Wase 58

Biuti Nauvoo na iMatai ni Lakolako ni Yalo Dodonu

(Sepiteba 1845–Feperueri 1846)

Era nanuma na dauvakacaca ni sa tarovi na Lotu mai na mate nei Josefa Simici. Ka ra sega ni vakasamataka ni na digia tale na Turaga e dua na iliuliu vou. Sa nodra gagadre dina na dauvakacaca me ra vakarusa na Lotu. Sa veikauyaka na niusiveva na veika lasu me baleti ira na Yalo dodonu. Era kaya ni ra daulaba ka daubutako o ira na Yalo dodonu.

Na Kovana ni yasana oqo e sega sara ni via vukei ira na Yalo dodonu. E kaya ni ra sevaki mai vei ira na dauvakacaca. Ka vakaroti ira na Yalo dodonu me ra lako kina yasayasa vakaRa. Sa yalataka o Brigham Young ni ra na lako kina o ira na Yalo dodonu. Era sa gadreva ga eso na gauna me ra vakavakarau vinaka kina. Ka gadreva talega na ilavo me voli kina na kedra kakana kei na nodra isulu. Me caka talega na nodra qiqi ka voli na bulumakau. Me ra volitaka na nodra vale.

Era sega ni vinakata na dauvakacaca me ra vakavakarau o ira na Yalo dodonu. Era nakita me ra kakua ni volia na nodra vale na Yalo dodonu. Era sa qai cemuri mai na nodra veivale eso na Yalo dodonu. Ka butakoca na nodra iyaya. Ka qai vakama na nodra vale.

Era sa goleva vagumatua na Yalo dodonu na nodra biuti Nauvoo. Ka ra ta kau me caka kina na nodra qiqi. Era voli manumanu. Sa vakumuni talega na kakana. Era sa gadreva na Yalo dodonu me ra vakaotia na tara ni vale tabu ni bera ni ra toki.

Era soli ilavo na Yalo dodonu me baleta na tara ni vale tabu. Ka veivuke ena kena tara. Sa oti vinaka eso na rumu. Ka vakatabui sara tiko na rumu yadudua era sa tara oti. Sa taurivaki e dua na rumu me ra papitaisotaki kina na mate. Sa qai vakayacori ena vale tabu na nodra lotuvata na lewe ni Lotu taucoko.

Sa qai yaco mai na vulaililiwa. Ka sa batabata sara na vanua. Era sa vakusakusataki o ira na Yalo dodonu me ra biuta na nodra veivale. Era sa vakavodoka na nodra iyaya taucoko kina qiqi. Ka vakavodoka yani ena boto raraba. Me ra kosova yani na uciwai na Mississippi.

Sa rui levu na batabata ka cevata vakadua na uciwai. Era sa vakaqiqica yani na nodratou qiqi o Brigham Young kei ira na Yalo dodonu me ratou takosova na uciwai cevata.

Me ra laid vakacegu na Yalo dodonu ena bati ni uciwai. Sa lailai na nodra isulu eso vei ira. E tarai ira sara na batabata. Ka so e lailai na kedra kakana. Era sa veivotai o ira na Yalo dodonu ena kakana kei na isulu. Me ra vakacegu tiko ena yasa ni uciwai ko ya me vica na siga. Ka ra qai toso kina dua tale na vanua me ra laki keba tale kina. Sa digitaki ira eso na iliuliu o Brigham Young. O ira na iliuliu oqo me ra veivuke vei ira me vakavakarau kina ilakolako kina veiulunivanu ki na muaira.