“Wase 21: Lako ki Missouri na Parofita: Me–Jiune 1831,” iTukuni mai na Vunau kei na Veiyalayalati (2002), 81–83
“Wase 21,” iTukuni mai na Vunau kei na Veiyalayalati, 81–83
Wase 21
Lako ki Missouri na Parofita
(Me–Jiune 1831)
Sa vuqa na Yalo dodonu era tiko ga e New York. E rau tiko mai Kirtland e Ohio o Josefa Simici kei Sidney Rigdon. Sa vakaroti ira na Yalo dodonu e New York o Josefa Simici me ra toki mai ki Ohio. Era sa muria na lewa ni Parofita. Me ra cavutu ki Ohio.
Sa vakaroti Josefa o Jisu me ra vota na nodra qele o ira na Yalo dodonu e Kirtland vei ira na Yalo dodonu mai New York. E vaqele levu toka o Leman Copley. Sa qai yalataka me wasea. Era sa toki taucoko kina o ira na Yalo dodonu mai New York.
E sega ni maroroya na nona iyalayala o Leman Copley. Sa bureitaka na nona qele vei ira na Yalo dodonu mai New York. Me ra sa na toki tani. E sega na vanua me ra tawana.
E nodra iliuliu o Newell Knight. E sega ni macala vua na ka me cakava. Sa qai laki raici Josefa na Parofita. E vaqaqa o Josefa se cava me ra cakava na Yalo dodonu.
Sa qai tukuna na Turaga vei Josefa me ra na lako ki Missouri o ira na Yalo dodonu mai New York.
Ni se bera ni ra lako, era qai donuya e dua na lotuvata mai Kirtland. E tolu na siga e vakayacori kina na lotu vata. Me solia kina na Turaga vei Josefa Simici eso na ivakatakila bibi.
Sa vakaroti Josefa na Turaga me lesi ira na bete levu taumada ni Lotu. O ira na bete levu oqo era lewe ni Matabete i Melikiseteki. Era veiliutaki tiko ena Lotu. E levu vei ira na iliuliu ni Lotu era qai tabaki me ra bete levu.
Sa qai vakarota na Turaga me so vei ira na turaga me ra kaulotu ki Missouri. Ka vunautaka tiko na kosipeli vei ira era donuya ena nodra ilakolako. Ni oti ga na lotuvata, sa cavutu sara na ilakolako ni kaulotu ki Missouri.
Sa lewa na Turaga me vakayacori na lotuvata ka tarava mai na yasana o Jackson County e Missouri. E vakaroti Josefa kei ira na nona ilawalawa me ra lako ki kea. Sa na tara e yasana o Jackson County na koro ko Saioni. Ena vakaraitaka vei ira o Jisu na vanua me tara kina na koro ko Saioni.