qasenivuli e qito vata kei na gone

Dua na iVakarau ni Veivakavulici

Ena ivurevure oqo, o na raica ni dau talevi wasoma ena ituvatuva yadua na ivakarau e vica oqo: sureta na veiwasei, vakavulica na ivunau, ka vakauqeta na vuli mai vale. Ena vuqa na gauna, ni o vakatavuvuli tiko, ena veiulabaleti na veitiki eso ni ivakarau oqo se yaco duidui mai na ituvatuva. Me ivakaraitaki, vakasamataka mada ni veiwasei sa dua na matamata yaga me da vakavulica kina na ivunau, ia na vakavuvulitaki ni ivunau sa dodonu me oka kina na veisureti ni veiwasei. E vakakina, na veivakauqeti ni vuli mai vale e rawa ni dau yaco ena gauna taucoko ni veivosaki vakalasi. Vakatara na veisau me yaco donu, ni muri na veivakauqeti ni Yalotabu me sotavi kina na nodra gagadre na gone o vakavulica.

ivakatakilakila ni veiwasei

Sureta na Veiwasei

Me tiki ni veikalasi yadua, sureti ira na gone me ra wasea nodra vakila, raikiloma, kei na veika era sa sotava me baleta na ivakavuvuli ko vakatavulica. Na ka era tukuna e rawa ni oka kina na veika eso era sa sotava ni ra vuli tiko mai vale. E rawa mo railesuva talega na veika era a vulica ena macawa sa oti ka taroga se sa yavalata vakacava nodra bula.

ivakatakilakila ni veivakavulici

Vakavulica na iVunau

NaLako Mai, Mo Muri Au—Baleta na Tamata Yadua kei na Matavuvale e rawa ni vukei iko mo kila na ivunau o na vakavulica vei ira na gone. Vakasamataka na tiki ni ivolanikalou, vosacavuti, na veika sotavi, taro eso, kei na ivurevure tale eso ko rawa ni wasea me vukei ira na gone me ra vulica ka bulataka na ivakavuvuli ni kosipeli. Vaqara na sala buli matau eso me vukei ira me ra taleitaka na veika era vulica tiko.

ivakatakilakila ni vuli

Vakauqeta na Vuli e Vale

Me vaka ni sa uto ni vuli kosipeli na vuvale, e dua na ka mo sasagataka vakaqasenivuli ni Lalai o ya mo vakauqeta na vuli e vale. Ena rawa vakacava mo vukei ira na gonelalai me ra wasea kei na nodra matavuvale na veika era vulica ena kalasi? Ena rawa vakacava mo vakauqeti ira na gone kei ira na nodra itubutubu me ra tomana nodra vuli mai na iVola i Momani e vale?