“Wase 59: Sa Tara oti na Vale Tabu e Nauvoo: Okotova 1845–Sepiteba 1846,” iTukuni mai na Vunau kei na Veiyalayalati (2002), 212-14
“Wase 59,” iTukuni mai na Vunau kei na Veiyalayalati, 212-14
Wase 59
Sa Tara oti na Vale Tabu e Nauvoo
(Okotova 1845–Sepiteba 1846)
Era sega ni biuti Nauvoo eso na Yalo dodonu. Sa vakarota na Turaga vei ira na Yalo dodonu me ra tara na vale tabu e Nauvoo. E nodra gagadre me ra muria na nona vosa. Era sa cakacaka vagumatua o ira era tiko laivi mai e Nauvoo me ra tara vakaoti na vale tabu.
E so vei ira na Yalo dodonu era tauvimate tiko. Ka vuqa era dravudravua. Era sa kila ni ra na biuti Nauvoo ga ena dua na gauna voleka. Ni ra gadreva ga me tara vakaoti na vale tabu.
Sa qai tara vakaoti na vale tabu. Era sa qarava na cakacaka ni vale tabu o ira na Yalo dodonu ena bogi kei na siga. Me ra rawata kina na nodra enidaumeni. Sa ka marautaki vei ira na nodra vale tabu.
Sa qai yaco mai na gauna ni nodra biuti Nauvoo o ira na ivovo ni Yalo dodonu. Era sa vakavodoka na nodra iyaya kina qiqi. Ka kosova yani na uciwai na Mississippi.
Era rai kosova yani na uciwai kei na koro o Nauvoo. Ka raica na vale tabu ena delana. Sa rarawa sara na lomadra ena nodra sa biuti Nauvoo. Era marautaka ga ni ra sa vakaotia na vale tabu ni Turaga.
Era tiko volekata ga na uciwai me vica na siga. Sa lailai sara vei ira na kakana. Sa qai dodoliga mai vei ira na Kalou. Me talai ira mai na manumanu vuka ka vakatokai me teri. Era sa kania na teri o ira na Yalo dodonu.
Sa qai talai ira eso ko Brigham Young me ra laki veivuke mai vei ira na Yalo dodonu. Me ra kau yani kina vanua era tiko kina o ira na Yalo dodonu ka ra liu mai.