Sagrado nga Kakahoyan, ni Greg K. Olsen

Enero 4–10

Joseph Smith—Kasaysayan 1:1–26

“Ako Nakakita og usa ka Dako nga Gilis sa Kahayag”

Samtang ikaw nagtuon sa mga kasulatan, paghunahuna mahitungod sa mga bata nga imong gitudloan. Ang Espiritu Santo makadasig kanimo, pinaagi sa mga hunahuna nga imong madawat, aron mahibaloan unsay hatagan og importansya diha sa klase.

Irekord ang Imong mga Impresyon

Dapita ang Pagpaambit

Dapita ang pipila ka mga bata sa pagpakigbahin kon unsa ang ilang nahibaloan mahitungod ni Joseph Smith ug sa iyang pag-ampo didto sa Sagradong Kakahoyan (pagpakita og litrato sa Unang Panan-awon makatabang). Pangutan-a sila kon unsa ang ilang gibati sa dihang ilang nadungog nga ang Langitnong Amahan ug si Jesukristo mibisita ni Joseph Smith. Kon si Joseph Smith mobisita sa atong klase, unsa ang atong ipangutana kaniya mahitungod sa iyang kasinatian?

Itudlo ang Doktrina: Mas Gagmay nga mga Bata

Joseph Smith—Kasaysayan 1:3–20

Giandam si Joseph Smith nga mahimong propeta sa Dios.

Ang pagkat-on mahitungod sa kabatan-on ni Joseph Smith makatabang sa mga bata sa pakiglabut kaniya ug sa pagpangandam sa pagkat-on gikan sa iyang mga kasinatian. Tingali makatabang ka kanila sa pagkakita kon sa unsa nga paagi ang mga kasinatian ni Joseph isip usa ka batang lalaki mitabang kaniya nga mahimong usa ka propeta sa Dios.

Posible nga mga Kalihokan

• Hangyoa ang usa ka bata sa paggunit og litrato ni Joseph Smith (tan-awa sa Libro sa mga Hulagway sa Ebanghelyo, nu. 87) samtang nakigbahin ka og pipila ka mga kamatuoran mahitungod ni Joseph nga makita diha sa Joseph Smith—Kasaysayan 1:3–14 (tan-awa usab sa “Kapitulo 1: Joseph Smith ug ang Iyang Pamilya,” Mga Istorya sa Doktrina ug mga Pakigsaad, 6–8, o ang katukma nga video sa ChurchofJesusChrist.org). Tabangi sila sa pagtandi sa mga detalye mahitungod sa iyang pamilya ug sa iyang kinabuhi ngadto sa ilang kaugalingon. Ipakigbahin ang imong pagpamatuod nga si Joseph pinili sa Dios ug giandam nga mahimong usa ka propeta (tan-awa sa “Mga Tingog sa Pagpahiuli: Pamilya ni Joseph Smith,” sa Dali, Sunod Kanako—Alang sa mga Indibidwal ug mga Pamilya). Kon kinahanglan, tudloi ang mga bata nga ang propeta mao ang usa ka tawo kinsa nagsulti alang sa Dios.

• Dapita ang usa ka batan-ong lalaki diha sa ward sa pagbisita sa imong klase, nagpakaaron ingnon nga si Joseph Smith. Pag-andam og pipila ka mga pangutana alang sa mga bata nga ipangutana kaniya nga gitubag diha sa Joseph Smith—Kasaysayan 1:3–20 (mahimong imong ipakigbahin kini nga mga pangutana og una ngadto sa batan-ong lalaki). Dayon dapita ang batan-ong lalaki sa pagbasa sa pipila sa kaugalingong mga pulong ni Joseph Smith mahitungod sa Unang Panan-awon (sama pananglit, Joseph Smith—Kasaysayan 1:25).

Joseph Smith—Kasaysayan 1:10–17

Ang Langitnong Amahan maminaw ug motubag sa akong mga pag-ampo.

Ang kasinatian ni Joseph Smith makadasig sa mga bata sa pag-ampo uban sa hugot nga pagtuo nga ang Dios maminaw kanila.

Posible nga mga Kalihokan

• Sultihi ang mga bata mahitungod sa mga pangutana nga si Joseph Smith aduna (tan-awa sa Joseph Smith—Kasaysayan 1:10). Unsa ang atong mabuhat kon kita adunay mga pangutana mahitungod sa Dios? Ipakita sa mga bata ang kopya sa Biblia, ug ipasabut nga sa dihang nabasa ni Joseph ang Biblia, nakat-unan niya ang “papangayoa siya sa Dios” (Santiago 1:5; tan-awa usab sa Libro sa mga Hulagway sa Ebanghelyo, nu. 89). Pagpamatuod nga kita makapangayo sa Dios pinaagi sa pag-ampo.

• Pag-istorya mahitungod sa usa ka kasinatian sa dihang ikaw nalibug, nangayo sa Dios og panabang, ug nakadawat og tubag. Tabangi ang mga bata sa paghunahuna sa mga panahon nga ang ilang mga pag-ampo natubag. Mahimo usab nga ikaw makigbahin og istorya gikan sa mga magasin sa Simbahan mahitungod sa pag-ampo sa usa ka bata nga natubag.

Joseph Smith—Kasaysayan 1:17–19

Nakita ni Joseph Smith ang Langitnong Amahan ug ang Iyang Anak, si Jesukristo.

Makatabang ka sa mga bata sa paghan-ay sa pundasyon alang sa usa ka lig-on nga pagpamatuod kabahin sa Unang Panan-awon ni Joseph Smith. Ipakigbahin kanila kon giunsa nimo pag-angkon ang imong pagpamatuod kabahin niining importanting hitabo.

Posible nga mga Kalihokan

• Ipakita ang hulagway sa Unang Panan-awon diha sa outline niini nga semana sa Dali, Sunod Kanako—Alang sa mga Indibidwal ug mga Pamilya, ug ipakigbahin sa imong kaugalingong mga pulong kon unsa ang nahitabo sa dihang si Joseph nag-ampo. Dapita ang mga bata sa pagdrowing sa ilang kaugalingon nga mga hulagway sa istorya.

• Dapita ang mga bata sa pagkolor sa pahina sa kalihokan niini nga semana ug sa paggamit niini sa pag-istorya sa Unang Panan-awon (tan-awa usab sa “Kapitulo 2: Unang Panan-awon ni Joseph Smith,” Mga Istorya sa Doktrina ug mga Pakigsaad, 9–12, o ang katukma nga video diha sa ChurchofJesusChrist.org).

• Basaha ang Joseph Smith—Kasaysayan 1:17, ug itudlo sa mga bata ang mga pulong nga gisulti sa Langitnong Amahan ngadto ni Joseph Smith.

Itudlo ang Doktrina: Mas Dagko nga mga Bata

Joseph Smith—Kasaysayan 1:10–13

Ang Dios makatubag sa akong mga pangutana pinaagi sa mga kasulatan.

Nadasig si Joseph Smith pinaagi sa usa ka tudling nga iyang nabasa diha sa Biblia, ug kini migiya ngadto sa Unang Panan-awon ug sa Pagpahiuli sa Simbahan ni Kristo. Tabangi ang mga bata nga makakat-on kon sa unsa nga paagi ang pagtuon sa mga kasulatan makatabang kanila sa pagpangita sa mga tubag sa ilang mga espiritwal nga mga pangutana.

Posible nga mga Kalihokan

• Ipakita sa mga bata ang nagkalainlaing mga basahon (sama sa encyclopedia o basahon sa pagpangluto), ug tabangi sila sa paghunahuna og mga pangutana nga matubag niini nga mga basahon. Dayon ipakita kanila ang usa ka kopya sa mga kasulatan. Unsa nga mga pangutana ang matubag niini nga mga basahon? Mahimo kang mohatag og ehemplo sa usa ka pangutana nga natubag sa mga kasulatan. Basaha og dungan ang Joseph Smith—Kasaysayan 1:10–11 aron mahibaloan kon unsa nga mga pangutana aduna si Joseph Smith ug unsa nga mga tubag ang iyang nakaplagan diha sa mga kasulatan.

• Tabangi ang mga bata sa pagpangita og mga pulong diha sa bersikulo 12 nga naghulagway kon sa unsa nga paagi ang pagbasa sa Santiago 1:5 nakaapekto ni Joseph Smith. Pakigbahin og kasinatian nga ikaw aduna sa mga kasulatan—sama pananglit, sa dihang ikaw nakakaplag sa tubag sa usa sa imong mga pangutana pinaagi sa pagbasa sa mga kasulatan. Pagdungan og kanta “Pagsiksik, Pamalandong, ug Pag-ampo” (Songbook sa mga Bata, 66).

Joseph Smith—Kasaysayan 1:10–19

Ang Langitnong Amahan maminaw ug motubag sa akong mga pag-ampo.

Nakaila ang Dios ni Joseph Smith, ug kon mag-ampo si Joseph, ang Dios nakadungog kaniya. Samtang ang mga kasinatian sa mga bata nga imong gitudloan lahi sa kang Joseph, makatabang ka kanila sa pagbati nga ang Dios nakaila kanila ug nakadungog kanila kon sila mag-ampo.

Posible nga mga Kalihokan

• Dapita ang usa ka ginikanan sa usa sa mga bata sa pagtindog sa gawas sa klasehanan nga kwarto ug sa pagtubag sa mga pangutana gikan sa mga bata naggamit sa paagi sama sa pagpadala og mensahe sa text, pagtawag sa telepono, pagsulat og mubo nga sulat, o sa pagpadala og mensahero. Unsa ang pipila ka mga paagi ang Langitnong Amahan makigsulti kanato? (tan-awa sa “Pinadayag,” Giya ngadto sa mga Kasulatan, scriptures.ChurchofJesusChrist.org). Sumala ni Joseph Smith—Kasaysayan 1:16–19, giunsa sa Langitnong Amahan pagtubag ang pag-ampo ni Joseph Smith? Giunsa Niya pagtubag ang atong mga pag-ampo?

• Pagdungan og kanta “Ampo sa Usa ka Bata” (Songbook sa mga Bata, 6–7).

  

  Ang Dios maminaw ug motubag sa atong mga pag-ampo.

Joseph Smith—Kasaysayan 1:14–19, 25

Ang Langitnong Amahan ug si Jesukristo mipakita ngadto ni Joseph Smith.

Ang matag usa sa mga bata nga imong gitudloan nagkinahanglan og pagpamatuod kabahin sa kasinatian ni Joseph Smith didto sa Sagradong Kakahoyan. Unsaon nimo pagtabang kanila nga makabaton o makalig-on sa ilang pagpamatuod?

Posible nga mga Kalihokan

• Aron sa pagribyu sa asoy sa Unang Panan-awon, pagsulat og mga summary sa matag bersikulo gikan sa Joseph Smith—Kasaysayan 1:14–19 diha sa lain nga mga palid sa papel. Ibutang ang mga papel sa usa ka sudlanan, ug dapita ang mga bata sa pagpili niini og tagsa-tagsa ug ibutang kini diha sa pisara sa hustong pagkasunod-sunod.

• Dapita ang mga bata sa pagpiyong sa ilang mga mata ug sa paghanduraw kon unsa kini sama ang mahimong Joseph samtang imong gibasa ang pinili nga mga bahin sa Joseph Smith—Kasaysayan 1:14–17. Hangyoa sila sa pagpakigbahin sa ilang mga hunahuna ug mga pagbati mahitungod sa kasinatian ni Joseph.

• Ipasalida ang video “Ask of God: Joseph Smith’s First Vision” (ChurchofJesusChrist.org), ug hangyoa ang mga bata sa pagpakigbahin og usa ka butang nga ilang nakat-unan mahitungod sa panan-awon ni Joseph sa Langitnong Amahan ug ni Jesukristo.

• Basaha og dungan ang pagpamatuod ni Joseph diha sa Joseph Smith—Kasaysayan 1:25. Hangyoa ang mga bata sa pagpangita og mga pulong ug hugpong sa mga pulong nga nagpakita sa hugot nga pagtuo ni Joseph. Sa unsa nga paagi kita magpabilin nga matinud-anon ngadto sa Dios ug sa atong mga pagpamatuod kon ang ubang mga tawo wala mouyon kanato?

Awhaga ang Pagkat-on diha sa Panimalay

Dapita ang mga bata sa pagpakigbahin sa istorya sa Unang Panan-awon ni Joseph Smith ngadto sa usa ka tawo—kon mahimo, ngadto sa usa ka tawo kinsa wala makadungog niini kaniadto. Makagamit sila sa pahina sa kalihokan niini nga semana aron sa pagtabang kanila sa pag-istorya.

Pagpalambo sa Atong Pagtudlo

I-awhag ang balaang pagtahud. Aron sa pagpahinumdom sa mga bata nga magbaton og balaang pagtahud, mahimo kang mokanta o mo-hum og usa ka awit, mopakita og litrato ni Jesus, o mogamit og senyas sa kamot nga nailhan sa mga bata.