abazali kunye nomntwana omncinci bajonge incwadi

Ukufundisa Abantwana Abancinanci

Ukuba unabantwana abancinane kusapho lwakho, nantsi eminye imidlalo enokubanceda bafunde:

• Cula. Amaculo neengoma eziphuma kuyo Incwadi Yamaculo Abantwana zifundisa imfundiso ngokunamandla. Sebenzisa isalathisi sezihloko emva kwayo i-Ncwadi Yamaculo Abantwana ukufumana iingoma ezihambelana nemigaqo yevangeli oyifundisayo. Nceda abantwana bakho banxibelelanise imiyalezo yeengoma nobomi babo. (Bona kwakhona “Ukuquka uMculo oNgcwele kuFundo Lwakho lweVangeli” kwesi sixhobo.)

• Mamela okanye nidlale ibali Abantwana abancinci bayawathanda amabali—aphuma kwizibhalo ezingcwele, asuka ebomini bakho, asuka kwimbali yosapho lwakho, okanye kwiincwadi zeBandla. Khangela iindlela zokubabandakanya kubaliso lwamabali. Bangabamba imifanekiso okanye izinto, bazobe imifanekiso yoko bakuvayo, balinganise ibali, okanye bancede ukubalisa ibali. Nceda abantwana bakho baqaphele iinyaniso zevangeli ezisemabalini owabelana ngawo.

• Fundani isibhalo. Abantwana abancinane banokungakwazi ukufunda kakhulu, kodwa usenakho ukubabandakanya ekufundeni kwizibhalo ezingcwele. Ungadinga ukuqwalasela kumqolo omnye, ibinzana eliphambili, okanye igama. Abantwana banokukwazi ukunkqaya amabinzana amafutshane kwizibhalo ukuba bayawaphindaphinda amaxesha ambalwa. Njengoko besiva ilizwi likaThixo, bayakuva uMoya.

• Jonga umfanekiso okanye ubukele umfanekiso bhanya-bhanya Xa ubonisa abantwana bakho umfanekiso okanye umfanekiso bhanya-bhanya onxulumene nomgaqo wevangeli okanye ibali lesibhalo, babuze imibuzo ebanceda bafunde kule nto bayibonayo. Umzekelo, ungabuza, “Yintoni eyenzekayo kulo mfanekiso okanye kumfanekiso bhanya-bhanya? Ingaba ikwenza uzive njani?” I app ye-Gospel Media MediaLibrary.ChurchofJesusChrist.org, kunye nochildren.ChurchofJesusChrist.org ziindawo ezilungileyo zokujonga imifanekiso kunye nemifanekiso bhanya-bhanya.

• Dala. Abantwana bangokha, bazobe, okanye bafake imibala into ehambelana nebali okanye nomgaqo abawufundayo.

• Thatha inxaxheba kwizifundo esinenjongo. Isifundiso esinenjongo esilula singanceda abantwana bakho baqonde umgaqo wevangeli onzima ukuqondakala. Xa usebenzisa izifundo ezinenjongo, fumana iindlela zokuvumela abantwana bakho bathathe inxaxheba. Baza kufunda lukhulu kumava wokusebenzisana kunokubukela nje umboniso.

• Dlala indima. Xa abantwana bedlala indima kwimeko abanokuthi badibane nayo ebomini bokwenyani, bayakwazi ukuqonda ukuba umgaqo wevangeli usebenza njani ebomini babo.

• Phindaphinda imisebenzi. Abantwana abancinane bangadinga ukuva iimbono amaxesha aphindaphindaneyo ukuze baziqonde. Musa ukoyika ukuphindaphinda amabali okanye imisebenzi rhoqo. Umzekelo, ungabelana ngebali lezibhalo amaxesha aliqela ngeendlela ezahlukeneyo—ukufunda izibhalo, ukushwankathela ngawakho amazwi, ukubonisa umfanekiso bhanya-bhanya, ukuvumela abantwana bakho bakuncede ukubalisa ibali, ubameme ukuba balinganise ibali, njalo njalo.