“Maati 8–14. Reirei ao Berita aika Tabu 23-26: ‘‘Kakorakora te Ekaretia,’” Nakomai, Iriirai—Ibukin te Moanrinan: Reirei ao Berita aika Tabu 2021 (2020)
“Maati 8–14. Reirei ao Berita aika Tabu 23 –26,” Nakomai, Iriirai—Ibukin te Moanrinan: 2021
Maati 8–14
Reirei ao Berita aika Tabu 23–26
“Kakorakora te Ekaretia”
Ngkana ko katauraoi bwa ko na reirei, kataui iango ni kakukurei irouia “Ataei aika a Uarereke” ao aia mwakoro “Ataei aika a Ikawai”.
Korei Am Namakin
Kaungaa te Tibwatibwa
Kaota tamnein Emma Timiti (taraa te kamataata n te wiiki aei inanon Nakomai, Iriirai—Ibukia Aomata n Tatabemaniia ao Utu). Kaoiia ataei n tibwa are a ataia n taekan neiei, n airi ma bwaai are a reiakinna ni kamatebwaia Reirei ao Berita aika Tabu 25 n te wiiki ae nako.“Mwakoro 13: Iotebwa ao Emma” (Karaki man Reirei ao Berita aika Tabu 51–55) e kona n ibuobuoki.
Reirei te Reirei: Ataei aika a Uarereke
Reirei ao Berita aika Tabu 23:6; 26:1
E tangirai te Atua bwa N na tataro ao n reirei man booki aika tabu ni katoa bong.
Te Uea e reireiniia taan kairiiri ngkoa ao raao n te Ekaretia n tataro (taraa Reirei ao Brita aika Tabu 23:6) ao ni kamatebwaii booki aika tabu (taraa Reirei ao Berita aika Tabu 26:1). Ko na kanga ni buokiia ataei ni karika te tataro ao booki aika tabu bwa mwakoron maiuia?
Waaki ni Kakukurei aika a Kona ni Karaoaki
-
Wareware nakoia ataei man Reirei ao Berita aika Tabu 23:6, ni moanaki man “kam riai n tataro.” Buokiia bwa a na atai kawai aika a kaokoro ao taabo are E taku te Uea bwa ti na riai n tataro iai. Kaoiia bwa a na korea tamneia ngke a tataro inanon teuana mai ibuakon kawai ao taabo aikai.
-
Ngkana e kainnanoaki, kabwarabwara nakoia ataei aron te tataro. Te anene iaon taekan te tataro, n aekan “I Pray in Faith” (Aia Boki n anene Ataei,14), e kona ni buokiko.
-
Wareware nakoia ataei, “Kabanei ami tai ni kamatebwai ni koroboki aika tabu ” (Reirei ao Berita aika Tabu 26:1). Tuangiia bwa bukin tera ko kamatebwai booki aika tabu. Buokiia bwa a na iangoi kawai ake a kona iai n reiakin man booki aika tabu e ngae ngke a tuai kona ni wareki.
-
Bootaki n anenea “Kakae, Iangoia, ao Tataro” (Aia Boki n Anene Ataei,109) ke te anene riki teuana ae taekan te tataro ao kamatebwaian booki aika tabu. Buokiia ataei ni karekei kakabwaia aika beritanaki inanon te anene. Tuangiia aron namakin n tamnei ake ko a tia ni karekei ngke ko tataro ao ni warekii booki aika tabu.
Reirei ao Berita aika Tabu 25:11–12
Iesu E tangira te anene “te anene man te nano.”
E taku te Uea katangitang aika tabu “a kakukurei nakoiu.” Buokiia ataei n anenei anene aika tiaki tii anene ni botaki ni kakukurei ma bon te kawai naba n taromauri Nakoina.
Waaki ni Kakukurei aika a Kona ni Karaoaki
-
Anganiia ataei bwa a na tibwa kunan neienne ke teuanne aika anene n taromauri ke anenen te Ekaretia ao n uaia n anenei tabeua mai iai ni kabane. Wareka Reirei ao berita aika Tabu 25:12 nakoia ataei, ao kaoiia bwa a na iangoia bwa tera aia namakin Tamaia are i Karawa ao Iesu Kristo ngkana A ongora ngkai ti anenei anene aikai.
-
Reireiniia ataei te anene ae e na aneneaki, n aron “Lift Up Your Voice and Sing” (Aia Boki n Anene Ataei, 252), ke te anene ae taekan Iesu Kristo, n aron “He Sent His Son” (Aia Boki n Anne Ataei, 34–35). Kaoiia bwa a na anenea te anene ma aia utu n te wiiki aei.
Tamneiataei ngke a aneneTe anene bon teuana te kawai are ti kona ni kaota ara tangira ibukin te Atua.
Reirei ao Berita aika Tabu 25:13–15
I kona ni katauraoi ni karaoi berita aika tabu.
Ataei ake ko reireiniia a tauraoi ni karaoa aia moan berita ma Tamaia are i Karawa ngkana a bwabetitoaki. Ko na kanga ni buokiia bwa a na noora kakawakin ara berita?
Waaki ni Kakukurei aika a Kona ni Karaoaki
-
Wareka Reirei ao Berita aika Tabu 25:13 nakoia ataei. Kabwarabwara te taeka “nim” n te kibu aio nanona n taua ni kamatoa nakon te bwai teuana. Ni buokiia bwa a na ataia, kabuta te bwai teuana ae matoatoa, n aekan te bwaa (ke bon te kai biti), ni kabuta te ruu ao kaoiia ataei n taua te bwai ni kamatoa n aron ae a kona. Kabwarabwara bwa kawakinan ara berita nanona taua ni kamatoa (ke kawakin) berita ake ti karaoi ma Tamara are i Karawa ao n aki kanakoa (ke n aki kaaki taekana).
-
Kabongana te iteraniba ibukin waaki ni kakukurei n te wiiki aei n reireiniia ataei aron taai ake ti karaoi iai ara berita ma Tamara are i Karawa. Wareka Reirei ao Berita aika Tabu 25:15, ao kabwarabwara “baun te raoiroi” e onea mwiin te kakabwaia n te oki ni maeka ma te Atua, ara Uea are i Karawa.
Reirei te Reirei: Ataei aika a Ikawai
Reirei ao Berita aika Tabu 23:3-7; 25:7
Iesu E tangirai bwa N na kakorakoraia ake a mena irariku.
Ngke e moan kateaki te Ekaretia, a aki mwaiti membwa. Te Uea e tuangiia Aika itiaki bwa a na katea te Ekaretia man tibwauakin te euangkerio ao ni kakorakoraira n tatabemaniira. Ti kona ni karaoa ae aekan anne n te bong aei.
Waaki ni Kakukurei aika a Kona ni Karaoaki
-
Tuangiia ataei ni kakaei aekan nako te taeka ae “kaunga nano” ao “kaungaa” inanon Reirei ao Berita aika Tabu 23:3–7; 25:7. Buokiia bwa a na kabwarabwarai taeka aikai. E kanga kaungaakin temanna ni kakorakoraiia? Kaoiia ataei bwa a na karaoa te kaotioti ni “kaungakin nanon” temanna ma karaoia ma te tangira.
-
Ti na kanga ni karaoa ae tamaroa riki ni mwakurian kakorakoraia membwa tabeman n te Ekaretia? Ni kamataata te reirei aio, angan temanna te ataei te mwakuri are e na kainnanoia taan ibuobuoki aika mwaiti. Ngkanne titirakiniia ataei ake tabeman ni buokiia, ao ni maroroakinna bwa a na aekakira bebeten te mwakuri ae e na karaoaki. Tibwaua te taneiai are ko kakorakoraaki man aia mwakuri n ibuobuoki raao aika kaain te Ekaretia.
Reirei ao Berita aika Tabu 24:1, 8
Te Tia Kamaiu e kona ni uotai “rake man [karawawatakiu] .”
Iotebwa Timiti e korakai man taian kataitai aika mwaiti, ma e kona n “taotaona nanona man karawawatakina” bukina bwa te Uea E berita bwa E na mena irouna n taainako.
Waaki ni Kakukurei aika a Kona ni Karaoaki
-
Buokiia ataei ni koroi iaon te raubaba tabeua kaangaanga ao kakatai are Iotebwa Timiti ao tabeman Aika Itiaki ake ngkoa a kaitarai (taraa “Mwakoro 11: Angiina Aomata A Kaaina te Ekaretia,” Karaki man Reirei ao Berita aika Tabu, 46–47, ke te witeo ae iai rekerekena ma ngaia iaon ChurchofJesusChrist.org). Ngkanne kaoiia bwa a na kakaea te bwai are e taekinna te Uea nakon Iotebwa Timiti Reirei ao Berita aika Tabu 24:1, 8. Ti na kanga ni kakaea ana buoka te Tia Kamaiu ngkana ti mena inanon ara tai ni kaangaanga?
-
N reireiniia ataei bwa n taai tabetai ti kainnanoia bwa ti na “taotaonaki n nano n [ara] kaangaanga,” ko kona ni kaota te witeo “Continue in Patience” (ChurchofJesusChrist.org). Tuangiia ataei bwa a na iangoa te bwai teuana are a bon tangiria ma a na tataninga ibukina. Tera ae e karaoia te Uea n taai tabetai n tangirira bwa ti na taotaonaki n nano inanon taai aika kaangaanga inanon maiura? E na kanga ni kaongoira bwa E mena “i [roura]” n ara tai ni karawawataaki?
Reirei ao Berita aika Tabu 25:13
I kona ni “kawakin berita” aika I a tia ni karaoi.
E aki maan imwiin bwabetitoakin Emma Timiti, te Uea E tuangnga neiei, “Kawakin am berita aika ko a tia ni karaoi.” Iangoia e kanga te reirei aei ni kona ni kakabwaiaia ataei aika ko reireiniia.
Waaki ni Kakukurei aika a Kona ni Karaoaki
-
Bootaki ni wareka Reirei ao Berita aika Tabu 25:13, ao tuangiia ataei bwa tera nanon te kibuntaeka “ni kawakin ara berita” aika ti karaoi. Ni kamataata, kabuti bwaai ake a kamatoaki ni kanimwaki ni kauoua ao kariaia ataei bwa a na kataia ni bwenauai. Bukin tera bwa te taeka “kamatoatoa” bon te taeka ae raoiroi ni kabwarabwaraa bwa e kangaa aron ara namaki ibukin ara berita?
-
Ngkana e kainnanoaki, rinanoia ma ataei taian berita aika ti karaoi ngke ti bwabetitoaki (taraa Motiaea 18:8–10; Reirei ao Berita aika Tabu 20:37). Tera ae nanonaki ni “kawakin” berita aikai?
-
Rinanoi ni kabane tabeua man are ko ataia n aron maiun Emma Timiti (taraa “Mwakoro 13: Iotebwa ao Emma” [Karaki man Reirei ao Berita aika Tabu, 51–55], ke te witeo ae iai rekerekena iaon ChurchofJesusChrist.org). Angania ataei n tatabemaniia nako teuana te kibu ke uoua te kibu man mwakoro 25, ao kaoiia n tibwaua aron ana reirei ao ana mwakuti te Uea ni kona n tia ni buoka Emma “ni kawakin berita” ake e a tia ni karaoi. Ti na kanga ni kona ni ira ana katooto neienne?
Kaungaa te Kamatebwai n te Mweenga
Kaoiia ataei n anaa te kibu ae mamaten nanoia are kam na marorokinna, tau mwiin baika a koreaki, ao tibwauaia ma kaain am utu ao raraom.
Kanakoraoan Ara Anga reirei
Kaungaa te Karinerine. Buokiia ataei bwa a na ataia ae iteran te karinerine ae moan te kakawaki bon ururingan Tamara are i Karawa ao Iesu Kristo. Ko riai ni kauringiia bwa a na karinerine n anene ni karaurau ke n ira tangitangin te anene ke ni kaota tamnein Iesu.