iKuri ni iVurevure ena Nodra Vakavulici na Gone

Na ivurevure kece oqo e rawa ni kune ena Gospel Library app kei na ChurchofJesusChrist.org.

Lako Mai, Mo Muri Au—Baleta na Tamata Yadua kei na Matavuvale

E rawa ni o taurivaka na itaviqaravi mai na Lako Mai, Mo Muri Au—Baleta na Tamata Yadua kei na Matavuvale me vakayagataki ena nomu kalasi ni Lalai. Kakua ni leqataka kevaka era sa cakava oti na gone na itaviqaravi oqo vata kei nodra matavuvale ena nodra itikotiko; na tokaruataki ena vukei ira na gone me ra vulica. Era na via tukuna beka vei iko na gone na nodra a cakava na itaviqaravi kei na nodra matavuvale kei na ka era sa vulica.

Serenilotu kei na Nodra Sere na Gonelalai

Na sereivakatagi tabu e dau sureta na Yalotabu ka vakavulica na ivunau ena dua na sala nanumidei. Me ikuri ni kena e tabaki ena Serenilotu kei na Nodra Sere na Gonelalai e rawa ni o kunea na katokatoni ni vidio kei koya e rogoci ena levu na serenilotu kei na sere ni lalai ena music.ChurchofJesusChrist.org vakakina ena LDS Music kei na LDS Media Library apps.

Dou Raici Ira na Nomudou Lalai

E vuqa na ulutaga ni vosa vei ira ena ivolavakarau ni isususu Dou Raici Ira na Nomudou Lalai: iVolavakarau ni iSususu e tautauvata kei ira ko na vakavulica ena Lalai. Vakauasivi kevaka o vakavulici ira era gone sobu, vakasamataka mo raica na ivolavakarau ni isususu, me baleta eso tale na sere, italanoa, itaviqaravi, kei na cakacakaniliga.

Friend kei na Liaona Mekasini

Na mekasini na Friend kei na Liaona e tu kina na italanoa kei na itaviqaravi e rawa ni vukea na ivakavuvuli ko vakatavulica tiko mai na Lako Mai, Mo Muri Au—Me Baleti Ira na Lalai.

iTalanoa ni iVola i Momani

Na iTalanoa mai na iVola i Momani e rawa ni vukei ira na gone me ra vulica na ivunau kei na italanoa e tiko ena iVola i Momani. E rawa talega ni o kunea na vidio ni italanoa oqori ena medialibrary.ChurchofJesusChrist.org.

Library ni iTukutuku

Na cakacakaniliga, vidio, kei na veika vakaitukutuku tale eso e rawa ni vukei ira na gone mera raitayaloyalotaka na ivunau kei na italanoa e kunei ena iVola i Momani. Sikova na medialibrary.ChurchofJesusChrist.org mo raica na ivurevure vakaitukutuku sa sokumuna tu na Lotu, oka kina na vidio eso ni iVola i Momani, ka matanataka na veika e yaco ena iVola i Momani. Ivurevure ni itukutuku e tiko talega ena LDS Media Library app.

iYaloyalo Vakosipeli

Na cakacakaniliga e rawa ni vukei ira na gone me ra raitayaloyalotaka na ivunau kei na italanoa e kunei ena iVola i Momani. E vuqa na iyaloyalo ka rawa ni vakayagataki ena kalasi e tiko ena Gospel Art Book, ena medialibrary.ChurchofJesusChrist.org, kei na LDS Music and LDS Media Library apps.

Tudei ena Vakabauta

Kevaka o gadreva eso tale na ikuri ni veivuke mo kila na ivakavuvuli taumada mo vakavulica vei ira na gone, vakasamataka mo raica na Tudei ena Vakabauta. Na idusidusi oqo e tu kina na ivakamacala rawarawa ni ulutaga vakosipeli, ka tuvai vakamatanivola.

lagasere o ira na gone

Veivakavulici ena iVakarau ni iVakabula

Veivakavulici ena iVakarau ni i Vakabula e rawa me vukei iko mo vulica ka bulataka na ivakavuvuli eso ni veivakatavulici va-Karisito. Na ivakavuvuli eso oqo e dau veivosakitaki ka vakatovotovotaki ena soqoni ni matabose ni qasenivuli.