“Wase 7: Vakaraitaki na Peleti Koula vei Iratou na iVakadinadina: 1829–1830,” iTukuni mai na Vunau kei na Veiyalayalati (2002), 31–33
“Wase 7,” iTukuni mai na Vunau kei na Veiyalayalati, 31–33
Wase 7
Vakaraitaki na Peleti Koula vei Iratou na iVakadinadina
(1829–1830)
O Josefa Simici taudua ga e sa raica na peleti koula. Sa digitaka tale ko Jisu me lewe tolu na tamata me ratou raica na peleti koula. Eratou vakatokai ko iratou me ratou ivakadinadina. Oqo o Martin Harris, Oliver Cowdery, kei David Whitmer.
V&V 17:1
E kauti iratou na ivakadinadina o Josefa kina veikau. Me ratou masumasu. Sa rairai mai na agilosi ka vakaraitaka vei iratou na peleti koula. Sa vakaraitaka na matanivola ka volai tu. Sa qai vakarota o Jisu vei iratou na ivakadinadina me ratou vola na veika eratou raica.
Sa vuabale ena marau ko Josefa. Eratou na veitukuniyaka na ivakadinadina lewetolu ni ka dina na peleti koula. Era sa na qai kila eke na tamata ni a dina ga na ka e tukuna o Josefa me baleta na peleti.
Sa vakaroti Josefa o Jisu me vakaraitaka tale na peleti vei iratou e lewe walu me ratou ivakadinadina. Eratou vakayagoya sara na peleti o iratou na lewe walu. Era raica talega na we ni volavola e tiko kina.
E ra vakamacalataka taucoko na peleti koula o iratou na ivakadinadina. Eratou tukuna ni ratou raica na peleti koula. Na vosa eratou tukuna na ivakadinadina e volai tu ena i Vola i Momani.
Sa vakadewataka oti o Josefa Simici na peleti. Eratou sa raica talega na ivakadinadina. E sa oti na kena vakayagataki na peleti koula. Sa rairai tale mai na Agilosi o Moronai vei Josefa. Sa solia lesu o Josefa na peleti koula vei Moronai.
Sa qai vakarau me tabaki na iVola i Momani. E kauta o Josefa vua e dua na dautabaivola. Se sega tu vei Josefa na ilavo me sauma vua na dautabaivola. E tiko vakalevu vei Martin Harris na ilavo. Sa vakarota ko Jisu me wasea o Martin Harris na nona ilavo me saumi kina na dautabaivola.
E sega ni vinakata o Setani me tabaki na iVola i Momani. Me kua kina ni ra wilika ko ira na tamata. Era saga vakaukauwa sara na tamata ca me tarovi na dautabaivola.
E sega ni dau cakacaka ena Siga Tabu o koya na dautabaivola. E dua vei ira na tamata ca oqo e dau lako kina vale ni tabaivola ena so na Siga Tabu. Sa qai butakoca eso na drauniveva ni iVola i Momani. Me qai tabaka ena niusiveva. Ko ira na tamata dodonu eso era qai tarovi koya mai na nona butakoca tiko na drauniveva eso.
E gadreva ko Jisu me ra wilika na tamata na iVola i Momani. Era na sega ni tarova rawa na cakacaka i Jisu ko ira na tamata ca. Ko ira na tamata ca era sega ni tarovi koya rawa na dautabaivola. Sa qai tabaki rawa e muri na iVola i Momani. Sa rawa vei ira e lewe vuqa ena gauna oqo me ra wilika. Era sa na rogoca, ka kila na kosipeli i Jisu Karisito.