NaiMatai ni Yatu, mai vei James Taylor Harwood

17–23 ni Me.

Vunau kei na Veiyalayalati 51–57

“Yalodina, ka Dodonu, ka Dauveiqaravi Vakavuku”

Me ikuri ni vakasama e vakaturi tiko oqo, ena rawa ni uqeti iko na Yalo mo vakanamata vakatabakidua ena dua tale na ka mai na Vunau kei na Veiyalayalati, 51–57 ka na rawa ni bibi cake vei ira na gone o vakavulica.

Vola na Veika o Vakauqeti Kina

Sureta na Veiwasei

Me ra taura e dua na naba mai na dua na tavaya na gone taucoko era vinakata mera wasea na veika era sa vulica me macala kina na veitaravi ni nodra mai vakaitavi.

Vakavulica na iVunau: Gone Sobu

Vunau kei na Veiyalayalati 51:9

Au rawa ni dau yalodina.

E vuqa na gone era se vulica tiko na ibalebale ni tukuna na ka dina. Vakasamataka mo vaqaqacotaka vakacava na bibi ni tukuna ka kitaka na ka dina.

iTaviqaravi e Rawa ni Caka

• Wilika vei ira na gone na Vunau kei na Veiyalayalati 51:9: “Me caka dodonu na tamata yadua” (raica talega na Yavu ni Vakabauta 1:13). Kerei ira na gone kevaka era kila na kena ibalebale me da dau dina. Me vukei ira me ra kila vakavinaka cake, solia vei ira na ivakaraitaki ni ivalavala ni tamata dina.

• Wasea na italanoa rawarawa eso ni gone era sotava na vakatulewa me baleta na yalodina, me vaka na lewa me vakadinadinataka ni ra sa kitaka e dua na ka cala. Vakayagataka na iyaloyalo, matakau sitokini se pepa me taleitaki vakalevu cake kina na italanoa. Tarogi ira na gone kevaka era sa yalodina tiko se lawaki.

• Lagata kei ira na gone e dua na sere me baleta na digitaki ni dodonu, me vaka na “Me da dina” (iVolanisere ni Gonelalai, 81). Wasea na nomu ivakadinadina me baleta na vuna e bibi kina na yalodina.

Vunau kei na Veiyalayalati 52:10; 53:3; 55:1

Na isolisoli ni Yalo Tabu e dau ciqomi ena veitabaki ni liga.

E cavuti vakavica ena Vunau kei na Veiyalayalati, 51–57na ciqoma na Yalo Tabu ena veitabaki ni liga. Oqo e rawa me dua na madigi vinaka me ra vakavulici kina na gone me baleta na cakacaka vakalotu oqo.

iTaviqaravi e Rawa ni Caka

• Vakaraitaka na iyaloyalo ni nona vakadeitaki e dua na gone (raica na Gospel Art Book, naba. 105). Kerei ira na gone me ra vakamacalataka na ka e yaco tiko ena iyaloyalo. Kerei ira mera vakasausau ni ra rogoca na “veitabaki ni liga” se “veitabaki ni liga” ni ko wilika e dua se sivia na tikina oqo: Vunau kei na veiyalayalati na 52:10; 53: 3; 55:1.

• Tukuna vei ira na gone me baleta nomu a ciqoma na isolisoli ni Yalo Tabu ena veitabaki ni liga ni ko sa papitaiso oti. Vukei ira na gone me ra vakanamata ena nodra na ciqoma na isolisoli oqo. Veivosakitaka vata kei ira na veisala e rawa ni da sureta kina na Yalo ki na noda bula.

• Lagata “The Holy Ghost” (iVolanisere ni Gonelalai,105) se e dua na sere e tautauvata. Dusia na veivosa kei na malanivosa e vakavulica me baleta na isolisoli ni Yalo Tabu.

  

  Na ivakaraitaki ni dua na gonetagane ka vakadeitaki mai vei Dan Burr

Vunau kei na Veiyalayalati 54:4–6

E dodonu meu dau maroroya tikoga na noqu yalayala.

Sa veiyalayalati ko Limeni Kopeli me solia vei ira na Yalododonu mai Kolosivili, Niu Ioka, me ra mai tawana na nona vanua mai Oaio. Ia ni ra sa yaco yani, sa voroka ko koya na nona veiyalayalati ka vakarota me ra lako tani.

iTaviqaravi e Rawa ni Caka

• Wasea vata kei ira na gone na veika a yaco vei ira na Yalododonu era a mai vakaitikotiko ena vanua nei Limeni Kopeli (raica na ulutaga ni iwase ni Vunau kei na Veiyalayalati 54; raica talega na “Wase 21: E Dua na iVakatakila me ra Tawani Misuri,” iTalanoa ni Vunau kei na Veiyalayalati, 81–83). Vukei ira mera vakasamataka na veika era na nanuma na Yalododonu ni sa voroka ko Limeni na nona yalayala.

• Kotiva veimama e dua na uto pepa, ka solia yadua na veimama vei rau e rua na gone. Kerei rau me rau taura cake vata nodrau veimama me rawa ni dua na uto taucoko. Me ra veivukevuke ni taura cake e dua na tiki ni uto na gone. Vukei ira na gone me ra veidutaitaka oqo ki na vosa ni yalayala se na veiyalayalati eda cakava vata kei na Kalou. Na Kalou ena dau dinata na Nona yasa ni veiyalayalati kevaka eda dinata na noda.

• Vakananuma vei ira na gone ni ra sa papitaiso, era sa veiyalayalati se yalataka, me ra talairawarawa ki na ivakaro ni Kalou. Wilika vei ira na Vunau kei na Veiyalayalati 54:6 e dau vakalougatataki ira na tamata era dau rokova nodra veiyalayalati na Turaga.

Vakavulica na iVunau: Gone Qase Cake

Vunau kei na Veiyalayalati 51:19; 55

Au rawa ni vakayagataka na veivakalougatataki sa solia vei au na Kalou meu vakalougatataki ira kina na tani.

Sa nuitaki keda yadua na Turaga ena isolisoli kei na veivakalougatataki e rawa ni da vakayagataka me da tara na Nona matanitu.

iTaviqaravi e Rawa ni Caka

• Vunia na vosa “yalodina,” “dodonu” kei na “dauveiqaravi vakavuku” ena loma ni rumu. Sureti ira na gone me ra kunea na vosa ena loma ni rumu ka qai vaqarai ira ena Vunau kei na Veiyalayalati 51:19. Wilika vata na tikina, ka tukuna na kena ibalebale mo dua na dauveiqaravi. Kevaka e ganita, wilika vata na imatai ni parakaravu ni “Dauveiqaravi, Veiqaravi” ena iDusidusi ki na iVolanikalou (scriptures.ChurchofJesusChrist.org).

• Tukuna vei ira na gone me baleti Viliame W. Felepi, e dua na dautaba niusipepa ni bera ni rogoca na kosipeli ka toki ki Katiladi. Kerei ira na gone me ra wilika na Vunau kei na Veiyalayalati 55:1–4 ka vola na veika e vinakata na Kalou me cakava o Viliame. O cei vei ira na veika oqo e rawa ni yaga vei keda kece, kei na veika e baleti Viliame ga ena vuku ni nona taledi? Kerei ira na gone me ra raica na taledi era raica vei ira vakataki ira, ka veivosakitaka na sala e rawa ni ra vakayagataka kina na veitaledi oqori me ra qarava na Kalou kei ira na Luvena.

Vunau kei na Veiyalayalati 52:14–19

E tiko vua na Kalou e dua na ivakarau me vukei au meu kakua ni rawai.

Ena veitikina oqo, a solia na Turaga e dua na ivakarau oqo “me [da] kakua kina ni vakacalai” (Vunau kei na Veiyalayalati 52:14) mai vei ira na ivakavuvuli kei na itukutuku vakailasu.

iTaviqaravi e Rawa ni Caka

• Vakaraitaka vei ira na gone e dua na ivakaraitaki ni dua na ivakarau (me vaka e dua na ivakarau ni cula isulu se icakacaka ni dua tale na ka), ka veivosakitaka na vuna e veivuke kina vakalevu na ivakarau. Me vukei ira na gone me ra vulica e dua na ivakarau mai vua na Turaga, vola ena vava ni volavola na malanivosa me vaka na O Koya sa, sai koya ga, O Koya sa ena, kei O Koya sa e sega ni. Sureti ira na gone me ra wilika na Vunau kei na Veiyalayalati 52:15–18 ka vakalewena na vanua lala. Cava na vuna e veivuke sara kina vakalevu vei keda na ivakarau oqo? (raica na tikina 14, 19).

• Droinitaka e dua na ka rawarawa, ka sureti ira na gone me ra muria na nomu ivakarau me ra cakava na droini vata ga. Vakadikeva mada vata kei ira na nona ivakarau na Turaga e volai tu ena Vunau kei na Veiyalayalati 52:14–19.

Vunau kei na Veiyalayalati 54

E dodonu meu dau rokova tikoga na noqu veiyalayalati.

E dina ga ni ka ni tamata yadua na noda veiyalayalati, noda yalodina ena noda talairawarawa kina e rawa ni vakaimawe ena nodra bula na tani. Na nona italanoa ko Leimani Kopeli kei ira na Yalododonu mai Kolosivili, Niu Ioka, e vakaraitaka na dina oqo.

iTaviqaravi e Rawa ni Caka

• Wasea vata kei ira na gone na veika a yaco ena gauna era sa tikora kina na vanua nei Limeni Kopeli na Yalododonu mai Kolosivili, Niu Ioka, (raica na ulutaga ni iwase ni Vunau kei na Veiyalayalati 54; raica talega na “Wase 21: Dua na iVakatakila me Tikori ko Misuri,” iTalanoa ni Vunau kei na Na Veiyalayalati, 81–82). Ena vakaivei beka kevaka o iko e dua vei ira na Yalododonu oya ko qai kila ni a voroka o Limeni na nona veiyalayalati me wasea na nona vanua? Na cava eda vulica ena italanoa oqo baleta noda rokova noda veiyalayalati? Wilika vata na Vunau kei na Veiyalayalati 54:6 me ra vulica e dua na veivakalougatataki a solia na Turaga vei ira era maroroya na nodra veiyalayalati.

• Vakananuma vei ira na gone na veiyalayalati era a cakava ni ra papitaiso (raica na Mosaia 18:8–10). Vukei ira mera vakasamataka eso na sala era sa muria tiko kina na veiyalayalati oqo, ka vukei ira mera raica na iwalewale ena vakarautaki ira kina oqo mera na qai cakava eso tale na veiyalayalati ena veisiga ni mataka.

Vakauqeta na Vuli e Vale

Kevaka e kena irairai ni ra marautaka na gone e dua na itaviqaravi nikua, vakatura me ra cakava tale na itaviqaravi oya kei na nodra matavuvale mai vale.

Vakatorocaketaki Noda Veivakavulici

Bulataka na ka o vakavulica. Ena mana cake nomu ivakavuvuli kevaka e rawa ni o vakadinadinataka mai na veika o sa sotava na veivakalougatataki ni kena bulataki na kosipeli. Ena nomu digitaka na ivakavuvuli me na vakavulici vei ira na gone, vakananuma na sala e rawa mo bulataka vakavinaka cake kina na ivakavuvuli oqori. (Raica talega na Veivakavulici ena iVakarau ni iVakabula, 13–14.)