A Na Bane Bubuaniwae ni Katorobubua, iroun J. Kirk Richards

Maati 22–28

Reirei ao Berita aika Tabu 29

Iesu Kristo E Na Ikoikotiia Ana Aomata

Ko ataia ataei aika ko reireiniia, ao a mwaiti koaua inanon Reirei ao Berita aika Tabu 29 are e konaa ni kakabwaiaia. Ira nanon te namakin n te Tamnei ngkana ko kamatebwaia te mwakoro 29, ao n taui mwiin namakin bwa ko na kanga n reireiniia ataei koaua aikai.

Korei Am Namakin

Kaungaa te Tibwatibwa

Iangoia ni kaoiia ataei n tatabemaniia n tibwauai kawai tabeua n reiakina te euangkerio n te mweenga—n tatabemania ke ma aia utu. Kaoiia ataei bwa a na tibwai aia koaua n te bwai teuana ae a reiakinna n te wiiki aio n te mweenga.

Reirei te Reirei: Ataei aika a Uarereke

Reirei ao Berita aika Tabu 29:1–2

Iesu Kristo E na ikoikotiia Ana aomata imwain ae E na manga oki riki.

Ti na ikotaki iroun te Tia Kamaiu ngkana ti kariaia ao n rimwiin Ana reirei.

Waaki ni Kakukurei aika a Kona ni Karaoaki

• Kariaia ataei ni karana te iteraniba ibukin waaki ni kakukurei n te wiiki aio ngkai kam kaota te witeo “Chicks and Hens” (ChurchofJesusChrist.org). Tuangiia ataei bwa a na kakauongo bwa e kanga te moaine ni kamanoia natina.

• Imwin warekan Reirei ao Berita aika Tabu 29:1–2, kabotaua rongorongon Kristo ni ikotiia Ana aomata “n aron te moaine ngkana e ikoikotiia natina.” Temanna te ataei e na riki bwa te moaine ao n rinea te koona n te ruu n tei inanona. Ngkana teuanne ke neienne e karaoa tangin te moaine ao ni kabane ataei a na bootaki ni katobibia teuanne ke neienne. Ataei a na ikaruoruo n riki bwa te moaine. Katea rake tamnein te Tia Kamaiu ao kaoiia ataei ni bootaki Nakoina. Tibwauaia ma ataei aron Iesu ni buokiira ngkana ti ikotaki Nakoina.

  

  Mwaitira Te Tai, iroun Liz Lemon Swindle

Reirei ao Berita aika Tabu 29:2-11

I kona ni katauraoi ni kaitbo ma te Tia Kamaiu.

Tabebong, ngaira n tatabemaniira ti na mena imatan Iesu Kristo. Ngkai te bong anne e raroa nakon te tai ae na roko, a kona ataei n tabe ni iangoia bwa e na kanga arona ao a na kanga ni katauraoi nako iai.

Waaki ni Kakukurei aika a Kona ni Karaoaki

• Kaota tamnein Kauaokin te Tia Kamaiu (taraa Bokin Tamnein te Euangkerio, nambwa. 66), ao buoka te ataei ni wareka Reirei ao Berita aika Tabu 29:11. Buokiia ataei bwa a na atai mwakoro n taeka inanon te boki ae tabu are e na kabwarabwara are a nooria n te tamnei. Tibwauaia ma ataei aron are ko namakinna n aron Iesu Kristo bwa E na manga roko riki nako aonaaba.

• Ngkai te kiraati, anenea te anene ibukin te Kauaoki, n aron“When He Comes Again” (Aia Boki n Anene Ataei, 82-83). Kaoti nakoia ataei tamnein bwaai are a kona ni karaoi ni katauraoiia ni kaitiboo ma te Tia Kamaiu ao ni maeka ma Ngaia n aki toki (taraa Bokin Tamnein te Euangkerio ibukin iango tabeua). Buokiia ni kakaei kawai tabeua ni katauraoi inanon Reirei ao Berita aika Tabu 29:2-10.

Reirei te Reirei: Ataei aika a Ikawai

Reirei ao Berita aika Tabu 29

Tamau are i Karawa E katauraoa te baire ni kamaiu ibukiu.

Mwaitin are e ataia riki te ataei n Ana baire ni kamaiu te Atua, e na raka riki ana onimaki teuanne ke neienne inanon Tamara are i Karawa ao Iesu Kristo ni karaoa nanon te baire anne. Tera mwakoron te baire ae ko namakinna ni kakorakoraaki ni kabanea nanom iaona?

Waaki ni Kakukurei aika a Kona ni Karaoaki

• Butiia ataei tabeman n tibwaua te katooto ibukin te tai are iai aia baire iai, n aekan te mwananga ke kakoroan nanon te mwakuri. Ko kona naba n tibwauai katotoon taian baire, n aron te karenta ma waaki ni kakukurei ake a koreaki iaona ke kaetieti ibukin karaoan te bwai teuana. Bukin tera a bongana taian baire? Taekinna nakoia ataei bwa Tamara are i Karawa iai ana baire are e na karokoira n riki n Aekakina.

• Ni buokiia ataei bwa a na ataa ana baire te Atua, karaoi kanikina n taian taeka aikai: te maiu imwain te maiu aio, te Karikibwai, te Bwaka, te maiu i aonnaba, ao te Kauaoki. Imwiin kabwarabwarakin taeka n tatabeua (taraa Reirei ao Berita aika Tabu 29:9–45), anga te kanikina n tatabeua nakoia ataei ni kakaokoroia, ao tuangiia bwa a na tei n te rain ni karinanaki raoi ni kaotia bwa a bane n riki bwaai n ana babaire Tamara are i Karawa. A kona ataei n tatabemaniia ni maroroakina te bwai ae e ataia teuanne ke neienne n aron ana kanikina teuanne ke neienne. Buokiia ataei n nooria bwa a kanga n ataa ana baire Tamara are i Karawa ni buokiira n riki n Aekakina ao te Tia Kamaiu.

• Kamanena teuana ke e raka riki waaki ni kakukurei akana i nano n reiakina te koaua ibukin te baire ao a kanga ni kaineti nakoira. Iangoia n titirakiniia tabeman ataei n roko ao n tauraoi ni buokiko n reirei.

  • Rinerine. Buokiia ataei bwa a na ataia bwa Tamara are i Karawa e a tia n anganiira te bwaintangira n rinerine—te inaomata n rinerine—ao ni katuka te bukinaki iaora ibukin oin ara rinerine (taraa Reirei ao Berita aika Tabu 29:39–40). Karaoi uoua kanikina ibukin kaka temanna te ataei: teuana are tei ibukin te rinerine ae raoiroi (n aron te katooto, te moangare) ao teuana are tei ibukin te rinerine ae buakaka (n aron te katooto, te mata ni un). Tibwai katooto ibukin rinerine aika raoiroi ao ibukin aika buakaka, ao tuangiia ataei bwa a na kaota te kanikina ae eti. Tuangiia ataei bwa a na tibwai kakabwaia ake a roko man iriiran Iesu Kristo. Bukin tera Tamara are i Karawa e tangiriira bwa ti na karaoi oin ara rinerine?

  • Tuua. Kaoiia ataei bwa a na koroi ni karinani iaon te burakibooti tabeua man taian tua. (N aron te katooto, a kona ni kakaea Te Otinako 20:3–17 ao Bokin Tamnein te Euangkerio, 103–15.) Bukin tera Tamara are i Karawa e anganiira tuua? Tera ae ti reiakinna man Reirei ao Berita aika Tabu 29:35 aron ana tua Tamara are i Karawa?

  • Ana Mwakuri ni Kamaiu Iesu Kristo. Buokiia ataei bwa a na nooria bwa Tamara are i Karawa e katauraoa te kawai ibukira bwa a na kabwaraaki ara bure ngkana ti karaoa te rinerine ae kairua. Tuangiia ataei n tatabemaniia ni wareki kiibu inanon Reirei ao Berita aika Tabu 29:1, 42–43 ao n taekina te bwai are reirei aron Ana mwakuri ni Kamaiu te Tia Kamaiu. Kakaea te kawai ae nakoraoi ni kaoiia ataei n tibwaua te bwai are a tia ni kunea, n aekan aia bong ni bung, ke ae uarereke nakon ae abwabwaki, ao tabeua riki.

Reirei ao Berita aika Tabu 29:1–2

Iesu Kristo E na ikoikotiia Ana aomata imwain ae E na manga roko riki.

Ko na kanga ni buokiia ataei ake ko reireiniia bwa a na kukurei ibukin te ibuobuoki n ikoikotakiia Iteraera?

Waaki ni Kakukurei aika a Kona ni Karaoaki

• Kaoiia ataei bwa a na wareka Reirei ao Berta aika Tabu 29:1-2 ao kakaea are e kabotaua te Uea Nakoina. Tera ae a na iangoia ataei ngkana a wareka te kabootau aio? Tera ae e taekinna te Uea bwa ti na riai ni karaoia bwa E na bootiira?

• Teuana te kawai bwa a na kukurei ataei ibukin te ikoikotaki bwa a na taekina te karaki ma tabeman aika a kaina te Ekaretia. N aron te katooto, antai ae e kaira am utu nakon te Ekaretia? Iangoa ni butiia ataei ni moantaai ni kakaea taekan ae moan kaaina te Ekaretia inanon aia utu ao n tibwa ana karaki neienne ke teuanne ma te kiraati.

• Kaoiia ataei bwa a na koroi ni karinani kawai ake a kona ni buokiia ni bootia aomata nakon te Tia Kamaiu. N aron te katooto, a kona ni kaoiia raraoia ke kaain aia utu nakon ana waaki ni kakukurei te Moanrinan ke nakon te bootaki ni utu n te tairiki ma aia utu.

• Te ka-tebwina n taekan te onimaki e maroroakina taekan ikotakakiia Iteraera. Iai mai buakoia ataei ae kamtenanoa taekan te onimaki aei? Ngkana iai, kaoiia bwa a na taekinna nakon te kiraati. Ngkan akea, buokiia katea aia kouru bwa a na uringnga.

Kaungaa te Kamatebwai n te Mweenga

Kaoiia ataei bwa a na korea te koaua are a reiakinna n te kiraati. Titiraki ibukin tabeua iango n te bwai ae a na kona ni karaoia n tibwaua te koaua ma aia utu.

Kanakoraoan Ara Anga reirei

Kakauongo Raoi. Kakuongo raoi bwa a na kanga ataein am kiraati ni kaeka nakon reiakinan waaki n reirei. Ngkana a tuai motirawa, e bae n riki bwa te tai ni waaki nakon te waaki ni kakukurei riki teuana ke te nakonako. Ngkana ko nooria bwa a tabetabe ao a reirei ataei, tai raraoma ni waaki nako.