« ថ្ងៃទី ២០–២៦ ខែ មករា នីហ្វៃទី ១ ១១–១៥ ៖ ‹ ប្រដាប់អាវុធដោយសេចក្ដីសុចរិត និងដោយព្រះចេស្ដានៃព្រះ › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរមរមន ឆ្នាំ ២០២០ ( ឆ្នាំ ២០២០ )

« ថ្ងៃទី ២០–២៦ ខែ មករា នីហ្វៃទី ១ ១១–១៥ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២០

ផ្អែមលើសអស់ទាំងភាពផ្អែមទាំងអស់ ដោយ មីហ្គែល អែនជែល ហ្គុងស្សាឡែស្ស រ៉ូមេរ៉ូ

ថ្ងៃទី ២០–២៦ ខែ មករា

នីហ្វៃទី ១ ១១–១៥

« ប្រដាប់អាវុធដោយសេចក្ដីសុចរិត និងដោយព្រះចេស្ដានៃព្រះ »

សូមអាន នីហ្វៃទី ១ ១១–១៥ ដោយគិតដល់កុមារដែលអ្នកបង្រៀននៅក្នុងចិត្ត ហើយកត់ត្រាការបំផុសគំនិតនានាដែលអ្នកទទួលបាន ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

សូមបង្ហាញរូបភាពមួយអំពីការនិមិត្តរបស់លីហៃអំពីដើមជីវិត ហើយអញ្ជើញកុមារឲ្យចែកចាយអ្វីដែលពួកគេចាំអំពីអ្វីដែលបានរៀនពីការនិមិត្តនេះកាលពីសប្តាហ៍មុន ។ សូមសួរកុមារប្រសិនបើពួកគេបានរៀនអ្វីថ្មីអំពីរឿងនេះតាំងពីពេលនោះមក ។

បង្រៀនគោលលទ្ធិ ៖ កុមារតូចៗ

នីហ្វៃទី ១ ១១:១៦–៣៣

ព្រះវរបិតាសួគ៌បានបញ្ជូនព្រះយេស៊ូវគ្រីស្ទឲ្យមកកាន់ផែនដី ដោយសារទ្រង់ស្រឡាញ់ខ្ញុំ ។

នីហ្វៃបានឃើញអំពីជីវិត និងការបម្រើរបស់ព្រះយេស៊ូវគ្រីស្ទនៅក្នុងការនិមិត្តមួយ ។ សូមពិចារណាអំពីអ្វីដែលកុមារនៅក្នុងថ្នាក់របស់អ្នកអាចរៀនអំពីព្រះអង្គសង្គ្រោះមកពី នីហ្វៃទី ១ ១១ ។

សកម្មភាពដែលអាចជ្រើសរើស

សូមឲ្យរូបភាពមួយទៅកុមារដែលបង្ហាញអំពីព្រឹត្តិការណ៍មួយមកពីជីវិតរបស់ព្រះអង្គសង្គ្រោះ ដែលបានព្យាករនៅក្នុង នីហ្វៃទី ១ ១១:២០, ២៤, ២៧, ៣១ និង ៣៣ ( សូមមើល សៀវភៅរូបភាពដំណឹងល្អ លេខ ៣០, ៣៥, ៣៩, ៤២, ៥៧ ) ។ នៅពេលអ្នកអានខគម្ពីរទាំងនេះ សូមឲ្យកុមារលើករូបភាពរបស់ពួកគេឡើង នៅពេលពួកគេស្ដាប់ឮខគម្ពីរដែលត្រូវនឹងវា ។
សូមប្រាប់កុមារអំពីរឿងមួយចំនួនដែលនីហ្វៃបានរៀនថា ព្រះយេស៊ូវគ្រីស្ទបានធ្វើ អំឡុងពេលទ្រង់មានព្រះជន្មរស់នៅ ( សូមមើល នីហ្វៃទី ១ ១១:១៦–៣៣ ) ហើយបង្ហាញរូបភាពដល់ពួកគេអំពីព្រឹត្តិការណ៍ទាំងនេះ ( ឧទាហរណ៍សូមមើល សៀវភៅរូបភាពដំណឹងល្អ លេខ ៤១, ៤៦, ៤៧, ៤៩, ៥៦, ៥៧, ៥៨, ៥៩ ) ។ សូមចែកចាយអំពីអ្វីដែលព្រះអង្គសង្គ្រោះបានធ្វើសម្រាប់អ្នក ។ សូមបង្ហាញរូបភាពនានា ដើម្បីជួយកុមារឲ្យគិតអំពីរបៀបនានា ដែលយើងអាចចែកចាយសេចក្តីស្រឡាញ់របស់ព្រះ ( សូមមើល សៀវភៅរូបភាពដំណឹងល្អ លេខ ១០៩, ១១០, ១១៥ ) ។

នីហ្វៃទី ១ ១៣:២៦–២៩, ៣៥–៣៦, ៤០

ព្រះគម្ពីរមរមនបង្រៀនអំពីសេចក្តីពិតដ៏មានតម្លៃ ។

ហេតុអ្វីអ្នកមានអំណរគុណចំពោះព្រះគម្ពីរមរមន ? សូមពិចារណាអំពីរបៀបដែលអ្នកអាចចែកចាយទីបន្ទាល់របស់អ្នកអំពីព្រះគម្ពីរមរមនជាមួយកុមារ ។

សកម្មភាពដែលអាចជ្រើសរើស

សូមគូររូបភាពមួយនៅលើក្តារខៀន ហើយអញ្ជើញកុមារឲ្យផ្លាស់ប្តូរ ឬដកចេញនូវផ្នែកនានានៃរូបភាពនោះ ដើម្បីធ្វើឲ្យវាមើលទៅខុសពីមុន ។ សូមជួយពួកគេឲ្យយល់ថា ដូចក្នុងរូបភាពនេះ មានអ្វីៗមួយចំនួននៅក្នុងព្រះគម្ពីរប៊ីបត្រូវបានផ្លាស់ប្តូរ ហើយដកយកចេញជាច្រើនដង ។ សូមអានផ្នែកនានានៃ នីហ្វៃទី ១ ១៣:៤០ ដែលបង្រៀនអំពីរបៀបដែលព្រះគម្ពីរមរមនជួយយើងឲ្យយល់ « សេចក្ដីដ៏ច្បាស់ និងពិសេសៗ » ទាំងនេះ ដែលបានបាត់ពីព្រះគម្ពីរប៊ីប ( ដែលនីហ្វៃហៅថា « បញ្ជីចុងក្រោយទាំងឡាយនេះ » ) ។
សូមលាក់រូបភាពនានាដែលតំណាងឲ្យសេចក្តីពិតនៃដំណឹងល្អនៅជុំវិញបន្ទប់ ដែលបានបញ្ជាក់នៅក្នុងព្រះគម្ពីរមរមន ដូចជាបុណ្យជ្រមុជទឹក ពិធីសាក្រាម៉ង់ និងការរស់ឡើងវិញ ។ សូមអញ្ជើញកុមារឲ្យស្វែងរករូបភាពទាំងនោះ ។ សូមពន្យល់ថា ព្រះគម្ពីរមរមនបាននាំត្រឡប់មកវិញនូវសេចក្តីពិតនៃដំណឹងល្អដែលបានបាត់បង់នោះ ។

នីហ្វៃទី ១ ១៥:២៣–២៥

ព្រះបន្ទូលនៃព្រះផ្ដល់អំណាចដល់ខ្ញុំ ។

តើអ្នកអាចប្រើរូបភាពនៃដំបងដែកដើម្បីបង្រៀនកុមារអំពីកម្លាំង សុវត្ថិភាព និងព្រះចេស្តានៃបន្ទូលរបស់ព្រះដោយរបៀបណា ?

សកម្មភាពដែលអាចជ្រើសរើស

សូមបង្ហាញរូបភាពនៃសុបិនរបស់លីហៃ ដូចជារូបភាពមួយនៅក្នុង គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។ សូមអញ្ជើញកុមារឲ្យស្វែងរកដំបងដែកនៅក្នុងរូបភាព ហើយជួយពួកគេឲ្យយល់អំពីរបៀបដែលការតោងជាប់នឹងព្រះបន្ទូលនៃព្រះអាចការពារយើងបាន ( សូមមើល នីហ្វៃទី ១ ១៥:២៣–២៤ ) ។ សូមឲ្យអ្វីមួយទៅកុមារដែលស្រដៀងនឹងដំបងដែកដើម្បីកាន់ ដូចជា បំពង់ទីបជ័រ ឬដំបងឈើ អំឡុងពេលអ្នកអាន ខទី ២៤ ។ តើយើងរកឃើញបន្ទូលរបស់ព្រះនៅឯណា ? តើយើងអាចធ្វើអ្វីខ្លះ ដើម្បីធ្វើឲ្យបន្ទូលនៃព្រះក្លាយជាផ្នែកមួយនៃជីវិតប្រចាំថ្ងៃរបស់យើង ?
សូមជួយឲ្យកុមារផាត់ពណ៌ទំព័រ ហើយបំពេញទំព័រសកម្មភាពនាសប្ដាហ៍នេះ ។ តើយើង « តោងជាប់ » នឹងបន្ទូលនៃព្រះដោយរបៀបណា ? ( នីហ្វៃទី ១ ១៥:២៤ ) ។

បង្រៀនគោលលទ្ធិ ៖ កុមារធំៗ

នីហ្វៃទី ១ ១១:១៦–៣៣

ព្រះវរបិតាសួគ៌បានបញ្ជូនព្រះយេស៊ូវគ្រីស្ទឲ្យមកកាន់ផែនដី ដោយសារទ្រង់ស្រឡាញ់ខ្ញុំ ។

នីហ្វៃមានការនិមិត្តមួយដែលលោកបានឃើញផែនការរបស់ព្រះវរបិតាសួគ៌សម្រាប់យើង ហើយព្រះយេស៊ូវគ្រីស្ទគឺជាផ្នែកដ៏សំខាន់នៃការនិមិត្តនោះ ។

សកម្មភាពដែលអាចជ្រើសរើស

សូមអញ្ជើញកុមារឲ្យផ្គូផ្គងខគម្ពីរមកពី នីហ្វៃទី ១ ១១:១៦–៣៣ ជាមួយរូបភាពដែលបង្ហាញនូវអ្វីដែលខគម្ពីរទាំងនោះពិពណ៌នា ( ដូចជា នីហ្វៃទី ១ ១១:២០, ២៤, ២៧, ២៩, ៣១, ៣៣, សូមមើល សៀវភៅរូបភាពដំណឹងល្អ លេខ ៣០, ៣៥, ៣៨, ៣៩, ៤២, ៥៧ ) ។ តើកុមាររៀនអ្វីខ្លះអំពីព្រះគ្រីស្ទមកពីខគម្ពីរ និងរូបភាពទាំងនេះ ?
សូមសួរកុមារអំពីមូលហេតុដែលព្រះយេស៊ូវគ្រីស្ទមានសារៈសំខាន់ចំពោះពួកគេ ។ សូមច្រៀងបទចម្រៀងអំពីព្រះអង្គសង្គ្រោះ ដូចជាបទ « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ ទំព័រ ៣៤–៣៥ ) ហើយសួរកុមារអំពីអ្វីដែលចម្រៀងនេះបង្រៀនអំពីព្រះយេស៊ូវ ។ សូមអញ្ជើញកុមារឲ្យឆ្លៀតពេលអំឡុងសប្តាហ៍ ឲ្យគិតអំពីព្រះយេស៊ូវគ្រីស្ទ ហើយចែកចាយបទពិសោធន៍របស់ពួកគេនៅក្នុងថ្នាក់សប្តាហ៍ក្រោយ ។

ព្រះគម្ពីរមរមនជាភាសាផ្សេងៗ — ព្រះគម្ពីរមរមនមាននូវដំណឹងល្អរបស់ព្រះយេស៊ូវគ្រីស្ទ ។

នីហ្វៃទី ១ ១៣:២៦–២៩, ៣៥–៣៦, ៤០

ព្រះគម្ពីរមរមនបង្រៀនអំពីសេចក្តីពិតដ៏មានតម្លៃ ។

តើកុមារដឹងអ្វីខ្លះអំពីការក្បត់សាសនា ? តើអ្នកអាចជួយពួកគេឲ្យយល់អំពីសារៈសំខាន់នៃព្រះគម្ពីរមរមន នៅក្នុងការស្តារឡើងវិញនូវសេចក្តីពិតនៃដំណឹងល្អដែលបានបាត់បង់អំឡុងពេលក្បត់សាសនាដោយរបៀបណា ?

សកម្មភាពដែលអាចជ្រើសរើស

សូមអាន នីហ្វៃទី ១ ១៣:២៦–២៩ ជាមួយគ្នា ហើយអញ្ជើញកុមារឲ្យរកមើលអ្វីដែលកើតឡើង នៅពេលមនុស្សគ្មាន « សេចក្ដីដ៏ច្បាស់ និងពិសេសៗ » នៃសេចក្តីពិតនៃដំណឹងល្អ ។ តើព្រះអម្ចាស់បានស្តារឡើងវិញនូវសេចក្តីពិតដែលបានបាត់បង់នោះដោយរបៀបណា ? ( សូមមើល ខទី ៣៥–៣៦, ៤០ ) ។ សូមអញ្ជើញកុមារឲ្យចែកចាយទីបន្ទាល់របស់ពួកគេអំពីសេចក្តីពិត ដែលពួកគេបានរៀនមកពីព្រះគម្ពីរមរមន ឬចែកចាយទីបន្ទាល់របស់អ្នកផ្ទាល់ ។
សូមបង្ហាញវីដេអូ « The Book of Mormon—a Book from God » ( ChurchofJesusChrist.org ) ដើម្បីបង្ហាញអំពីរបៀបដែលព្រះគម្ពីរប៊ីប និងព្រះគម្ពីរមរមនធ្វើការរួមគ្នា ដើម្បីបង្រៀនសេចក្តីពិត ។ ហេតុអ្វីវាមានប្រយោជន៍ដើម្បីមានសាក្សីលើសពីម្នាក់ ? សូមដៅចំណុចមួយនៅលើក្តារខៀន ហើយដាក់សរសេរថា ព្រះគម្ពីរប៊ីប នៅក្បែរវា ហើយអញ្ជើញកុមារម្នាក់ៗឲ្យគូរបន្ទាត់ត្រង់ផ្សេងៗគ្នា កាត់ចំណុចតែមួយនោះ ដើម្បីបង្ហាញថា ការបង្រៀននៅក្នុងព្រះគម្ពីរប៊ីបអាចត្រូវបានបកស្រាយក្នុងរបៀបជាច្រើន នៅពេលព្រះគម្ពីរប៊ីបឈរនៅតែឯង ។ សូមលុបបន្ទាត់នោះចោល ហើយដៅចំណុចទីពីរដោយសរសេរថា ព្រះគម្ពីរមរមន នៅក្បែរវា ។ សូមអញ្ជើញកុមារម្នាក់ឲ្យគូរបន្ទាត់ត្រង់ដែលកាត់ចំណុចទាំងពីរនោះដើម្បីបង្ហាញថា មានវិធីតែមួយគត់ដើម្បីបកស្រាយដំណឹងល្អ នៅពេលដែលព្រះគម្ពីរប៊ីប និងព្រះគម្ពីរមរមនត្រូវបានប្រើប្រាស់រួមគ្នា ។
សូមជួយកុមារឲ្យទន្ទេញចាំមាត្រាទីប្រាំបីនៃសេចក្ដីជំនឿ ។

នីហ្វៃទី ១ ១៥:២៣–២៥

ព្រះបន្ទូលនៃព្រះផ្ដល់អំណាចដើម្បីទប់ទល់នឹងការល្បួង ។

តើអ្នកអាចជួយកុមារដែលអ្នកបង្រៀនឲ្យពង្រឹងទីបន្ទាល់របស់ពួកគេអំពីព្រះគម្ពីរដោយរបៀបណា ? សូមពិចារណាអំពីសំណួរនេះ អំឡុងពេលអាន នីហ្វៃទី ១ ១៥:២៣–២៥ ហើយប្រើសកម្មភាពខាងក្រោមនេះ ដើម្បីគាំទ្រដល់យោបល់ផ្ទាល់របស់អ្នក ។

សកម្មភាពដែលអាចជ្រើសរើស

សូមឲ្យកុមារសង្ខេបការនិមិត្តអំពីដើមជីវិត ( សូមមើល នីហ្វៃទី ១ ៨; ១១ ) ។ តើមានអ្វីខ្លះដែលរារាំងមនុស្សមិនឲ្យទៅដល់ដើមឈើនោះ ? តើមានអ្វីដែលបានជួយពួកគេឲ្យទៅដល់ដើមឈើនោះ ? សូមអញ្ជើញកុមារអាន នីហ្វៃទី ១ ១៥:២៣–២៥ ។ តើដំបងដែកបានជួយមនុស្សឲ្យដើរឆ្លងកាត់អ័ព្ទនៃសេចក្តីងងឹតដោយរបៀបណា ? តើការអានព្រះបន្ទូលនៃព្រះអាចជួយយើងឲ្យទប់ទល់នឹងការល្បួង និងភាពងងឹតនៃពេលបច្ចុប្បន្ននេះយ៉ាងដូចម្តេច ?
សូមបំពេញទំព័រសកម្មភាពជាមួយនឹងកុមារ ។ អំឡុងពេលពួកគេកំពុងបំពេញវា សូមឲ្យពួកគេនិយាយអំពីការល្បួងមួយចំនួនដែលកុមារប្រឈមមុខ ។ តើពួកគេអាចចងចាំដើម្បីកាន់ដំបងដែករៀងរាល់ថ្ងៃដោយរបៀបណា ? សូមច្រៀង « ដំបងដែក » ( ទំនុកតម្កើង លេខ ១៧២ ) ជាផ្នែកមួយនៃសកម្មភាពនេះ ។

លើកទឹកចិត្តឲ្យមានការរៀនសូត្រនៅឯគេហដ្ឋាន

សូមលើកទឹកចិត្តកុមារឲ្យបង្ហាញក្រុមគ្រួសាររបស់ពួកគេនូវ « ដំបងដែក » ដែលពួកគេបានធ្វើមកពីទំព័រសកម្មភាព ហើយចែកចាយអំពីរបៀបដែលពួកគេអាចកាន់ដំបងដែកនោះ ដោយការអានព្រះគម្ពីរ ។

ការកែលម្អការបង្រៀនរបស់យើង

សូមប្រើរូបភាពដើម្បីឲ្យសិស្សចូលរួម ។ នៅពេលអ្នកបង្រៀនកុមារនូវរឿងមកពីព្រះគម្ពីរ សូមស្វែងរករបៀបដើម្បីជួយពួកគេឲ្យស្រមៃឃើញពីវា ។ អ្នកអាចប្រើរូបភាព, វីដេអូ, តុក្កតាអាយ៉ង សម្លៀកបំពាក់ ជាដើម ។

ទំព័រសកម្មភាព ៖ បន្ទូលរបស់ព្រះជួយខ្ញុំឲ្យទប់ទល់នឹងការល្បួង