitaem dagiti kita ti ugali ken tignay a nangiturong iti Juda ken dadduma pay a grupo iti pannakadadael—kitaen nangnangruna iti Zofonias 1:4–6,12; 2:8, 10,15; 3:1–4. Kalpasanna sapulem dagiti kababalin dagiti tao a taginayonento ti Dios—kitaen iti Zofonias 2:1–3; 3:12–13, 18–19. Ania ti mensahe a mariknam nga ited ti Apo kenka kadagitoy a bersikulo?

Iladawan tiZofonias 3:14–20 ti rag-o dagiti nalinteg kalpasan ti Apo “impuruakna ti kabusormo” (bersikulo15). Ania dagiti bendision a naikari kadagitoy a bersikulo a napateg kenka? Apay a napateg kenka a mangammo maipapan kadagitoy a bendision? Mabalinmo nga idilig dagitoy a bersikulo kadagiti padas a nailadawan iti 3 Nephi17 ket utobem no kasano ti rikna ni Jesucristo maipapan kadagiti taona—a pakairamanam.

Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening

Nahum 1:7.Kasano a kas maysa a “sarikedked” kadatayo ti Apo? Nalabit a mabalin a mangaramid ti pamiliam iti maysa a simple a sarikedked wenno pagkamangan iti pagtaenganyo ken paglilinnawagan ti Nahum 1:7 bayat ti kaadda daytoy iti uneg. Ania ti mangaramid iti aldawtayo nga “aldaw ti riribuk”? Kasano a papigsaennatayo ni Jesucristo ken ti ebangheliona? Kasano nga ipakitatayo nga “agtalektayo kenkuana”?

Habacuc 2:14.Kasano a makatulongtayo a maipatungpal ti padto iti daytoy a bersikulo?

Habacuc 3:17–19.Ania ti masursurotayo manipud iti pagwadan ni Habacuc kadagitoy a bersikulo?

Zofonias 2:3.Mabalinyo ti agay-ayam a dagiti miembro ti pamilia sapulenda dagiti balikas a “kinalinteg” ken “kinaemma” iti maysa a panid nga addaan iti adu a dadduma pay a balikas. Kalpasanna mabalinda nga isarita maipapan iti kinalinteg ket kinaemma a nakitadan iti tunggal maysa. Ania ti kaipapanan ti agsapul iti kinalinteg ken kinaemma?

Zofonias 3:14–20.Ania ti masarakantayo iti Zofonias 3:14–20 a mammagusto kadatayo nga “agkanta, … agrag-o ken agragsak iti isu amin a puso”? Nalabit a mabalin nga agkanta ti pamiliam kadagiti himno wenno kanta nga umay iti panunotmo bayat ti panagbasada kadagitoy a bersikulo.

Para iti ad-adu pay a kapanunotan iti panangisuro kadagiti ubbing, kitaen iti balabala itoy a lawas iti Umaykayo, Sumurot Kaniak—Para iti Primary.

Naisingasing a kanta: “Seek the Lord Early,” Children’s Songbook,108.

Panangpadur-as iti Bukod a Panagadal

Agan-anuska. No dadduma kayattayo a masungbatan a dagus dagiti saludsodtayo, ngem ikkan iti panawen dagiti naespirituan a pannakaammo ken saan a kapilitan. Idi imbaga ti Apo ken ni Habacuc, “Urayem, ta pudno nga umayto” (Habacuc 2:3).

“Ni Jehova a Diosmo adda iti nagtengngaam ti maingel a mangisalakanmo” (Zofonias 3:17). Umay Manen tapno Agari ken Agturay, ni Mary R. Sauer