“Wase 9: Na Lotu Dina i Jisu Karisito: 6 Epereli 1830,” iTukuni mai na Vunau kei na Veiyalayalati (2002), 40–42
“Wase 9,” iTukuni mai na Vunau kei na Veiyalayalati, 40–42
Wase 9
Na Lotu Dina i Jisu Karisito
(6 Epereli 1830)
E a vakaitikotiko ko Josefa Simici ena koro ko Fayette. Ko Fayetter e dua na tikina mai na yasana ko New York. Sa kaya vei Josefa ko Jisu Karisito ni sa kena gauna oqo me tiko tale kina e vuravura na lotu dina. Sa kaya vei Josefa ko Jisu me tauyavutaka na Lotu.
Sa vakayacora ko Josefa Simici. Ena i ka 6 ni Epereli 1830, e a liutaka e dua na soqoni. Eratou lewe lima tale na turaga eratou vukei koya ena kena tauyavutaki na Lotu. Oqo ko Oliver Cowdery, Hyrum Smith, Samuel Smith, David Whitmer, kei Peter Whitmer. Eratou sa papitaisotaki oti. Era tiko ena soqoni oqo eso tale me ra mai raica na soqoni.
Eratou masu vua na Tamada Vakalomalagi ko iratou oqo. Sa veitabaki ko Josefa vei Oliver me dua na italatala qase ena Lotu. Ka sa qai tabaki Josefa vakakina ko Oliver.
Sa qai rau cabora na sakaramede ko Josefa kei Oliver. E rau veisoliyaka sara vei ira.
Rau sa tabaki iratou yadudua talega o Josefa kei Oliver. Ka vakadeitaka na nodratou sa lewe ni Lotu i Jisu Karisito. Sa qai vakadeitaki e muri vei iratou na isolisoli ni Yalo Tabu. Eratou sa vakavinavinaka sara vua na Kalou.
Era tiko eso tale ena soqoni oqo. Sa rau o Josefa kei Oliver veitabaki vei ira eso na turaga oqo kina matabete. Era sa lewe ni matabete. E vuabale na nodra marau ko ira era sa tabaki oqo. Era sa tusanaka na nodra lomana na Kalou. Ka tukuna talega na nona dau vakalougatataki ira na Kalou.
Sa qai soli vei Josefa Simici ena soqoni e dua na ivakatakila nei Jisu. Sa vakaraitaka o Jisu ni parofita o Josefa Simici. Ni vosa e dua na parofita, e vosa tiko ena vuku i Jisu. Me ra dau rogoci koya ko ira na lewe ni Lotu. Ka muria na nona vosa.
Sa vuqa sara era papitaisotaki ni sa oti na soqoni oqo. E rau papitaisotaki talega na itubutubu nei Josefa Simici. Sa dua na siga talei na i ka 6 ni Epereli ena yabaki 1830. Sa tiko tale e vuravura na Lotu dina i Jisu Karisito.