“Wase 28: Lako Tale ki Missouri o Josefa na Parofita: Maji–Me 1832,” iTukuni mai na Vunau kei na Veiyalayalati (2002), 108–12
“Wase 28,” iTukuni mai na Vunau kei na Veiyalayalati, 108–12
Wase 28
Lako Tale ki Missouri o Josefa na Parofita
(Maji–Me 1832)
Sa solia o Jisu vei Josefa Simici e dua na ivakatakila. E kaya kina ni o ira na Yalo dodonu era vaka na luvena lalai. Ni ra se vuli tikoga. Ka vakarota kina me ra dau yalo marau. Ka dau vakavinavinaka tikoga. Ena nodra iliuliu tiko ga o koya.
E vinakata o Jisu me ra veirairaici o ira na Yalo dodonu. Ka gadreva me ra dau vukei ira na vakaloloma. E vinakati ira na Yalo dodonu ko Jisu me ra dau veivukei.
Ni tauri oti ga na ivakatakila Sa biuta sara o Josefa me lako tale ki Missouri. E vakatokai o Missouri me vanua kei Saioni. Era sa tomani koya o ira na wekana. Ka ra marautaka sara na Yalo dodonu e Saioni na nona basika yani o Josefa.
E kerei ira na Yalo dodonu o Josefa me ra soqoni vata mada. Sa vakaraitaka vei ira na veika me baleta na ivakatakila. Era sa vakadinata na Yalo dodonu ni sa Parofita ni Kalou o Josefa.
Ena soqoni koya, e solia kina na Turaga e dua tale na ivakatakila vei Josefa me baleti ira na Yalo dodonu. Sa marautaka o Jisu na nodra sa veivosoti o ira na Yalo dodonu. Sa qai kaya kina ko Jisu, “Ko i au na Turaga, au na vosoti kemudou talega.”
Sa solia ko Jisu e dua na ivunau vou vei ira na Yalo dodonu. E kaya ni sa solia vei ira na vanua ko Saioni. Me ra vakaivotavota taucoko ena qele. Ka me soli yadua vei ira na ka era gadreva. Ena veivuke oqo kina Lotu i Jisu Karisito.
Sa qai sikovi ira na Yalo dodonu ena veikoro o Josefa ni sa tini na soqoni. Era sa marau o ira na Yalo dodonu ni ra raici koya. Sa dua dina na gauna taleitaki vei Josefa. Sa dau lomani ira na Yalo dodonu.
Sa qai solia o Jisu vei Josefa e dua na ivakatakila me baleti ira na marama kei ira na lalai. E kaya vei ira na tagane vakawati me ra dau maroroi ira na watidra. Sa kilikili me ra dau maroroi ira na luvedra ko ira na itubutubu.
Ena gadrevi vei ira na Yalo dodonu me ra dau taqomaki ira na yada. Me ra taqomaki ira na luveniyali ko ira na Yalo dodonu.
E kaya o Jisu me ra dau vakalewena na lololo ni lotu ko ira na Yalo dodonu. Me dau veisoliyaka na kakana mai na lololo ko bisopi kivei ira na viakana.
E rau tekivuna na nodrau ilakolako lesu ki Kirtland o Josefa Simici kei Bisopi Whitney. Ka vodoka yani e dua na qiqi.
Dua na siga ni rau lako tiko, e rau qai vakarerei na ose. Rau qai gutuwa.
Qai rika mai na qiqi o Josefa. Ka sega ni mavoa. Lade talega mai na qiqi o Bisopi Whitney. E qai ramusu na yavana.
E rau laki vakacegu ena dua na icili o Josefa Simici kei Bisopi Whitney. Me qai cegu tiko e kea o bisopi Whitney me va na macawa. E tokani koya tiko o Josefa me yacova sara ni sa vinaka tale na yavana.
E qai nakicataki e na icili koya na ena waigaga kena kakana o Josefa Simici. Ka tauvimate sara kina vakabibi.
Sa qai kerei Bisopi Whitney o Josefa me masulaki koya. E qai taurivaka o Bisopi Whitney na kaukauwa vakabete me vukei Josefa kina. Ka qai bula rawa kina o Josefa.
Sa vakavinavinaka vua na Kalou o Josefa ena nona vakabulai koya. Sa qai rawa kina me rau tosoya tale o Josefa Simici kei Bisopi Whitney na nodrau ilakolako. Ka me rau dui suka tale kina nodrau vuvale.